اِنجیل مَتّی 1
1
عیسایِ مسیح شجره نومچَه.
1عیسایِ مسیح شجره نومچَه
که داوود پاُتشا و اِبراهیم پیغمبری نَسلی کا بَه، اِمَه.
2اِبراهیم اِسحاقی دَده،
و اِسحاق یعقوبی دَده بَه،
و یعقوب، یهودا و چَیی بِرا اون دَده بَه.
3یهودا، فِرِص و زِارحی دَده اِستبَه و چَوون نَنه نوم تامار بَه.
فِرِص، حِصرونی دَده
و حِصرون، رامی دَده بَه.
4رام، عَمّینادابی دَده بَه،
و عَمّیناداب، نَحشونی دَده،
و نَحشون، سَلمونی دَده بَه.
5سَلمون، بوعَزی دَده اِستبَه، بوعَزی نَنه نوم راحاب بَه.
بوعَز عوبیدی دَده بَه و عوبیدی نَنه نوم روت بَه.
عوبید یَسا دَده بَه،
6و یَسا، داوود پاُتشا دَده بَه.
داوود، سلیمانی دَده بَه. سلیمانی نَنه پیش اَز اِم که داوودی نَه عروسی بِکَرِه اوریا ژِن بَه.
7سلیمان، رِحُبعامی دَده بَه،
و رِحُبعام اَبیّا دَده،
و اَبیّا، آسا دَده اِستبَه.
8آسا، یَهوشافاطی دَده بَه،
و یَهوشافاط، یورامی دَده،
و یورام، عُزیا دَده اِستبَه.
9عُزیا، یوتامی دَده بَه،
و یوتام، آحازی دَده،
و آحاز حِزِقیا دَده اِستبَه.
10حِزِقیا، مَنَسی دَده بَه،
و مَنَسی، آمونی دَده،
و آمون، یوشیا دَده اِستبَه.
11یوشیا، یِکُنیا و چَیی بِرا اون دَده بَه.
اِم زمانی کا یهودییِن تبعید بینَه بابلی سرزمینی را.
12یهودیون تبعید بییَه پَش بابِلی را:
یِكُنیا، شِئَلتیئیلی دَده بَه،
و شِئَلتیئیل، زِروبابِلی دَده اِستبَه.
13زِروبابِل، اَبیهودی دَده،
و اَبیهود، اِلیاقیمی دَده بَه،
و اِلیاقیم، عازوری دَده بَه.
14عازور، صادوقی دَده بَه،
و صادوق، اَخیمی دَده،
و اَخیم، اِلیودی دَده اِستبَه.
15اِلیود، اِلعازاری دَده بَه،
اِلعازار، مَتّانی دَده،
و مَتّان، یعقوبی دَده اِستبَه.
16یعقوب، یوسفی دَده بَه و یوسف مریمی شو بَه.
هَ مریمی که، عیسایی که اَیی نَه مسیح بَواتین دنیا وَردِشَه.
17اِنتَه، اِبراهیم پیغمبری زمانی کا تا داوود پاُتشا زمان چاردَه نَسل، و داوودی زمانی کا تا زمانی که یهودییِن تبعید بینَه بابِلی را، چاردَه نَسل، و تبعیدی زمانی نَه بابِلی را تا مسیح زمان، چاردَه نَسل بینَه.
عیسی مسیح دنیا اومِه
18عیسی مسیح دنیا اومِه اِنتَه بَه: مریم، عیسی نَنه، یوسفی پِیوندی بَه. امّا پیش اَز اِم که یَندی نَه عروسی بِکَرِن، معلوم بَه که مریم روح القدسی کا حامیله یَه. 19چوم که یوسف، مریمی شو، عادلَ مِردی بَه و نِپیستِشَه مریمی رِسوا بِکَرِه، تصمیم گِتِشَه که بی سَر صِدا، مریمی کا جِدا آبو. 20امّا یوسف حَلا اِم فیكری کا بَه كه خِداوندی ایلَه مَلائیکه خاوی کا بَیی آشکار آبَه و واتِشه: «یوسف، اِی تِه که داوود پاُتشا نَسلی کاایش، مَتَرس که مریمی بِه ژِنی بِگِری، چوم اَ خِردَنی که چَیی اِشکَمی کایَه، روح القدسی کا اِستَه. 21مریم ایلَه زوعَه ایی دنیا بواَردی و تِه چَیی نومی عیسی پِنَی، چوم اَ اِشتَن قومی چَوون گناه اون کا نجات بَدای.»
22گِرد اِمن اِتِفاق دَلَکینَه تا اَ چیی که خِداوند، اِشعَیای پیغمبری زَوونی نَه واتَش بَه، اِتِفاق دَلَکِه که:
23«دَیِس، ایلَه باکِره کِلَه ایی حامیله بَبی، زوعَه ایی دنیا بواَردی،
و چَیی نومی عِمانوئیل پِنَن،»
عِمانوئیل، یعنی ’خِدا اَمَه نَه‘ اِستَه.
24وختی یوسف خاوی کا پِرِشتَه، اَ چیی که خِداوندی مَلائیکه بَیی دستور دوعَش بَه، اَنجام دوشَه و مریمی بَردِشَه. 25امّا اَیی نَه هَم خاو نِبَه تا وختی که مریم اِشتَن زوعَه دنیا وَردِشَه؛ و یوسف اَ خِردَنی نومی عیسی پِنوشَه.
Currently Selected:
اِنجیل مَتّی 1: ITB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
