Luke 1
1
1လေးစားဂေါ်ရဇာ့သပ် သော်ဖိလု၊ အာင်ရရ် ဒူနီယာမားဒတ် ဘောဂဝင့်နပ် ဂိုကျဲဒတ် ဟာ(မ်)အဲယုနော်ရတ် 2စသော်လို့သီး စူဂေ့ဒေကဲသတ် အိသေးရာလွို့ယ် ဘောဂဝင့်နောရ် ဟောဘောဂျ ဟော်သရတ် ဟောဂိုကျဲဒတ်အိသေးရာ ဟိုယေးသတ်အဲနိကျ မာနုချ်ဘီရှိဂို့ရိ လေကိဒါဟယေး။ 3အပ်သလိုက် အိုင့် အိုးယေးသေအဲယူ(န်) ဘေကုနော့ရတ် ဂင်ဂိုရိ လေ့လာဂိုရိယတ်နန့် 4သော်ရ ဖူးနောဒေ အကြောင်းအရာအဲယူ(န်) မှန်ရေဒတ် ဟွိုယ်သရိဘတ်လိုက် သော်ရရ်ဟာင်ဆတ် အေနီကျာ အူဇူဂိုရိ လတ်ခဖို့ကျဲဒတ်အို့ယေ။ 5ယုဒ ဒတ်ချောသ် ဟေရုဒ်ရာဇာd အုပ်ချုပ်ဂိုကျဲသတ် တိုင်မော်မားသပ် ဇာခရိဟောဒတ် ဂျူးပုရောဟိတ်ယေးe အဘိယf ဟွို့ယ် ဒါကေသတ် ပုရောဟိတ် ဒိုက်ယောရ် မာနုချ်အို့ဂို့ အို့ယေ။ အိသဲရ်ဘေရီ ဧလိရှဗက်ယိုး အာရုန်ဟွို့ယ် ဒေါကေဒတ် ပရောဟိတ်g ဂူချိသူးန် အချဲဒတ်။ 6အိသေးရာ ဒူနောဇောနန့် ဘောဂဝင့်နောရ် ပညတ်တော်အောကောလောရတ် ဘုလ်နို့ဂို့ရီ မာနန်သတ်အပ်သလိုက် ဘောဂဝင့်နောရ် မောသည့်ယိုး အူဇူမာနုချ် အို့ယေ။ 7ဇလိရှဗက်ယေး ဘဇာဒတ်အပ်သလိုက် ဖွာဖူဇိ နို့ယေးနန့် အိသေးရာ ဒူနောဇောနန့်ယိုး ဘော်ချ် ဘီချိအွို့ယ်အချဲ။ 8အေသည်န် ဇာခရိယေး ဗိမာန်တော်သ်h အလှည့်ကျဖော်ရေဒတ် ဟာမော်ရတ် ဂိုရိဗျို့ချောမားသတ် 9ပုရောဟိတ်အောကောလောရ် ဖတ်ချားအဆတ်သတ်အဲနိကျ ဗိမာန်တော်ဘိသောရတ် နံသာတံသောရစ် ဖူဇီဗျတ်လိုက် မဲနိုက်ဂိုရိ ဘိုက်စဲရရ် အိသေး ဖိုကျဲ။ 10သို့ယတ်နန့် ဇာခရိယေး နံသာတံသောရစ် ဖူဇေသတ် တိုင်မော်သ် မာနုချ်ဘီရှိဂို့ရိ ဗိမာန်တော်ရ် ဘိရာမားဒတ် ဘော်ရ်ကူးဇိ ရိုယေး။ 11သိုဘာဇေ ဘောဂဝင့်နပ် ဒီရယေးသတ် ချောဒတ်ဖောသာ့i အိဘေ နံသာတံအောကောလ် သောရစ်ဖူဇေဒတ် အာချောနောရ် ဒိုင်ဒ့ဟောသည့် ဇာခရိရတ် ဒါဟယတ်နန့် သိယာရိုးယေးသတ် 12ဒေခဲရရ် အိသေး ဘီရှိဒေါ်ရစ်ယတ်နန့် ဟာဖတ်ရ်။ 