Luke 3
3
1ရောမဧကရာဇ် တိဗေရိရ်နန်းသက် ဖောမ်သောရောဘောဆောရ် အို့ယေးသေအန်းသေ ပုန္တိပိလတ်ယေး ယုးဒဒတ်ချောရ် ရာဇာအွို့ယ်၊ ဟေရုဒ်အန္တိပယေးa ဂါလိလဲဒတ်ချောရ် ရာဇာ အို့ယေး။ ဟေရုဒ်အန္တိပရ်ဘိုက် ဖိလိပ္ပုယေး ဣတုရဲဒတ်ချောရ်အတ်သပ် တရာခေါနိတ် ဒတ်ချောရ် ရာဇာအို့ယေးနန့်၊ လုသာနိယိုး အဘိလင်ဒတ်ချောမားသပ် ရာဇာ အို့ယေး။ 2အဲတိုင်မော်သ် အန္နလွို့ယ် ကာယာဖလွို့ယ် အောကောလော့ရ်ဒေါမ့်ရ်ပုရောဟိတ်b အို့ယေးသပ် အန်းသေ ဘောဂဝင့်နောရ် နှုတ်ကပါတ်တော် မူရရ်ဘိသောရတ် အဆတ်သပ် ဇာခရိရ်ဖွာ ယောဟန်ရ်ဟာင်ဆတ် အချဲ။ 3ယောဟန်ယေ ဂျော်ဒန်ဟားလ်သိုနို့ ဇိုက်ဇိုက်ယတ်နန့် မာနုချ်အောကောလောရတ် အိသေးရာရ် ဒူချောရတ် နောင်တဖိုက်c ရေနစ်မင်္ဂလာလိုဗျာလိုက် အဲယုနော်ရတ် ဇာယေးနန့် ဟောဂေါ်ရတ်ရ်။ 4ဂန်ညာနော်ချားဒူ ဟေရှာယ ကျမ်းမားသတ် လေကိအဲကျဲသပ်အဲနိကျ "ဘော်နော်ရ်ဘိသောရတ် အတ်ဇော်နန် ဇိုက်ဇိုက် ဂူဇော်ရေသတ် ဟိုနီကျာဟိုးလေး အရှင်ရ် ရာဆာရတ် အူဇူဂေါရ်။ 5မူရရ် မာဇောသည့်ရ် ဂါရအောကောလောရတ် ဘောရစ်ယေးနန် တောင်ကုန်း၊ တောင်တန်း အောကောလော့ရတ် ဝိုက်နားအောဖာ(န်) ဂေါရ်။ ဘတ်ဟာ ရာဆာရတ် အူဇူဂိုရိ ဟောရက်ပ် ရာဆာရတ် ချောမ့်သောရ်အောယ်ဖာ(န်) ဂေါရ်။ 6သိုဘာဇေ ဘောဂဝင့်နောရ် အူဖာရ်ရော်ရတ် မာနုချ်ဘီရှိဂို့ရိ ဒေကိဘိ" ဟွို့ယ် အို့ယေ။ 7သိုဘာဇေ ယောဟန်ယေ အိသဲရ်အတ်ရေ dရေနှစ်မင်္ဂလာ လိုဗျေလိုက် အချဲသပ် မာနုချ်ဘီရှိဂို့ရိရတ် "ဟောရက်ဖ်အာ့ဖ်အောကော်လ်e၊ ဖိုရီအာဗျိုးသပ် ဘောဂဝင့်နောရ် ဂိုချားသူးန် စုရိဘတ်လိုက် သော်ရရတ် ဟော်နန် အူးချ်သည့်ယေ။ 8သော်ရရ် ဒူချောရတ် ဖတ်လိုက်သည့်ယောစ်ဟောသပ် အဲယုနော်လိုက် ချားကီဒ့ဟ။ သော်ရရ်ဂူးန်သော်ရ အာဗြဟံရ် ဂူချိ ဘို့လိ နိုဟွို့စ်။ ဘောဂဝင့်နပ် အေချိလ်အေယုနောရတ်သို့ အာဗြဟံရ် ဂူချိအော့ဖားန် ဂိုရိသက်ရတ်။ 9အေတိုင်မော်မားသပ် ဂါစ်အောကောလောရတ် ဂေါ်ရသည့်လို့သီး ဟာရီဖတ်လားဘတ်လိုက် ပေါက်ဆိန်အတ်ခါးန် သိုယာရ်ဂိုကျ အာဆတ်။ အပ်သလိုက် ဂင်မ်ဂူလာနော်သောရတ်သပ် ဂါစ်အောကောလ် ဟာရီဖတ်လှယတ်နန့် အိုနော်မားသတ် ဖတ်လိုက်သည့်ဘို့" ဘို့လိ ဟိုယေး။ 10အန်းစောလော်သ် မာနုချ်အောကောလတ် ယောဟန်ရတ် "သို့မို့လေ အာင်ရသူးန် ကီဂေါ်ရဖို့ရိဗျို့" ဘို့လိ ဖော်စောရ်လို့ယေး။ 11ယောဟန်ယိုး "သော်ရရ်ဘိသောရတ် ဟော်ရ်ဒူဝိုး အဆတ်သပ်အိသေး ဟော်ရ်နိုက်သေးအိသေးရေ အိုဂို့သည်ယာဖိုရီဘို့။ သော်ရသူးန် ဟားနားဖားနီသကိလေယိုး နိုက်သေမာနုချောရတ် ဘော်ရော်ခ်ဂိုရိ ဒတ်ဖို့ရိဘို့" ဟွို့ယ် ဖြေဂိုကျဲ။ 12အခွန်ကောက်ဂေါ်ရတ်သတ် မာနုချ်ဟိုးဒုနို့ ယောဟန်ရ်ဟာင်ဆတ် ရေနှစ်မင်္ဂလာလိုဗျေလိုက် အယဲ့နန့် အိသေးရာ "ဆရာ၊ အာင်ရသုနို့ ကီဂေါ်ရဖို့ရိဗျို့" ဘို့လိ ဖော်စောရ်ဂို့ကျဲရရ် 13ယောဟန်ယေ "သော်ရ အခွန်ရတ် သူလှဖို့ရိဘို့သပ် အဲသူ(န်)ဘောလတ် ဗီချိ နိုသူလိစ်" ဘို့လိ ဟိုယေး။ 14မေလီထားရိ ဟို့ဒုနဲယိုး အိသေးရေ "အာင်ရသုနို့ ဟိုနီကျာ ဂေါ်ရဖို့ရိဗျို့" ဖော်စောရ်လို့ယေးရရ် ယောဟန်ယေ "သော်ရယိုး မိုင်ချေးသူးန် တန်ညာရတ် ဘော်လာဇိုရီ နိုကုဇိ(စ်)။ ဟိုနိကျရတ် နော့ဂေါ်ရတ်သတ်အတ်ရေ ဂိုကျဲဟိုးယ် ဒူချ် နော်ဘာဇိုက်စ်။ သော်ရဖော်သတ် တန်ညာလွိုယ် ဂင်ဂို့ရိသကိစ်" ဘို့လိ ဟိုယေး။ 15မာနုချ်အောကောလတ် ဒေရီနော်ဝိုင်းသေး အူဖာရ်ဂေါ်ရတ်သပ် fမေရှိယ အာဗျိုးသပ်အဲယူ(န်) စိုည်ရိုယေးသပ်အပ်သလိုက် မာနုချ်ဘီရှိဂို့ရိယေး အူဖာရ်ဂေါ်ရတ်ဒတ်မေရှိယ ယောဟန်အို့ဗျို့နာဘို့လိ ထက်ရေရ်။ 16အပ်သလိုက် ယောဟန်ယေ အိသေးရာရတ် "အိုင့် မာနုချ်အောကောလောရတ် ဖာနိလွို့ယ် ရေနှစ်မင်္ဂလာ ဂိုရိသည့်သည့် အောယ်။ သို့ အာင့်သူးန်ဘောလတ် မြင့်မြတ်စော် မာနုချ်အို့ဂိုး အာယတ်ရ်။ အိုင့် အိသဲရ် ချန်ထောလော့ရ် သိုရီရတ်သို့ ကုလိသည့်ဗျလိုက် မထိုက်တန်။ အိသေး ဂန်ညာနော်အာလော်လိုယိုး၊ အို(န်)လိုယိုး သော်ရရတ် မော်ဂေါလ် ဂိုရိသည့်ဘို့။ 17အိသဲရ် အားသော်မားသတ် အဆတ်သပ် အောမ့်ရဗျို့ချော်သ် လာရေဒတ် ဟော်ဆက်ပ်လွို့ယ် ဒ့နောရေဒပ် တိုက်ကျရတ် စိရဂို့ရိဘို။ ဒ့နောရေ ဂေါ်လာမားသပ် ဂေါလိုက်အဲရိ တိုက်ကျအောကောလောရတ် ဟော်နောသည့်န် နိုနီဖိဘို့သတ် အိုနော်မားသတ် သည်ဘို" ဘိုလီ ဟိုယေး။ 18ယောဟန်ယေ အဲနိကျ ဟော်သော်ဒီလာဂိုရိ မာနုချ်အောကောလောရတ် နောင်တဖိုက်သို့သည့် ဖောရရ်အိကျေ ဖိရိဘတ်လိုက် ဟိုယေး။ 19ယောဟန်ယေ ရာဇာဟေရုဒ်ရတ်ယိုး အိသဲရ်ဘာ့ယောရ်ဘေရီ ဟေရောဒိရတ် လော်ဖတ်လှယေးဒတ်အဲယူ(န်)အတ်သပ် အာရော ဂင်မ်နော့ယ်သေး ဒူချ်အဲယူးနော်လိုက် ဒူချ်ဘာဇယေး။ 20အပ်သလိုက် ရာဇာဟေရုဒ်ယေး အိသဲရ် မေလီထားရိအောကောလောရ်အာ့သိုက် ယောဟန်ရတ် ဒို့ရိ ဇံယားလ်ဖတ်လိုက်အဲသို့ အာင်ရစ်ယတ်နန့် အာရော ဘီရှိဟောရက်ပ် ဒူချ်အတ်ခါးန် အာဘာရ်ဂိုကျဲ။ 21ဇံယားလ်နိုဖိုသေ ယောဟန်ယေ မာနုချ်ဘီရှိရတ် ရေနှစ်မင်္ဂလာ ဂိုရိသည့် ကိုယ်တော်ယေရှုယိုး ရေနှစ်မင်္ဂလာ လိုယေးနန့် ဘော်ရ်ကူးဇိဗျို့ချောသ် အဆာ(န်) ကုလိယတ်နန် 22ဂန်ညာနော်အာလော်ယေ ချိုးငှက်စိုးဘီလွို့ယ် ကိုယ်တော်ရ်အူဝါသည့် လာမီအချဲ။ အဆာနော်သူးန် အာဘာစ်စိုး "သူယ် အိုင့် အာသော်ရ်ဂိုရိသည့် အာင့်ရ်ဖွာ။ အာင့်သူးန် သော်ရတ် ဘီရှိဟားရတ်" ဟွို့ယ် နေလီအချဲ။ 23ကိုယ်တော်ယေရှု ဟာမော်ရတ် စသော်သ်ဂိုကျဲဒတ်အန်းသေ သီရိချ်ဘောစောရ် အို့ယေ။ အိသေး ယောသပ်ရ်ဖွာ အို့ယေးနန့် ယောသပ်ယေး ဧလိရ်ဖွာ။ 24ဧလိဒတ် မဿတ်ရ်ဖွာ၊မာဿတ်ဒတ် လေဝိရ်ဖွာ၊ လေဝိဒတ် မေလခိရ်ဖွာ၊ မေလခိဒတ် ယန္နရ်ဖွာ၊ ယန္နဒတ် ယောသပ်ရ်ဖွာ၊ 25ယောသပ်ဒတ် မတ္တသိရ်ဖွာ၊ မတ္တသိဒတ် အာမုတ်ရ်ဖွာ၊ အာမုတ်ဒတ် နာဟုံငေါရ်ဖွာ၊ နာဟုံဒတ် ဧသလိရ်ဖွာ၊ ဧသလိဒတ် နဂ္ဂဲရ်ဖွာ၊ 26နာဂ္ဂဲဒတ် မာအတ်ရ်ဖွာ၊ မာအတ်ဒတ် မတ္တသိရ်ဖွာ၊ မတ္တသိဒတ် ရှေမိရ်ဖွာ၊ ရှေမိဒတ် ယောသပ်ရ်ဖွာ၊ ယောသပ်ဒတ် ယုဒရ်ဖွာ၊ 27ယုဒသတ် ယောဟန္နရ်ဖွာ၊ ယောဟန္နဒတ် ရေသရ်ဖွာ၊ ရေသဒတ် ဇေရုဗဗေလရ်ဖွာ၊ ဇေရုဗဗေလဒတ် ရှာလသေလရ်ဖွာ၊ ရှာလသေလဒတ် နေရိရ်ဖွာ၊ 28နေရိဒတ် မေလခိရ်ဖွာ၊ မေလခိဒတ် အဒ္ဒိရ်ဖွာ၊ အဒ္ဒိဒတ် ကောသံရ်ဖွာ၊ ကောသံဒတ် ဧလမောဒံရ်ဖွာ၊ ဧလမောဒံသတ် ဧရရ်ဖွာ၊ 29ဧရဒတ် ယောရှုရ်ဖွာ၊ ယောရှုဒတ် ဧလျေဇာရ်ဖွာ၊ ဧလျေဇာဒတ် ယောရိမ်ရ်ဖွာ၊ယောရိမ်ဒတ် မဿတ်ရ်ဖွာ၊ မဿတ်ဒတ် လေဝိရ်ဖွာ၊ 30လေဝိဒတ် ရှိမောင်ငေါရ်ဖွာ၊ ရှိမောင်ဒတ် ယုဒရ်ဖွာ၊ ယုဒသတ် ယောသပ်ရ်ဖွာ၊ ယောသပ်ဒတ် ယောနန်ရ်ဖွာ၊ ယောနန်ဒတ် ဧလျာကိမ်ငေါရ်ဖွာ၊ 31ဧလျာကိမ်ဒတ် မေလေရ်ဖွာ၊ မေလဒတ် မဲနန်ရ်ဖွာ၊ မဲနန်ဒတ် မတ္တသရ်ဖွာ၊ မတ္တသဒတ် နာသန်ရ်ဖွာ၊ နာသန်ဒတ် ဒါဝိဒ်ရ်ဖွာ၊ 32ဒါဝိဒ်သတ် ယေရှဲရ်ဖွာ၊ ယေရှဲဒတ် ဩဗက်ရ်ဖွာ၊ ဩဗက်ဒတ် ဗောဇရ်ဖွာ၊ ဗောဇဒတ် စာလမုန်ငေါရ်ဖွာ၊ စာလမုန်ဒတ် နာရှုန်ရ်ဖွာ၊ 33နာရှုန်ဒတ် အမိနဒပ်ရ်ဖွာ၊ အမိနဒပ်သတ် အဒ်မိန်ရ်ဖွာ၊ အဒ်မိန်သတ် အာရံနိရ်ဖွာ၊ အာရံနိဒတ် ဟေဇရုံရ်ဖွာ၊ ဟေဇရုံဒတ် ဖာရက်ရ်ဖွာ၊ ဖာရက်ဒတ် ယုဒရ်ဖွာ၊ 34ယုဒသတ် ယာကုပ်ရ်ဖွာ၊ ယာကုပ်ဒတ် ဣဇက်ရ်ဖွာ၊ ဣဇက်ဒတ် အာဗြဟံရ်ဖွာ၊ အာဗြဟံဒတ် တေရရ်ဖွာ၊ တေရဒတ် နာခေါ်ရ်ဖွာ၊ 35နာခေါ်ဒတ် စေရောက်ရ်ဖွာ၊ စေရောက်ဒတ် ရာဂေါရ်ဖွာ၊ ရာဂေါဒတ် ဖာလက်ရ်ဖွာ၊ ဖာလက်ဒတ် ဟေဗာရ်ဖွာ၊ ဟေဗာဒတ် ရှာလရ်ဖွာ၊ 36ရှာလဒတ် ဣနန်ရ်ဖွာ၊ ဣနန်ဒတ် အာဖာဇဒ်ရ်ဖွာ၊ အာဖာဇဒ်ဒတ် ရှေမရ်ဖွာ၊ ရှေမဒတ် နောဧရ်ဖွာ၊ နောဧဒတ် လာမက်ရ်ဖွာ၊ 37လာမက်ဒတ် မသုရှလရ်ဖွာ၊ မသုရှလဒတ် ဧနောက်ရ်ဖွာ၊ ဧနောက်ဒတ် ယာရက်ရ်ဖွာ၊ ယာရက်ဒတ် မဟာလေလရ်ဖွာ၊ မဟာလေလဒတ် ကာဣနန်ရ်ဖွာ၊ 38ကာဣနန်ဒတ် ဧနုတ်ရ်ဖွာ၊ ဧနုတ်ဒတ် ရှေသရ်ဖွာ၊ ရှေသဒတ် အာဒံရ်ဖွာ၊ အာဒံသတ် ဘောဂဝင့်နောရ် ဖွာ။
Currently Selected:
Luke 3: mtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
