Luke 18
18
1အယ်းနွေ့ာဂ်မောင် ကွိုယ်တော်ယေရှုခေါ့ ဆပယ့်တိုတွို့ကွို စော်အခေါ်မောင့် စိပျဂ်အောရို့ဆိုးခှန်းမဆိပယ်း အမှားမပျဂ် ယုန်ယုန်ကျည်ကျည်နောင့် ဆုတွောင်းဆန့်ကျွောင်း ပုန်ဥဖမော်တခုနောင့် ဟိုးကျောလေရယ်။ 2ကွိုယ်တော်ခေါ့ ဆူတွို့ကွို “တခေါ်ခေါ့ မွှို့တမွှို့မောင် ဖရောဆန်ကွိုလယ်းမကျွောဂ်၊ လူရယ်ကွိုလယ်း မလေးစောရယ့် တရောဆူကျွီးတယွောဂ်ဆိလေရယ်။ 3အယ်းမွှို့မောင်ဆိရယ့် မွိဆွိုးမော့တယွောဂ်ဟော် တရောဆူကျွီးနောင်း အကျိင်ကျိင်ဆိုးပွီး ဆူ့ကွိုလိင်ညော်လှည့်ဖျောနေဆူနောင့်ပဂ်ဆဂ်ပွီး တရောမျော့မျော့တော့တော့ စီယန်ပေးဖွို့တွောင်ပန်ခယ့်လေရယ်။ 4အခှိင်အတန်ကျော်ရယ့်အထိ တရောဆူကျွီးဟော် ဆူ့ယယ့်တွောင်းဆွိုချဂ်ကွို အရယ်းမထောပယ်းနေခယ့်လေရယ်။ ဟော်ပေမယ့် နွေ့ာဂ်ဆုန်းမောင် တရောဆူကျွီးခေါ့ ငေါ်ဟော် ဖရောဆန်ကွိုလယ်းမကျွောဂ်၊ စူကွိုမောင့်လယ်း မလေးစောရယ့်ဟော်မောင် အမင်ပယ်းဖှဂ်ရယ်။ 5ဟော်မွိဆွိုးမော့ဟော် ငေါ့ကွို အမှားမပျဂ် စိဒုက်ခေါ့ပေးရယ့်အတွကျွောင့် မွိဆွိုးမော့ကွိုတရောမျော့တော့အွောင် စီယန်ဖွို့အကူအညီပေးယော့မောင်ဖှဂ်ရယ်။ အယ်းလွိုမဟွိယန် ဆူဟော် ငေါ့နောင်းကွို အကျိင်ကျိင်လော်ပွီး တွောင်းဆွိုနေအုန်းမောင်ဖှဂ်ပွီး ငေါ့ကွိုစိဒုက်ခေါ့ပေးနေအုန်းမောင်ဖှဂ်ရယ်လွို့ တွယ်းနေခယ့်ရယ်” လွို့ တွယ်းနေခယ့်ရယ်။ 6အယ်းနွောဂ်မောင် ကွိုယ်တော်ယေရှုခေါ့ “ရွိုးဆောဖွှောင့်မတ်ခှန်းမဆိရယ့် အယ်းတရောဆူကျွီးယယ့် ဟိုးဆွိုခယ့်ရယ့် စကောတွို့ကွို စိင်းစောဆန်ချန်ကျေ့ကျော့ပေါ်။ 7ဟော်လွိုမျွိုး ရွိုးဆောဖွှောင့်မတ်ခှန်းမဆိရယ့် တရောဆူကျွီးတအွောင် ဆူ့ကွိုအကျိင်ကျိင်အခေါ်အခေါ် တွောင်းဆွိုနေရယ့်လူကွို တရောမျော့တော့မုဆိအွောင် လုတ်ဆွောင်ပေးခယ့်ယန် ဖရောဆန်ဟော် ဆူ့နောင်းကွို အဆဂ်မပှဂ် ဆုတွောင်းနေကျော့ရယ့်လူတွို့ကွို