13အန်းစောလော်သ် ချောဒတ်ဖောသာ့ယေး အိသေးရေ "နော်ဒေါ်ရာယိုး ဇာခရိ။ သော်ရ် ဘော်ရ်အဲယူ(န်) ဘောဂဝင့်နပ် ဖူးနေ။ သော်ရ်ဘေရီ ဧလိရှဗက်ယေး သော်လိုက် ဖွာမော်ရာသာအို့ဂို့ ဘီယာသည်ဘို။ သော်သူးန် ဖွာအိဘေရတ် ယောဟန်ဟွို့ယ် နာ(မ်) သည်ယာဖိုရီဘို့။ 14ဖွာအိဘေ အိုးဗျို့သေအန်းသေ သော်ရ ဘီရှိကုချီအိုးဘိသည့်အဲနိကျ အာရ်ဂုနဲယိုး ကုချီဖိုက်ဗျို့။ 15ယောဟန်ယေ ဘောဂဝင့်နောရ် မောသည့် မြင့်မြတ်ရေ မာနုချ်အို့ဗျို့။ အိသေး ဟိုနို့သည့်န် စပျစ်ရည်ဒတ် ချောရောဖ်ဖားနီ နာဟဗျိုး။ အိသေး နော်ဝိုင်းသေးလို့သီး ဂန်ညာနော်အာလော်ယေ အိသဲရ်ဖောင့်ကတ် သက်ကိဘို။ 16အိသေး အစ္စရေးဇာသီ ဘီရှိဂို့ရိရတ် ဒူချောရတ် စီနိအာယတ်ဖားန်ဂိုရိ အိသေးရာရ် အရှင်အို့ယေးသတ် ဘောဂဝင့်နောရ်အိကျေ ဖိရတ်ဖာ(န်) ဂိုရိဘို့။ 17ယောဟန်ယေ ဂန်ညာနော်ချားဒူ ဧလိယဒိခါးန် အူးခူးမ်အတ်ဒတ် ဂူနီ သကိ အရှင်ရ် အာဂိုသည့်ဇာဗျိုသတ် မာနုချ်အို့ဗျို့။ အိသေး မာဘာဖော်ရ်အတ်သပ် ဖူဇိအောကောလောရ် မော်နော်ရတ် ဘော်နန်ဖားန်ဂိုရိ နိုဖူးနန့်သပ် အိသေးရာရတ်ယိုး ချိခိုက်သည့်ဘို့။ အပ်သလိုက် မာနုချ်အောကောလို့ အရှင်အာဗျိုသပ်အန်းသေ သိုယာရ်ဂိုရိ သက်ကိဘို" ဘို့လိ ဟိုယေး။ 18သိုဘာဇေ ဇာခရိယေး ချောဒတ်ဖောသာ့ရေ "အဲနိကျ အွို့ယ်အာဗျိုးသတ်အဲယူ(န်) အိုင့် ကိမ်ဂို့ရိ ဟွိုယ်သကျိုးမ်။ အာင်ရ ဘတ်ရာဘေရီ ဒူနောဇောနန့် ဘီရှိ ဘူရားအို့ဂိယိဂို့ယ်" ဘို့လိ အာဘာရ်ဟိုယေး။ 19အန်းစောလော်သ် ချောဒတ်ဖောသာ့ယေး အိသေးရေ "အိုင့် ဘောဂဝင့်နောရ် မောသည့် ဟာ(မ်)ဂိုရိသိ ဂါဗြေလ။ သော်ရ်ဟာင်ဆတ် အေကုရှီရ်ဟောဘောရောရေ အယတ်နန့် ဟိုဗျတ်လိုက် ဘောဂဝင့်နန့် အာင့်ရတ် ဒီရားယေးသတ် အို့ယေ။ 20အပ်သလိုက် အာင့်ရ်ဟော်သရတ် သူယ် ဘီချာသ်နောဂေါရောဒတ် အပ်သလိုက် အေယူးန် အို့ဗျို့သေအဲသို့သည်န်ဝါးန် သူယ် ဟော်သ ဟိုးနဖားရိ ဘူခ်အွို့ယ်ရိုးဘိ။ အာင့်ရ်ဟော်သ တိုင်မ်အို့လေ အွို့ယ်အာဗျို့" ဘို့လိ ဟိုယေး။ 21ဇာခရိဒတ် ချောဒတ်ဖောသယေး ဗိမာန်တော်ရ် ဘိသောရတ် ဟော်သ ဟောသတ် အန်းစောလော်သ် ဘရတ်အဆတ်သပ် မာနုချ်အောကောလတ် ဇာခရိရတ် စိုည်ရိုယေး။ အိသေးရာ ဗိမာန်တော်ရ် ဘိသောရတ် ဇာခရိ ကတ်လိုက် ဒေရီဂိုရိ သက်ကိရိုးယေးသေ အဲယူးနော်ရတ် မော်(န်)သည်ယေး။ 22ဇာခရိ ဘရတ် နေလီအချဲသတ် တိုင်မော်မားသတ် ဟော်သဟိုနဖားရတ်ရ်ဇသတ် ဗိမာန်တော်ရ် ဘိသောရတ် အစိလ်သည့်အန်းသေ ဇာခရိယေး ဖိရိဆာဟော်နောအတ်ခါးန် ဒေခဲဘို့လိဟွို့ယ် မာနုချ်အောကောလတ် ဘူဇဲ။ အိသေး ဟော်သဟိုးနားဖားရိ မာနုချ်အောကောလောရတ် အာ့သေ လာရီလာရီ ဒါဟရ်။ 23သိုဘာဇေ ဇာခရိယေး ဗိမာန်တော်မားသတ် ဂေါ်ရဖို့ရိဗျိုးသတ်အဲယူ(န်) ဂိုသို့အိုးယေရရ် အိသဲရ် ဂေါရောသ် ဇာယွို့ယ်။ 24တိုင်မ်အေကီနိ ဒေရီအို့ယေးရရ် ဇာခရိရ်ဘေရီ ဧလိရှဗက်သူးန် ဖွာဖတ်ရော်သ် အွို့ယ်အယတ်နန့် အိဘေ ဖာစ်မချ်ဝင့်န် ဒေရီဂိုရိ မာနုချ်အောကောလောရ် ဘိသောရတ် နောဇိုက်။ 25အိဘေ "အရှင်ယေ အာင့်ရတ် ဂိုရ်ဘိသအို့ဗျတ်လိုက် အခွင့်ရတ် သည်ယေး၊ အိဘေသူးန် လာဂေသတ်အဲနိကျ အာင့်ရတ် မာနုချ်အောကောလောရ် ဟော်ဝါးဟိုးဝိဂေါရတ်သတ် အဲယုနော်သူးနို့ အာင့်ဇိဇာ့ဂိုယ်ဖားန် ဂိုရိသည့်ယေး" ဘို့လိ ဟိုယေး။ 26ဧလိရှဗက် ဂိုရ်ဘိသ စောမာချ် အို့ယေးဒေအန်းသေ ဘောဂဝင့်နပ် ချောဒတ်ဖောသာ့ ဂါဗြေလj ရတ် ဂါလိလဲဒတ်ချောရ် နာဇရက်တောမ့်နောမားသတ် ဒီရစ် 27မာရိဟွို့ယ် ဒါကေသပ် ဟိုဆာမာယာဖွာအို့ဂို့ရ်အတ်ရေ ဇာယေးနန့် ဟောဘောဂျ ဟော်သ ဟော်ဝသည့်ယေး။ မာရိယေး ရာဇာဒါဝိဒ်ရ် ဂူချိသူးန် အချဲသတ် ယောသပ်လွို့ယ် ဇူရီအေကျဲသတ် မာယာဖွာ။ 28ချောဒတ်ဖောသာ့ယေး မာရိရတ် နှုတ်ဆက်ဂိုရိ "ဘောဂဝင့်နပ် သော်ရ်ဖောင့်ကတ် သကိ အိဘေရ် ဘော်ရော်အာသော်ရ်မာယာရတ် သော်ရ် အူဝါရေ အာရော ဒါဟယေး" ဘို့လိ ဟိုယေး။ 29သို့ မာရိယေး အဲဟော်သအဲယူ(န်) ဖုနဲသေအန်းသေ ဘီရှိမော်န်ဆတ်ဒေရ်ဘတ်သပ်ရ် အို့ယေးနန့် ချောဒတ်ဖောသာ့ရ် ဟော်သအဲယူ(န်) ကီယောရတ်ဟိုယေးသပ် စိမ်သာဂိုရိ ရိုယေး။ 30သိုဘာဇေ ချောဒတ်ဖောသာ့ယေး မာရိရတ် "နော်ဒေါ်ရာယိုး၊ မာရိ။ ဘောဂဝင့်နပ် သော်ရတ် မူခ်ဆာယေး။ 31သော်သူးန် ဖွာဖတ်ရော်သ် အို့ယေးနန့် မော်ရော်သာအို့ဂိုး ဘီယာဗျို့။ အိသဲရ် နာမော်ရတ် ယေရှုဟိုးယ် ဒါခါဖိုရီဘို့။ 32အိသေး ဂူနီဘာနီဒွင့်ရ် မာနုချ်အို့ဂိုး အွို့ယ်အယတ်နန့် အောကောလောရ်ဒေါမ့်ရ် ဘောဂဝင့်နောရ် ဖွာဟွို့ယ် ဒါကီဘို့။ အိသဲရ် ဒါဒါအို့ယေးဒတ် ရာဇာဒါဝိဒ်ဒိခါးန် အိသဲရ်ဇာသီရတ် အုပ်စိုးဂိုရိသရတ်ဒတ် အူးခူးမ်မောရေ ဘောဂဝင့်နပ် အိသေးရေ သည်ဘို။ 33အိသေး အစ္စရေးဇာသီအောကောလောရတ်k ရာဇာဂိုရိ ဇိန်သာခီ အုပ်စိုးဂိုရိယတ်နန့် အိသဲရ် ဒတ်ချ်အိယာနို့ ဟော်နို့သည့်န် နော်ဘက်ငိဘို့" ဘို့လိ ဟိုယေး။ 34အန်းစောလော်သ် မာရိယေး "အိုင့် ဟိုဆာမာယာဖွာအို့ဂို့ အို့ယိသည်အပ်သလိုက် အေယူးန် ဟိုနီကျာ ဖာရီဗျိုး" ဟွို့ယ် ချောဒတ်ဖောသာ့ရေ ဟိုယေး။ 35ချောဒတ်ဖောသာ့ယို "ဂန်ညာနော်အာလော်l သော်ရ်ဟာင်ဆတ် ဖိုရီ ဘောဂဝင့်နောရ် ဂူနီယိုး သော်ရ်အူဝါရေ ဖိုရီဘို့။ အပ်သလိုက် သော်ရ်ဖွာရတ်ယိုး ဘောဂဝင့်နောရ် မြင့်မြတ်ရေ ဖွာဟွို့ယ် ဒါကီဘို့။ 36သော်လွိုယ် ဂူချိလှဂတ်ဒတ် ဧလိရှဗက်ယေး ဘူရအို့ဂိယို့ရရ် မာနုချ်ဘီရှိ ဖွာနာဖိုက်ဗျိုးဘို့လိ ထရိလေယိုး ယာ ဖွာဖတ်ရော်သ်အို့ယေးသတ် ဆော့မာချ်အို့ဂိယွိုယ်။ 37ဘောဂဝင့်နန့် နာဖာရတ်ဟောဒတ် ကေစုနိုက်" ဘို့လိ ဟိုယေး။ 38အန်းစောလော်သ် မာရိယေး "အိုင့် ဘောဂဝင့်နောရ် ဂို့ရ်အတ်ဇော့(န်) အို့ယီ။ သူ့ည် ဟိုယိုးသတ်အဲနိကျ အာင့်ရ်အူဝါရေ ဘောဂဝင့်နော့သူ(န်) လာကေသတ်အဲနိကျ အော့ခ်" ဘို့လိ ဟိုယေး။ သိုဘာဇေ ချောဒတ်ဖောသာ့ယို မာရိရ် ဒဟော့သူ(န်) ဇာယွို့ယ်။ 39ဘီရှိဒေရီနော်ဝိုင်းသေး မာရိယေး သိုယာရ်ဂိုရိ ဇာခရိသကတ်သေ ယုဒတောမ့်နောသ် အဆတ်သတ် မူရရ်အုဝါရေ တောမ့်န်အတ်ခနောမားဒတ် ဟားရာဇာယေး။ 40အဲဇာငှာသ် ဖိုစဲရရ် အိဘေ ဇာခရိရ် ဂေါရောမားသေ ဂို့လိ ဇာခရိရ်ဘေရီ ဧလိရှဗက်ရတ် နှုတ်ဆက်ဂိုကျဲ။ 41မာရိ နှုတ်ဆက်ဂိုကျဲသပ် ဟော်သရတ် ဖုနေရရ် ဘောက်ဂို့ရိ အိဘေရ် ဖတ်ရော်ရ်ဘိသောရတ် ဖွာအိဘေ လိုရီ ဧလိရှဗက်ယိုး ဂန်ညာနော်အာလော်လိုက်ဘို့လိ ကုချီအို့ယေးနန့် ဘောဂဝင့်နောရေ ချီးမွမ်းဂိုကျဲ။ 42ဧလိရှဗက်ယေး မာရိရတ် "ဘောဂဝင့်နပ် မာယာဖွာ အာရ်ဂူးန် ဘေကူးနောသူးန်ဘောလတ် သော်ရတ် ဘီရှိဂို့ရိ မော်ဂေါလ်သည် သော်သူးန် အို့ဗျိုးသေ ဖွာအိဘေယိုး မော်ဂေါလ်အာဆတ်။ 43အရှင်ရ် မာယေ အာင့်ရ်ဟာင့်ဆတ် ကပ်လိုက် အချဲဒတ်။ ကီယောလိုက်ဘို့လိ အေနီကျာ ဂင်မ်အခွင့်ရေးရတ် အိုင့် ဖိုက်သည့်။ 44သော်ရ် အာဘာစ်စော်ရတ် ဖူးနီမောသောရ် အာင့်ရ် ဖတ်ရော်ရ်ဘိသောရတ်ရ် ဂူရာဖွာယေ ကုချီအိုးယေးနန့် လိုကျဲ။ 45ဘောဂဝင့်နောရ် ဟောဘောဂျ ဟော်သ ဟားထိအွို့ယ်အာဗျို့ဘို့လိ သူယ် ဘီချက်သ်ဂို့ကျောသပ်အပ်သလိုက် သူယ် ဟားထိ မော်ဂေါလ်အာဆောစ်" ဟွို့ယ် ဒေါမ့်ရ်ဂို့ရိ ဂူဇူရီ ဟိုယေး။ 46သိုဘာဇေ မာရိယိုး "အိုင့် ဘောဂဝင့်နောရ် ဂူနော်ရတ် ချီးမွမ်းဂိုရိ။ 47အာင့်ရ် စိတ်ဝိညာဉ် အူဖာရ်ဂေါ်ရတ်ဒတ် ဘောဂဝင့်နောသူ(န်) ကွာချ်ဖိုက် ကုချီအို့ယိ။ 48အိုင့် ကိုယ်တော်ရ် နီစော်သာရ် ဂို့ရ်အို့လေးယိုး အာဇီယာလိုသီ ဇာသီဘေကူးနောသူးန် မာနုချ်အောကောလတ် အာင့်ရတ် မော်ဂေါလ်ဖားယေးသပ် မာနုချ်ဘို့လိ ဟိုဗျိုး။ 49ဂူနီဘာနီဒေါမ့်သတ် ဘောဂဝင့်နပ် အာင့်ရ် အူဝါရေ မြင့်မြတ်စော်အောကောလ် ဖော်ရေဖားန် ဂိုရိသည့်ယေး။ 