Popular Bible Verses from Luke 11

Share

စနွို့ခမ်း ပွို့နွို့နား ကလုဲင်လို့ဘာ့ကလို့ကောနွို့မှ တာကွန်ဖြောက်ကွန်မြပွို့နွို့နား ဘာ့ကလို့နွို့စယ် ပါအာအ့်လို့နွို့နု့ ဗဟိုမဲ့ရွှေမြို့တော် ဖြားနွို့နောင်းလဲဉ်း တာ့အမ်နွို့ လို့ဘာ့ဆုတောင်းတာ့အမ်ဘို့ဘက်နွို့နား ဘာ့ကလို့ဇာ့နွို့ဘို့ဘက်နွို့ အာစယ်မှကာ့ကော ဉာဏ်အလင်းတော်စယ်မှ အသေအချာ အာလောက်ဟောက်” နွို့ဖြိုမနနဲ့။

စနွို့နား ပွို့နွို့နု့ အို့ဘာ့ဆောင်ဖြိုနွို့နု့ “ညွှန်းကြဘို့။ ဗင်လောက်ဟောက်။ ရက်ကြဘို့၊ ထွိလောက်ဟောက်။ ကမ်းတောင်းခါနွို့၊ ခိုအာလောက်ဟောက်။

ဇာ့ဘာ့ညွှန်းနွို့နု့ ဗင်လောက်ဟောက်။ ဇာ့လို့ဘာရက်နွို့ ထွိလောက်ဟောက်။ လို့စေ့ကွက်ကမ်းတောင်းခါလဲဉ်း ခိုအာမန။

ချန်နွို့နု့ ကိုယ်တော်နား “ပွို့တန်းဘာ့ဆုတောင်းနွို့နု့‘ရွှေမြို့တော်နွို့ဘာဟိုမဲ့အဖဖြား၊ မာတ်နာမတော်ဖြားနောင်း တာ့မင်ရိုသေလေးစားခံလဲဉ်း။ ထာထနာတော်တာ့ပေါ်ထွန်လေးပိုလဲဉ်း။

တကွေအေ့ လို့ဘာယို့မာန့်အပြစ်ဒုစရိုက်နွို့နု့ နာပို့ခွင့်လွှတ်အာနွို့အတွိုန်းအပြစ်အေ့နီးနောင်းလဲဉ်း ခွင့်လွှတ်အာစေး။အေ့နွို့ အပြစ်ဒုစရိုက်ကျူးလွန်မာန့်ကောအောင် ဇာ့ဘာ့သွေးဆောင်ဇာ့နွို့လဲ တားအာစေး’ နွို့ဆုတောင်းကြပွို့နွို့ ဖြိုမနနဲ့။”ညွှန်းစေး၊ ရက်စေး၊ ကမ်းတောင်းခါနေ

တာအေ့နီးနွို့ ဘာ့လိုလ့်မဲ့ အစွေအငွမ်းအာဟာရဘို့ဘက်နွို့ စေ့ရှိစေ့ရှိ အာသနာစေး။

လငုဲင်းပွို့နား ကွေသိုလ်ပွို့နွို့ နာ့ညာ့ညွမ်ဘုတ်နွို့နတမွို့ဟောက်နွို့နဲ့။ ရွားနွို့ဒေကား လငုဲင်းပွို့နွို့နောင်း ပွို့နွို့နု့ အရာဝတ္ထု့ဘို့ဘက်နွို့ အာရင်နိုင်းဟောက်နွို့နဲ့။ ခါလောလောနွို့ လငုဲင်းပွို့နွို့ဘို့ဘက်နွို့နောင်း တာကျန်းမာမနနွို့နု့ ပွို့နွို့နောင်း ဇာ့ဘာ့ဟိုမေ့မေ့နွို့ ရင်နိုင်လောက်ဟောက်ကလို့ကလို့နွို့နဲ့။ လငုဲင်းပွို့နွို့နောင်း တတ်ကျန်းမာကောနွို့နု့ ပွို့နွို့နောင်း ထန်မှလာ့ရင်နိုင်ကောနွို့ခေါင်း နာ့လောက်ကောင်အ့်ဝေါက်နွို့အ့်တွိုန်း ကလုဲင်လောက်ဟောက်နွို့နဲ့။

နွို့ခေါင်း ကိုယ်တော်ယေရှုနွို့ “ဘာ့ထွန်းညှိဘို့ညာ့ညွမ်နား ဆောင်ကွေမှ အွမ်ဘို့ကော၊ တာ့ကက်ချောင်လဲဉ်း လာ့ဒုတ်ဘို့လာ့ဟိုကော။ လို့ဘာ့ကွက် ကောင်ညာ့နွို့ အရောင်လန်းမင်ဗင်အောင် ညာ့ညွမ်နွို့ တာ့ကရောင်းလ်တိုင်နွို့ ဆွီပို့ကြဘို့နွို့နဲ့။