တရောမျော့တော့မုယော့ဆိဖွို့အတွ အခှိင်ဆွားနေလောဂ်မယ်လွို့ နန်တွို့ထန်နေကျော့သလော။ 8နန်တွို့ကွို ငေါ်ဟိုးခှန်တော်ခေါ့ ဖရောဆန်ဟော် ဆူ့ယယ့်လူမျွိုးအတွ မင်ကန်ရယ့်အမုကွို အခှိင်မဆွားပယ်း လုတ်ဆွောင်ပေးမယ့်ဆွိုရယ့်ဟော်မောင် အမင်တကာဖှဂ်ကျွောင်း ငေါ် အဆေအချော်ဟိုးနောင်ရယ်။ ဟော်ပေမယ့် ငေါ်လူဆောတိုပှန်ကျို့ လော်ခှိင်မောင် ဟော်လိုးကော့မောင် ဆူ့ကွိုယုန်ကျည်ခှန်းဆိရယ့်လူတွို့ ကွိုတွိယော့ပေါ်မလော” လွို့ မိင့်တိုမူရယ်။ 9အယ်းနွေ့ာဂ်မောင် ကွိုယ်တော်ယေရှုဟော် ဆူ့ယယ့်စကောကွို နောထွောင်နေကျော့ရယ့် လူအုတ်ထားခေါ့ မိမိကွိုယ်မိမိ ဖွှောင့်မတ်ရယ်လွို့ ထန်နေကျော့ပွီး အချောဆူမျောကွို နိခှော့တတ်ဆူတွို့ကွို ပုန်ဥဖမော်တခုနောင့် မိင့်တိုမူခယ့်ရယ်။ 10ကွိုယ်တော်ယေရှုခေါ့ “တခေါ်ခေါ့ လူနေယွောဂ်ဟော် ဂျေရုဆလင်မွှို့မောင်ဆိရယ့် ဗိမာန်တိုကွို ဝဂ်ပှုဆုတွောင်းဖွို့ လော်ခယ့်ကျော့ရယ်။ တယွောဂ်ခေါ့ ဖာရိရှဲဖှဂ်ပွီး အချောတယွောဂ်မောင် အခွမ်ကွောဂ်ဆမော ဖှဂ်ရယ်။ 11အယ်းနွောဂ်မောင် ဖာရိရှဲဟော် မတ်လောဂ်ပွီး ‘အွို ဖရောဆန်၊ ငေါ်ဟော် တချောဆူရယ်လွိုမျွိုး အပှဂ်ဒုစရောဂ် ကျူးလွမ်ခယ့်ဆူမဟွိပေါ်။ ငေါ်ဟော် သခွိုး၊ ဓမျော့ အယ်းလွိုမောင့်မဟွိ မဖွှောင့်မတ်ရယ့်လူမဟွိခယ့်ပေါ်။ ငေါ်ဟော် အိင်ထွောင်ရယ်းဖွောဂ်ပှန်ရယ့်လူလယ်းမဟွိရယ့်အပှန် ဟော်အခွမ်ကွောဂ်ဆူလွိုလယ်း မဟွိရယ့်အတွ ဖရောဆန်ကွို ကျယ်းဇူးတန်ပေါ်ရယ်။ 12ငေါ်ဟော် တပတ်မောင် နေရတ်အစော်ရွှောင်ဆုတွောင်ပွီး ငေါ်ယော့ဆိရယ့် ဝမ်ငွယ်အောလုန်းယယ့်ဆာပုန်တပုန်ကွိုလယ်း ဖရောဆန်ကွို ပေးခှူပေါ်ရယ်’ လွို့ဆုတွောင်းလေရယ်။ 13ဟော်ပေမယ့် အခွမ်ကွောဂ်ဆူခေါ့ ဆွယ်မွှို့တိုဆိ ဖရောဆန်ကွိုမျိုကျေ့ဖွို့တအွောင် ထောဂ်တန်ခှန်းမဆိဘူးလွို့ ခေါင်စောယော့တော်ကျွောင့် တချောဆူရယ်နောင့် ခေါဂ်ဝီးဝီးနေယော်နောင်းမောင် နှိနှိခှော့ခှော့မတ်နေခယ့်ပွီး