50ဇော်ရ်မန် ဇော်ရ်မန် ဘောဂဝင့်နပ် အိဘေရတ် ဘီချက်သ်ဂို့ရိ ဖူဇီဗျိုးသတ် အိသေးရာရတ် ဘော်ရော်အာသော်ရ်မာယာ ဖိုသည့်န်ဒတ်ကတ်ဖားန် ဒါဟယေး။ 51ဘောဂဝင့်နပ် မာန်မာနအာ့ဆတ်သတ် မာနုချ်အောကောလောရတ် အိဘေရ် ဂူနီဘာနီလွိုယ် ဆက်ပ်ဂို့ရီသည့်ဘို့။ 52ဘောဂဝင့်နပ် အုပ်စိုးဂေါ်ရတ်သပ် အိသေးရာရတ် အိသေးရာရ် အာချောနော့သူးန် ထာနီ နီဆော်သာဂိုရိ သကတ်သေ အိသေးရာရတ် ဟာဇော်ရော်ရ်မာနုချ်အောဖားန် ဂိုရိဒတ်။ 53ဘောဂဝင့်နပ် အူဝချ်ရိုးယေးသတ် မိုင်ချေးရတ် ဂင်မ်ဇီနိချ်အောကောလ် သည်ယေးနန့် ဖူချားအောလား အောကောလောရတ် အာ့သ်ဟိုက်လား ဒီရိုက်။ 54အိဘေရ် ဘော်ရော်မာယာရတ် မော်နော်သ်ဂိုရိ ဟာမော်ရတ် ဂေါ်ရတ်သပ် အစ္စရေးဇာသီအောကောလောရတ် အူဖာရ်ဂိုရိ စရ်။ 55ဘောဂဝင့်နပ် အာင့်ရ် ဒါဒါ အို့ယေးသပ် အာဗြဟံရ်m ဇာသီဘေကူးနောရတ် သောသော်သည်ယေးသတ်အဲနိကျ ဇိန်သာခီဘောရ် ဂင်ဂို့ရိ ဖာလာယေး" ဟွို့ယ် ဘောဂဝင့်နောရ် ဂူနော်ရတ် ချီးမွမ်းဂိုကျဲ။ 56သိုဘာဇေ မာရိယေး ဧလိရှဗက်လွို့ယ်ဖောင့်ကတ် သီ(န်)မချ် ဖောင့်ကတ်သကိယတ်နန် ဖီစား အိဘေရ် ဂေါ်ရောသ် ဇာယွို့ယ်။ 57သိုဘာဇေ ဧလိရှဗက်သူးန် ဖွာအိုးဗျရ် တိုင်မ်အိုးယေရရ် မော်ရော်သာအို့ဂို့ ဘီယာယေး။ 58အိဘေရ် ဒဟောရ်မားနုချ်အတ်သတ် ဂူချိအောကောလ် အိဘေရ်အူဝါရေ ဘောဂဝင့်နောရ် အာသော်ရ်မာယာဒေါမ့်သပ် ဖူးနဲသေအပ်သလိုက် အိဘေလွို့ယ် အေဒီလာ ကုချီအို့ယေး။ 59ဖွာအိဘေ အိုးယေးနန် အချ်တော်သည်နော်သ် အရေပြားလှီးမင်္ဂလာn ဒိခါးန် ဂေါ်ရဖို့ရိဗျိုးသတ်အဲယူ(န်) ဂိုရိဘတ်လိုက် မာနုချ်အောကောလ် အချဲသပ်အန်းသေ အိသေးရာ ဖွာအိဘေရ် နာမော်ရတ် ဘာဖော်ရ်နာ(မ်)လိုယေးနန့် ဇာခရိဟိုးယ် သည်သိုစရ်။ 60သို့ ဖွာရ်မာယေ "အိသေးရေ ယောဟန်ဟွို့ယ် နာ(မ်) သည်ယာဖိုရီဘို့" ဘို့လိ ဟိုယေး။ 