Luke 14
14
1ရှိဥပုသ်အာ့်ရှိနွို့ ကိုယ်တော်ယေရှုနောင်း ကောင်ဖာရိရှဲနွို့မှ ညာ့လို့အုပ်ချုပ်ဟိုလို့အ့်ကွက်နွို့ မောင်းစွေအ့်စွေနွို့ တန်ဘာ့ကု့နွို့ အခြားဖာရိရှဲဘို့ဘက်နှင့် လို့ဆာယာပါလိတ်ကျမ်းဘို့ဘက်နား ကိုယ်တော်နား ဘာ့ယို့မာန့်အမှားအမာ့ဝနွို့ ဆုပ်ရေ့ကြဘို့အ့်တမေ့နွို့ကိုးနဲ့။ 2သမ်းနိုနား လို့ဗင်ခံစားမဲ့ကောက်တိရောဂါဖောရောင်နို့နား ငွမ်းကိုယ်တော်ယေရှုနွို့ တရုတ်ရုတ် အောက်အိုမုဲင်မနနွို့နဲ့။ 3ချန်နွို့နု့ ကိုယ်တော်ယေရှုနား ဖာရိရှဲနွို့န ဆာယာပါလိတ်ကျမ်းနွို့နား “ပညက်ကျမ်းနွို့ ရှိဥပုသ်နွို့နား အ့်ကစု့ရောဂါနွို့နု့ ဘဗာပွန်နွို့နား ခွင်ပြု့ပွို့ရား တတ်ကက်ကောလဲ ခွင်ပြုပွို့ကောဟား” နွို့မားမနနဲ့။ 4စနွိုလဲ ခွို့နွို့နောင်း ဖြိုဘက်ကောကြဘို့နား မန်တွို့သက်သက်နွို့နထာ ကိုယ်တော်နား လို့ဘခံစားဝေဒနာနွို့နား အ့်ကစုရောဂါဆောင့်ဗာပွန်ယော့နွို့ အမ်နား ပလွှတ်ရန်းကု့ညာ့အမ်နို့နွို့နဲ့။ 5နွို့ခေါင်း ကိုယ်တော်ယေရှုနား လို့ဖုန်ကုန်းနွို့နား “ကလုဲင်ကွန်ပွို့ယော့၊ ကလုဲင်ဝက်ယော့၊ ကောင်အွူသု့နွို့ တာ့ကလို့ကု့နွို့နု့ ကလုဲင်ယော့ရှိဥပုသ် အတိတွိုန်း ပန်းတံကြဘို့ကက်ကောရား” နွို့ဖြိုမနနဲ့။ 6 စနွိုလဲ လို့အများနောင်း ဘာ့ဖြိုအမ်ဘက်အိ့မာ့မာ့နွို့ ယို့နိုင်းကြကောဘို့နွို့နဲ့။ 6စနွိုလဲ လို့အများနောင်း ဘာ့ဖြိုအမ်ဘက်အိ့မာ့မာ့နွို့ ယို့နိုင်းကြကောဘို့နွို့နဲ့။ 7နွို့ခေါင်း မောင်းစွေနွို့ခေါင်း ဘာ့ဖိဘို့ခံမဲ့လို့ဘိုက်နောင်း တာ့လွက်ဘာကလို့ထက်မေ့ဘေ့နွို့ မောင်ထုစ်နု့ရွီးကြမဲ့ပွို့နု့နား ဆောင့်ရင်နွို့ ကိုယ်တော်ယေရှုနား လို့ဇာ့နွို့နား ဘာ့ဟောဖြိုပုံဥပမာအမာ့နွို့နား 8"လိုးအကွပ်ကွပ်နား အမ်လဖိတ်မွိုပွီးမင်္ဂလာနွိုနို့ လကွပ်ထိုန သလွပ်ကျထပ်ဗေ့နွို့၊စမွားဒေနွို လိုးအရေးတန်ထပ်မွို့နို အမ်ပါဖိတ်လည်းပါဖိတ်ပွို့နိုင်အာ။ 9လို့နွို့တလောက်ပွိုခါလောလောနွို့နု့ လို့မို့ဘာ့ဖိပွို့နွို့နား ‘တာ့လွက်မို့နွို့ အာဝဲ့ဘာ့လောက်ပိုဧည်ထည်နွို့နေ’ နွို့ တာ့ဖြိုပိုမို့နွို့နု့ ဗင်တွို့အ့်ကဆာ့ထာ တာ့လွက်ဘာ့ဒေါင့်ဒစ်ထက်ဘေ့နွို့ ဘာရက်ဗင်ထုဟောက်လဲဉ်းဟိုဟောက်။ 10စနွိုလဲ ပွို့နွို့နား