ဆူ့ယယ့်ယန်ဘတ်ကွိုလဂ်နောင့်ထုရောဂ်ပွီး ဝုန်းနည်းမုကွိုပျော့ခယ့်လေရယ်။ အယ်းနွောဂ် ဆူခေါ့ ‘ဖရောဆန်၊ ငေါ်ဟော် အပှဂ်ဒုစရောဂ်ဆောဖှဂ်ပေါ်ရယ်။ ငေါ့ကွို ဂရုနော်ထောပွီး ခွမ့်ခွဂ်တိုမူပေါ်’ လွို့ဆုတွောင်းခယ့်ရယ်။ 14နန်တွို့ကွို ငေါ်ဆွိုမောင်ကော အယ်းလူနေယွောဂ် အိင်ကွိုပှန်ဆိုးရယ့်အခေါ်မောင် ဖရောဆန်နောင်းခေါ့ ခွမ့်ခွှဂ်မုကွိုယော့ဆိရယ့်လူခေါ့ ဖာရိရှဲမဟွိပယ်း အခွမ်ကွောဂ်ဆူပယ်းဖှဂ်ရယ်။ အကျွောင်းမောင်ကော မိမိကွိုမိမိ ခှီးမွှောဂ်ဂုန်ပှုကျော့ဆူတောင်းဟော် နိခှော့ခှန်းခေါင်ကျော့ယော့မောင်ဖှဂ်ပွီး မိမိကွိုမိမိ နိခှော့ကျော့ဆူတောင်းဟော် ခှီးမွှောဂ်ဂုန်ပှုခှန်းကွို ခေါင်ကျော့ယော့လောဂ်မောင်ဖှဂ်ရယ်” လွို့ မိင့်တိုမူရယ်။ 15တနေ့မောင် လူပရိတ်ဆတ်မျောစွာတွို့ဟော် ကွိုယ်တော်ယေရှုနောင်းကွို လော်ကျော့ယော် အယ်းဆူတွို့ထားခေါ့လူတခှို့ဟော် ဆူတွို့ယယ့် လူပယ့်ငါမျောကွိုပေါ် ခိုဆွောင်လော်ခယ့်ကျော့ရယ်။ အကျွောင်းမောင်ကော ဆူတွို့ဟော် ကွိုယ်တော်ကွို လူပယ့်ငါမျောယယ့်အပိုမောင် လဂ်တိုတန်ပွီး ကွောင်းခှီးမန်ဂလော်ပေးစေလွိုကျော့ရယ်။ အယ်းဟော်ကွို ဆပယ့်တိုရယ်ကော့ မျိုတွိကျော့ရယ့်အခေါ် လူပယ့်ငါမျောကွို ခိုဆွောင်လော်ကျော့ရယ့်လူရယ်ကွို ပှဂ်တန်ဟိုးဆွိုခယ့်ကျော့ရယ်။ 16ဟော်ပေမယ့် ကွိုယ်တော်ယေရှုဟော် လူပယ့်ငါမျောကွိုခိုယူပွီးနွောဂ် ဆပည့်တိုတွို့ကွို “လူပယ့်ငါရယ် ငေါ့နောင်းကွိုလော်ယွောဂ်ကျော့ခှန်းကွို တောမှဂ်ခှန်း မပှုကျော့နောင့်။ အကျွောင်းမောင်ကော ဖရောဆန်ယယ့်ဆော်ဆနော်တိုဟော် ဟော်လူပယ့်ငါရယ်လွိုမျွိုး လူရယ်အတွပယ်းဖှဂ်ရယ်။ 17နန်တွို့ကွို ငေါ်အမင်ဟိုးယော့ယန် စူမဆွို ဖရောဆန်ယယ့်ဆော်ဆနော်တိုကွို ဟော်လူပယ့်ငါရယ်လွိုမျွိုး နှိခှော့စွာနောင့် လဂ်ခေါင်ခှန်းမဆိကျော့ယန် အယ်းလူတွို့ဟော် ဖရောဆန်ယယ့်ဆော်ဆနော်တိုထားကွို