Aphutna 37

Zosef a Ramang Ngāi

1 # Heb 11:9-16 Zakob chu a pā khuol ei changna ram, Kanān rama ommun a khuor a. 2#1Sa 2:24; 16:11; Sām 78:71; Am 7:15Hivā hi Zakob a khūk ngāi rachī chu a ni.

Zosef chu kum sōmleisari a ni lāi han, a paruol ngāi le beraruol a rung u na. Voibaktē chu a pā thāinū ngāi, Bilha lē Zilpa a nāipasal ngāi bila a om a. Zosef-in amāni thang āsia chu a pā kōma a hong chōi a. 3#Est 2:9Atar suona a nāipasal ei ni sika, Israel-in Zosef chu a nāi ngāi dōra nēka ā dit a. Israel-in Zosef rang kultāi anchuol āchial ā chīpē na. 4#Kui 7:9Tenchu a pā'n atei a paruol ngāi nēka ei ādit tī a paruol ngāiin a hong mū u le chu, ama chu a mūmāk u na, hē huia chongpui u lāi mak a.

5Zosef-in ramang a phan a, a paruol ngāi kōma a ril le chu, a mūmāk riam u na. 6#Aph 44:18; Rui 9:7Amā'n a kōm u na, “Lungkhama ka ramang phan hi na rangāipē u ta: 7#Aph 42:6, 9; 43:26; Rūt 2:7; 2Sa 1:2Phāia samūt akhita na lei om a. Entā, ka samūt chu anthui a, a hong ānding ving a. Na samūt u ngāiin a hong āhuol u na, ka samūt chu a hong āmōk u na,” a tī na. 8#Dān 33:16A paruol ngāiin a kōma, “Nangin koini chunga rui nei la ril tatak rang mo? Ole nangin nei na la vong rang mo?” a ti u na. Hasikhan a ramang lē a chong ngāi sika a mūmāk riam u na.

9 # Dān 4:19; Anl 12:1 Ramang atei a phan rēt a, a paruol ngāi kōma a ril a, “Entā, ramang atei khat ka phan rēt a. Entā, anī, thā lē ārsī sōmleikhat ngāiin a nā mōk u na,” a tī na. 10#Sām 9:5; Isa 17:13; Zek 3:2Hava ha a pā lē a paruol ngāi kōma a ril a. A pā'n chūnngō a thō na, a kōma, “Na ramang hi hong ramang mo nei phan a ni zei? Na nū, koi lē na paruol ngāi dōrā'n na makunga phila anboka nei na hong āmōk tatak rang mo?” a tī na. 11#Lk 2:19, 51; Kui 7:9A paruol ngāiin ēngsā a thō u na, tenchu a pā'n hava rui chu a malunga a khum rap a.

Zosef a Paruol Ngāiin a Zuor

12Hatuka a paruol ngāi chu Sekem-a, a pā beraruol ngāi sūl ansāk ranga a sē u na. 13Israel-in Zosef a kōma, “Na paruol ngāiin Sekem-a beraruol sūl ei va mansāk u ni mak mo? Hong ta, amāni kōma na mansē rong,” a tī na.

Zosef-in a kōma, “Hiva hin kā om,” a tī na.

14Israel-in a kōma, “Lungkhama sē tān va en ro, na paruol ngāi lē beraruol ngāi a dam u mo, hatuka thang na hong ril rēt ro,” a tī na. Hankēng Hebron phāiruom ātā a mansē na, ama chu Sekem a vā suok a.

15 # Aph 21:14; Rui 4:22; Zn 1:38 Zosef chu sūlmuna cheianvāia a om lāi han, mī tū khatin mo ama chu antongpui a. Hava mī'n a kōma, “Imo nei ravān?” a tī na.

16 # Lk 19:10 Hankēng amā'n, “Ka paruol ngāi kei ravān. Lungkhama na ril ta, a beraruol ngāi hon mo sūl ei mansāk u,” a tī na. 17#2Rē 6:13Hava mī'n, “Hiva nātā a lei āsē u zei a, ‘Dothan-a sē u rei,’ ” ei ti u chu ka riat a, a tī na. Hankēng Zosef chu a paruol ngāi nunūka a sē na, Dothan-a, a va tok a.