တာ့ကု့တွိုသပွီးမင်္ဂလာနွို့နု့ တာ့လွက်ဘာ့ဗက်ထက်ဘေ့နွို့နု့ ကု့ထုစ်ကု့။ နွို့ထာ လို့ဘာ့ဖိမို့နွို့နား ‘ဘို့ပေ့ ထုစ်စေး တာ့လွက်ဘာ့ကြထက်ဘေ့နီးနေ’ နွို့ အမ်ဖြိုလောက်မို့။ ချန်နွို့နု့ မို့နောင်း မိုနဘာ့ထုစ်မဲ့ငွမ်းလို့မေ့မေ့နွို့ ဗင်လောက်နွက်ငြိမ်းချမ်းတဟိုလဲနွို့နဲ့။ 11ရွားနွို့ပဒေကား လို့ပုဲင်ချီးမြောက်ဘွတ်သိုလ်ကွေသိုလ်နို့ပါဗင်နှိမ့်ချခံထာ လို့ပုဲင်နှိမ့်ချဘွတ်လို့တို့နို မမ်ဗင်ချီးမြောက်ခံအ” အမ်မိန်ဖြိုစနွို့နဲ့။ 12အခွပ် ကိုယ်တော်နွို့ လို့ဘာ့ဖိပို့နွို့နား “မို့နား တာ့ယို့ပွီးခံပွီးနွို့နား ဘို့ပေ့မို့ဘို့ဘက်နွို့နု့၊ မိသားစုဝင်ဘို့ဘက်နွို့နု့၊ ကမာ့မွို့နွို့ဘို့ဘက်န ကမာ့ပို့ဘာ့ချမ်းထာနွို့နားစယ် လာ့ဖိကောနွို့။ တာယို့ဇာ့နီးနွို့နု့ လို့နွို့နား မို့နွို့ ဖိပလောက်ပွီးပလောက်လောက်ဟောက်။ 13နွို့နု့ တာ့ယို့ပွီးဧည်ခံနွို့နု့ လို့ဘာ့ဆန်းရဲဘို့ဘက်၊ လုမသန်စွမ်းဘို့ဘက်၊ လို့လေဖြတ်ဘို့ဘက်န လို့လာ့ငှားရင်ကောနွို့နု့ ဖိဝဲ့စေး။ 14လို့စားနွို့နောင်း ပွို့နွို့နား ရန်းတွို့ထာ တာအာဆပ်နိုင်းကောနွို့လဲဉ်း ဖြားနောင်း ခှိက်လောက်ဟောက်မွို့နွို့နဲ့။ လို့ဘာ့ဖြောင့်မတ်နွို့နောင်း တာ့ဘာ့ဗီးနွို့ အထက်ပလုဲင်းဘတ်အချန်နွို့နု့ ဖြားနောင်းမို့နား အာလောက်ဟောက်ကောင်ကျိုးချမ်းထာနွို့နဲ့။” 15ကိုယ်တော်နအနုဲင်နုဲင်ထိုစွေငွမ်းဟွပ်ကျဗို့ ကောင်ဧည့်ထည်နွို လိုးအကွပ်နား "ကောင်သာသနာတော်ဖြားနို့ လိုးဗင်ခွမ်ထိုငွမ်းစွေနိုနား အမ်းဗင်ခံစား မင်္ဂလာကောင်းချီးကုမ်း"အမ်ဆိုစနို့။ 16ချန်နွို့ ကိုယ်တော်ယေရှုနား လို့နွို့နား ပုံဥပမာအာ့်မာ့နွို့ ဘာဟောဖြိုနွို့နောင်း “လို့အာ့်ကွက်နောင်း ပွီးခံဧည်ပွီးအာ့်မာ့နွို့ ဖျောင်တွို့ထာ လို့ဘာ့ဘို့ဘက်နွို့နောင်း ဖိပွို့နွို့နဲ့။ 17ချန်ပွီးခံဧည်ဆောင်လောက်ပွိုနား သအမ်လဖိတ်ပို့စားနို့ ပလွတ်ကူတွို့အစေခံအကွပ်ထာ "အားလုံး၊ကလုဲင်မျက်အသင့်။ကြွပို့ကျဗို့နေ"စိုဖြိုကြားစနို့။ 18“စနွို့လဲ လို့ဘာ့ခံလို့မေ့မေ့နွို့နောင်း တာ့ပွီးအ့်စွေအ့်ငွမ်းနွို့ ပို့နိုင်းကောနွို့ ပလေမဲ့အကြောင်ပြချက်အမာ့မာ့နွို့နဲ့။ လို့ပထမအာ့်ကွက်နောင်း ‘အို့နောင်း ဘာ့ဝမ်းပွို့မဲ့ ခြံန်ရေ့နား မင်ကု့ရေ့မဲ့နွို့ခေါင်း ပွို့နိုင်းကောနွို့ တောင်းလျှောက်လေမန’ နွို့ဖြိုမနနဲ့။” 19“လို့အ့်ခြားနောင်းလဲဉ်း နွက်လာ့ဟိုန အို့နောင်း ဝက်ထွန်ဆိုင်းနွို့ ဝမ်းပို့တွို့နွို့ခေါင်း ဝက်ဇာ့နွို့နား ကု့စမ်းသပ်မဲ့” နွို့ဖြိုမနနဲ့။ 20အ့်ခြားအာ့်ကွက်နောင်းလဲဉ်း “အို့နောင်း တန်းချစညာ့ရေ့ နွို့ခေါင်း ပွို့နိုင်းကော” နွို့ဖြိုမနနဲ့။ 21စနွို့ခေါင်း အစေခံနွို့နောင်းလဲဉ်း ရန်းပွိုတွို့ထာ အဖြအကြောင်းအရာဇာ့နွို့ ကစာအို့နောင်း ဖြိုဘတ်မနနဲ့။ ချနွို့နု့ ကစာ့အမ်နောင်း နွက်တတ်တွို့ထာ “ဗဟိုကောင်မြိုကညွမ်းဘို့ဘက်၊ ကညွမ်းခွီဘို့ဘက်န ကညွမ်းခွဘို့ဘက်နွို့ ကု့တွို့ကုဲင်းကုဲင်းထာ တာ့လွက်နွို့နု့ လို့ဘာ့ဆန်းရဲလွန်းဘို့ဘက်၊ လို့မသန်စွမ်းဘို့ဘက်၊ လာ့ငှားရင်ကောဘို့ဘက်န ကု့နိုင်းကောကညွမ်းကလို့လို့နွို့ဘို့ဘက်နား ဟက်ပွို့ညာ့အို့နီး” နွို့အာကု့လောက်နွို့နဲ့။ 22အစေခံနွို့နောင်းလဲဉ်း နာ့နွို့အ့်တွိုန်းယို့တွို့ထာ ဆောင်ရန်းဘတ်ပွို့ယော့နောင်း “ကစာ့ မို့ဘာ့အာဖြိုနွို့အတွိုန်း ယို့ယော့တွို့။ စနွို့လဲ တာ့လွက်လီတ်ဘို့ဘက် ဟိုလောက်မယ့်ကိုး” နွို့ဖြိုမနနဲ့။ 23စနွို့ခေါင်း ကစာ့အမ်နား “ဖက်ပလန်းမြိုကညွမ်းဘို့ဘက်န ကောင်ဗလကညွမ်းဘို့ဘက်နွို့ ကု့တွို့ထာ ဇာ့ဘာ့ထွိလို့မေ့မေ့နွို့ မဗင်မချောင်း ဟက်ပွိုတွို့ထာ ညာ့အို့နွို့ လို့ဘို့ဘက်န တာအာဗြောက်လဲ။” 24စနွို့လဲ အို့ပါဖိပွို့နွို့နား အာ့်ကွက်စယ်မှ ပွီးအ့်စွေအ့်ငွမ်းအို့နီး ကွက်တွို့ထာ အ့်စွေအ့်ငွမ်းထန်မှ လာ့မင်မြေ့ကော “နွို့အစေခံနွို့နား” ဟောဖြိုမနနွို့နဲ။ 25နွို့ခေါင်း လို့ဖုန်ကုန်အဗောက်စားနွိုနား အမ်ပွိုလွမ်းကျဗို့ ကိုယ်တော်နအနုဲင်နုဲင် ကိုယ်တော်နောင်း လှည်ရေ့တွိုထာ ခွိုနွို့နား 26“လို့ဘာ့ပို့တာ့အို့နောင်း မိတ်ပါ၊ ဖြိုလ့်မှန်၊ ကွန်ဖြောက်ကွန်မြ၊ မို့ တွေကမြကဖြောက်နွို့န ဘဝမို့နွို့နား လို့ဘာ့ခှိက်လိုလ့်နွို့နု့ လို့နွို့နောင်း ကလုဲင်နိုင်းကောတပည့်တော်အမ်နွို့နဲ့။ 27ကွို့ဘွတ်တိုလက်ဝါးကပ်တိုင်ပွိုထာ လို့ဘာ့ကု့လွမ်းနိုင်ကောဘတ်အို့နွို့နောင်းလဲဉ်း ကလုဲင်နိုင်းကားတပည့်တော်အိုး။ 