Luke 4
4
1သိုဘာဇေ ကိုယ်တော်ယေရှု ဂန်ညာနော်အာလော်လွိုယ် ဖောင့်ကတ်သကိ ဂျော်ဒန်ဟက်လော်သူးန် အာယဲ့နန့် ဂန်ညာနော်အာလော်ရ်ဖီစောသည့် ဘော်နော်မားသတ် ဇာယေး။ 2အဲဇာငှာမားသတ် မာရ်နတ် မော်န်ဖိရတ်ဖာ(န်) ဂိုကျဲဒတ် အဲယူးနော်ရတ် ဆိုလိချ်သည်န်အာ့နိခ် လော်ဖိုကျဲ။ အဲသည်န်အောကောလောသ် အိသေး ကေစုဟားနားဖားနီ နဟာဒတ်အပ်သလိုက် အဲသည်န်အဲယူ(န်) ဖုရစ်ယေးသေအန်းသေ ဘုခ်လှဂိအာ့ချေ။ 3မာရ်နတ်ယေး ကိုယ်တော်ရတ် "သူယ် ဘောဂဝင့်နောရ်ဖွာအို့လေး အေချိလ်အီဘဲရတ် မုအွို့ယ်သို့ ဟော" ဘို့လိ ဟိုယေး။ 4အန်းစောလော်သ် ကိုယ်တော်ယေ " မာနုရှဲ ဟားနားဖားနီအတ်ခနော့လိုက်ဘို့လိ ဖော်ရာ(န်)ဘာစေဒတ် နော့ယ်ဘို့လိ ကျမ်းစာမားသတ် ဒါဟိုက်အဲကျဲ" ဟွို့ယ် အော်ဒလ်ဂို့ကျဲ။ 5သိုဘာဇေ မာရ်နတ်ယေး ကိုယ်တော်ရတ် သော်ရောအူမ်စော်လ် မူရရ်အူဝါရေ ဒါကီနီယေးနန့် ဒူနီယာသ် အဆတ်သတ် ဒတ်ချ်ဘဲကုနောရတ် အတ်စသောရ်ဘိသောရတ် ဒါဟယေး။ 6မာရ်နတ်ယေး ကိုယ်တော်ရတ် "အာင့်ရတ် သည်အေကျဲသတ် အေဂူနီဘာနီဘေကူးန် ချော့ဏဖူချားအောကောလောရတ် အာင့်သူးန် သည်သိုဟောသတ် အိသေးရေ သည်သာဂျိုမ်သတ်အပ်သလိုက် သော်ရတ် အိုင့် သည်ယွိုမ်။ 7အာင့်ရတ် နော်ချောရ်ဂို့ရိ ဖူဇီလေး အေယူးန်ဘေကူးန် သော်ရတ် သည်ယိုမ်" ဘိုလီ ဟိုယေး။ 8သို့ ကိုယ်တော်ယေ "သော်ရ် အရှင်သခင်အို့ယေးဒတ် ဘောဂဝင့်န်အိုဂို့ရတ်ဘဲ နော်ချောရ်ဂို့ရိ ဖူဇာဖိုရီဗျို့ဒတ်၊ အိဘေရ် ဟာမော်ရတ်ဘဲ ဂေါ်ရဖို့ရိဗျို့ဟွို့ယ် ကျမ်းစာမားသတ် ဒါဟိုက်အဲကျဲ" ဘို့လိ မာရ်နတ်ရတ် ဟိုယေး။ 9အာဘာရ် မာရ်နတ်ယေး ကိုယ်တော်ရတ် ယေရုရှလင်တောမ့်နောသ်အဆတ်ဒတ် ဗိမာန်တော်ရ် အောကောလောရ်အူဝါရေ ဒါကီနီယေးနန့် "သူယ် ဘောဂဝင့်နောရ် ဖွာအို့လေး အေသူးန် ဖောလ်မရ်။ 