ဝမ်ယွောဂ်နောင်ခှန်းမဆိမောင် အဆေအချော်ပယ်းဖှဂ်ရယ်” လွို့ မိင့်တိုမူခယ့်လေရယ်။ 18တခေါ်ကော့ ဂျူးလူမျွိုးအကျွီးအကားတဦးဟော် ကွိုယ်တော်ယေရှုကွို “ကွောင်းမှဂ်ရယ့်ဆရော်၊ နိစ္စော့ထော်ဝရော့အဆဂ်ကွိုယော့ဆိဖွို့အတွ ငေါ်စလွိုမျွိုးလုတ်ယော့မလော” လွို့မေးရွှောဂ်ရယ့်အခေါ်တခေါ်ကော့ ဂျူးလူမျွိုးအကျွီးအကားတဦးဟော် ကွိုယ်တော်ယေရှုကွို “ကွောင်းမှဂ်ရယ့်ဆရော်၊ နိစ္စော့ထော်ဝရော့အဆဂ်ကွိုယော့ဆိဖွို့အတွ ငေါ်စလွိုမျွိုးလုတ်ယော့မလော” လွို့မေးရွှောဂ်ရယ့်အခေါ် 19ကွိုယ်တော်ယေရှုခေါ့ ဆူ့ကွို “စော်အတွကျွောင့် ငေါ်ဟော် ကွောင်းမှဂ်ရယ်လွို့ နန်ဟိုးယော့သလော။ ဖရောဆန်တပေါခေါ့ လွားပွီး စူမောင့် ကွောင်းမှတ်ခှန်း မဆိပေါ်။ 20မောရှေခေါ့နေတဆန့် ဖရောဆန်ပေးအောဂ်ခယ့်ရယ့် ပညောဂ်တိုရယ်ကွို နန်ဆိဆပွီးဆောဖှဂ်ရယ်။ အိင်ထွောင်ရယ်းဖွောဂ်ပှန်ခှန်း မပှုကျော့နောင့်။ ဆူတပေါယယ့် အဆဂ်ကွို မဆတ်နောင့်။ ဆူတပေါယယ့်ပစ္စည်းကွို မခွိုးယူကျော့နောင့်။ လိင်ညော်ဟိုးဆွိုခှန်း မပှုကျော့နောင့်။ နန်တွို့ယယ့် မွေ့ဖော့တွို့ကွို ရွိုဆေလေးစောကျော့ပေါ်” လွို့မိင့်တိုမူလေရယ်။ 21အယ်းလူခေါ့လယ်း “အယ်းပညတ်တိုရယ် အကွိင်လုန်းကွို ငေါ် ငါငါခေါ့ လောဂ်နော်ကှင့်ဆုန်းခယ့်ပေါ်ရယ်” လွို့ ရွှောဂ်တန်လေရယ်။ 22ကွိုယ်တော်ယေရှုဟော် အယ်းလူရွှောဂ်တန်တော်ကွိုကျောရယ့်အခေါ် “နန်မပှုယော့ဆီးရယ့်အယော်တခုကှန်နေဆေးရယ်။ နန်ပေါင်ဆောင်ရယ့် ပစ္စည်းဥစ္စော်ရယ်အကွိင်လုန်းကွို ယွောင်းခှော့ပွီး မဆိဆားရားဆောရယ်ကွို ခှူဒန်းလောဂ်ပေါ်။ အယ်းလွိုလုတ်ယန် နန်ဟော် ဆွယ်မွှို့တိုမောင် မကွိင်ခန်းနောင်ရယ့် စည်းစိင်ဥစ္စော်ရယ်ကွို ယော့ဆိလောဂ်မယ်။ အယ်းပွီးယန် ငေါ့ဆပယ့်အဖှဂ် ငေါ့နွေ့ာဂ်ကွိုလောဂ်ခယ့်ပေါ်” လွို့ မိင့်တိုမူလေရယ်။ 23အယ်းဂျူးလူမျွိုးအကျွီးအကားဟော် ကော်တရော်ချောင်းဆော်ကျွာဝို့ရယ့်လူဖှဂ်ပွီး