Luke 13
13
1ချန်နိုနား လို့တောင်ခိုင့်နွို့နောင်း တကိုယ်တော်နွို့ ပို့တွို့ထာ ချန်ခါကနို့ကောနွို့ ပိလတ်ဘာ့အုပ်ချုပ်နွို့နောင်း ဖြားနား ဗဟိုမြိုဂျေရုစလင် လို့ဖြိုင်ဂါလိလဲနွို့နား ကောင်ဗိမာန်တော်နွို့ တန်းဘာ့ပူဇော်ဘာ့ယို့မဲ့ ဖြားနွို့နား စစ်သားအမ်နွို့ အာတွို့အမိန်ထာ ဘာ့ဗီကြဘို့နွို့ခေါင်း ကနံန်လို့ဇာ့နွို့နောင်း ဘာ့ပူဇော်မဲ့ပစ္စည်းဘို့ဘက်န ရောနှောကုဟောက်နွို့ ဖြိုကြမဲ့ဘို့နွို့နဲ့။ 2“ဇာ့နွို့ကက်ကော။ ပွို့နွို့နု့ အို့ဖြိုလောက်ဟောက်။ ပွို့နွို့မေ့မေ့နောင်းလဲဉ်း စအပြစ်ဒုစရိုက်နွို့ တာ့ဗင်ကောနောင်တသံဝေကနွို့နု့ နာ့ဇာ့နွို့စယ် ဖျောက်လောက်ကြဘို့။ 3အခမ့်နိုကပ်ကား။အို့လဆိုပွိုနိုနိုနား၊ပွိုလိုးမျက်မျက်နိုလည်း လဗင်ကားနောင်တသံဝေဂနိုနို မမ်ဗင်ပျက်စီးမျက်အခမ်းနွို။ 4လို့မာ့ကျင်စံကွက်နွို့နား ရှိလောင်မျှော်စင်b နွို့ဆောင်ဖြိုလ့်နွို့နား ဆောင်ထိုက့်မာန်နွို့နု့ ဗီးပွန်ကု့ကြဘို့နွို့နဲ့။ လို့ဇာ့နွို့နား အခြားလို့မြိုမာ့မြိုဂျေရုဆလင်နွို့နု့ ကျူးလွန်ယော့အပြစ်ဒုစရိုက်လိုလ့်ထက်မဲ့ လို့ဇာ့နို့နု့ ပွို့ထုန်ကြဘို့ဟား။ 5ဇာ့နွို့လာ့ကက်ကော။ အို့ဖြိုလောက်ဟောက်ပွို့။ ပွို့နွို့နောင်းလဲဉ်း စအပြစ်ဒုစရိုက်နွို့ တာ့ဗင်ကောနောင်တသံဝေဂနွို့နု့ နာ့ဇာ့နွို့စယ် ဗီးပွန်လောက်ဟောက်ကြဘို့” နွို့ဖြိုမနနဲ့။ 6နွို့ခေါင်း ကိုယ်တော်ယေရှုနောင်း တပည့်တော်နွို့နား ပုံဥပမာနွို့န ဘာ့ဖြိုနွို့ပဒေနား “လို့အာ့်ကွက်နား တခြံန်စပျစ်အမ် ဆုပ်ပ္လေ့ ဒုအ့်ပုန်းနွို့ စံပို့ကိုးနဲ့။ နွို့ခေါင်း အ့်ရှိနား ချန်ပ္လေ့ အမ်လောက်ဟောက်နွို့ခေါင်း ပ္လေ့ ဒုနွို့နားဆောင်ပို့ရေ့နောင်းလဲဉ်း ထန်မှရင်ကောပ္လေ့ အမ်နွို့နဲ့။ 7စနွို့နား အမ်နား ဟက်တွို့ဉယျာဉ်မှူးထာ ‘ဆုပ်ပေပ္လ့ ဒုနီးနား အမ်ထုန်မဲ့ပ္လေ့ ဒုပ္လေ့ ဟောက်နွို့ခေါင်း ဆုတ်ရေ့ မဲ့နောက်နောင်း ဟိုတွို့အွီနှမ်း။ စနွို့လဲ လောက်အခွပ်ပ္လေ့ အ်ာ့လွန်မှ ခါပ္လေ့ ကော။ ဆုပ်ပ္လေ့ ဒုနွို့နား ကွေကသေ့နွို့ အကျိုးလာ့ဟိုကောအွေပို့လွက်နွို့ခေါင်း မောက်ရေးစ်ဝဲ့’ နွို့ဖြိုဝဲ့နွို့နဲ့။” 8စနွိုလဲ “ဉယျာဉ်မှူးနား ‘ဆုပ်ထေ့နီးနွို့ ဆုပ်ရေ့လောက်စန်း အာ့်နှမ်းလောက်နေ။ အို့နွို့ တာ့ဇာ့ဆုပ်ထေ့နီး စိုင်ဆွတွို့ထာ အို့ထို့စန်းမယ့် မြေဩဇာလုဲင်။ 9ဇာ့နွို့နု့နု့ လောက်ဘက်အာ့်နှမ်းနွို့ ပ္လေ့ ဘာ့ရက်ပ္လေ့ မဲ့ဝ။ လောက်အာ့်အနှမ်းမှ တာပ္လေ့ကောနွို့နု့ မို့မောက်ရေးနိုင်မန’ နွို့ဖြိုမနနဲ့” နွို့ ကိုယ်တော်နား ဖြိုမနနဲ့။ 10အ့်ရှိရှိဥပုသ်နွို့ ကိုယ်တော်ယေရှုနောင်း တာ့ဓမ္မာရုံအ့်ရုံနွို့ ဟောဖြိုကရီအာမနနဲ့။ 11သလွက်နွို့နား ကနို့မာ့ကျင်စံဉ်နှမ်း ကနံဆို့ဘာ့ပြုစားခံမနခေါင်း မသန်စွမ်း တာဂျင်းတောင်ကု့ယော့ ဘာ့မုဲင်နိုင်းကောတည့်တည့် ကမြအာ့်ကွက်ဟိုဟောက်နွို့နဲ့။ 12ကိုယ်တော်ယေရှုနား ဆောင်ယင်ကမြနွို့နု့ ဟက်ကု့တွို့တမေ့မေ့နွို့ထာ “ကမြ၊ စတွို့ချန်အခို့ထာ မို့နောင်း မသန်စွမ်းနွို့မှ လွတ်မြောက်တွို့နွို့နဲ့” နွို့ဟောဖြိုမနနဲ့။ 13နွို့ခေါင်း ကိုယ်တော်နောင်း တိအမ်နနွို့နု့ ဆောင့်တံကွေကမြနွို့နောင်း အတိတွိုန်းစယ် ကမြနွို့နောင်း ကဂျင်းအမ်နွို့ ဆောင့်ဆန်နွို့န ကလို့ဘက်ကုဟောက်ခေါင်း အောက်တွိုထာ ချီးမွမ်းလေမဲ့ ဂုဏ်ကျေးဇူးဖြားကိုးနဲ့။ 14စနွို့လဲ ကိုယ်တော်ယေရှုနောင်း ရှိဥပုသ်နွို့နု့ အ့်ကစုရောဂါနွို့ အာဗာပွန်ဟောက်နွို့ခေါင်း ကဖြောက်တာဝန်ခံ ဓမ္မာရုံအ့်ာ့ကွက်နောင်း နွက်အောက်တွို့ထာ လို့ဖုန်ကုန်းနွို့နား “ရှိယို့အ့်ယောက် ဘတ်ရှိနွို့မှ ခွင်ဟိုသု့ရှိနွို့နဲ့။ ရှိနွို့နု့စယ် အ့်ကစုရောဂါ အာ့ဗါပွန်အောင်နွို့နား ပို့ပိုကြပွို့။ ရှိဥပုသ်နွို့နား ပို့တွို့ထာ လာ့ကု့နာ့ကြဘို့” နွို့ဖြိုမနနဲ့။ 15ချန်နွို့နု့ ကိုယ်တော်နား “လို့ဘာ့ယောင်ဆောင်သူတော်ကောင်းနို့ဖုန်။ ရှိဥပုသ်နွို့နား ဝက်ပွို့နွို့ဖုန်၊ မြည်းနွို့နု့ တာ့ခွက်နွို့ ပလွှတ်တွို့ထာ မောင်အ့်ငွမ်းအွူနွို့ ဟက်ကု့ကြဘို့နွိုနား