10ဘောဂဝင့်နပ် သော်ရတ် ဆိုက်ဘတ်လိုက် ချောဒတ်ဖောသာ့ရေ အော်ဒလ်ဂို့ရိအဲကျဲဟွို့ယ် ကျမ်းစာမားသတ် ဒါဟိုက်အဲကျဲသတ်အပ်သလိုက် သူယ် ဒူခ်နာဖာဘိ။ 11သော်ရ် ထန်းငေါ်ရတ် ချိလ်လွို့ယ် ဘာဇိ ဒူခ်နာဖိုက်ဖားန် အိသေးရာရ် အာ့သေ သို့ရိလှကိဗျို" ဘို့လိ ဟိုယေး။ 12အန်းစောလော်သ် ကိုယ်တော်ယိုး "သော်ရ် ဘောဂဝင့်နောရေ စမ်းသပ်နိုဂိုရိဘတ်လိုက် ကျမ်းစာမားသတ် ဒါဟိုက်အဲကျဲ" ဟွို့ယ် အာဘာရ် အော်ဒလ်ဂို့ကျဲ။ 13မာရ်နတ်ယိုး ကိုယ်တော်ရတ် ဟော်သော်ဒိုလာ မော်န်ဖိရတ်ဖာ(န်)ဂိုရိဘာဇေ ကိုယ်တော်ယေရှု ဒဟော့သူ(န်) ဇာယေးနန့် အာရ်ဘာရ် ဂင်ဂို့ရိဖာရေဖားန် စိုည်ရိုယေး။ 14သိုဘာဇေ ကိုယ်တော်ယေရှု ဂန်ညာနော်အာလော်ရ် ဂူနီလွိုယ် ဖူရာယတ်နန့် ဂါလိလဲဒတ်ချောသ် အာဘရ် ဇာယေး။ အိဘေရ် ဟောဘောရ်ရို သော်န်ဇာငှာသ် အို့ဂိယွို့ယ်။ 15ကိုယ်တော်ယေ aဒမာရုံအောကောလောသ် ဟောဂေါ်ရတ်သတ်အတ်ရေ မာနုချ်အောကောလို့ အိဘေရတ် ချီးမွမ်းဂေါ်ရတ်။ 16သိုဘာဇေ ကိုယ်တော်ယေရှု အိသေး ဒေါမ့်ရ်အိုးယေးသတ် နာဇရပ်တောမ့်နောသ် အာဘာရ်အချဲ။ ဖူနီမာသည့်န်b ကိုယ်တော်ယေ ဒမာရုံc မားသတ် ဖိုသည့်န်ဇာသတ်အဲနိကျ ဇာယေးနန့် အဲဇာငှာသ် အိသေး ကျမ်းစာ ဖိုရိဗျတ်လိုက် သိယယေ။ 17ကိုယ်တော်ရတ် ဂန်ညာနော်ချားဒူ ဟေရှာယရ် ကျမ်းဘို့ယောရတ် သည်ယေးရရ် ကုလိယတ်နန် ဖော်ရတ်ရ်။ 18"ဂိုရီ(ပ်)မာနုချ်အောကောလောရတ် အူဖာရ်ဂိုရိဘို့သတ် ဟောဘောရ် ဟော့သာရတ် ဘော်ယာ(န်)ဂိုရိဘတ်လိုက် အာင့်ရတ် ဘောဂဝင့်နပ် ဘိုက်စဲ။ ဇံယားလ်ဖို့ကျဲသတ် မာနုချ်အောကောလ် ဆူးရော(န်) အို့ဗျတ်လိုက်၊ စူခ်နော်သေကတ်သတ် မာနုချ်အောကောလ် ဖောရ်ဖိုက်ဗျတ်လိုက်အပ်ဒတ် ဒူကိုးဖားဒတ် မာနုချ်အောကောလ် အူသောရ်အို့ဗျို့ဒဲ အဲယူးနော်ရတ် ဟိုဗျတ်လိုက် ဘောဂဝင့်နပ် အာင့်ရတ် ဒီရယေး။ 