Luke 20
20
1အာ့်ရှိနွို့ နွတ် ကိုယ်တော်ယေရှုနောင်း ကောင်ဗိမာန်တော်နွို့ လို့နား ခံမ့်ထာထနာတော်ဖြား မင်္ဂလာကတမ်းကလို့စ်ဖြားနား တန်းဟောဖြိုကရီပလေ ပုရောဟိတ်အကုန်းအပေ့ဘို့ဘက်၊ ဆာယာပါလိတ်ကျမ်းဘို့ဘက်န လို့မျိုးဂျူးအကုန်းအပေ့ဘို့ဘက်နောင်း ကိုယ်တော်နွို့ မောင်းထွိနွို့ လောက်ပို့ကြဘို့ထာ “တာ့ယို့ဇာ့နီးဘို့ဘက်နွို့ မောင်းယို့နွို့နု့ တာမို့ အခွင့်အာဏာကွားနဟိုဟောက်နောာင်း။ အခွင်အာဏာနီးနား ကွားအာပွို့မို့။ ဖြိုပလေစန်းအို့” နွို့မားကြဘို့နွို့နဲ့။ 2ခွို့နွို့နား ကိုယ်တော်နွို့ “တာ့ယို့ဇာ့နီးဘို့ဘက်နွို့ မောင်းယို့နွို့နု့ တာမို့ အခွင့်အာဏာကွားနဟိုဟောက်နောာင်း။ အခွင်အာဏာနီးနား ကွားအာပွို့မို့။ ဖြိုပလေစန်းအို့” နွို့မားကြဘို့နွို့နဲ့။ 3နွို့ခေါင်း ကိုယ်တော်နား “ခွို့နွို့နု့ အို့နောင်းလဲဉ်း ပွို့နွို့နု့ မားစမ်း မေးခွန်းအမာ့လောက်။ ဖြေကြဘို့နေ။ 4ယောဟန်နောင်း လို့နွို့နု့ မောင်းအာအွူမင်္ဂလာနွို့နား အခွင့်အာဏာအမ်နွို့ ဇာ့တာဖြားနွို့ ဗင်ပွို့နွို့ကက်ရား တကက်ကောလဲ ဇာ့တလို့နွို့မှ ဗင်ပွို့ဟောက်နွို့ဟား” မားပလောက်အခွပ်နွို့နဲ့။ 5ချန်နွို့နု့ ခွို့နွို့နောင်း အချောင်းချောင်းတိုင်ပင်ဆွေးနွေးတွို့ထာ “တကက်နွို့နု့ အေ့နောင်း ဇာ့တာဖြားနွို့မှ ဗင်မနနွို့ ဖြိုတွို့ထာ အမ်နောင်း အေ့နီးနွို့ ‘တာဖြိုဇာ့နွို့နု့ ပွို့နွို့နောင်း ကွား ပနောင်ကတမ်းယောဟန်နွို့နား ရွားယုံကြည်ကြကောဘို့နား’ နွို့မားပလောက်အခွပ်နွို့နဲ့။ 6ဇာ့တလို့နွို့ ဗင်ဟောက်နွို့ အို့တာဖြေနွို့လဲဉ်း လို့မေ့မေ့နောင်းလဲဉ်း ယောဟန်နောင်း ပရောဖက်အာ့်ကွက်နွို့ လက်ခံယုံကြည်ပွို့ပို့နွို့နား ခွို့နွို့နောင်း ခွို့နွို့နား သန်းမှု့ဘို့ဘက်န နှက်ကြလောက်ဟောက်” နွို့ဖြိုကြဘို့နွို့နဲ့။ 7နွို့ခေါင်း ခွို့နွို့နောင်း ကိုယ်တော်နွို့ လို့နောင် မောင်အာအွူမင်္ဂလာနွို့ ယောဟန်နား အခွင်အာဏာကွားအာပွို့နွို့ အေ့ငန်းကော နွို့ဖြေပလောက်အခွပ်နွို့နဲ့။ 8ချန်နွို့နု့ ကိုယ်တော်ယေရှုနား “အို့ဘာ့မားမေးခွန်နွို့ ပွို့ဖြိုနိုင်းကောနွို့ခေါင်း ဘာ့ယို့မဲ့ ဇာ့နီးနောင်း အို့နွို့ ကွားအာပွို့အခွင့်အာဏာနွို့ပဒေနောင်းလဲဉ်း ပွို့နွို့နား အို့လာ့ဖြိုကော” နွို့ဟောဖြိုမနနဲ့။ 9နွို့ခေါင်း ကိုယ်တော်ယေရှုနား လို့ဖုန်ကုန်းနွို့နု့ ပုံဥပမာအမာ့နွို့ ဘာ့ဟောဖြိုနွို့နောင်း “လို့အာ့်ကွက်နောင်း ခြံန်စပျစ်အာ့်ခြံန်နွို့ စံပွို့နွို့နဲ့။ နွို့ခေါင်း အမ်နောင်း တာ့ခြံန်နွို့ တာ့လို့ယို့ရေ့လို့ခှက်စွေပ္လေ့ နွို့ ဆောင့်ခှတ်ယော့နွို့နောင်း ဖြိုင်အာ့်ခြားနွို့ လေးတွို့ခရီးထာ တာ့လွက်နွို့ မန်းမဲ့ အချန်ကနို့နှမ်းတွိုန်းနွို့နဲ့။ 10ချန်ပ္လေ့ စပျစ်ပေါ်နွို့နား ကစာ့ခြံန်စပျစ်နွို့ တာ့လို့ယို့ရေ့လို့ခှက်စွေပ္လေ့ နွို့ အစေခံအာ့်ကွက်နွို့ ပလွတ်ကု့တွို့ထာ အမ်ဘာ့ဗင်ထိုက်မဲ့ အာကုအွေဟောက်နွို့နဲ့။ စနွို့လဲ တာ့လို့ယို့ရေ့လို့ခှက်စွေပ္လေ့ နွို့ အစေခံနွို့ ပေါ်တွို့ပို့ထာ ထန်မှလာ့တန်ကော တာ့ကစာ့ခြံန်နွို့ ပလွတ်ရန်းဘတ်ဝဲ့နွို့နဲ့။” 11နွို့ခေါင်း ကစာ့ခြံန်နောင်း အမ်ဘာ့ဗင်ထိုက်မဲ့ ဝေစုအမ်နွို့ မောင်းအွေနွို့နား အစေခံအခြားနွို့ ပလွတ်ကု့လောက်နွို့နဲ့။ စနွို့လဲ တာ့လို့ယို့ရေ့လို့ခှက်စွေပ္လေ့ နွို့ အစေခံနွို့လဲဉ်း ပေါ်တွို့ကြပို့ထာ ယို့တွို့အကဆာ့ထာ ပလွတ်ကု့ဟောက်နွို့နဲ့။ 12အခွပ် ကစာ့ခြံန်နွို့နောင်း တတိယ အစေခံနွို့ ပလွတ်ကု့ပလောက်နွို့နဲ့။ စနွို့လဲ ခွို့နွို့နောင်း အစေခံနွိုလဲဉ်း အ့်ကစု ဘို့ဘက်တွိုန်းန ကောင်ခြံန်စပျစ်နွို့ ဒေါက်လေးကြဘို့နွို့နဲ့။ 13နွို့ခေါင်း ကစာ့ခြံန်စပျစ်နွို့နောင်း အခွပ် အို့မင်ယို့ဇာ့မွှားကိုးရား။ အို့ဘာ့ခှိက်လွန်းမဲ့ ကွန်ဖြောက်အို့နွို့ ပလွတ်ကု့ထာ ဗင်ဟောက်။ ခွို့နွို့နောင်း ကွန်ဖြောက်အို့နွို့ကား ရိုသေလေးစားလောက်ဟောက် အိုဘာ့ဗင်ထိုက်မဲ့ ဝေစုနွို့လဲဉ်း အာလောက်ဟောက်ကြဘို့ နွို့ ဖြိုတွို့ထာ ကွန်ဖြောက်အမ်နွို့နား ပလွတ်ကု့ကူးဟောက်နွို့နဲ့။ 14ချန်နွို့နု့ လို့ခှက်စွေရေ့နွို့ ကွန်ဖြောက်ကစာ့ခြံန်နွို့ ပို့ပိုနောင်းရင်ကြဘို့နွို့နောင်း “လို့နီးနွို့ လောက်ဘတ်နွို့ ခြံန်နီးနောင်း လို့ဆက်ခံအမွေကိုးကိုးနွို့နဲ့။ အေ့နောင်း အမ်နွို့ တာ့ဗီနွို့နု့ အမ်ဘာ့ဗင်မဲ့အမွေ ပစ္စည်းဥစ္စာဘို့ဘက်နောင်း ဇာ့နွို့နောင်အေ့ပိုင်ဆိုင်လောက်ဟောက် နွို့အချောင်းချောင်း ဆွေးနွေးတိုင်ပင်မဲ့ပွို့နွို့နဲ့။ 15စနွို့နား ကွန်ဖြောက်ကစာ့ခြံန်နွို့ ဆောင်လောက်ပိုနွို့ ခွို့နွို့နောင်း ကောင်ခြံန်စပျစ်နွို့ ပန်းလေးတွိုထာ အမ်နွို့ ဗီဝဲ့ကြဘို့နွို့နဲ့။ တာ့ကလုဲင်စနွို့နု့ ကစာ့ခြံန်နောင်း လို့ဇာ့နွို့နား မင်ယို့ဇာ့မွှားနွို့နောင်း ပွို့ငန်းရာပို့ဟား။ 16ကစာခြံန်နောင်းလဲဉ်း တာခြံန်စပျစ်နွို့ အမ်ကု့တွို့ကိုယ်တိုင်ထာ လို့ခှက်ရေ့ဘို့ဘက်နွို့နု့ မာ့ဗီကြဘို့နွို့နဲ့။ နွို့ခေါင်း အမ်နောင်း ခြံန်စပျစ်အန်နွို့ လို့ခှက်ရေ့နွို့နား ခှက်လောက်ဟောက်” နွို့ဟောဖြိုမနနဲ့။ ကိုယ်တော်ယေရှု ဆောင့်ဟောဖြိုနွို့နု့
လို့ဘာ့အွမ်နွို့နောင်း “ဇာ့နီးနောင်း ဆောင်လောက်မားမှ လာ့ကလုဲင်ပိုန” နွို့ပြောပို့ကြဘို့နွို့နဲ့။ 17ကိုယ်တော်ယေရှုနား ခွို့နွို့နု့ ရေစ်စန်းတွို့ထာ မေရှိယန ဘာ့ပတ်သက်တွို့ထာ ပရောဖက်ဟေရှာယကျမ်းနွို့ ဘာ့တဲင်းပွို့မဲ့နွို့နား “‘လို့ဘာ့ဆုပ်ညာ့နွို့နောင်း ဘာ့တောဝ်းပွို့ သန်းမှုနွို့နား ဆောင့်လက်ခံယော့ ဖြားနောင်း သန်းမှနွို့နု့ ညာ့အရေးဘာ့ကုန်းထက်ဘေ့ သန်းမှု’ နွို့ ကလုဲင်အောင်ဘာ့ယို့တော်မူဟောက်နွို့ပဒေနား ဆိုလိုတတ်ထာနွို့နား ပွို့ငန်းကြကောပွို့ဟား။ 18မေရှိယနွို့နား လို့ဘာ့ညောင်းအမ်နွို့ ဆောင်ကွေကွေ ခွို့နွို့နောင်း ကွေသန်းမှုနွို့ လို့ဘာ့ကလို့နွို့န အနုဲင်နုဲင်နွို့ လို့ဇာ့နွို့နောင်း ကွေသန်းမှုနွို့ နု့ အာ့်စစီတမန်မေ့လောက်ဟောက်။ တကက်ကောနွို့လဲ သန်းမှုနွို့နောင်း လုံးဝတမန်မေ့လောက်ဟောက်” နွို့ဟောဖြိုမနနဲ့။ 19ဆာယာပါလိတ်ကျမ်းဘို့ဘက်န ပုရောဟိတ်အကုန်းအပေ့ဘို့ဘက်နွို့ ကိုယ်တော်ယေရှုနောင်း ပုံဥပမာနီးနား ခွို့နွို့နု့ ရည်ညွှန်းတွို့ထာ ဟောဖြိုမဲ့နွို့နောင်း ငန်းဟောက်နွို့ခေါင်း ခွို့နွို့နောင်း ကိုယ်တော်ယေရှုနွို့ အတိတွိုန်း ဆောင်ယို့ဖျောက်ကြဘို့နွို့နဲ့။ စနွို့လဲ ခွို့နွို့နောင်း လို့အများနား ခွို့နွို့နု့ ဆောင်ရန်စာကြဘို့နွို့ ရကြဘို့နွို့နား 20နွို့ခေါင်း ပရောဖက်အကုန်းအပေ့ဘို့ဘက်န ဆာယာပါလိတ်ကျမ်းဘို့ဘက်နောင်း ကိုယ်တော်ယေရှုနွို့ ဆုပ်ရေစ်တွို့ အ့်တာ့မေ့ထာ လို့တောခိုင်နောင်း အာတွို့ပဆံထာ ဘာ့ရိုးသား လို့ဖြောင့်မတ်မဲ့ အာယောင်ဆောင်တွို့ထာ ကိုယ်တော်နွို့ မောင်းလှံစွေနွို့ ပလွှတ်ကု့ကြဘို့နွို့နဲ့။ ခွို့နွို့နောင်း ကိုယ်တော်ယေရှုနွို့ ရောမဘာ့အုပ်ချုပ်ဘို့ဘက်န အခွင့်အာဏာပိုင်ဘို့ဘက်နောင်း အပ်နှံတွို့ထာ မင်ခံအပြစ်ဒဏ်အောင် ကိုယ်တော်နောင်း ဘာ့လွဲမှား အကြောင်းအရာအာ့်မာ့မာ့နွို့ အာဟောဖြိုနွို့ မေးခွန်းဘို့ဘက်န ဒေါင်တွို့ထာ မားကြဘို့နွို့နဲ့။ 21နွို့ခေါင်း လို့ဇာ့နွို့နား ကိုယ်တော်နွို့ “ကိုယ်တော်၊ ကိုယ်တော်နောင်း အမှန်တရားနွို့ ဟောဖြိုကရီအာယော့ လို့စေ့ကွက်နားလဲဉ်း အာကောမျက်နှာသာနွို့နား တန်းတူညီမျှဘာ့ဆက်ဆံနွို့နောင်း အေ့ငန်းမန။ ဖြားနောင်း လို့နွို့နု့ ဒေါက်ယို့လွမ်းကောဇာ့နွို့ဘို့ဘက်န ဘာ့ပတ်မဲ့ အမှန်တရားနွို့ ကိုယ်တော်နောင်း အမြဲကရီအာမနနွို့နဲ့။ 22တာနွို့နု့ခေါင်း ရောမဧကရာဇ်နွို့ ဘာ့ဆက်ဆအခွန်နွို့နား တရားပညက်ကျမ်းနွို့ ခွင်ပြုပို့ဟား။ တကက်ကောလဲ တာခွင်ပြုပို့ကောနွို့ဘာ့ဖြိုနွို့နား အေ့နီးနွို့ ဖြိုပလေစေး” နွို့ဖြိုမနနဲ့။ 23စနွို့လဲ ခွို့နွို့နောင်း ကိုယ်တော်ယေရှုနွို့ ဒေါင်တွို့ပွို့ထာ မားမဲ့ကြဘို့နွို့နောင်း ကိုယ်တော်နောင်း ငန်းဟောက်နွို့နဲ့။ 24နွို့ခေါင်း ကိုယ်တော်နွို့ ခွို့နွို့နား “ဘာ့အာအခွန်နွို့ မောင်းထုံးနွို့ ဒေနာရီဒင်္ဂါးအာ့်ပလက်နွို့ ပလေကြဘို့။ ကွေဒင်္ဂါးနွို့နား ကရက်ရ် ဓာတ်ပုံကွားန မာတ်ကွားနွို့ တဲင်းပွို့နွို့နား” နွို့မားကြဘို့နဲ့။ 25ခွို့နွို့နောင်းလဲဉ်း “ရောမကရက်ဓာတ်ပုံနမာတ် ရောမဧကရာဇ်ဆီဇာ့နွို့နား အမ်နာ့ ဘာ့သက်ဆိုင်မဲ့ ဇာ့နွို့ဘို့ဘက်နားလဲဉ်း တာဖြားနွို့ အာကြဘို့” နွို့နု့ ဟောဖြိုမနနဲ့။ 26ခွိုနွို့နောင်း ငွမ်းဖုန်ကုန်းဘို့ဘက်နွို့ ဒေါင်ကြဘို့ထာ မားနိုင်းကောပွို့နွို့နဲ့။ စနွို့ဖုန် ကိုယ်တော်နောင်း ခွို့နွို့နု့ မားပလောက်တွို့မေးခွန်းတောင်ခိုင့်ထာ မားနိုင်းကောနွို့အောင် ဖြေဘက်ပခေါက်နွို့နား ခွို့နွို့နောင်း အံ့သြတွို့ထာ သက်တောကု့ဟောက်နွို့နဲ့။ လို့စမ်း နွတ်နာ ဖက်ငွမ်းလို့ဖွန်နာခွို လက်ရက်နိုင်းကား အမှားနွတ်ခမ်း ခွိုလစက် ဘင်းကား ကိုယ်တော်ယေရှု။ ခွိုချန်အွမ်အဖြေ ကိုယ်တော်ယေရှုနာ အံ့ဩတော့ထာသပ်ကု့ကြဘို့ကိုးနဲ့။ 27နွို့ခေါင်း လို့တောင်ခိုင့်ဇဒ္ဒုကဲ နောင်း တာကိုယ်တော်နွို့လောက်ပိုကြဘို့နွို့နဲ့။ ဇဒ္ဒုကဲနွို့နောင်း လို့ဆောင့်ဗီးပွန်ယော့နောင်း အထက်ပလုဲင်းဘတ်ပိုဟိုကောနွို့ လို့ယုံကြည်ပွို့ကိုးနဲ့။ 28ခွို့နွို့နု့ ကိုယ်တော်ယေရှုနွို့ “ကိုယ်တော်၊ ပညက်ကျမ်းမောရှေနွို့ ‘လို့ဖြိုလ့်မှန်ဟိုအာ့်ကွက်နား ဗင်ကောကွန်ဖြောက်ကွန်မြနွို့နား တာဗီးပွန်ကု့ဟောက်နွို့နု့ ဘာ့ကလုဲင်တွေအမ်နွို့နား ကမြနွို့နု့ မင်အွေတွို့ထာ ခွိုအဲဉ်ကွက်နွို့နှ ဘာ့မွီးပိုမဲ့ ကွန်ဖြောက်မောင်းဦးနွို့ ကမာ့မျိုးဆက်မို့နွို့ မင်သတ်မှတ်အာဟောက်’ နွို့တဲင်းပွို့ကိုးနဲ့။ 29တာဖြိုဇာ့နွို့နို့နု့ ကစနား မိသားစုအာ့်ညာ့နွို့ မို့တွေဟိုဘတ်ကွက်နွို့နဲ့။ မို့ဘာ့ကုန်းထက်ဘေ့နွို့နား ဆောင့်ချယော့ညာ့ရေ့နောင်း ကွန်ဖြောက်ကွန်မြဟိုကောနား ဗီးပွန်ကု့ဟောက်နွို့နဲ့။ 30ဒုတိယအကုန်းအာ့်ကွက်နောင်းလဲဉ်း ကလုဲင်ဖြိုလ့်မိုအမ် ဘာ့လွန်မဲ့ မိတ်ဆို့မနွို့နား အွေကြဘို့နွို့နဲ့။ စနွို့လဲ အမ်နောင်းလဲဉ်း ကွန်ဖြောက်ကွန်မြဟိုကောနား ဗီးပွန်ကု့ဟောက်နွို့နဲ့။ 31နွို့ခေါင်း တတိယမြောက်တွေနွို့နောင်းလဲဉ်း ကမြနွို့န အွေတွို့ထာ ကွန်ဖြောက်ကွန်မြဟိုကောနား ဗီးပွန်ကု့ဟောက်နွို့နဲ့။ စနွို့န မို့တွေဘတ်ကွက်နွို့နောင်း ကမြနွို့န အွေတွို့ထာ ကွန်ဖြောက်ကွန်မြဟိုကောနား ဗီးပွန်ကု့ကြဘို့နွို့နဲ့။ 32ဆောင့်လောက်ဘတ်ထက်ဘေ့နွို့ ကမြနွို့နောင်းလဲဉ်း ဗီးပွန်ကု့ဟောက်နွို့နဲ့။ 33နွို့ခေါင်း