Luke 2
2
1အဲသည်နော်မားသတ် ရောမဧကရာဇ် ဩဂုတ္တုယေး ရောမအင်ပါယာအာ့သော်မားသပ် သကတ်ဒေ မာနုချ်ဘေကူးနောရတ် ဂေါ့ရ်ဆားရင် သူလှဖို့ရိဘို့ဟွို့ယ် အော်ဒလ်နန့်လှယေး။ 2အဲနိကျ အောကောလောရ်အာဂိုသည့် ဂေါ့ရ်ဆားရင် စသော်သ်သူလိဗျို့ချောမားဒတ် ကုရေနိယေး ဆီးရီးယားဒတ်ချောရ် ရာဇာဘော်လေ။ 3မာနုချ်ဘေကူးနို့ အိသေးရာရ် အို့ယေးသေ ဇာငှာသ် ဇိုက်ဘာဇေ ဂေါရ်ဆားရင် ဂို့လိဘတ်လိုက် ဇာယေး။ 4အပ်သလိုက် ယောသပ်ယိုး ရာဇာဒါဝိဒ်ရ် ဂူချိသူးန် လာမီအချဲဒတ် မာနုချ်ဒတ်အပ်သလိုက် ဂါလိလဲဒတ်ချ် နာဇရက်တောမ့်နောသူးန် နေလီ ရာဇာဒါဝိဒ်ရ် ဇာတိတောမ့်န်အို့ယေးဒတ် ယုဒ ဒတ်ချောရ် ဗက်လင်တောမ့်နောသ် ဂေါရ်ဆားရင် ဂေါလှဘတ်လိုက် ဇာယေး။ 5အတ်ရေဇာဗျိုချောမားသပ် ယောသပ်ယေး အိသေးလို့ယ် ဇူရီအေရီ ဂိုရ်ဘိသအို့ယေးသတ် မာရိရ်ဖောင့်ကတ် ဇာယေး။ 6အိသေးရာ ဒူနော့ဇောနန့် အဲဇာငှာမားသတ် ဖိုစဲသတ်အန်းသေ မာရိသူးန် ဖွာအိုးဗျတ်လိုက် တိုင်မ်အချဲ။ 7မာရီယေး စသော်ရ်ဖွာ မော်ရော်သာရတ် ဘီယာယေး။ အဲတိုင်မော်သ် အိသေးရာသူးန် သကိဘတ်လိုက် ဇာငှာနိုက်ဇသပ် အိဘေ ဖွာရတ် ဟော်ရ်လွိုယ်မော်ရစ် ဂိုရူလာ ဒို့နောမားသေ အတ်ရာဖိုကျဲ။ 8အဲသည့်(န်) အာ့ဇုနာ ဘတ်ရစောလ်စောရစ်နားဟို့သူ(န်) အိသေးရာရ် ဘတ်ရစောလောရေ ဗက်လင်တောမ့်နောရ် ဒ့ဟောသ် ဘီလော်မားသပ် ဆော်ရာရ်။ 9အန်းစောလော်သ် ဘောဂဝင့်နောရ် ချောဒတ်ဖောသာ့အို့ဂို အိသေးရာရ်မွင့်သိ ဘောက်ဂို့ရိ နေလီ ဘောဂဝင့်နော့ရ် ဂူနီလွိုယ် အိသေးရာရ် ဒဟော့မားသေ ဖော့ရ်အို့ယေးဇသတ် အိသေးရာယိုး ဘီရှိ ဒေါ်ရာယေး။ 10သိုဘာဇေ ချောဒတ်ဖောသာ့ အိသေးရာရတ် "နော်ဒေါ်ရာယိုး။ အိုင့် မာနုချ်ဘေကူးနောလိုက် ဘီရှိကုရှီ အိုးဗျိုးသတ် ဂင်မ်ဟောဘော့ရောရေ အိုက်နိသည့် အို့ယေ။ 11အေနီကျာ ဂင်မ်သည်နော်မားသတ် အူဖာရ်ဂေါ်ရတ်သပ် မေရှိယအရှင်ယေ ရာဇာဒါဝိဒ်ရ် တောမ့်နောသ် အို့ယေ။ 12ဗက်လင်တောမ့်နောသ် ဟော်ရ်လိုယ် မော်ရစ် ဒို့နော့မားသေ ဖုရီရိုယေးသတ် ဂူရာဖွာရတ် သော်ရ ဒေကိလဲ သော်ရ အိသေးရေ စီနိဘိ" ဘို့လိ ဟိုယေး။ 13ဘောက်ဂို့ရိ ချော့ဒတ်ဖောသာ့ဘီရှိဂို့ရိ aချောရ်ဂေါသူ(န်) လာမီအာယဲ့နန့် ဘောဂဝင့်နောရ် ဂူနော်ရတ် အေနီကျာ ချီးမွမ်းဂေါ်ရတ်ရ်။ 14"ချောရ်ဂေါမားသေ အဆတ်သတ် ဘောဂဝင့်နောရေ ချီးမွမ်းဂိုရိ။ အေဒူနီယာမားသတ် ဘောဂဝင့်နော့ရေ မာနန်သတ် မာနုချ်ဘေကူးနောရ် အူဝါရေ ချားသိဖောရောခ်" ဘို့လိ ဟိုယေး။ 15သိုဘာဇေ ချောဒတ်ဖောသာ့အောကော်လ် ချောရ်ဂေါမားသေ ဇာယိုးရရ်ဖီစား ဘတ်ရားစောလ် စောရစ်ဏအော့ကော်လ် "အာင်ရရတ် ဘောဂဝင့်နပ် ဟိုယေးသတ်အဲယုနော်ရတ် ဇိုက်ဆာဗျတ်လိုက် ဗက်လင်တောမ့်နော့မားသတ် ဇော်(မ်)" ဟွို့ယ် အတ်ဇော်နော်ရတ် အတ်ဇော်(န်) ဟိုယေး။ 16အပ်သလိုက် အိသေးရာ အဲဇာငှာမားဒတ် ဟားရာဇာယေးရရ် ယောသပ်၊ မာရိရ်ဖောင့်ကတ် ဒို့နော့မားသေ ဖိုရီရိုယေးသပ် ဂူရာဖွာအိဘေရတ် လော်သာယေး။ 17ဘတ်ရစောလ် စောရစ်ဏအော့ကော်လို့ ဂူရာဖွာယေရှုရတ် လော်သာယေးရရ် ချောဒတ်ဖောသာ့အောကောလေ ဂူရာဖွာလိုယ် ပတ်သက်ဂိုရိ ဟို့ယ်ဒ့ဟယေးသပ် ဟော်သအဲယုနော်ရတ် မာနုချ်အောကောလောရတ် ဟွိုယ်ဒဟယေး။ 18ဘတ်ရစောလ်စောရိုက်နားအော့ကော်လ် ဟွိုယ်ဒ့ဟသတ်အဲယုနော်ရတ် ဖုနိရိုးယေးသေ မာနုချ်ဘေကူးနို့ ဘီရှိ အော်ဘက်ဖ်ဂေါရတ်ရ်။ 19သို့ မာရိယေး ချောဒတ်ဖောသာ့လွို့ယ် လော်သာယေးဒတ်အဲယူ(န်)လို့သီး ယေရှုလွို့ယ် ပတ်သက်ဂိုရိ ဘေကူးနောရတ် မော်နော်သ်ဂိုရိ စိမ်သာဂိုရိ စိမ်သာဂိုရိ ရိုယေး။ 20ဘတ်ရစောလ်စောရစ်ဏ အောကော်လို့ ဘီလော်မားသပ် အာဘာရ်ဇာယေးနန့် ဘောဂဝင့်နောရ် ဂူနော်ရတ် ချီမွမ်းဂိုရိ ချော့ဒတ်ဖောသာ့အောကော်လ် အိသေးရာရတ် ဟိုယေးသတ် အော်ဘက်ဖ်အဲယူ(န်) အော့သော်သေ အိုးယေဘို့လိ အတ်ဇော်နော်ရတ် အတ်ဇော်န် ဟောရ်။ 21သိုဘာဇေ အို့ယေးနန် အိုက်ချ်တော်သည်နော်သ် မောရှေရ်ပညတ်ကျမ်းb မားသတ် အဆတ်သတ်အဲနိကျ ဂူရာဖွာရတ် အရေးပြားလှီးမင်္ဂလာ ဂိုရိသည့်ဘတ်လိုက် တိုင်မ်အို့ယေရရ် မာရိသပ် ယောသပ်သက်ရ ဂူရာဖွာရတ် အိဘေသူးန် ဖတ်ရော်သ်နော်ဝင့်သေးလိုးသီး ချော့ရ်ဒတ်ဖောသာ့ အော်ဒလ်ဂို့ကျဲဒတ်အဲနိကျ ယေရှုဟွို့ယ် နာ(မ်)သည်ယေး။ 22မောရှေရ် ပညတ်ကျမ်းမားသတ် အာဆတ်သတ်အဲနိကျ ဆက်ပ်ဂေါရတ်ဒေမော်ဂေါလ်လော်ရတ် ဂေါ်ရဖောရတ်ဒတ် သည်န်အောကောလ် အွို့ယ်ဇိုက်ဗျို့သေအန်းသေ မာဘာဖေ ဂူရာဖွာယေရှုရတ် ဘောဂဝင့်နောရ်ဟာင်ဆတ် သာ(န်)ဂိုရိဘတ်လိုက် ယေရုရှလင်တောမ့်နောသ် ဒါကီအိုက်နဲ။ 23အိသေးရာ အဲနိကျအချဲသပ်ဒတ် ပညတ်ကျမ်းမားသတ် အဆတ်သပ်အဲနိကျ "စသော်ရ် ဖွာမော်ရာသာဘေကုနောရတ် ဘောဂဝင့်နောရ်ဟာင်ဆတ် ဂေါ်ဆိုက်သည့်ယဖို့ရိဗျို့သပ်" ဒတ် 24"ချိုးငှက်အေဇူရ် နို့လေး ဟိုသိုရ် ဂူရာဒူဝိုး ဖူဇာဂေါ်ရဖို့ရိဗျို့" ဟိုးယေးသပ်အဲနိကျ သာ(န်)ဂိုရိဗျတ်လိုက် အို့ယေ။ 25အဲတိုင်မော်မားသတ် ဂျေရုဆလင်တောမ့်နောသ် သကတ်သေ ရှုမောင်ဟောသတ် မာနုချ်အို့ဂို့ အာဆတ်။ အိသေး ဘောဂဝင့်နပ် ဟားရတ်သေအဲယူ(န်) ဂိုရိ ဘောဂဝင့်နောရ် ပညတ်တော်ရတ် မိုဒ်နဲ။ ဘောဂဝင့်နန့် အစ္စရေး ဇာသီအောကောလောရတ် ဘော်လ်သည် အူဖာရ်ဂိုရိဗျိုးသတ်အဲယူ(န်) စိုည်ရိုယေးသတ် မာနုချ်အို့ဂို့ယိုး အို့ယေးသေအပ်သလိုက် ဂန်ညာနော်အာလော်ယေ အိသဲရ်အတ်ရေ လာမီ 26အိသေးရေ "သူယ် အူဖာရ်ဂိုရိဗျိုးသတ် မေရှိယရတ် နိုသည်ကိ နိုမိုရီဘိ" ဟွို့ယ် အော်ဒလ်ဂို့ကျဲ။ 27မာရိသတ် ယောသပ် ပညတ်ဂိုကျဲသတ်အဲနိကျ သာ(န်)ဂိုရိ ဖူဇေဒတ် ဟာမော်ရတ် ဂိုရိဗျတ်လိုက် ဗိမာန်တော်ရ် ဘိသောရတ် ဂူရာဖွာရတ် ဒါကီအိုက်နဲသပ် တိုင်မော်မားသပ် ဂန်ညာနော်ရ်အာလော်ယေ ရှုမောင်ရတ် ဗိမာန်တော်ရ် ဘိသောရတ် ဂို့လိဘတ်လိုက် ဖောမ်ဒါဟယေး။ 28သိုဘာဇေ ရှုမောင်ယေ ဂူရာစိနားဖွာ ယေရှုရတ် အိသဲရ် အာ့သော်မားသတ် လိုယေးနန့် ဘောဂဝင့်နောရ် ဂူနော်ရတ် အေနီကျာ ချီးမွမ်းဂိုကျဲ။ 29"အရှင်၊ ယာ သူ့ည် သောသော် သည်ယိုးသတ် အဲနိကျ သော်ဝင့်ရ် ဂို့ရောရတ် ချားသီးဂို့ရိ မိုရီဗျရ် အခွင့်ရတ် သော်။ 30ကပ်လိုက်ဟိုးလေး မာနုချ်အောကောလောရတ် အူဖာရ်ဂိုရိဗျတ်လိုက် သူ့ည် ဒီရယိုးသတ် အရှင်ရတ် အိုင့် နီဇေဘာဇေ ဒေကိ။ 31မာနုချ်အောကောလောလိုက် သူ့ည် သိုယာရ်ဂိုရိ သည့်ယောသပ် 32သော်ဝင့်ရ် အလိုတော်ရတ် ဒတ်ချောသားမာနုချ်အောကောလောရတ် ဟိုသရတ်ဖားန် ဒါဟိုက်၊ သော်ဝင့်ရ် ဇာသီအို့ယေးသပ် အစ္စရေးအောကောလောရတ် မော်ဂေါလ်ဂိုရိဗျတ်လိုက် ဖောရ်သည့်ယေး" ဟွို့ယ် အို့ယေ။ 33မာရိဒတ် ယောသပ်ယိုး ရှုမောင် ဟွို့ယ်ဒဟယေးသတ် ဂူရာဖွာ ယေရှုရ် ဟော်သရတ် ဖူးနိဘာဇေ အော်ဘက်ဖ်ဂေါရတ်ရ်။ 34သိုဘာဇေ ရှုမောင်ယေ အိသေးရာရတ် ဘော်ရ်ကုဇိသည့်ယေးနန့် မာရိရတ် "ဘောဂဝင့်နန့် သော်ဝင့်ရ်ဖွာရတ် အစ္စရေးဇာသီရ် မာဇောသည့် ဘောဂဝင့်နောရေ မာနန်သပ် အိသေးရာရတ်သပ် နော်မာနန်သပ် အိသေးရာရတ် စိရဂို့ရိဘတ်လိုက် ဘာစိအဲကျဲ။ အိသေး မာနုချ်အော့ကောလောရ် မော်နော်ရ်ဘိသောရတ်ရ် အကြံအစည်ဘေကူးန် နေလိုက် ဒါဟိုက်ယတ်နန့် အိသေးရေ မာနုချ်ဘီရှိ ငြင်းဂိုရိဗျို့ဒတ်အဲယူ(န်) ခံဂေါ်ရဖို့ရိဗျို့ဒတ်အတ်သတ် 35ဟော်ချ်ထော်အောကောလို့ မိုနာဂိုရိအဲကျဲသပ် ဓါအတ်ခနောဒိခါးန် သော်ရ် ဟိုလ်ဂျာမားသတ် ဂို့လဲသေအပ်သလိုက် သော်ရော ဒူကောဖိုက်ဖို့ဟိုးယေးဒတ် ဘောဂဝင့်နောသူ(န်) ဖိရိဆာအတ်ခါးန် အို့ယေ" ဘို့လိ ဟိုယေး။ 36အဲဇာငှာမားသပ် အာရှာဂူရှိ ဖနွေလရ် ဇုရ်ဖွား ဂန်ညာနော်ချားဒူ အန္နယိုး အာဆတ်။ အိဘေ ဘီယဂို့ရိ ဘတ်ရာလွိုယ်ဖောင့်ကတ် အာ့သ်ဘောစော်ရ် ဖောင့်ဂတ်သိုက်ကေ။ 37ယာ အိဘေ ရာရီဘေရီအို့ယေးနန် ဘော်ချ်ချိုး အာချီးဆိုက်ရ်ဘော်စောရ် အိုးယတ်ဒေအပ်သလိုက် ဘူရအို့ဂိယိုးယ်။ အိဘေ ဗိမာန်တော်သူးန် ဟော်နို့သည့်န် နိုနီလီယတ်နန့်၊ ဖောရနောချောရ်ဂေါရတ်ဒတ်၊ ဟားနားနာဟိုက် စိလှသောရတ်သပ်အဲယူ(န်) သည်န်ရိုက်သ် ဂေါ်ရတ်သပ်မာနုချ်။ 38အန္နယေ ဗိမာန်တော်ဘိသောရတ် အယတ်နန့် ဂူရာဖွာယေရှုရတ် ဒေခဲရရ် ဘောဂဝင့်နောရ် ဂူနော်ရတ် ချီးမွမ်းဂိုရိ ဂျေရုဆလင်တောမ့်နောသ် အူဖာရ်ဂိုရိဗျို့ဒတ်အဲယူ(န်) စိုည်ရိုယေးဒတ် မာနုချ်အောကောလောရတ် အဲဂူရာဖွာရ်အကြောင်း ဟိုယေး။ 39သိုဘာဇေ ယောသပ်ဒတ် မာရိသက်ရ ဘောဂဝင့်နောရ် ပညတ်တော်ရတ် အောသောဒေ ဂိုရိယတ်နန့် အိသေးရာရ် ဂေါရ်အာ့ဆတ်ဒေ ဂါလိလဲဒတ်ချ် နာဇရက်တောမ့်နောသ် ဇာယွို့ယ်။ 40ဂူရာဖွာအိဘေ ဒေါမ့်ရ်အိုးယေးဒတ်အန်းသေ အကော်လ်ဘီသာ ဖူရာယေးနန့် ဘောဂဝင့်နောရ် အချိဘက်သ်သည့်ယေးသတ် အဲယူနို့ ဖာယေး။ 41ဖိုသီဘော်စောရ် မာရိဒပ် ယောသပ်သက်ရ ပဿခါဖို့ယ် ဂိုရိဘတ်လိုက် ဂျေရုဆလင် တောမ့်နောသ် ဇာဒပ်အဆတ်။ 42ကိုယ်တော်ယေရှု ဘရောဘောစောရောမားသတ် အိသေးရာ ဘေကူးနဲ ပသခါဖို့ယ် ဂို့ရိဘတ်လိုက် အဲတောမ့်နောမားသတ် ဇာယေး။ 43ပသခါဖို့ယ်cယောရ်သည်န် ဖူးရယေးသေအန်းသေ ဂူရာဖွာယေရှုယေး တောမ့်နောမားသတ် သိုက်ရိုးယေးသေ ဟိုနားဖားရိ အိသေးရာ ဒိုက်အာ့ချေ။ 44ဂူရာဖွာယေရှု အိသေးရာရ်ဖောင့်ကတ် ဇာသပ် မာနုချ်အောကောလောရ်ဘိသောရတ် အာဆတ်ဘို့လိ သရီယတ်နန့် ဇာသပ် အေသည်န် အိုဂိယိုယ်။ သို့ယတ်နန့်မှဖီစား အိသေးရာ ဂူရာဖွာယေရှုရတ် ဂူချိအောကောလောရ်ဘိသောရတ် ဝင့်ချာအောကောလောရ်ဘိသောရတ် ဇိုက်ဇိုက် သော်ဝါယတ်နန့် 45လော်နားဖိုက်ဇသတ် ယေရုရှလင်တောမ့်နောသ် သော်ဝါဗျတ်လိုက် အာဘာရ်အချဲ။ 46သိမ်သည်(န်)ဒေရီအို့ယေးဒတ်အန်းသေ အိသေးရာ ယေရှုရတ် ဗိမာန်တော်မားသတ် ဂျူးဘာသာရေးဆရာအောကောလောရ် ဘိသောရတ် ဘွို့ယ်ရိုးယဲ့သပ် ဒေခဲ။ အိသေး အိသေးရာရ် ဟော်သအောကောလောရတ် ဖူးနိယတ်နန် အိသေးရာသူးန် မေးခွန်းအောကောလ် ဖော်စောရ်ဂေါရတ်ရ်။ 47ယေရှုရ် ဟော်သရတ် ဖူးနန့်သေ မာနုချ်ဘေကူးနဲ အိသဲရ် အသိပညာရတ်သတ် ဖြေဂေါ်ရတ်သတ်အဲယူးနော်ရတ် အော်ဘက်ဖ်ဂေါရတ်ရ်။ 48ယောသပ်ဒတ် မာရိယိုး ယေရှုရတ် လော်သာယေးသတ်အန်းသေ အိသေးရာ အော်ဘက်ဖ်ဂို့ရိ အိသဲရ်မာယေ "အိုဖုသ်၊ ကပ်လိုက် အာင်ရရ်အူဝါရေ အေနီကျာ ဂေါ်ရဖောရတ်သပ်။ အာင်ရ စိတ်ပူဂိုရိ သော်ရတ် သော်ဝါဖော်ရေရ်" ဘိုလီ ဟိုယေး။ 49အန်းစောလော်သ် ဂူရာဖွာယေရှုယေး "ကပ်လိုက် အာင့်ရတ် သော်ဝေါ်ဒတ်။ အိုင့် ဘာဖော်ရ်ဂေါရောမားသေ အစိသည့် ဟွိုယ်နဖားရောနား" ဘို့လိ ဟိုယေး။ 50သို့ အိသေးရာ ဂူရာဖွာယေရှု ဟိုယေးဒတ် မှနိရတ် နို့ဘူဇဲ။ 51သိုဘာဇေ ဂူရာဖွာယေရှုယေး ယောသပ်ဒတ် မာရိသက်ရရ် ဟော်သရတ် ဖုနိယတ်နန် အိသေးရာရ်ဖောင့်ကတ် နာဇရက်တောမ့်နော့မားသတ် ပြန်လို့ဇာယေး။ အိသဲရ်မာယေ ချောဒတ်ဖောသာ့လွို့ယ် လော်သာယေးဒတ်အဲယူ(န်)အပ်ဒတ် ယေရှုလွို့ယ် ပတ်သက်ဂိုရိ ဘေကူးနောရတ် အိဘေရ် မော်နော်ရ်ဘိသောရတ် စိမ်သာဂေါ်ရတ်ရ်။ 52သိုဘာဇေ ကိုယ်တော်ယေရှု ဒေါမ့်ရ်အို့ယေးဒတ်အန်းသေ အကောလ်ဘီသာဖူရစ်အာယေးနန့် ဘောဂဝင့်နောသူနို့ အချီးဘက်သ်ဖားယေးနန့် မာနုချ်အောကောလောသူးန် ဘီချိဟားရတ်ဒေအဲယူနို့ ဖာယေး။
Currently Selected:
Luke 2: mtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