ယို့အ့်ယို့ကက်ကောဟား။ 16စနွို့နု့နွို့ ကနို့မာ့ကျင်စံဉ်နှမ်း ကလုဲင်ဘာ့မသန်စွမ်းအောင် မာရ်နတ်နား စက်သုတ်ပို့နွို့ထာ ဘာ့ပြုစားခံနွို့ ဘာ့ကလုဲင်မျိုးဆက် အာဗြဟံ ကမြနွို့နောင်းလဲဉ်း ရှိဥပုသ်နွို့ ဘာ့လွတ်မြောက်အာနွို့နား လွဲမှားဟောက်နွို့နား ဖြိုနိုင်းရား” ဟောဖြိုမနနဲ့။ 17နာ့ဇာ့နွို့ ဆောင့်ဘာ့ဟောဖြိုနွို့နောင်း ကိုယ်တော်နား လို့ဇာ့ဘာ့ဆန်ကျင်ကိုယ်တော့်ဇာ့ဗဟိုနွို့နား ဗင်ကြဘို့ အ့်ကဆာ့နွို့နဲ့။ စနွို့လဲ အခြားလို့ဖုန်ကုန်းမေ့မေ့နွို့ကား ကိုယ်တော်ဘာ့ယို့မဲ့ ဘမြင့်မြတ်မဲ့အမှု့နွို့မေ့မေ့နွို့နား နွက်တူးကြဘို့နွို့နဲ့။ 18နွို့ခေါင်း ကိုယ်တော်နား “ထာထနာတော်ဖြားနား အမ်တာမွို့တတ်ထားနွို့နု့ ပွို့နွို့နား မင်ခိုင်းနှိုင်းပလေ့တတ်ထားနွို့ပဒေကား 19နွိုနား အမ်ကမို့ ကလောင်းသု့မန်းနဲ။ လို့အာ့်ကွက်နောင်း အွေတွို့ပပ္လေ့သု့မန်းcနွို့ထာအမ်ကုစန်ပွို့သဥယျာဉ်နွို့နောင်း ပ္လေ့ အမ်နွို့နောင်း တဉ့်အမ်လေဘို့ဘက် ကလုဲင်တွို့ဆုပ်ကုန်းပွိုတွို့ထာ စံနောင်းလဲဉ်း ယောက်တွို့ညားအမ်ထာ မန်းနိုင်းဟောက်” နွို့ဟောဖြိုမနနဲ့။ 20အခွပ် ကိုယ်တော်နား “ထာထနာတော်ဖြားနွို့ ဗင်နှိုင့်ယှဉ် ပလေလောက်တတ်ထား။ 21နွို့နား တဆေးန ကမွို့ဟောက်နွို့နဲ့။ သမြအာ့်ကွက်နောင်း တဆေးနွို့အွေတွို့ထာ ချိဂျုံအွီဗုံးနွို့ ဆောင့်ရောထို့နောင်း ချိမင်ဗုံးဗုံးနွို့ ပွကု့ဟောက်” နွို့ဟောဖြိုမနနွို့နဲ့။ 22ကိုယ်တော်ယေရှုနောင်း ဗဟိုကညွမ်းခရီးတစ်လျှောက်နွို့ ဗဟိုမဲ့လို့မြိုတဘိုဘို့ဘက် ဟောဖြိုကရီမဲ့ လို့ဖုန်ကုန်နွို့ တပည့်တော်ဘို့ဘက်နအနုဲင်နုဲင် ကြွတော်မူကု့ မြိုဂျေရုဆလင်နွို့နဲ့။ 23ချန်နွို့နု့ လို့အာ့်ကွက်နွို့နား ကိုယ်တော်နွို့ “ကိုယ်တော်၊ ဘာ့ဗင်ကယ်တင်ခြင်းနား လို့နည်းနည်းစယ်ဟား”နွို့မားကြဘို့နွို့နဲ့။ 24ချန်နွို့နု့ ကိုယ်တော်နား “ပွို့နွို့နား သု့ပေါက်တောင်းခါဘာ့တောင်တိနွို့ ကောင်ထာထနာတော်ဖြားနွို့ ကွက်နိုင်းနွို့အောင် ပွို့နွို့နား