YouVersion Logo
Search Icon

Luke 13

13
1အင်းမာချိန်ငါ တီတ်ဆာကြအာကော ကိုယ်တော်ယေရှုပါအာ လီကဲ့အယ် အမာပ်‌ခေါပ်ရယ် တုန်းဟန်ဆုံး အုပ်ချုပ်သောကားကာဟီမ် ပိလတ်ကော ဘုရားရှင်နယ် ပူဇော်လောကားဖူမ် အောမ်ငါးကာ ဂါလိလဲပြည်သား ကြအာလည် စစ်သားဖူမ် သာပ်ကဲ့အယ် ကက်ရှီးစီမ်းငါး အကြောင်းနယ် လျှောက်တင်နော်ဟီမာ့။ 2အင်းမာချိန်နယ် ကိုယ်တော်ကော “အင်းမာဟီမ်နာပ်ကော ဂါလိလဲပြည်သားပါအာမာ့ အခြား ဟီမ်နာပ်ကာ့ထက်သယ် ပိုလောကဲ့ ဒုစရိုက်အပြစ် နံတင်းကယ်မာ့ အင်းကာညယ် ကက်ရှီကား ခံနောထော်ကာ ငေါကဲ့အယ် နီမ်မသာပ်ချီးကားလေး။ 3အင်းမာညယ်ဟီပ်ယို။ နီမ်နယ် ငါငေါနာပ်။ နီမ်အားလုံးရီး အပြစ်ဒုစရိုက်ပါအာအယ် နောင်တသံဝေဂ အလူဝမ်နော် အင်းမာတိုင်းညယ် ပျက်စီးaလောဟီးထော်ပ်ကား။ 4တီတ်ဆာ တစ်ဆယ့်ရှစ်ယောက်ကော ရှိလောင်မျှော်စင်b ပြိုလောလက်ကားချိန်နယ် ဖိလောစာပ်ကား ခံနာန်ထော်ကယ်မာ့ ရှီးဟီးရာမ်မာ့။ အင်းမာဟီမ်နာပ်ကော အခြား ဂျေရုဆလင်မြို့ဝါးမာ့ တီတ်ဆာလာပ်ကာ ထက်သယ် ပိုလောကဲ့အယ် ဒုစရိုက်အပြစ်ဖူမ် နံတင်းငါး တီတ်ဆာဖူမ်ထာမာ့ ငေါကဲ့အယ် နီမ်မသာပ်ချီးကားလေး။ 5နီမ်မသပ်ကယ်ညယ် လုံးဝဟာမ်း ဟီပ်ယို။ နီမ်နယ် ငါငေါနာပ်။ နီမ်ငေါ အပြစ်ဒုစရိုက်ပါအာအယ် နောင်တအလူဝမ်နော် အင်းမာနည်းအတိုင်း ပျက်စီးလောဟီးထော်ပ်ကား” ငေါကဲ့အယ် မိန့်နောမာ့။ 6စီးရာပ်သော် ကိုယ်တော်ကော တပည့်လာပ်သယ် ပုံဥပမာကြအာနောက် မိန့်နောကားကော “တီတ်ဆာဟော်ဝါကော ဟီမ်ငါစပျစ်ခြံနာ ဆငြီမ်းတွန် တွန်နာပ် စေါက်ပေးမာ့။ ဆငြီမ်းရှီ ရှီကားအချိန်နယ် ဟီမ်ငေါ အင်းမာတွန်နာ ဆငြီမ်းရှီ သမ်မီရီး ယူပ်မူဝိုး။ 7အင်းသယ် ဟီမ်ငေါ ဥယျာဥ်မှူးလည် ကော်ကဲ့အယ် ‘ယူဝါမ်စာန်း။ ငါကော အင်းကာတွန်နာ ဆမ်ပီးထုတ်ကွန်းနယ် ဆငြီမ်းရှီလည် သမ်မီရီး ဟူပ်အာဟာမ်း ယူပ်မူဝိုး။ အင်းကာ တွန်ငေါ် ကာစုတ်အား အကျိုးအပေါ်ရယ် နေရာလာပေးကားသယ်မာ့ သက်တူစ်ဝါမ်နိတ်’ ငေါကဲ့အယ် သပေါက်မာ့။ 8အင်းညယ်ငေါဝမ်ရီ ဥယျာဥ်မှူးကော ‘သခင်၊ အင်းကာတွန်နယ် နောက်တယ်ကာပ်ဝါ ပီးနူမ်ဟာ ထပ်သောကဲ့အယ် ယူဟက်ထာမ်းဟော်ပ်တိတ်။ ငါ အင်းကာတွန် ပတ်ပတ်လည်ရာ ကာထူကဲ့အယ် သြော်စာမ်းစမ်းနောဟပ်ခူမ်း။ 9နောက်နှစ်ကော ရှီစ်ရှီကလန် ရှီရင်နာ့ပ်။ တကယ်လို့ ရှီစ်ရှီအရှီမာလည် သက်တူစ်ဝမ်နိတ်’ ငေါကဲ့အယ် သပေါက်ထာမ်းမာ့” ငေါကဲ့အယ် မိန့်နောမာ့။ 10အူန်းပူစ်မာန်းရာပ် ရာပ်အာလည် ဓမ္မာရုံကြအာပါအာ ကိုယ်တော်ကော ဟောပြောသွန်သင်နောကဲ့အယ် လင်းမာ့။ 11အင်းမာနေရား တစ်ဆယ့်ရှစ်နှစ် မာပ်အာမ်ကွန်းနယ် စိတ်ဆလား ဆာမ်ငါးခံနောထော်ကယ်အယ် အဇလာရယ် ခါးကုန်းနောကဲ့အယ် ခါးအမတ်သောရင်ညယ် လင်းငါးကာ့ ယာပ်ရှီဟော်ဝါ ငါမာ့။ 12ကိုယ်တော်ယေရှုကော အင်းမာ ယာပ်ရှီလည် ယူမ်မူဝမ်စန်းနော ဟီမ်နယ် ကော်ကဲ့အယ် “ယာပ်ရှီ၊ ရာ့အယ် စားလောကဲ့အယ် နာန်ငါရောဂါ မီမ်ဟာမ်းပါတ်” ငေါကဲ့အယ် မိန့်နောစီးရာပ်သော်၊ 13ကိုယ်တော်ကာ ထော်နောက် အင်းမာ ယာပ်ရှီလည် ထာဝမ်ငါးနောက် ချက်ချင်း အင်းမာယာပ်ရှီကာ့ ခါးမတ်နောဟာမ်းကယ်မာ့ စာပ်ကဲ့အယ် ဘုရားရှင်နယ် ချီးမွမ်းနောမာ့။ 14အင်းညယ်ငေါဝမ်ရီ ဓမ္မာရုံတာဝန်ခံ ဟော်လောဝါကော် အူန်းပူစ်မာန်းရာပ်သယ် ကိုယ်တော်ယေရှုကော အင်းမာ ယာပ်ရှီလည် ကုလောကဲ့အီကယ်မာ့ ရှေရှောတင်းကဲ့အယ် တီတ်ဆာလာပ်သယ် “တစ်ပတ်ပါအာ အလုပ်အောမ်တီမ် ခွင့်ခြောက်ရက်ငါမာ့ရယ် ပညတ်တော်ပါအာ ခွင့်အီပေးမာ့။ အင်းမာမာန်းရာပ်ဖူမ်နယ်ဟာ အနာရောဂါဖူမ် ကုလောတီမ် လီဟီးလိတ်။ အူန်းပူစ်မာန်းရာပ်သယ် လီဟီရာပ်” ငေါကဲ့အယ် ငေါမာ့။ 15အင်းမာချိန်နယ် ကိုယ်တော်ကော “တီတ်ဆာကလန် ဟန်ဆောင်နောကားဟီမ်နာပ်။ အူန်းပူစ်မာန်းရာပ်သယ် နီမ်ပါအာ ငါကားကာ မုတ်ဖူမ်၊ ဆပူစ်ဖူမ်နယ် တဲပါအာအယ် သာပ်ကဲ့အယ် ဝေးအီနောပ်တီမ် ကော်ဟီးရာမ်မာ့ယိုလေး။ 16အင်းညယ်ငေါက်သော် တစ်ဆယ့်ရှစ်နှစ်လုံးလုံး စိတ်ဆလား စိတ်ကား ခံနော်ထော်ကာကာ့ အာဗြဟံငါ့ ရှိတ်ထာကာ့ အင်းကာယာပ်ရှီလည် အူန်းပူစ်မာန်းရာပ်သယ် သာပ်ကဲ့အီသင့်နောမာ့ယိုလေး” ငေါကဲ့အယ် ပြန်နောကဲ့မိန့်နောမာ့။ 17ကိုယ်တော် အင်းမာညယ်မိန့်နာန်ကယ်မာ့ ကိုယ်တော်လည် ရန်မူလောကား ဟီမ်နာပ်သယ် မာန်းကတန်စီမ်ကယ်အယ် ကိုယ်တော်အောမ်ငါးကာ့ အန်းနောမီးကားဖူမ်နယ် ယူပ်မူကားတီတ်ဆာဖူမ်ငေါ ပျော်လောဟီးမာ့။ 18စီးရာပ်သော် ကိုယ်တော်‌ကော “ဘုရားရှင်ငါ သာသနာတော်ကော မဟာနောက် တူလောသယ်။ မဟာနောက် နှိုင်းနောကဲ့ ပြလော‌ထော်ပ်ကားသယ်ငေါက်သော် 19အင်းမာကော ကမူမ်းတူcနောက် တူလောမာ့။ တီတ်ဆာဟော်ဝါကော ‌ကမူမ်းတူလည် လာကဲ့အယ် ဟီမ်ငါဥယျာဥ်နာ စေါက်ပေးရာမ်မာ့။ အင်းမာ့ ကမူမ်းတူကော် တူရီကဲ့အယ် တွန်တုန်ရီစန်နော် ဟီမ်ငါ အကိုင်းဟာဖူမ်ပါအာ နူစ်နူဖူမ် ဆလက်စာကဲ့ လင်းဟီးရင်နာ့” ငေါကဲ့အယ် မိန့်နောမာ့။ 20စီးရာပ်သော် ကိုယ်တော်ကော “ဘုရားရှင်ငါ သာသနာတော်လည် မဟာနဲ့အယ် ထပ်သောကဲ့အယ် နှိုင်းပြလောထော်ပ်ကားသယ်ငေါက်သော် 21အင်းမာကော တဆေးနောက်ရီး တူလောမာ့။ ယာပ်ရှီဟော်ဝါကော တဆေးနည်းနည်းဟာ လာကဲ့အယ် ဂျုံမှုန့် သုံးပုံစာပါအာ စာမ်းကဲ့အယ် ရောလာမ်စန်နော် ဟမူမ်နယ် ပွားလောစီမ်းမာ့” ငေါကဲ့အယ် မိန့်နောမာ့။ 22အင်းမာနောက်သယ် ကိုယ်တော်ကော လာမ်ငါးလမ်းတစ်လျှောက်ပါအာ ငါကားကာ့ မြို့ဖူမ် ထိန်ဖူမ်ပါအာမာ့ တီတ်ဆာ ပရိသတ်ဖူမ်နယ် ဟောပြောသွန်သင်နောကဲ့အယ် ဂျေရုဆလင်မြို့ဝါ ကြွလာမ်မာ့။ 23အင်းမာချိန်နယ် ဟော်ဝါဟော်ဝါကော ကိုယ်တော်လည်
“ဆရာ၊ တီတ်ဆာနည်းနည်းဟာနိက် ကယ်တင်နောကား ခံနောထော်ပ် ကားလေး” ငေါကဲ့အယ် စီမ်ညူဝမ်မာ့။ 24ကိုယ်တော်ကော “ဘုရားရှင်ငါ သာသနာတော်ကော အီပ်ကား ကဖာန်ပေါက်နောက် တူလောမာ့။ နီမ်‌ငေါ အင်းမာ ကဖာန်ပေါက်သယ် ဆာမ်ရင်ကွန်းနယ် အစွမ်းကုန် ကြိုးစားလောဟီးလိတ်။ နီမ်နယ် ငါငေါပ်နာပ် တီတ်ဆာဖူမ်ငေါ အင်းမာနေရား ဆာမ်ရင်ကွန်းနယ် ကြိုးစားလောဟီးရီး အင်းမာ ကဖာန်ပေါက်အား ဆာမ်ဟီးရင်ဟပ်ကားယို။ 25ကျဥ်းရှိတ်ကော် ယုတ်ကဲ့အယ် ကဖာန်ပေါက် အောပ်ပီပ်သောဝါပ်သော် နီမ်ငေါ ပြာန်ငါ စာပ်ကဲ့အယ် ကဖာန်ခေါက်သောစာပ်ရယ် ‘သခင်၊ ကဖာန်အောက်ကဲ့အယ် ဆွမ်’ ငေါကဲ့အယ် ငေါထော်ပ်ကား။ အင်းညယ်ငေါဝမ်ရီ ကျဥ်းရှိတ်ကော် ‘နီမ်နယ် ငါအမီမ်းဟော်ကယ်ညယ် နီမ်ငေါ တပါအယ် လီမာ့ငေါကားလည်ရား ငါမီမ်းဟို’ ငေါကဲ့အယ် ပြန်နောကဲ့ ငေါ့ကာ။ 26‘အလေဆူလာပ်ကော အရှင်နောက်တူတူ ရောက်မောက် ချီးသမ်မာန်မာ့။ အရှင်ငေါ် အလေဆူလာပ်ကာ့ မြို့ဖူမ်၊ ထိန်ဖူမ်ပါအာမာ့ လမ်းဖူမ်ပါအာ အလေဆူလာပ်သယ် ဟောပြောသွန်သင်နောသမ်မာန်မာ့’ ငေါကဲ့အယ် နီမ်ငေါဟီးရီး 27ဟီမ်ငေါ ‘နီမ်နယ် ငါငေါနာပ်။ နီမ်နယ် ငါအမီမ်းဟော်ကယ်ညယ် နီမ်ငေါ တပါအယ် လီမာ့ငေါကားလည် ငါမီမ်းဟို။ တီတ်ဆာဆိုးလောဖူမ်၊ ငါပါအာအယ် ပူပေးဟီးရာမ်နိတ်’ ငေါကဲ့အယ် ငေါ့ကာ။ 28အင်းမာချိန်ငါ အာဗြဟံ၊ ဣဇက်၊ ယာကုပ်dနောက် ဘုရားရှင်ငါ ပရောဖက်သာပ်သယ် ယူပ်မူဟီးကဲ့အယ် နီမ်နယ် ပြာန်ငါ ငါပ်ပူကား ခံနောထော်ကာသယ်မာ့ နီမ်ငေါ ဆွားကန်းကြီစ်ကဲ့အယ် ဝမ်းနည်းလောတင်းကဲ့အယ် ဟပ်ချီးထော်ပ်ကား။ 29အရှေ့၊ အနောက်၊ တောင်၊ မြောက် အရပ်ရပ်ဖူမ်ပါအာမာ့ တီတ်ဆာဖူမ်ငေါ ဘုရားရှင်ငါ သာသနာတော်နား ငါကားတီတ်ဆာဖူမ်နောက် အတူတူ ထောင်းမောက်ကဲ့အယ် ရောက်မီးဟန်ဆုံးဖူမ်နယ် ရောပ်မောက်ချီးထော်ပ်ကား။ 30ရာ့ချိန်ငါ အရေးအပါလော်ဟန်ဆုံးတီတ်ဆာလာပ်ကော အရေးပါလောဟန်ဆုံးတီတ်ဆာဖူမ် ထာဟီရီကယ်အယ် ရာ့အချိန်ငါ အရေးပါလောဟန်ဆုံးတီတ်ဆာလာပ်ကော အရေးအပါလော်ဟန်ဆုံးတီတ်ဆာဖူမ် ထာဟီရီပ်ကား” ငေါကဲ့အယ် မိန့်နောမာ့။ 