Luke 11
11
1အာ့်ရှိနား ကိုယ်တော်ယေရှုနောင်း တစ်လွက်နွို့နု့ ဆုတောင်းမနနွို့နဲ့။ ဆောင့်ဆုတောင်းယော့နွို့ တပည့်တော်အာ့်ကွက်နား “ကိုယ်တော်၊ လို့အာအွူမင်္ဂလာဆာယာယောဟန်နား တပည့်တော်အမ်နွို့ နာကရီအာဆုတောင်းပလေစ်နွို့အတွိုန်း အေ့နီးနောင်းလဲဉ်း ကရီအာစေး” နွို့ဖြိုမနနဲ့။ 2ချန်နွို့နု့ ကိုယ်တော်နား “ပွို့တန်းဘာ့ဆုတောင်းနွို့နု့‘ရွှေမြို့တော်နွို့ဘာဟိုမဲ့အဖဖြား၊ မာတ်နာမတော်ဖြားနောင်း တာ့မင်ရိုသေလေးစားခံလဲဉ်း။ ထာထနာတော်တာ့ပေါ်ထွန်လေးပိုလဲဉ်း။ 3တာအေ့နီးနွို့ ဘာ့လိုလ့်မဲ့ အစွေအငွမ်းအာဟာရဘို့ဘက်နွို့ စေ့ရှိစေ့ရှိ အာသနာစေး။ 4တကွေအေ့ လို့ဘာယို့မာန့်အပြစ်ဒုစရိုက်နွို့နု့ နာပို့ခွင့်လွှတ်အာနွို့အတွိုန်းအပြစ်အေ့နီးနောင်းလဲဉ်း ခွင့်လွှတ်အာစေး။အေ့နွို့ အပြစ်ဒုစရိုက်ကျူးလွန်မာန့်ကောအောင် ဇာ့ဘာ့သွေးဆောင်ဇာ့နွို့လဲ တားအာစေး’ နွို့ဆုတောင်းကြပွို့နွို့ ဖြိုမနနဲ့။”ညွှန်းစေး၊ ရက်စေး၊ ကမ်းတောင်းခါနေ 5အခွပ် ကိုယ်တော်ယေရှုနား “ကောင်ပွို့နု့ အာ့်ကွက်နား ဘို့ပေ့အာ့်ကွက်နွို့နု့ ခို့ခါသိရီနွို့ ကု့ယော့တာ့အမ် 6‘ဘို့ပေ့၊ ကောင်အငန်းဘို့ပေ့အာ့်ကွက် ခရီးအငှာနွို့ လောက်ပိုနား အမ်နွို့ မောင်းမွီးဧည်ခံနွို့ ထန်မှဟိုကောနွို့နား ချိအွီလွန်လောက် အ့်ငှားစမ်း’ နွို့တဖြိုနွို့နု့ 7ဘို့ပေ့မို့နွို့နား ‘လာ့နှောက်ယှက်နအို့၊ တောင်းခါညာ့လဲဉ်း ဗက်ပွို့ယော့တွို့၊ မိသာစုနွို့လဲဉ်း သီတွို့၊ အို့အောက်တွို့ထာ မို့နားထန်မှယို့အာနိုင်းကော’ နွို့ဇာ့ကောင်ညာ့နွို့ ဖြိုပလောက်ဟောက်နွို့နဲ့။ 8ပွို့နွို့နု့ အို့ဆောင်ဖြိုနွို့နု့ လို့နီးနား ကလုဲင်ဘို့ပေ့မို့နွို့ထောက်တွို့ထာ မို့နွို့ ထန်မှလာ့ပို့အာကောနွို့လဲ မို့နား ဆော့်ကောအားနား ဆက်တွိုထာ ညွှန်းတွို့ထာ အမ်နား ဂုဏ်သိက္ခာအမ်နွို့ မောင်းထန်းဟောက်နွို့ခေါင်း အောက်တွို့ထာ မို့ပါလို့ဇာ့နွို့နု့ အာဝဲ့စေး။” 9စနွို့နား ပွို့နွို့နု့ အို့ဘာ့ဆောင်ဖြိုနွို့နု့ “ညွှန်းကြဘို့။ ဗင်လောက်ဟောက်။ ရက်ကြဘို့၊ ထွိလောက်ဟောက်။ ကမ်းတောင်းခါနွို့၊ ခိုအာလောက်ဟောက်။ 10ဇာ့ဘာ့ညွှန်းနွို့နု့ ဗင်လောက်ဟောက်။ ဇာ့လို့ဘာရက်နွို့ ထွိလောက်ဟောက်။ လို့စေ့ကွက်ကမ်းတောင်းခါလဲဉ်း ခိုအာမန။ 11ခါလောလောနွို့ ကွန်ဖြောက်ကွန်မြနား ဒါခမ်းစွေအ်ာ့မာ့ တာ့ညွှန်းဖျောင်အာ့်ကွက်နွို့နု့ ပါကွား အာပထိုင်တောင်းစွိုစ်နွို့နား။ 12ခါလောလောနွို့ ကွန်ဖြောက်ကွန်မြနား ဒါခမ်းစွေနွို့ တာ့ညွှန်းကတွံ့ရင်နွို့ ပါကွား မိတ်ကင်းကောက်နွို့ အာ့ဟောက်နား။ 13စနွို့ခမ်း ပွို့နွို့နား ကလုဲင်လို့ဘာ့ကလို့ကောနွို့မှ တာကွန်ဖြောက်ကွန်မြပွို့နွို့နား ဘာ့ကလို့နွို့စယ် ပါအာအ့်လို့နွို့နု့ ဗဟိုမဲ့ရွှေမြို့တော် ဖြားနွို့နောင်းလဲဉ်း တာ့အမ်နွို့ လို့ဘာ့ဆုတောင်းတာ့အမ်ဘို့ဘက်နွို့နား ဘာ့ကလို့ဇာ့နွို့ဘို့ဘက်နွို့ အာစယ်မှကာ့ကော ဉာဏ်အလင်းတော်စယ်မှ အသေအချာ အာလောက်ဟောက်” နွို့ဖြိုမနနဲ့။ 14အာ့်ရှိနွို့ ကိုယ်တော်ယေရှုနောင်း လို့အာ့်ကွက်နွို့ ဘာ့အအောမဲ့ ကနံဆို့နွို့နား ဒေါက်လေးဟောက်။ ကိုယ်တော်နား ကနံဆို့နွို့နား ဆောင့်ဒေါက်လေးနွို့နောင်း လို့ဘာ့အအောနွို့နောင်း ဖြိုနိုင်ပနောင်နွို့ခေါင်း လို့ဖုန်ကုန်းနွို့လဲဉ်း အံ့သြကု့ကြဘို့နွို့နဲ့။ 15စနွို့လဲ ကောင်ခွို့နွို့ လို့တောင်ခိုင့်နား “လို့နီးနွို့ ကနံဆို့နွို့နား မာရ်နတ်ဘာ့အုပ်ချုပ်မဲ့ တန်ခိုးဗေလဇေဗုလန ကနံဆို့aနွို့နု့ ဒေါက်လေးမနနောင်း” နွို့ အချောင်းချောင်းဖြိုကျဗို့ကိုးနဲ့။ 16လို့အခြားဘို့ဘက်လဲဉ်း ကိုယ်တော်နား လိုလ့်စမ်းသပ်ဟောက်ခေါင်း တန်ခိုးအမ်နောင်း တာဖြားနွို့မှ တာပွို့ပိုတာ့မှန်နွို့နု့ ခမ်းအံ့ဖွယ်အမှုဘို့ဘက်နွို့ ယို့ပလေစ်စေးနွို့ ညွှန်းဖြိုကြဘို့နွို့နဲ့။ 17စနွို့လဲ ကိုယ်တော်ယေရှုနား ကောင်နွက်လို့ဇာ့နွို့နု့ တွေးမဲ့စမွှားနွို့ ငန်းဟောက်နွို့ခေါင်း ခွို့နွို့နား “နိုင်ငံအာ့်နိုင်ငံနီး လို့နောင်း အာ့်ကွက်နအာ့်ကွက် နွက်တာမွို့ကောပို့နား အချောင်းချောင်းတာမာတာ့ဘို့နွို့နု့ နိုင်ငံနွို့နား ကနိုကောဖျောက်လောက်နွို့နဲ့။ နာ့နွို့တွိုန်း မိသားစုအာ့်စုနီးလဲဉ်း အာ့်ကွက်နအာ့်ကွက် နွက်တမွို့ကောပို့နား အချောင်းချောင်းတာမာကြဘို့နွို့နု့ မိသားစုနွို့နောင်း မင်ခွီလောက်ဟောက်။ 18နာ့နွို့အတွိုန်း မာတ်နတ်နောင်းလဲဉ်း