28ကောင်ပွို့နွို့နု့ အာ့်ကွက်အာ့်ကွက်နောင်း တာဆုပ်ညာ့ကုန်းအာ့်ညာ့နွို့ တရည်ရွယ်နွို့နု့ ညာ့နွို့နောင်း ဖျောက်ကု့နွို့အောင် ပိုက်ပမာဏအလန်အလော ဟိုကောဟား ဟိုဟားနွို့ တာငန်းနိုင်းနွို့နု့ မေ့ရေ့မားနွို့ တွက်မောငွမ်းကိုးမနွို့နဲ့။ 29နာ့နွို့ တာတွက်ကော တာဆုပ်ညာ့နွို့နု့ အခြေခံကလိုင်ခှမ်းစယ် ဆုပ်နိုင်းဟောက်နွို့ခေါင်း ပိုက်ဆံဟိုကောအလန်အလောဟိုကောနွို့ ဘာ့လွန်နွို့နား ဆက်ဆုပ်နိုင်းကောနွို့ခေါင်း လို့ဘာ့ရင်နွို့နား လို့နွို့နု့ ကာရတွို့ထာ 30လို့ဇာ့နွိုနား ညာ့နွို့နု့ ဆုပ်နိုင်းဟောက်နွို့လဲဉ််း ယော့နိုင်းအောင် ဆုပ်နိုင်းကောနွို့ကိုး” နွို့ဖြိုမနနဲ့။ 31နာ့နွို့အတွိုန်း “ဗဟိုစစ်အင်အား အာ့်သောင်း ဖရင်အာ့်ပါးနွို့ စစ်အင်အားဘာ့ဟို အဲဉ်သောင်း ဖရင်အာ့်ပါးနွို့ မောင်ဒုကြဘို့နွို့ တာ့တတ်ပိုနွို့နု့ အင်အာဘာ့နည်းဖရင်နွို့နောင်း လို့အာကြံဘို့ဘက်န ထုစ်တွို့ငွမ်းထာ စစ်နွို့နောင်း ဒုနိုင်းကောဟား ဒုနိုင်ဟားနွို့ ချလောက်ဟောက်ဆုံးဖြတ်ချက်နွို့နဲ့။ 32စနွို့နု့ အင်အားဘာ့နည်းရှင်ဘဖရင်နွို့နောင်း တာဒုနိုင်းကောနွို့နု့ အင်အားဘာ့ကုန်းဖရင်နွို့နောင်း ဘာ့ဟိုအ့်တာငုဲင်တွိုန်းနွို့တွိုန်း လို့တာ့ကက်တိအမ်နွို့ ပလွှကုတွို့ထာ ပနောငြိမ်းချမ်းရေးနောင်း ဖြိုပိုတွို့ထာ ကလုဲင်ကောစစ်အောင် ညှိလောက်ဟောက်ကြဘို့နွို့နဲ့။ 33နိုနအနဲင်နဲင် ပိုင် ပွို့နွို့မေ့မေ့နွို့မေ့မေ့နောင်းလဲဉ်း ခမ်းပွိုလပိုင်ဆိုင်ပစ္စည်းဥစ္စာနွို့နု့ လို့လစွန့်လွတ်နိုင်းကားနွိုနို့ လာ့ကလုဲင်ထိုက်ကားတပည့်တော်အိုး” နွို့ဖြိုမနဲ့။ 34ကိုယ်တော်ယေရှုနား “ဆာနား အမ်ကလိုဟောက်။ ဇာ့နွို့လဲ ဆာနား အရထာဘာ့အ့်စောင်တတ်ဟိုကောနွို့နု့ ဆောင်လွက်သေ့မားမှ အထုံးလာ့ကွက်ကောနွို့နဲ့။ 35ဆာနွို့နား တာကသေ့နွို့ဖုန်၊ မြေသြဇာ့နွို့ဖုန် အထုံးကွက်ကောနွို့ခေါင်း မင်ဘေတောဝ်းခံဟောက်နွို့နဲ့။ ကသန်ဟိုယော့ လို့ဘာ့အွမ်နိုင်းနွို့နား အာရုံစိုက်တွို့ထာ ကမ်းကြဘို့” နွို့ဟောဖြိုမနနဲ့။
Currently Selected:
Luke 14: dtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Dannau Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