31အင်းမာချိန်ငါ ကိုယ်တော်ယေရှုပါအာ ကြအာကာ့ ဖာရိရှဲလာပ်ကော် ထုတ်အီကဲ့အယ် “အုပ်ချုပ်သောကားဟီမ် ဟေရုဒ်ကော နာန်နယ် ကတ်ရှီးကာပ်ကာသယ်မာ့ အင်းကာအရပ်လားအယ် စာပါအာ ပူပေးရာမ်နိတ်” ငေါကဲ့အယ် လျှောက်သောဟီးမာ့။ 32ကိုယ်တော်ကော ဟီမ်နာပ်သယ် “လာမ်ကဲ့အယ် အင်းမာ ကောက်ကျစ်သောကား ကြည်ဆောက်နောက် တူလောကား ဟေရုဒ်သယ် ငေါဟီးရာလိတ်။ ငါကော ယေမာပ်နောက် ဖာပ်အား စိတ်ဆလားလာပ်သယ် ငါပ်ပူကဲ့အယ် အဇလာကာ တီတ်ဆာလာပ်သယ် ဇလားဟာမ်းစီမ်းခူမ်း။ ဆွန်းရာပ် မြောက်သောကား မာန်းရာပ်သယ် ငါကာအမှုတာဝန်ငေါ စီးစီမ်းကာ။ 33အင်းညယ်ငေါဝမ်ရီ ပရောဖက်သာပ်ကော် ဂျေရုဆလင်မြို့ကာ့ပန်းနယ် အခြားအရပ်လာ ရှီးထော်မာ့ရယ် အပိုသယ်မာ့ ငါကော ယေမာပ်၊ ဖါတ်အား နောက် နောက်သယ်ကာ့မာန်းရာပ်အထိ ဆက်သောကဲ့အယ် လာမ်ထော်ပ်ခူမ်း။” 34“အို ဂျေရုဆလင်မြို့သားလာပ်၊ ဂျေရုဆလင်မြို့သားလာပ်၊နီမ်ငေါ ပရောဖက်ဖူမ်နယ် ကတ်ရှီးကဲ့အယ် ဘုရားရှင် သာပ်လီကား အခြားဟီမ်နာပ်သယ်ရီး သလောင်ဆီနောက် ကမာတ်ချီမာ့။ အူပါးနူဝါကော ဟီမ်ငါ အူဆဟာဖူမ်နယ် ဟီမ်ငါ လင်းကူးတောမ်နား ပေးကဲ့အယ် လေးအောမ်ပေးကယ်ညယ် ငါရီး နီမ်နယ် လေးအောမ်ကာပ်ကယ် အကြိမ်ကြိမ်ကြိုးစားလောရီး နီမ်ငေါ ငါလည် လက်ခံနော်ဟီယို။ 35နီမ်ငါ ဂျေရုဆလင်ဗိမာန်တော်ကော တီတ်ဆာအပေါ် ဆီမ်ရှင်းရှင်းညယ် ကောကဲ့အယ် ပေါက်ခါသာညယ် လင်းဟပ်ကာ။ နီမ်ငေါ ‘ဘုရားရှင်ငါ အခွင့်အာဏာနောက် ကြွလီကာအရှင်နယ် ချီးမွမ်းနောမာ့’ ငေါကဲ့အယ် အငေါနိက်ဆီ နီမ်ငေါ ငါလည် နောက်တစ်ကြိမ် ဟော့ပ်တောမူ စောမ်ဟပ်ကာယို” ငေါကဲ့အယ် မိန့်နောမာ့။

Currently Selected:

Luke 13: ktpv-rv

Highlight

Share

Copy

None

Want to have your highlights saved across all your devices? Sign up or sign in