သိုလ်အမ်သိုလ်အမ်ဆန့်ကျင်ယော့ တခွဲပြားကြပွို့ အချောင်းချောင်းတာမာ့ကြဘို့နွို့နု့ နိုင်ငံအမ်နားလဲဉ်း မာ့ဖျောက်ကု့လောက်ဟောက်။ ဘာ့ဖြိုဇာ့နီးနောင်းလဲဉ်း ပွိုနွို့နု့ အို့နား တန်ခိုးဗေလဇေဗုလန ကနံဆို့နွို့နု့ ဒေါက်လေးဟောက်နွို့ဖြိုကြဘို့နွို့နဲ့။ 19ခါလောလောနွို့ နာပို့ဖြိုနွို့အတွိုန်း အို့နွို့ အစွမ်းဗေလဇေဗုလနွို့နု့ ကနံဆို့နွို့နား ဒါဒေါက်လေးနွို့ တပည့်ပွို့နွို့နောင်း တန်ခိုးအာဏာကွားန ကနံဆို့နွို့ ရွားဒေါက်လေးကြဘို့နား။ အမှန်နွို့နု့ အခွင့်အာဏာဖြားနစယ် နာ့နွို့ယို့နိုင်းဟောက် ကက်ကောဟား။ စနွို့နား ပွို့ဘာ့စွပ်စွဲနွို့နား ဘာ့မှန်ကောနွို့နား တပည့်နွို့စယ် သက်သေပလေစ်လောက်ဟောက်ကိုးနွို့နဲ့။ 20စနွို့လဲ အို့နား တန်ခိုးဖြားန ကနံဆို့နွို့ ဒေါက်လေးဟောက်နွို့ခေါင်း ထာထနာတော်ဖြားနား တာပွို့နွို့ လောက်ပိုတွို့နွို့နား သက်သေပလေစ်မန” နွို့နဲ့။ 21နွို့ခေါင်း ကိုယ်တော်နောင်း ကနံဆို့နွို့နု့ ဘာ့ဒေါက်လေးနွို့န ဖုန်းတန်ခိုးကုန်းထက်မာရ်နတ်နွို့ မောင်းပလေစ်နွို့ ပုံဥပမာအမာ့န ဘာ့ဟောဖြိုနွို့နား “လို့အားဘာ့ကုန်းနွို့နား ခမ်းကုံန်အစေ့အစန ညာ့အမ်နွို့ ဆောင့်ဆုန့်ရေ့မနနောင်း ပစ္စည်းဥစ္စာအမ်မေ့မေ့နွို့နား ကွေမှရက်အွေနိုင်းကောနွို့ခေါင်းနွို့နဲ့။ 22စနွို့လဲ လို့အားဘာ့ကုန်းထက်အမ်နွို့နား ပိုဒုယော့တွို့အမ်ထာ တာ့နိုင်းနွို့နု့ အမ်ဘာ့အာကိုးမဲ့တိကုံန်အမ်နွို့ ထန်းအွေတွို့ထာ ပစ္စည်းဥစ္စာဇာ့နွို့လဲဉ်း အွေပိုယော့ လို့အခြားနွို့နု့ ခွီအာမနနဲ့။” 23“ဖက်အို့နီး လို့ဘာ့မမန်းကောသူနား လို့ဆန့်ကျင်အို့ကိုးနွို့နဲ့။ ဒါဖြားနွို့ အ့်ကစုတွို့လို့ထာ လို့ဘာ့ကူညီကောအို့နွို့နား အို့နား လို့ဘာ့ကူညီကောနွို့နောင်း လို့နွို့ တဖြားနွို့နား လောက်ကု့အ့်ငှာအောင် လို့အ့်ကလုဲင်တစ်ကွဲတပြားကိုးနွို့နဲ့။” 24အခွပ် ကိုယ်တော်ယေရှုနား “ကနံဆို့အာ့်ကွက်နောင်း အမ်လေးပွန်ဘာ့ဗောက်မဲ့တာ့လို့နွို့ထာ ကောင်ဗွေကန္တာရနွို့ လှည့်လေတွို့ထာ လွက်ခမ်းမန်နွို့ ဆောင့်ရက်နွို့နောင်း အာ့်လွက်မှထွိကောနွို့နဲ့။ စနွို့လဲ ရက်ထွိကောနွို့ခေါင်း ‘ရန်းမယ့် တာရှိအို့ဘာ့မန်ဖူးတာ့လွက်နွို့စယ်’ နွို့ဖြိုတွို့ထာ တာ့လို့ဘာ့ဗောက်မဲ့နွို့ ရန်းဘတ်ပိုနွို့နဲ့။ 25ဆောင့်လောက်ရန်းပို့နွို့နောင်း ကရှိနွို့ ဘာ့ဗောက်မဲ့ကောင်သိုလ်လို့နွို့နား ဘာ့ဗြောင်ဖြော့အောင် ဘာ့ဆက်ဖျောင်ပို့မဲ့ လို့မန်းဟိုကောညာ့အာ့်လွန်နွို့အတွိုန်း ထွိမာန့်ဟောက်နွို့နဲ့။ 26ချန်နွို့နု့ ကနံဆို့နွို့နား ဘာဆို့ထက်အမ် ကနံဆို့ဘက်ကွက်နွို့ ကု့ဟက်တွို့ထာမန်းမနခေါင်း လို့ဘာ့တာ့ဗောက်ခံမဲ့နွို့နား အခြေအနေဆို့ထက်ထမ်းကု့ကရှိကိုး” နွို့ဖြိုမနနဲ့။ 27ကိုယ်တော်ယေရှုနောင်း အကြောင်းအရာဇာ့နွို့ တန်းဟောကရီမဲ့နွို့နား ကောင်လို့ဖုန်ကုန်းနွို့ ကမြအာ့်ကွက်နား ကရက်အထန်ထောတွိုန်းန “ကိုယ်တော့်နွို့ မွီးအာတွို့ထာ ဗု့ညူးနွို့ဘာ့ဒုမွီးပို့မဲ့ သမြနွို့နောင်း ဖြားအာ ကောင်ကြီးနွို့မင်ခံတွို့” နွို့ဖြိုမနနဲ့။ 28ချန်နွို့နု့ ကိုယ်တော်နား “မှန်မန။ ဇာ့နွို့လဲ ပနောင်တရားတော်ဖြားနား နာအွေယော့ လို့ဘာဒေါက်ယို့လွမ်းနွို့ကား ကောင်ကြီးလိုလ်ဟောက်ကိုး” နွို့ဖြိုဘက်ပလောက်နွို့နဲ့။ 29လို့ဖုန်ကုန်းနွို့နောင်း ဘို့ပိုဘို့ပိုထန်းပိုနွို့ခေါင်း ပတ်ပတ်လည်ကိုယ်တော်နွို့ တန်းဘာ့စုနွို့နောင်း ကိုယ်တော်နား “လို့ခေတ်အ့်ခွပ်နား လို့ဆို့လွန်းလန်းဟောက်နွို့ကိုးနဲ့။ ရွားနွို့ပဒေကား ပွို့နွို့နောင်း ဖြားနွို့ ဘာ့ပလွှတ်အို့နွို့နား အ့်ကလုဲင်သက်သေ အံ့ဖွယ်အမှုနွို့ ဆောင်အ့်ယို့ကြဘို့နွို့နဲ့။ စနွို့လဲ ပွို့ဘာ့ရင်ပွို့မဲ့ အံ့ဖွယ်အမှုအမာ့စယ်နွို့နောင်း ကစာနွို့နောင်း ပရောဖက်ယောနbနွို့ နာ့ကလုဲင်အံ့ဖွယ်အမှုနွို့အတွိုန်း ကလုဲင်လောက်ဟောက်နွို့နဲ့။ 30ပရောဖက်ယောနနား ဘာ့ဖြစ်ပျက်မဲ့ဇာ့နွို့နောင်း ဖြားနား ပလွှတ်ကု့ကူးဟောက်နွို့ လို့မြိုနိနေဝေနွို့နား သက်သေပလေစ်မနနွို့နဲ့။ နာနွို့အတွိုန်း နာ့ကွန်ဖြားနွို့ ဘာ့ဖြစ်ပျက်မဲ့ဇာ့နွို့နောင်း အမ်နား ဖြားနွို့ ပလွှတ်ကု့ဟောက်နွို့ ပွို့နွို့နား ပလေစ်လောက်ဟောက်သက်သေနွို့နဲ့။ 31ရှိတရားစီရင်ဆောင့်လောက်နွို့ ဖြိုင်အစ္စရေးဘာ့ဟိုဖက်နို့နွို့နု့ မိတ်ဖရင်ဖြိုင်ရှေဘc နားလဲဉ်း ဉာဏ်ပညာဘာ့ကုန်းမဲ့ အဆုံးအမဖရင်ကုန်းရှောလမုန်နွို့ မင်နာအွေအောင် ဘာ့ငှာလွန်းမဲ့ စဖြိုင်အခြားနွို့ ပို့ပိုနွို့နဲ့။ အခွပ်နွို့ ဘာ့ကုန်းထက်မဲ့ရောလမုန်နွို့အို့နောင်း ဟိုမဲ့ဖက်နီးနွို့လဲဉ်း ပွို့နား လာ့ကမ်းကြကောဘို့နွို့နဲ့။ စနွို့နား ဖြားနောင်း လို့မေ့မေ့နွို့နောင်း ဆောင့်စီရင်တရားနွို့နု့ ဖြိုင်ဖုရင်ရှေ့ဘနွို့ လို့ဘို့ဘက်နအနုဲင်နုဲင် မုဲင်တွို့ဖက်နွို့ထာ ပွို့နွို့နား ပြစ်တံယို့လောက်ဟောက်နွို့နဲ့။ 32လို့မြိုနိနေဝေနွို့နောင်း ယောန ဘာ့ဟောဘာ့ကရီနွို့ ဆောင်မင်အွမ်နောင်း အပြစ်ခွို့နွို့နား ဗင်ကြဘို့နောင်တသံဝေဂနွို့နဲ့။ စနွို့လဲ အခွပ်နောင်း ဘာ့ကုန်းမြတ်ထက် ယောန အို့နီးနောင်း ပို့တွို့တာပွို့နွို့ထာ ကရီဟောမနနွို့လဲဉ်း ပွို့နွို့နောင်း ဗင်ကြကောပွို့နောင်တသံဝေဂ။ စနွို့နား ဖြားနောင်း လို့မေ့မေ့နွို့နောင်း ဆောင့်စီရင်တရားနွို့နု့ လို့မြို့နိနေဝေနွို့နောင်း ပွို့နအနုဲင်နုဲင်မုဲင်တွို့ထာ ပွို့နွို့နား ပြစ်တံယို့လောက်ဟောက်နွို့နဲ့။” 33နွို့ခေါင်း ကိုယ်တော်ယေရှုနွို့ “ဘာ့ထွန်းညှိဘို့ညာ့ညွမ်နား ဆောင်ကွေမှ အွမ်ဘို့ကော၊ တာ့ကက်ချောင်လဲဉ်း လာ့ဒုတ်ဘို့လာ့ဟိုကော။ လို့ဘာ့ကွက် ကောင်ညာ့နွို့ အရောင်လန်းမင်ဗင်အောင် ညာ့ညွမ်နွို့ တာ့ကရောင်းလ်တိုင်နွို့ ဆွီပို့ကြဘို့နွို့နဲ့။ 34လငုဲင်းပွို့နား ကွေသိုလ်ပွို့နွို့ နာ့ညာ့ညွမ်ဘုတ်နွို့နတမွို့ဟောက်နွို့နဲ့။ ရွားနွို့ဒေကား လငုဲင်းပွို့နွို့နောင်း ပွို့နွို့နု့ အရာဝတ္ထု့ဘို့ဘက်နွို့ အာရင်နိုင်းဟောက်နွို့နဲ့။ ခါလောလောနွို့ လငုဲင်းပွို့နွို့ဘို့ဘက်နွို့နောင်း တာကျန်းမာမနနွို့နု့ ပွို့နွို့နောင်း ဇာ့ဘာ့ဟိုမေ့မေ့နွို့ ရင်နိုင်လောက်ဟောက်ကလို့ကလို့နွို့နဲ့။ လငုဲင်းပွို့နွို့နောင်း တတ်ကျန်းမာကောနွို့နု့ ပွို့နွို့နောင်း ထန်မှလာ့ရင်နိုင်ကောနွို့ခေါင်း နာ့လောက်ကောင်အ့်ဝေါက်နွို့အ့်တွိုန်း ကလုဲင်လောက်ဟောက်နွို့နဲ့။ 35စနွတ်ခမ်း တာ့မို့နွို့ဘာ့ဟိုမဲ့အလန်းနွို့ အ့်ကလုဲင်ကောအဝေါက်နွို့အောင် ဘို့ကြဘို့သတိနွို့နဲ့။ 36 ဇာ့နွို့နု့ ကမာ့မွှားန ကမွို့တတ်ထားနွို့ကား ကောင်အခန်းနွို့ ညာ့ညွမ်နွို့နောင်း တကွေသိုလ်ပွို့နွို့ ဝေါင်းဝါနလန်းယော့ ပွို့နွို့နောင်းလဲဉ်း ဇာ့ဘာ့ဟိုနွို့နား ဆန်းဆန်းလန်းလန်း နာ့ရင်နွို့အ့်တွိုန်းန ကမွို့ဟောက်” နွို့ဟောဖြိုမနနဲ့။ 36ဇာ့နွို့နု့ ကမာ့မွှားန ကမွို့တတ်ထားနွို့ကား ကောင်အခန်းနွို့ ညာ့ညွမ်နွို့နောင်း တကွေသိုလ်ပွို့နွို့ ဝေါင်းဝါနလန်းယော့ ပွို့နွို့နောင်းလဲဉ်း ဇာ့ဘာ့ဟိုနွို့နား ဆန်းဆန်းလန်းလန်း နာ့ရင်နွို့အ့်တွိုန်းန ကမွို့ဟောက်” နွို့ဟောဖြိုမနနဲ့။ 37ကိုယ်တော်ယေရှုနောင်း နာ့နွို့ ဖြိုယော့နောင်း ဖာရိရှဲအာ့်ကွက်နောင်း ကိုယ်တော်နား အစွေအငွမ်းနာ့ အမ်နမောင်စွေအ့်နုဲင်နုဲင်နွို့ ညာ့အမ်နွို့နား ဖိဟောက်နွို့ခေါင်း ကိုယ်တော်နောင်း ကြွတွို့ထာ တာ့ပုခုံနွို့ ထု့စ်မနနဲ့။ 38စနွို့လဲ ကိုယ်တော်ယေရှုနား နာ့ဓလေ့ထုံးစံလို့မျိုးဂျူးနွို့အတွိုန်း တိအမ်နွို့ ခါစွေကောအ့်စွေနို့ ဖြောင်ဖျော့အောင် ကထေကောငွမ်းနွို့ခေါင်း ထုစ်မဲ့တာ့ပခုံနွို့နား ဖာရိရှဲနောင်း ဆောင့်ရင်နွို့ အံ့သြမနနဲ့။ 39ချန်နွို့နု့ ကိုယ်တော်ယေရှုနား “ဖာရိရှဲဘို့ဘက်နောင်း ငွမ်းလို့နွို့နား မှန်ကန်ဟောက်နွို့ ထုန်ကြပွို့အောင် ဂရုစိုက်တွို့ ဓလေထုံးစံဘို့ဘက်ထာ လိုက်နာကြဘို့နွို့လဲဉ်း ကောင်နွက်နှလုံးပွို့နွို့နား လောဖကုန်နွို့န ဘာ့ဆိုးလွန်းနွို ဗို့လွန်းလန်းကြဘို့ခေါင်းနွို့နဲ့။ 40လို့မိုက်နား၊ ဖြားနောင်း သိုလ်ပွို့နွို့နား ဖန်ဆင်းပို့ယော့ ဖြားနောင်း နွက်နှလုံးနွို့လဲဉ်း ဖန်ဆင်းပွို့နွို့နား ပွို့ငန်းကောဟား။ 41စနွို့နား လောဖာကုန်းတွို့ထာ ဘာ့ကလို့ကော အကျင့်နွို့ယို့ကြကောရောဘို့။ စနွို့လဲ တပွို့နွို့ဘာ့ဟိုဇာ့နွို့စယ် ဘာ့ဆန်းရဲလွန်းလို့ဇာ့နွို့နား နွက်ကလို့လို့မှန်မှန်န အာပန်းကြဘို့အပြည့်အဝနွို့နဲ့။ တာ့ယို့ဇာ့နွို့နို့နု့ နွက်နှလုံးပွို့နွို့န သိုလ်ပွို့နွို့နောင်း ငွမ်းဖြားနွို့ အမှန်ခါလောလော သန်ရှင်းဖြောင်ဖြော့လောက်ဟောက်။ 42ဖာရိရှဲနွို့၊ ပွို့နွို့နောင်း ဒုက္ခဆန်းရဲန မင်ကြင်တွို့နွို့ကိုးနဲ့။ ရွားနွို့ပဒေကား ပွို့နွို့နား လာ့လောင်းလက်၊ ပိစိ န ကောင်ခြံန်နွို့ဘာလေးမဲ့ သုလာ့ရစ်ဘို့ဘက်နွို့ မာကျင်ဖြူဉ်အာ့်ဖြူဉ်နွို့ တာဖြားနွို့ အာလှူကြဘို့နွို့လဲဉ်း ပွို့နွို့နောင်း တကွေဘေ့ လံစွေတွို့ထာ ဖြားနွို့လဲဉ်း ခှိက်မေတ္တာဟိုကြဘို့ခါလောလော။ ပွို့နွို့နား မာ့ကျင်ဖြူဉ်အာ့်ဖြိူဉ်နွို့ဗင်လှူအာစယ်မှကကော တောင်းခိုင့် လို့အခြားနောင်းလဲဉ်း မျှမျှတတ၊ လိုလ့်ကျင်နာယော့ ဖြားနောင်းလဲဉ်း အ့်ခှိက်မေတ္တာနလိုလ့်ပို့ဟောက်နွို့နဲ့။ 43ဖာရိရှဲနွို့၊ ပွိုနွို့နား ဒုက္ခဆန်းရဲနဗင်ထွိတွို။ ရွားနွို့ပဒေကား ပွို့နွို့နား တာ့ဓမ္မာရုံနွို့လဲဉ်း ဘာ့မင်ထုစ်ခုံးဖက်ငွမ်းထက်ဘေ့နွို့နား ခှိက်ကြဘို့နွို့နဲ့။ ကောင်းဈေနွို့လဲဉ်း လို့ဘာ့လေးစားနှုတ်ဆက်နွို့လဲဉ်း ခှိက်ကြဘို့နွို့နဲ့။” 44“ဖာရိရှဲနွို့၊ ပွိုနွို့နား ဒုက္ခဆန်းရဲနဗင်ထွိတွို။ ပွို့နွို့နား ဘာာ့ဟိုကောင်ရေ့လာ့ အမှတ်အသားဘာ့ဟိုကော တောင်းခြိုင်းန တာ့မွို့ဟောက်။ လို့နောင်း ထုံးတမ်းအစဉ်အလာန သန့်ရှင်းကောဘို့နွို့နောင်း နာ့ငန်းကောအောင် ဆောင်ကု့ကြဘို့နွို့နောင်း လို့နောင်းလဲဉ်း လောက်သန်ရှင်းကောပွို့” နွို့ဟောဖြိုမနနဲ့။ 45ချန်နွို့နု့ ဆာယာပါလိတ်ကျမ်းအာ့်ကွက်နား ကိုယ်တော်နွို့ “ကိုယ်တော်၊ မွိုလမိန့်ဖြိုဇာနီးနောင်း အေ့နီးနောင်းလဲဉ်း ကာရအေ့နအနုဲင်နုဲင်ကိုး” နွို့ဆောင့်ဖြိုနွို့နု့ 46ချန်နွို့နု့ ကိုယ်တော်နောင်းလဲဉ်း “ဆာယာပါလိတ်ကျမ်းနွို့၊ ပွို့နွို့နောင်းလဲဉ်း ဒုက္ခဆန်းရဲနဗင်ထွိတွို။ ရွားနွို့ပဒေကား ပွို့နွို့နောင်း မောင်းလိုက်နာရစ်ရန်းမဲ့ စည်းမျည်းစည်းကမ်းဘို့ဘက်နွို့ လို့နွို့နု့ ဘာကစက်မဲ့ ပုဒ်ရိုန်းနွို့နု့ ကလုဲင်မနနွို့လဲဉ်း စည်းမျည်းစည်းကမ်းနွို့ မောင်းလိုက်နာနွို့ခေါင်း ကြိုးစားနွို့နု့ ဟိုကြကောပွို့နွို့ခေါင်းနွို့နဲ့။” 47ပွို့နွို့နောင်း ဒုက္ခဆန်းရဲနဗင်ထွိတွို။ ရွားနွို့ပဒေကား ပရောဖက်ဘို့ဘက်နွို့ မောင်းဂုဏ်ပြုနွို့နု့ တောင်ခြိုင်းဂူခွို့နွို့နား ဘာ့ဆန်အာကြဘို့အ့်ကနို့နွို့လဲဉ်း အမှန်ခါလောလောနွို့ ခွို့နွို့နား လို့ဘာ့ဗီဇာ့နွို့နား လို့ကစာ့ပွို့စယ်နွို့ကိုးနဲ့။ 48ယို့ဇာ့နီးနား လို့ကစာ့ပွို့နွို့ ဘာယို့ပို့နွို့ မှန်ကန်မနနွို့ သက်သေပလေစ်ဟောက်ခေါင်းနွို့နဲ့။ ခွို့နွို့နောင်း ပရောဖက်နွို့ဗီယော့ကြဘို့ ပွို့နွို့နောင်းလဲဉ်း တောင်ခြိုင်းဂူခွို့နွို့နား ဘာ့ဆန်အာကြဘို့အ့်ကနို့နွို့နဲ့။ 49ဇာ့နွို့နား ဖြားနောင်း ဉာဏ်ပညာနဘာ့ဟောနွို့နောင်း ပရောဖက်န သာဝကဘို့ဘက်နွို့ တာလို့မျိုးအစ္စရေးနွို့ အိုပလွှတ်ဟောက်နွို့နဲ့။ စနွို့လဲ လို့မျိုးအစ္စရေးဘို့ဘက်နွို့နောင်း ကောင်ခွို့နွို့ တောင်ခိုင့်နား နှိက်စက်တွို့ထာ တောင့်ခိုင့်နောင်း ဗီကြဘို့ကိုး နွို့ဟောဖြိုမနနဲ့။ 50စနွို့နား လို့ခေတ်အခွပ့်နား ဖြားနောင်း ကမ္ဘာနီး စဘာ့ဖန်ဆင်းနွို့နား လို့ကစာ့ခွို့ဘာ့ဗီကြမဲ့ ပရောဖက်မေ့မေ့ဘာ့ဗီးနွို့နား ဘာ့စီရင်အပြစ်နွို့ မင်ခံလောက်ဟောက်နွို့နဲ့။ 51ပွို့နွို့နား အို့တာဖြိုအမှန်နွို့ကား ပရောဖက်အာဗေလd နွို့စတွို့ထာ ကောင်းဗိမာန်တော်နကောင်ဗလ ဘာ့ထွန်းလှူမဲ့ ပလ္လင်နွို့ ဘာ့ဗီးခံပွို့မဲ့ လောက်ဇာခရိနွို့အောင် လို့ကစာ့ပွို့ယို့ဘို့နွို့ခေါင်း ဖြားနောင်း ပွို့နွို့နား ချမှတ်လောက်ဟောက်အပြစ်ဒဏ် အသေအချောကိုးနွို့နဲ့။ 52“အို့ ဆာယာပါလိတ်ကျမ်းနွို့ ပွို့နွို့နား ဒုက္ခဆန်းရဲနဗင်ထွိတွို။ ရွားနွို့ပဒေကား ပွို့နွို့နား ဖြားနွို့ ဘာ့ငန်းမဲ့နည်းလမ်းနွို့နား အသိဉာဏ်တောင်းခါeနွို့ ခိုတွို့ထာ ပွို့ကိုယ်တိုင်နောင်းကား ဖြားနွို့ ငန်းကြကောပွို့နွို့စယ်မှကာ့ကော လို့တခြားဘို့ဘက် ငန်းနိုင်းကောအောင်နွို့လဲဉ်း ဗတ်တားပွို့နွို့ကိုး” နွို့ဟောဖြိုမနနဲ့။ 53နွို့ခေါင်း ကိုယ်တော်ယေရှုနောင်း တာ့လွက်နွို့ ဆောင်လေးပွို့ချန်နွို့နု့ ဆာယာပါလိတ်ကျမ်းဘို့ဘက်န ဖာရိရှဲဘို့ဘက်နောင်း ကိုယ်တော်နွို့နား ရှိအိလွန်းလန်းကြဘို့ထာ အကြောင်းအရာဘို့ဘက်န ဘာ့သက်ဆိုင်ဘာ့ရစ်ရန်းမဲ့ မေးခွန်းဘို့ဘက်နွို့ မားကြဘို့နွို့နဲ့။ 54လို့စားနွို့နောင်း ကိုယ်တော်ယေရှုဘာ့ဖြိုမဲ့ ပနောင်ဘို့ဘက်နွို့ အလွဲအာ့်မာ့မာ့နွို့ တာ့တန်နွို့နု့ ကိုယ်တော်နား မောင်းတံအပြစ်မောင်းစွပ်စွဲနွို့နု့ ဆန်တွို့ထောင်ချောက်ထာ မားကြဘို့ဇာ့နွို့နု့နဲ့။
Currently Selected:
Luke 11: dtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Dannau Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