ဆူ့ယယ့်ပစ္စည်းဥစ္စော်မျောကွို မစွမ့်နောင်ရယ့်အတွကျွောင့် ကွိုယ်တော်မိင့်တိုမူရယ့် စကောရယ်ကွိုကျောယန် ကော်တရော်ကွို စိပျဂ်ဝုန်းနယ်းဆိုးလေရယ်။ 24ကွိုယ်တော်ဟော် အယ်းလူယယ့် စိပျဂ်ဝုန်းနည်းခှန်းကွို မျိုရယ့်အခေါ် အယ်းနေယော်မောင်ရှိနေရယ့်လူတွို့ကို “ချောင်းဆော်ကျွာဝို့ရယ့် ဆူရယ်ဟော် ဖရောဆန်ယယ့်ဆော်ဆနော်တိုထားကွို ဝမ်ယွောဂ်ဖွို့ ကော်တရော်ခဂ်ခါးပေါ်ရယ်။ 25စည်းစိင်ချောင်းဆော်ကျွာဝို့ဆူတယွောဂ်ခေါ့ ဖရောဆန်ယယ့်ဆော်ဆနော်တိုကွို ဝမ်ယွောဂ်နောင်ဖွို့ထဂ် ကုလားအုတ်တကွောင်ခေါ့ အောဂ်နဖောပွေါဂ်ထားကွို ဝမ်ဖွို့ခေါ့ ပွိုပွီးလွာကူအုန်းမယ်” လွို့ မိင့်တိုမူလေရယ်။ 26အယ်းစကောကွို ကျောရယ့်လူထုပရိတ်ဆတ်တွို့ခေါ့လယ်း “အယ်းလွိုဟန်ကော စလွိုမျွိုးလူရယ်ခေါ့ ကာတန်ခှန်းခေါင်ယော့တို့မလော” လွို့ ရွှောဂ်တန်ကျော့လေရယ်။ 27အယ်းအခေါ် ကွိုယ်တော်ခေါ့ “လူတွို့မလုတ်နောင်ရယ့်အယော်တွို့ကွို ဖရောဆန်ဟော် လုတ်နောင်တိုမူရယ်” လွို့မိင့်တိုမူလေရယ်။ 28အယ်းအခေါ် ပေတရုခေါ့ ကွိုယ်တော်ယေရှုကွို “ကွိုယ်တော် ကျေ့ပေါ်။ ငေါ်တွို့ရယ်ဟော်ဆိသမျော့ အယော်အောလုန်းကွို စွမ့်လွဂ်ပွီး ဆပည့်တိုမျောဖှဂ်လော်စေဖွို့အတွ ကွိုယ်တော်နွောဂ်ကွို လောဂ်လော်ခယ့်ကျော့တော်ကွို ကွိုယ်တော်ဆိဆပေါ်ပေါ်ရယ်။ အယ်းလွို့ဟန် ငေါ်တွို့ဟော် ဖရောဆန်ယယ့် ကာတန်ခှန်းကွို ခေါင်ယော့မယ်လော” လွို့ ရွှောဂ်တန်လေရယ်။ 29ကွိုယ်တော်ယေရှုခေါ့ “နန်တွို့ကွို ငေါ်အမင်ဟိုးယော့ယန် စူမဆွိုဖရောဆန်ယယ့် ဆော်ဆနော်တိုအတွ အိင်၊ မိင်းမော့၊ ညီအကွိုမွောင်နမော့၊ မွေ့ဖော့၊ ဆောဆမီးရယ်ကွို စွမ့်လွဂ်ကျော့ဆူရယ်ဟော် ကွိုယ်တော်ယေရှုခေါ့ “နန်တွို့ကွို ငေါ်အမင်ဟိုးယော့ယန် စူမဆွိုဖရောဆန်ယယ့် ဆော်ဆနော်တိုအတွ အိင်၊ မိင်းမော့၊ ညီအကွိုမွောင်နမော့၊ မွေ့ဖော့၊ ဆောဆမီးရယ်ကွို စွမ့်လွဂ်ကျော့ဆူရယ်ဟော် 30အခုကော်လော့မောင် ကွောင်းကျွိုးချောင်းဆော်မျောကွို အဆော့ပွေါင်းမျောစွာ ခေါင်စောယော့ဆိမောင်ဖှဂ်ပွီး နွောင်ကော်လော့မောင်လယ်း ဖရောဆန်ဟော် ဆူတွို့ကွို နိစ္စော့ထော်ဝရော့အဆဂ်ကွို ပေးတိုမူလောဂ်မောင်ဖှဂ်ရယ်” လွို့ မိင့်တိုမူလေရယ်။ 31အယ်းနွေ့ာဂ်မောင် ကွိုယ်တော်ယေရှုခေါ့ အထူးဆပယ့်တိုတဆာ့နေဦးကွို အနောကွိုခိုပွီး “ဂရုတစောဂ်နောထွောင်ကျော့ပေါ်။ အခုငေါ်တွို့ဟော် ဂျေရုဆလင်မွှို့ကွို ဆိုးနေကျော့ပွီဖှဂ်ရယ်။ ငေါ် လူဆောတိုယယ့်အကျွောင်းနောင့်ပဂ်ဆဂ်ပွီး ချယ့်အခေါ်ခေါ့ ပရောဖက်မျောရယ်းဆောထောခယ့်ရယ့် အယော်မင်သမျော့တွိုဟော် အယ်းအရောဂ်မောင် အမင်တကာဖှဂ်ပျဂ်တို့မောင်ဖှဂ်ရယ်။ 32ငေါ်လူဆောတိုကွို လူမျွိုးချောရယ်လဂ်ထားကွို အောဂ်နောင်ခှန်းခေါင်ယော့ပွီး အယ်းလူတွို့ယယ့် ကာ့ရလွှောင်ပွှောင်ခှန်း၊ စိုကောဟွိုးဆွိုခှန်း၊ ဆထွီးနောင့်ထွီးခှန်းကွိုလယ်း ခေါင်ယော့လောဂ်မောင်ဖှဂ်ရယ်။ 33အယ်းအပှင် အယ်းလူတွို့ဟော် ငေါ်လူဆောတိုကွို ကှိင်ဒေါင်ပေးရောဂ်နဂ်ကျော့ပွီးနွောဂ် ငေါ့ကွိုအဆေဆဂ်ကျော့လောဂ်မောင်ဖှဂ်ရယ်။ ဟော်ပေမယ့် ဆုန်းရတ်မွှောဂ်ရယ့်နေ့မောင် ငေါ်လူဆောတိုဟော် အဆဂ်ပှန်ချန်လောဂ်မယ်” လွို့ မိင့်တိုမူရယ်။ 34ဟော်ပေမယ့် ဆပယ့်တိုတွို့ဟော် အယ်းအကျွောင်းအယော်တွို့ကွိုတစုန်တခုမောင့် သဖိုးအပွောဂ်ကျော့ပေါ်။ အယ်းစကောယယ့်အဓိပါတွို့ကွို ဆူတွို့နောင်းခေါ့နေ ကွာဝထောခှန်းခေါင်ယော့တော်ဖှဂ်ပွီး ကွိုယ်တော်မိင့်တိုမူရယ့်အယော်တွို့ကွို ဆူတွို့နောမလည်နောင်ကျော့ပေါ်။ 35အယ်းနွေ့ာဂ်မောင် ကွိုယ်တော်ယေရှုနောင့် ဆပယ့်တိုမျောဟော် ဂျေရိခေါမွှို့အနီးကွို ယွောဂ်လော်ရယ့်အခှိင်မောင် အယ်းအရောဂ်ဆိ လောင်းဘေးတနေယော်မောင် မျဂ်မမျိုတဦးဟော် ထောင်ပွီး တွောင်းစောနေလေရယ်။ 36အယ်းမျဂ်မမျိုဟော် လူအုတ်ကျွီးဖှဂ်ဆိုးရယ့် အဆောင်ကွိုကျောယော့ရယ့်အခေါ် အနီးအနောဆိလူရယ်ကွို စော်အယော်မျောဖှဂ်ပျဂ်နေသလောလွို့ မေးမှန်းခယ့်လေရယ်။ 37ထိုအခါ လူတခှို့ခေါ့ ဆူ့ကွို “နာဇရက်မွှို့ခေါ့ ကွိုယ်တော်ယေရှုကော့ ဟော်လောင်းအတောင်း ကျို့လော်တိုမူနေခှန်းဖှဂ်ရယ်” လွို့ ပှန်ဖှေခယ့်ကျော့ရယ်။ 38အယ်းအခေါ် ဆူဟော် “ဒါဝိဒ်ယယ့်ဆောတိုယေရှု၊ ငေါ့ကွိုဆနောတိုမူပေါ်” လွို့အိုဟဂ်လေရယ်။ 39ကွိုယ်တော်ယေရှုယယ့် ချယ့်ခေါ့ ဆိုးနေကျော့ရယ့်လူတခှို့တွို့ခေါ့ ဆူ့ကွို တိတိနေဖွို့ တောကျော့ပေမယ့်လယ်း ဆူဟော် ပွိုကှာရယ့်အဆောင်နောင့် “ဒါဝိဒ်ယယ့်အမျွိုးအနွာ ကွိုယ်တော်ယေရှု၊ ငေါ့ကွိုဆနောတိုမူပေါ်” လွို့ ဆဂ်ပွီးအိုဟဂ်နေလေရယ်။ 40အယ်းယော်ကွို ကွိုယ်တော်ယေရှုကျောတိုမူရယ့်အခေါ်မတ်တိုမူပွီး အယ်းမျဂ်မမျိုကွို ဆူ့နောင်းခိုလော်ဖွို့လူ့အခှို့တွို့ကွို မိင့်တိုမူလေရယ်။ အယ်းမျဂ်မမျိုအနီးကွိုယွောဂ်ရယ့်အခေါ် ကွိုယ်တော်ခေါ့ဆူ့ကွို 41“နန့်ကွို စော်လုတ်ပေးယော့မလော” လွို့ မေးတိုမူရယ့်အခေါ် အယ်းလူခေါ့ “ကွိုယ်တော်၊ ငေါ် မျဂ်စိပှန်မျိုစေဖွို့ကုပေးတို့မူပေါ်” လွို့ပှန်လည်ရွှောဂ်တန်လေရယ်။ 42အယ်းအခေါ် ကွိုယ်တော်ယေရှုခေါ့ “နန်ယော် အခုမျဂ်စိပှန်မျိုယော့ပွီဖှဂ်ရယ်။ နန်ဟော် ငေါ့ကွိုယုန်ကျည်ရယ့်အတွ နန့်ယယ့်မျဂ်စိကွိုပှန်မျိုစေခယ့်ပီဖှဂ်ရယ်” လွို့ မိင့်တိုမူရယ်။ 43ဆူဟော် ခှခှန်းပယ်း မျဂ်စိပှန်မျိုလော်ရယ့်အတွကျွောင့် ဖရောဆန်ယယ့်ဂုဏ်ကျယ်းဇူးတိုကွို ခှီးမွမ်းပွီး ကွိုတော်ယေရှုယယ့်နွေ့ာဂ်ကွို လောဂ်ပေါ်ဆိုးလေရယ်။ အယ်းအဖှဂ်အပျဂ်ကွိုတွိမျိုကျော့ယော့ရယ့် လူအပွေါင်းတွို့ဟော်လယ်း ဖရောဆန်ယယ့် ဂုန်ကျယ်းဇူးတိုကွို ခှီးမွမ်းခယ့်ကျော့လေရယ်။
Currently Selected:
Luke 18: ttpv-rv
Highlight
Share
Copy
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