61မာနုချ်အောကောလို့ အိဘေရတ် "သော်ရ် ဂူချိရ် ဘိသောရတ် အေနီကျာ နာ(မ်) နိုက်" ဘို့လိ ဟောရ်။ 62အပ်သလိုက် အိသေးရာ ဖွာရ်ဘာဖ် ဇာခရိရတ် အာ့သေသာဟိုက် နာ(မ်)ဟိုနီကျာ သည်သိုဟော့ရ်ဘို့လိ ဖော်စောရ်လိုးယေး။ 63ဇာခရိယေး ချီးလော်ထ်အတ်ခါးန် ကုဇိလိုယေးနန့် အိသဲရ် ဖွာရ်နာ(မ်) ယောဟန်ဟွို့ယ် လေကိသည့်ယေးဇသတ် ဒေခဲသတ် မာနုချ်အောကောလို့ ဪဘက်ဖ်အို့ဂိယွို့ယ်။ 64သိုဘာဇေ ဇာခရိယေး ချချင်း ဟော်သဟို့သရိယတ်နန့် ဘောဂဝင့်နော့ရ် ဂူနော်ရတ် အာဂိုသည့် ချီးမွမ်းဂေါ်ရတ်ရ်။ 65ဒဟောရ်မာနုချ်အောကောလ် ဂုချိအောကောလတ် အဲယုနော်ရတ် ဒေကဲရရ် ဒေါ်ရာဇ်ဇာယွို့ယ်။ မာနုချ်ဘေကူးနဲ ဟောဘောရ်အိယားနော်ရတ် ယုဒဒတ်ချော့ရ် မူရရ်အူဝါရေ အဆတ်သပ် ဇာငှာဘေကူးနောသ် ဟောရ်။ 66အဲဟောဘောရ်အိယာ(န်) ဖူးနဲသေ မာနုချ်အောကောလို့ "အေအဂူရာဖွာအီသေ ဒေါမ့်ရ်အို့လေး ဟိုနီကျာမာနုချ် အို့ဗျို့" ဟွို့ယ် မော်နော်သ်မားသတ် ဂေါလိုက်ယတ်နန် ဟောရ်။ ဘောဂဝင့်နောရ် ဂူနီဘာနီယိုး ဂူရာဖွာအိဘေရ်ဖောင့်ကတ် အာဆတ်။ 67သိုဘာဇေ ဂန်ညာနော်အာလော်ယေ ဇာခရိရ်အူဝါရေ ဖိုရီ အိသေး 68"အစ္စရေးဇာသီဘေကူးနောရ် အရှင်အို့ယေးဒတ် ဘောဂဝင့်နောရ် ဂူနော်ရတ် ချီးမွမ်းဂိုရိ။ အိသေး အိသဲရ် ဇာသီအောကောလောရတ် အူဖာရ်ဂိုရိဘတ်လိုက် အချဲ။ 69ဘောဂဝင့်နပ် အိဘေရ် ဂို့ရ်ဒါဝိဒ်သူးန် အချဲသတ် ဂူနီဘာနီဒေါမ့်သတ် အူဖရ်ဂေါ်ရတ်သတ် မာနုချောရတ် အာင်ရဘေကူးနောလိုက် သည်ယေး။ 70အာဂေလိုသီ ဘောဂဝင့်နပ် ဂန်ညာနော်ချားဒူအောကောလောရတ် အော်ဒလ်ဂို့ကျဲသပ် အဲနိကျ 71အေဂူနီဒေါမ့်သပ် အူဖာရ်ဂေါ်ရတ်သပ်အိဘေ အာင်ရရတ် ချိုးသူးရော့ရ်အာ့သော်သူးန် အူဖာရ်ဂိုရိဗျိုးသပ် အဲယူ(န်)ဘာဇေ အာင်ရရတ် ဒေကိနားဖားရတ်သတ် မာနုချ်အော့ကောလော့ရ် ဒူကောသူးနို့ စောရာဇ်သည့်ဘို့။ 