یوحنا 16

1«گرد اِم چییون شِمَه نَه واتِمَه تا شِمَه ایمانی از دَس مَدییَه. 2شِمَه عبادتگاه اون کا بَرکَرِن. حقیقتن موقعی آرَستِه که هَر کی شِمَه بِکِشه، خَیال بَکَردی که خِدا خدمت کَردَشه. 3اِم کارون بَکَردین، چوم نِه دَده آزونِن، نِه مِن. 4امّا اِم چییون شِمَه نَه واتِمَه تا وختی چَوون موقع آرَستِه، ویر بواَرَه که شِمَه نَه واتَم بَه. اِم چییون صِفته نَه شِمَه نَه نِواتِمَه، چوم اِشتَن شِمَه نَه مَند بیمَه.

5«امّا حِسَه بَشیم اَ کسی وَر که مِن ویسا آکَردَشَه، و شِمَه هیچ گِله نِدفَرسه، ”کییا بَشیش؟“ 6امّا چوم اِم چییون شِمَه نَه واتَمَه، شِمَه دیل غَمی نَه پور آبَه. 7با اِم حال، اَز شِمَه نَه حقیقتی بَواتیم که چِمِن شییِه بِه نفع شِمَه یَه. چوم اَگم مَشوم، اَ یاور نا شِمَه وَر؛ امّا اَگم بِشوم اَیی ویسا آکَرِم شِمَه وَر. 8وختی اَ یاور بومَی، دنیا مردمی گناه واسی و عِدالتی واسی و داوری واسی، محکوم بَکَردی. 9گناه واسی، چوم بَه مِن ایمان نِورِن. 10عِدالتی واسی، چوم بَشیم دَده وَر و دِ مِن نِوینَه. 11و داوری واسی، چوم اِم دنیا رئیس، مَحکوم بییَه.

12«حَلا وِر چییون هِستِمَه که شِمَه نَه بوآجِم، امّا حِسَه چَوون دَرَسِه تاوی نیرونَه. 13وختی حقیقتی روح بومَی، شِمَه گِردِ حقیقتی را رهبری بَکَردی؛ چوم اَ اِشتَن طَرفی نَه گَف نِژَنِه، بَلکَم اَ چیی که دَرَسِه بَواتی و اَ چیی کا که در پیش اِستَه شِمَه خَوَردار بَکَردی. 14اَ مِن جلال بَدای، چوم اَ چیی که چِمِن شِنَه ویگِرِه، و شِمَه را اِعلام بَکَردی. 15هَر چیی دَده هِستِشه، چِمِن شِنَه. اِمی واسی واتِمَه اَ چیی که چِمِن شِنَه ویگِرِه، شِمَه را اِعلام بَکَردی.

شِمَه غُرصه بِه شادی تبدیل بَبی

16«روکَتِه پَش، دِ مِن نِوینَه و روکَتِه پَش، هَنی مِن بَویندیرون.» 17اَ موقع بعضی چَیی شاگِردِن یَندی نَه واتِشونَه: «چَیی مَنظور چَه که اَمَه نَه بَواتی، ”روکَتِه پَش، دِ مِن نِوینَه، و روکَتِه پش، هَنی مِن بَویندیرون“؟ یا اِم که بَواتی ”چوم بَشیم دَده وَر“؟» 18بَس بَواتین: «چَیی مَنظور”روکَتِه پَشی“ کا چَه؟ اَمَه نِفهمَم چِه چی درباره گف ژَنِه.» 19عیسی بَزنی که پیستِشونَه اَیی کا سوال دَفَرسِن؛ بَس اَوون نَه واتِشه: «اِمی درباره یَندی نَه بَحث بَکَردیرون که چِمِن مَنظور چَه که بَواتیم، ”روکَتِه پَش، دِ مِن نِوینَه، و روکَتِه پَش، هَنی مِن بَویندیرون“؟ 20حقیقتن، شِمَه نَه بَواتیم، شِمَه زاری و ماتم بَکَردیرون، امّا دنیا شاد بَبی؛ شِمَه غمگین بَبیرون، امّا شِمَه غُرصه بِه شادی تبدیل بَبی. 21ایلَه ژِن زَندِه موقع داج بَکَشدی، چوم که چَیی وخت آرَستَه؛ امّا وختی چَیی خِردَن دنیا اومَه، دِ اِشتَن داجی ویر نِوَرِه، چوم شادَه که ایلَه اِنسانی بِه دنیا اومَه. 22هَتَه نی، شِمَه حِسَه ناراحتیرونَه؛ امّا هَنی شِمَه بَویندیم و شِمَه دیلِن شاد بَبین و هیچکس اَ شادی شِمَه کا نِویگِرِه. 23اَ روزی کا، دِ چیی مِن کا نِپیستِرونَه. حقیقتن، شِمَه نَه بَواتیم، هَر چِه چِمِن نومی نَه آسِمونی یَه دَده کا بِپیرون، اَ شِمَه بَدای. 24دا حِسَه چِمِن نومی نَه چیی پیستَرون نییَه؛ بِپییَه و شِمَه ویگِرَه، که شِمَه شادی کامل آبو.

25«اِم چییون مَثَّلون نَه شِمَه را واتِمَه. امّا وختی آرَستِه که دِ مَثَّلون نَه شِمَه نَه گَف نِژَنِم، بَلکَم آشکارا دَده درباره شِمَه را بَواتیم. 26اَ روزی کا، چِمِن نومی نَه بَپیستیرون و شِمَه نَه نِواجم که اَز شِمَه طَرفی نَه آسِمونی یَه دَده کا بَپیستیم. 27چوم که دَده اِشتَن شِمَه نَه خِشه، چوم شِمَه مِنَه خِش بیرون و باوَر کَردِرونَه که اَز خِدا وَری نَه اومَیمَه. 28اَز دَده وَری نَه اومَیمَه و اومَیمَه اِم دنیا دیلَه؛ و حِسَه اِم دنیا تَرک بَکَردیم و بَشیم دَده وَر.»

29شاگِردِن واتِشونَه: «ها، حِسَه آشکارا گَف ژَنی، نِه مَثَلون نَه. 30حِسَه دِ بَزنیمون که تِه گِردِ چییون بَزنیش و لازم نییَه کسی چیی بَه تِه کا دَفَرسه. اِمی واسی یَه که باوَر کَردِمونَه که تِه خِدا وَری نَه اومَیش.» 31عیسی اَوون نَه واتِشه: «حِسَه باوَر بَکَردیرون؟ 32دَیِسه، وختی آرَستِه، و واقعا حِسَه آرَستَه، که وِلا بَبیرون، هَر کسی بَشی اِشتَن کَ و مِن تَنخا نَیَه؛ امّا اَز تَنخا نیمَه، چوم دَده مِنَه یَه. 33اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

Currently Selected:

یوحنا 16: ITB

Highlight

Copy