19အေတိုင်မ်အီဘဲ ဘောဂဝင့်နပ် အိဘေရ် ဘော်ရော်အာသော်ရ်မာယာရတ် ဒဟိုက်ယေးသပ် တိုင်မ်အို့ယေ" ဟွို့ယ် အာဆတ်။ 20သိုဘာဇေ ကိုယ်တော်ယေ ကျမ်းစာရတ် ဘိုရီဘာဇေ ဒမာရုံတာဝန်ခံရတ် သည် ဘိုချဲဒတ်အန်းသေ ဒမာရုံမားသပ် အဆတ်သတ် မာနုချ်အောကောလို့ ကိုယ်တော်ရတ် စိုက်ရိုးယေး။ 21သိုဘာဇေ ကိုယ်တော်ယေ အိသေးရာရတ် "သော်ရ ဖုနို့သေ ကျမ်းစာရ် စာပိုဒ်အဲယူ(န်) အာဇီယာ အောသောသေ ဟားထိ အွို့ယ်အချဲ" ဟွို့ယ် အော်ဒလ်ဂို့ကျဲ။ 22ကိုယ်တော် အော်ဒလ်ဂို့ကျဲဒတ်အဲယူ(န်) ဖုနဲသေ မာနုချ်အောကောလို့ အော်ဘက်ဖ်အွို့ယ်ရိုးယေးနန့် "အီသေ ယောသပ်ရ်ဖွာ နနား" ဘို့လိ အတ်ဇော်နော်ရတ် အတ်ဇော်နန် ဟောရ်။ 23ကိုယ်တော်ယိုး "ဒါတော်ရော်သူးန် အာဂိုသည့်ဇာရ်ဂူးန်သေ အိုချူးသ်မက်ရဖော့ရတ်ဟောသတ် ဘော်ဆော်(န်)အဆတ်ဒတ်အဲနိကျ ကပေရနောင်တောမ့်နောသ် အိုင့်ဂိုကျိသည့်ဟာ(မ်)အဲယုနော်ရတ် နီဇော်ရ်တောမ့်နောမားဒတ်ယိုး ဂေါရ်ဘို့လိ သော်ရ အာင့်ရတ် ဟားထိဟိုဘိ။ 24သို့ အိုင့် အူဇူဟောဖို့လဲ ဇေဂန်ညာနော်ချားဒူအို့ဗျိုးအောခ် နီဇော်ရ်တောမ့်နောမားသတ် လက်ခံနော်ဂေါ်ရတ်။ 25အိုင့် အဘာရ်အူဇူဟောဖို့လဲ ဂန်ညာနော်ချားဒူ ဧလိယရ် သည်နော်သ် သီ(န်)ဘော်စောရ်ဝင့်န် ဇောရ်နော့သေရရ် အူဝချ်သက်ခဖို့ကျဲဒတ်ဒဏ်ရတ် ခံဂေါ်ရဖို့ကျဲဒတ်အန်းသေ အစ္စရေးမားသတ် ရာရီဘေရီဘီချိဂို့ရိ အစိလ်။ 26ဘောဂဝင့်နပ် ဧလိယရတ် အစ္စရေးဒတ်ချောမားသတ် အဆတ်ဒတ် ရာရီဘေရီအောကောလောရ်အတ်ရေ ကူညီဂိုရိဘတ်လိုက် နိုဒီရစ် ဇိဒုန်တောမ့်နောရ် ဒဟောရ် ဇရတ္တတောမ့်နောသ် အဆတ်သပ် ရာရီဘေရီအို့ဂို့ အိဘေရ်အတ်ရေ ကူညီဂိုရိဘတ်လိုက် ဒီရယေး။ 27ဂန်ညာနော်ချားဒူ ဧလိရှဲ သည်နော်သို့ အစ္စရေးဇာသီရ်ဘိသောရတ် ဖတ်ဆာရာဘတ်ရာမျှာ ဘီရှိဂို့ရိ အစိလ်။ သို့ အိသေးရာရ်ဘိသောရတ် ဆီရီးယားဒတ်ချောရ် dနေမန် ဟောဒတ် မာနုချ်အတ်ဇော်(န်)ဘာဇေ ဟိုနိကျရတ် ဂင်ဂိုရိနောသေ" ဟွို့ယ် အော်ဒလ်ဂို့ကျဲ။ 28ကိုယ်တော်ယေရှု ဟိုယေးသတ် ဟော်သအဲယူ(န်) ဖုနေရရ် ဒမာရုံဘိသောရတ် အာဆတ်ဒတ် မာနုချ်အောကောလတ် ဘီချိ ဂိုချားအို့ယေးနန့် 29အူရိ ကိုယ်တော်ရတ် တောမ့်နောရ်ဘရတ် နန်လိုက်သည်ဘာဇေ ဟိုင်သသူးန် ထပ်လှမက်ရိဗျတ်လိုက် တောမ့်န်ဂို့ကျဲဒတ် မူရရ်အူဝါရေ ဒါကီနီယေး။ 30သို့ ကိုယ်တော်ယေ မာနုချ်အဲယုနောရ်ဘိသောရတ်သူ(န်) နေလီယတ်နန့် ဇာယိုးယ်။ 31သိုဘာဇေ ကိုယ်တော်ယေ ဂါလိလဲဒေသ ကပေရနောင်တောမ့်နောသ် ဇာယေးနန့် ဖူနီမာသည့်န် ဒမာရုံမားသတ် ဟောဂိုကျဲ။ 32ကိုယ်တော်ယေ အူးခူးမ်လွို့ယ် ဟောဂေါ်ရတ်ဇသတ် မာနုချ်အောကောလတ် အိဘေရ် ဒတ်ချားဏရတ် အော်ဘက်ဖ်ဂို့ရိ ချီးမွမ်းဂိုကျဲ။ 33ဒမာရုံ ဘိသောရတ် ဟောရက်ပ်ဂို့လဲသေ မာနုချ်အို့ဂို့ အာဆတ်။ အိသေး ကိုယ်တော်ရတ် 34"နာဇရက်တောမ့်နောရ် ယေရှု၊ သူ့ည် အာင်ရရတ် ကီဂိုရိဘိသည့်။ အာင်ရရတ် သောင်းချော်ဂို့ရိဘတ်လိုက် အချောသတ်နား။ သူယ် ဘောဂဝင့်နောရ်ဇာငှာသူးန် အချောဒတ် မြင့်မြတ်စော်မာနုချ်" ဟွို့ယ် ဂူဇူရီ ဟိုယေး။ 35အန်းစောလော်သ် ကိုယ်တော်ယေ ဟောရက်ပ်အိဘေရတ် "နီဇက်ပ်အော၊ အိသဲရ်ဂါသူးန် နာမ်လ်" ဟွို့ယ် အော်ဒလ်ဂို့ကျဲမောသောရ် ဟောရက်ပ်အိဘေ မာနုချ်အိဘေရတ် မာနုချ်အောကောလောရ် မာဇောသည့် မေရီမားသပ် ဖားလိုက်ဘာဇေ ဒူခ်နာဖိုက်ဖားန် အိသဲရ်ဂါသူးန် နေလီဇာယိုးယ်။ 36ဒမာရုံငေါ်ရ် မာနုချ်ဘေကူးနို့ ဪဘက်ဖ်အို့ယေးနန့် "အေယူးန် ဟိုနီကျာ ဟော်သ။ အိသေး ဒူရာယေးမောသောရ် ဟောရက်ပ်ဖောသူ(န်) ဇာဖော်ရေဒတ် ဂူနီဘာနီအတ်သပ် အူးခူးမ်အောကော်လ် အိသေးသူ(န်) အာဆတ်" ဟွို့ယ် ဟော်ဝဟိုးဝိဂေါရတ်ရ်။ 37သိုဘာဇေ ကိုယ်တော်ရ် ဟောဘောရ်အောကော်လို့ ဒဟောရ် သော်န်ဇာငှာမားသတ် ဘော်ယာ(န်) အို့ဂိယွို့ယ်။ 38ကိုယ်တော်ယေ ဒမာရုံသူးန် နေလီ ရှိမုန်ရ် ဂေါရောသ် ဇာယေးသပ် တိုင်မော်သ် ရှိမုန်ရ် အို့ရီသူးန် ဂါဇော်ရ် ဘီချိအို့ယေးဇသပ် မာနုချ်အောကောလတ် အိဘေရတ် ဂင်ဂိုရိသည့်ဘတ်လိုက် ကိုယ်တော်ရတ် ဟောရ်။ 39အပ်သလိုက် ကိုယ်တော်ယေ အိဘေရ် ဒဟောသ် ဇာယေးနန့် ဂါဇော်ရ် ဂင်မ်အို့ဗျတ်လိုက် အော်ဒလ်သည့်ယေးမောသောရ် အိဘေ ဂင်မ်အို့ယေးနန့် အူရိ အိသေးရာရတ် ဟားနားဖားနီ ဟားဘယေ။ 40ဘေလ်ဂို့လိဗျာရ်တိုင်မော်သ် ဘတ်ရာမျှာဘီရှိဂို့ရိ ကိုယ်တော်ရ်အတ်ရေ ဒါကီအိုက်နဲရရ် အိသေး အဲဘတ်ရာမျှာအောကောလောရ် ဂါမားသပ် အာ့သောရေသူလိ ဘတ်ရာ(မ်)အောကောလ် ဂင်ဂိုရိ သည့်ယေး။ 41ဟောရက်ပ်အောကော်လို့ ဘတ်ရာမျှာအောကောလောရ် ဂါသူးန် နေလီယတ်နန့် "သူ့ည် ဘောဂဝင့်နောရ်ဖွာ" ဟိုးယ် ဂူဇော်ရေ။ ကိုယ်တော်ယေရှု အူဖာရ်ဂေါ်ရတ်သတ် မေရှိယသတ် အိသေးရာ ဟိုသရတ်သတ်အပ်သလိုက် ကိုယ်တော်ယေ အိသေးရာရတ် အဲနိကျ နိုဟိုဘတ်လိုက် မာနဂို့ကျဲ။ 42အာရ်သည်(န်) ဖောရ်ဖိုက်ထေရရ် ကိုယ်တော်ယေ မာနုချ်နိုက်သေးဇာငှာမားသတ် ဇာယေး။ သို့ မာနုချ်အောကောလတ် သော်ဝိုက် လော်သာယေးရရ် အိသေးရာရ်အဲသူ(န်) နော်ဇာဘတ်လိုက် တောင်းပန်ဂိုကျဲ။ 43သိုယ် ကိုယ်တော်ယေ "အာင့်သူးန် တောမ့်န် အာရော မော်ဂေါလ်ဟောဘောရ်အို့ယေးဒတ် eဘောဂဝင့်နောရ် ချားချော်နော်ရ် ဟော်သရတ် ဟောဂေါ်ရဖို့ရိဘို။ အေနီကျာ ဟောဂိုရိဘတ်လိုက် ဘောဂဝင့်နပ် အာင့်ရတ် ဒီရယေးသတ်အို့ယေ" ဟွို့ယ် အော်ဒလ်ဂို့ကျဲ။ 44သိုဘာဇေ ကိုယ်တော်ယေရှု ယုဒ ဒတ်ချောရ် ဒမာရုံအောကောလောသ် ဟောဂေါ်ရတ်ရ်။
Currently Selected:
Luke 4: mtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