ကြိုးစားကြဘို့အားမေ့မေ့နွို့နဲ့။ အို့ဖြိုလောက်ဟောက်ပွို့နွို့နား လို့ဘာ့ဘို့ဘက်နွို့နောင်း ကောင်နွို့လောက်နိုင်းအောင် ဆောင့်နည်းလမ်းမျိုးစုံန လောက်ကြဘို့နွို့လဲဉ်း လာ့ကွက်နိုင်းကောနွို့ အိုဖြိုနိုင်ဟောက်။ 25ကစညာ့နား အောက်ပိုတွို့ထာ တာ့ဗက်တောင်းခါနွို့နု့ ပွို့နွို့နား ကောင်နို့ကွက်နိုင်အောင်နွို့ နောက်ကျတွို့နွို့နဲ့။ ချန်နွို့နု့ ပွို့နွို့နောင်း လေးမုဲငင်တွို့ဖက်ပလန်းထာ ကမ်းတွို့တောင်းခါထာ” ကိုယ်တော် ခိုအာအေ့တောင်းခါနေနွို့တောင်ပန်မနလဲဉ်း ကစာ့ညာ့နား ပွို့နွို့နား နာ့ငန်းကောအို့နွို့ ပွို့နွို့နား ဇာ့ဖက်မွှား ပို့ပိုနွို့လဲဉ်း အိုငန်းကော နွို့ဖြိုဘက်မနနဲ့။ 26ချန်နွို့နု့ ပွို့နွို့နားလဲဉ်း အေ့နီးနောင်း ကိုယ်တော်နအနုဲင်နုဲင် စွေဟက်ဖူးယော့ အေ့ဘာ့မန်းမဲ့ မြို့ဘို့ဘက်နွို့လဲဉ်း ကိုယ်တော်ဘာ့ကရီနွို့နု့ ခံအွေဖူးဟောက်နွို့နား ကိုယ်တော်ငန်းမန နွို့ဖြိုမနနဲ့။ 27စနွို့လဲ ကစာ့ညာ့နား အို့နောင်း ပွို့နွို့နု့ ငန်းကောနွို့စယ်မှကကော ပွို့နွို့နားပို့ပိုဇာ့ဖက်မွှားနွို့နားလဲဉ်း ငန်းကောနွို့နား အမှန်ကိုးနွို့နဲ့။ လို့ဘာ့ကလို့ကောနွို့မေ့မေ့နောင်း ပွို့ပိုကြဘို့ တာ့အို့ နွို့ဖြိုမနနဲ့။ 28ချန်နွို့နု့ “အာဗြဟံd၊ ဣဇက်၊ ယာကုပ်န အခြားပရောဖက်နွို့န နွို့နု့ ကောင်ထာထနာတော်ဖြားနွို့ ဟိုမနနွို့ မင်ရင်တွို့နွို့လဲဉ်း ပွို့နွို့နု့ကား မင်ဒေါက်လေးဖက်ပလန်းနွို့ခေါင်း ပွို့နွို့နောင်း တာ့လွက်နွို့ ကျစ်တွို့ပိုင်ထာ နွက်ပေ့ထာ ညှင်းလေမနနွို့နဲ့။ 29စနွို့ဖုန် ဇာ့တာလွက်ကမ္ဘာဘာ့ဟိုမေ့မေ့နွို့မှ လို့မျိုးအခြားနောင်းလဲဉ်း ဖက်ဇာ့လေး၊ ဖက်ဇာ့ကွက်၊ ဖက်နော်၊ ဖက်တန်း ဘာဟိုပွဉ်ထွဠ်နွို့ လောက်ပွို့ယော့ကြဘို့ ကောင်ထာထနာတော်ဖြားနွို့ ကွက်တွို့ထာ ပွီးဘာစွေနွို့ ဗင်ထုစ်လောက်ဟောက်နွို့နဲ့။ 30အခွပ် အရေးတန်ကောနွို့ ဘာ့ယူဆမဲ့ပွို့နွို့နား ဖြားနွို့ အ့်ကလုဲင်တွို့ လို့အရေးတန်ထာ လို့အရေးတန်ဟောက်နွို့ ဘာယူဆမဲ့ပွို့နွို့နား ဖြားနောင်း လို့အရေးတန်ကောနွို့ သတ်မှတ်လောက်ဟောက်” နွို့ဟောဖြိုမနနဲ့။ 31ချန်နိုနား သကိုယ်တော်ယေရှုနို ဖာရိရှဲတောင်ခရိန်းလောက်ပွိုတွိုထာ"ဟေရုဒ်နား အိုးဆောင်ပီမွို့ခမ်း လေ့ပွန်စေ့တနိနေ"လျှောက်တင်စနွို့။ 32ချန်နိုနား ဖာရိရှဲတောင်ခိုင့် တကိုယ်တော်ယေရှုနွို့ လောက်ပွိုယော့ကြဘို့ “ဟေရုဒ်ဘာအုပ်ချုပ်နွို့နား အမ်လိုလ့်ဗီမို့နွို့ခေါင်း တာ့လွက်နွို့နု့ လေးပွန်ကြဘို့ အ့်ငှာနေ” နွို့ဖြိုကြဘို့ကိုးနဲ့။ 33စနွိုနားလဲဉ်း ပရောဖက်နွို့နား တာလိုလ့်တွို့မြိုဂျေရုဆလင်နွို့မှ တာ့လွက်အခြားနွို့ မင်ဗီးကောနွို့နား လာဟိုကောနွို့ခေါင်း အို့နား လို့ရှိနီး၊ လာငွမ်းန လောက်လာ့ငွမ်းမောနွို့န အို့နောင်း မင်ဆက်ကုမယ့်ခရီးကိုး” နွို့ဟောဖြိုမနနဲ့။ 34“အို မြိုဂျေရုဆလင်နွို့ဘာ့မန်းမဲ့လို့မေ့မေ့နွို့ အို့နောင်း ဒါပွို့တွို့နား နွက်ပေ့လွန်ဟောက်။ ပွို့နွို့နောင်း ကစာ့နွို့တွိုန်း ပရောဖက်နွို့နား အခွပ်ယော့အခွပ် ဗီဗွို့ကြပို့ကိုး။ တာပွို့နွို့ ဖြားဘာ့ပလွှတ်တော်မူမဲ့ ခွို့နွို့နားလဲဉ်း နှက်ပို့ကြဘို့သန်းမှုနထာ ဗီကြဘို့။ မိတ်ရင်နောင်း ကွန်အမ်နွို့နု့ တာ့ကက်လက်ဖန်နွို့ ဒုတ်တွို့ထာ နာအမ်စောင့်ရှောက်ဘို့နွို့အတွိုန်း အို့နွို့နောင်းလဲဉ်း ပွို့နွို့နား အခွပ်ယော့အခွပ်ကြိုးစားစောင့်ရှောက်အာနွို့လဲဉ်း ပွို့နွို့နား လက်ခံကြကောပွို့။ 35ကမ်းကြဘို့နေ ဖြားနောင်း ပွို့ဘာ့မန်မဲ့မြို့နွို့နား မင်စွန်တောဝ်းခံလောက်ဟောက်။ ပွို့နွို့နား အို့တာဖြိုအမှန်နွို့နု့ ‘လို့ဘာ့ကြွပွိုမဲ့အခွင့်အာဏာဖြားနွို့နား ချီးမွမ်းမန’ နွို့ ချန်ဖြိုမလောက်မချောင်း ပွို့နွို့နား အို့နား လောက်ချန်မွှားမှ လာ့မင်ရင်ကော” နွို့ဟောဖြိုမနနဲ့။
Currently Selected:
Luke 13: dtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Dannau Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