ဖြားနောင်း လို့နွို့နား ဘာဗီနွို့မှ အထက်ပလုဲင်းဘတ်နွို့နောင်း ကမြနွို့နောင်း ကောင်မို့တော့ဘတ်ကွက်နွို့မှ ကလုဲင်ဖြိုလ့် ကွား။ ရွားနွို့ပဒေကား ကမြနွို့နောင်း ခွို့မေ့မေ့နွို့န အွေပို့နွို့ခေါင်း” နွို့မားကြဘို့နွို့နဲ့။ 34ကိုယ်တော်ယေရှုနား ခွို့နွို့နား “အခို့ ကောင်ကမ္ဘာလောကကုန်းနီး အထက်ပလုဲင်းဘာ့မန်းမဲ့နွို့စယ် အွေကြပွို့န ဘာ့အာဆွေကြဘို့နွိုနု့ ဘာယို့ကြဘို့နွို့နဲ့။ 35စနွို့လဲ လောင်ဘတ်ကာလနွို့ ဘာ့ဗီနွို့မှ အထက်ပလုဲင်းဘတ်နွို့န ရွေမြိုတော်နွို့ ထာဝရအထက်ပလုဲင်း မန်းနိုင်းအောင် ထိုက်တန်ဟောက်နွို့ ဖြားနား ဘာ့ယူဆမဲ့ ခွို့နွို့နောင်း အွေကြဘို့နွို့န အာဆွေကြဘို့နွို့နား ယို့ကြကောဘို့နွို့နဲ့။ 36ရွားနွို့ပဒေကား ခွို့နွို့နောင်း နာကနံကလို့ဘို့ဘက်နွို့ အ့်ဗီးလဲဉ်းလာ့ဟိုကော၊ ဆောင်မားမားမှ ဗီးဟောက်နွို့လဲ လာ့ဟိုကော၊ ဘာ့အွေကြဘို့နွို့နောင်းလဲဉ်း ဟိုကောနွို့နား အမှန်ကိုးနွို့နဲ့။ ဇာ့ဘာ့ဗီးနွို့မှ အထက်ပလုဲင်းဘတ်အခွင့်နွို့နု့ လို့ဘာခံစားထိုက်နွို့ခေါင်း ခွို့နွို့နောင်း ကလုဲင်ပိုကွန်ဖြောက်ကွန်မြဖြားကိုးနွို့နဲ့။ 37စနွို့ဖုန် လို့ဘာ့ဗီးယော့နွို့ အ့်ထက်ပလုဲင်းဘက်နိုင်းကောနွို့ ပွို့ဘာ့ထုန်ကြဘို့နွို့နောင်း မှားဟောက်နွို့နဲ့။ ရွားနွို့ပဒေကား မောရှေကျမ်းနွို့နား ညွမ်းဘာကြဲင်းမဲ့ ဆုပ်ကလာ့နွို့ ကျမ်းပိုဒ်နွို့ သက်သေပလေတွို့ထာ ‘ဖြားနောင်း အာဗြဟံ၊ ဣဇက်န ယာကုပ်နွို့နား ဖြားခွို့ကိုး’ နွို့ဘာ့ဖြိုနွို့နောင်း လို့ဘာ့ဗီးယော့နွို့နောင်း အထက်ပလုဲင်ဘတ်ပွိုနွို့နောင်း ဆန်းဆန်းလန်းလန်း ဖောပလေပွို့နွို့နဲ့။ 38လို့နွို့နောင်း ငွမ်းဖြားနွို့ ထာဝရကာလထက်ထက်နွို့ လို့အထက်ပလုဲင်းကြဘို့နွို့ခေါင်း ဖြားနောင်း မွီးပွန်ကု့ ဖြားလို့ဇာ့နွို့ကက်ကော ဖြားလို့အထက်ဘာ့ပလုဲင်းနွို့ကိုး” နွို့ဟောဖြိုမနနဲ့။ 39ချန်နွို့နု့ ဆာယာပါလိတ်ကျမ်းတောင်ခိုင့်နား “ကိုယ်တော် အဖြေကိုယ်တော်နောင်း ကြလွန်းလန်းဟောက်” နွို့ ဖြိုကြဘို့နွို့နဲ့။ 40စတွို့အချန်နွို့နု့ ဆောင်ကွေမှ ကိုယ်တော့်နွို့ နာ့ဇာ့နွို့နား ဘာ့ဒေါင်မဲ့ မေးခွန်းဘို့ဘက်နွို့ ဘာ့မာ့နွို့ လာယို့ကောနွို့နဲ့။ 41နွို့ခေါင်း ကိုယ်တော်နောင်း ခွို့နွို့နား မေရှိယနောင်း ကမာ့မျိုးနွယ် ဖရင်ဒါဝိဒ်ကိုးနွို့ ဘာဖြိုကြဘို့နွို့နား ပွို့နားလည်ကြဘို့ဇာ့မွှား။ 42ရွားနွို့ပဒေကား ဖရင်ဒါဝိဒ် ကိုယ်တိုင် ကောင်ဆာလံကျမ်းနွို့ ဘာ့တဲင်းပွို့နွို့နား ဖြားနောင်း မေရှိယအေ့နွို့နား အို့ဘာ့ဂုဏ်ပြုချီးမြှောက်မဲ့ ဖက်တာ့ဇာ့တိဒုအို့နွို့ ပို့ထုစ်ကြဘို့ နွို့ဟောဖြိုမနနဲ့။ 43“အို့နောင်း ရန်သူမို့နွို့နု့ တာ့ကက်ကောက်မွို့နု့ ကလုဲင်လောက်ဟောက်ခမ်းတံကောက်” နွို့ဟောဖြိုမန စနွို့ကိုးနဲ့။ 44“စနွို့နား မေရှိယနောင်း အမှန်ခါလောလော တာ့ဖရင်ဒါဝိဒ်နွို့မှ လို့တာ့ဆင်းသက်ပွို့နွို့နား ရွား ဖရင်ဒါဝိဒ်နောင်း ‘မေရှိယအို့’ နွို့ဟက်ဟောက်နောင်း” နွို့ဟောဖြိုမနနဲ့။ 45ကိုယ်တော်ယေရှု ဘာဟောဖြိုနွို့နောင်း လို့ဖုန်ကုန်းနွို့ တန်းဘာ့နာအွေမဲ့နွို့နား ကိုယ်တော်နွို့ တပည့်တော်နွို့နား 46“ဆာယာပါလိတ်ကျမ်းနွို့ နာ့ခွို့ဘာ့မန်းနွို့ လာယို့ကောအောင် ဗို့ကြဘို့သတိ။ ခွို့နွို့နောင်း တန်ဖိုးဘာ့ကုန်းမဲ့ ခရိုန်အလိုင်လန်းတွိုန်း နွို့ ဗာ့တွို့ထာ ဘာ့ရက်လက်လေကြယော့ဘို့ တဆေနွို့လဲဉ်း လို့ဘာ့လေးစားဆက်ဆံနွို့နား ခှိက်ကြဘို့နွို့နဲ့။ တာ့ဓမ္မာရုံနွို့လဲဉ်း လွက်ငွမ်းဘာ့ကြထက်မေ့ဘေ့နွို့ အွေကြဘို့ထာ ပွီးအစွေအငွမ်းနွို့လဲဉ်း တာ့ခုံဘာ့ကလို့လ်ထက်ဘေ့နွို့နား ဘာ့ထို့ကြဘို့နွို့နဲ့။ 47ခွို့နွို့နောင်း တာ့မုဲင်ဆို့မနွို့ ပစ္စည်းဥစ္စာဘို့ဘက်နွို့ ထန်းအွေတွို့ထာ လို့အများနွို့မှ ဖြောင့်မက်ဟောက်နွို့ ထုန်ကြဘို့အောင် ဘာ့ဆုတောင်းကြဘို့ အ့်လိုင်လန်းတုန်နွို့နဲ့။ နွို့ခေါင်း ခွို့နွို့နောင်း ဘာ့ကုန်းလွန်းမဲ့ ပြစ်ဒဏ်နွို့ ဗင်ခံလောက်ဟောက်” နွို့ဟောဖြိုမနနဲ့။
Currently Selected:
Luke 20: dtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Dannau Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