72ဘောဂဝင့်နပ် ဘော်ရော်အာသော်ရ်မာယာလွိုယ် အာင်ရရ် ဒါဒါအောကောလောရတ် သည်ယေးသပ် အိဘေရ် သောသော်ရတ် တည်ဂိုရိဘို့။ 73ဘောဂဝင့်နပ် အာင်ရရ် ဒါဒါ အို့ယေးသတ် အာဗြဟံရတ် သောသော် သည်ယေးသပ်အဲနိကျ 74အာင်ရရတ် ဒူကိုးသည့်ဘို့သတ် ချိုးသူးရော့ရ် အာ့သော်သူးန် အူသောရ်ဂိုရိသည့် အာင်ရယိုး ဖော်ရာ(န်)ဘိုက်ဆို(မ်)သတ် အဲသို့သည်န်ဝါးန် တော်ရ်ဘော့ရ်နာသကိ ဘောဂဝင့်နော့ရ် ဟာမော်ရတ် ဂိုရိသည့်သကျိုးမ်။ 75အဲနိကျဂို့ရီ အာင်ရယိုး အိဘေရ်မွင့်သိ အူဇူဂိုရိသကိယတ်နန် အဆတ်ဒတ် ဇီဘော်နော်ရတ် ဖုရာဖို့ရိဘို့" ဟွို့ယ် ဘောဂဝင့်နောရ် ဂူနော်ရတ် ချီးမွမ်းဂိုကျဲ။ 76သိုဘာဇေ ဇာခရိယေး အိသဲရ် ဂူရာဖွာရတ် "အာင့်ရ်ဂူရာဖွာ၊ သော်ရတ် အမြင့်မြတ်ဆုံး ဘောဂဝင့်နောရ် ဂန်ညာနော်ရ်ချားဒူo ဟိုးယ် ဒါကီ အရှင်ရ် ရာဆာရတ် အာဂိုသည့်လိုးသီး သိုယာရ်ဂိုရိ သည့်ဘိသိ မာနုချိုး အို့ဘိ။ 77ဘောဂဝင့်နပ် မာနုချ်အောကောလောရ် ဒူချောရတ် မာသ်ဂိုရိ အူဖာရ်ဂေါ်ရတ်ဒတ် အခွင့်ရေးရတ် သည်ဗျိုဒတ် အဲယုနော်ရတ် သော်သူးန် မာနုချ်အောကောလောရတ် ဟောဂေါ်ရဖို့ရိဘို့။ 78ဘောဂဝင့်နောရ် ဘော်ရော်အာသော်ရ်မာယာ အာဆာနော်ရ်အူဝါသည့် ဘေလ် ဖော့ရ်အွို့ယ် ဇိုလီရိုယေးဒတ်အဲနိကျ အာင်ရရ် အူဝါရေ ဇိုလီ 79မော်ရော်နော်ရတ် ရင်ဆိုင်ဂေါ်ရဖောရတ်သပ် အိသေးရာရတ် ဒူချော့သူးန် အူသောရ်ဂို့ရိ ချားသိဖားသေ ဇီဘော်နော်သ် ရာဆာ ဒါဟိုက်သည့်ဗျို့" ဘို့လိ ဟိုယေး။ 80ယာ ယောဟန် ဒေါမ့်ရ်အိုးယေးနန့် ဂန်ယာ(န်)စီလလို့ယ် ဖူရာယေးဒတ် မာနုချ်အို့ယေး။ ဘောဂဝင့်နပ် အိသေးရေ အစ္စရေးဇာသီအောကောလောရ်မောသည့် ဟာမော်ရတ် စသ်ဂို့ရိဗျို့ဒတ် တိုင်မ်အိဘေနောဝင်ယတ်ဒတ် အဲသို့သည်န်ဝါးန် အိသေး ဘော်နော်မားသတ် ဂုရိဂုရီ သိုက်ကေ။
Currently Selected:
Luke 1: mtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