18 # 1Sa 19:1; 2Kh 24:21; Sām 31:13, 20; Mt 12:14; Mk 14:1; Kui 23:12 Amānī'n ālāpā nātā a lei mū u na, amāni kōma a vā tung mān len ātā ama that rang a lei vang u na. 19Amāni lē amāni a chong u na, “Entā, ramang aphan chachak pū so a hong zei! 20#Lev 26:6, 22; Dān 32:24; 2Rē 17:25; Zer 38:6, 9; Izk 34:25Thota atun, that u rei, khur khat peia masul rei, koinī'n, ‘Ramsā khatin a sāk zei,’ ti in ti, a ti u na. A ramang chu imo a hong ānī, en in ti!” a ti u na.

21Tenchu Ruben-in hava ha a riat a, amāni kut ātā a mazōk a, “Ama ei damna chu lāk u nō rei,” a tī na. 22Ruben-in amāni kōma, “Thisen masuok u nō ro, tenchu mibuirama, āom khur sūnga hin ama chu masul u ro, a takchunga ītē kut alāng u nō ro,” a tī na. Hantin han a kut chung u nātā ei mazōka, a pā kōma ei kīrpui rēt theina ranga ei tī a ni.

23 # Aph 37:31-33; 42:21 Hatuka Zosef chu a paruol ngāi kōm a vā suok le chu, a paruol ngāiin a kultāi anchuol chu a lei khekpē u na. Hivā hi a kultāi anchuol āchial ei rasilpū chu a ni. 24#Zer 38:6Ama chu a ruoi u na, khura a va masul u na. Khur ha akorong a ni, hava han tī om mak a.

25 # Ant 30:23; Chn 7:17; Sol 4:1; Zer 8:22; Mt 2:11 Nēksāk ranga ansut u na. Hatuka a tang a, a en u na, entā, Ismael mi ngāi ruol khat pei, Giliad ātā a mākingkang u ngāi lē marimhui, tuoilui lē bero ngāi apēl chunga, Āiguptā a hong āpan chu a mū u na. 26Zuda'n a paruol ngāi kōma, “Na paruol nei thata, a thisen nei thupa imo ei nemna? 27Thota, ama chu Ismael mi ngāi kōma zuor u rei, a chunga na kut lei thāk u nō rei, asik chu ama hi na paruol lē na taksā kēng,” a tī na. A paruol ngāiin a pompui u na.

28 # Ant 21:16; Lev 27:5; Sām 105:17; Zer 12:6; 38:13; Mt 26:15; Kui 7:9 Hatuka Midian mī sadāipū ngāi a hong u le, a paruol ngāiin Zosef chu khur ātā akeia a rasuo u na, ama chu Ismael mi ngāi kōma sumrū 20 le a zuor u na. Zosef chu Āiguptā-na, a ruoi u na.

29 # Atl 14:6; Zos 7:6; 2Sa 1:11; 2Rē 2:12; Zōb 1:20; Isa 36:22; Zer 36:24; Zol 2:13 Ruben chu khura, a hong ākīr rēt a, entā, Zosef chu hava khura lei om lāi mak a. Amā'n a puon ngāi a thēt a. 30A paruol ngāi kōma a hong ākīr rēt a, “Nāipangtē chu om lāi mak a! Koi chu hon tiang mo kei sē rang a ni zei?” a tī na.

Zosef a Paruol ngāiin a Pā ei Huong una

31 # Anl 19:13 Hankēng Zosef a kultāi anchuol a lāk u na, kēltang khat a that u na, a thisena, kultāi anchuol chu a phūm u na. 32#Aph 44:20-23; Lk 15:30Kultāi anchuol āchial chu a lāk u na, a pā kōma a hong chōi u na, “Hiva hi nei rūt a ni. Na nāipasal kultāi anchuol ei nī lē ei ni nōk na riat mo thei?” a ti u na. 33Zakob-in hava ha a lei mandang thei a, amā'n, “Hiva hi ka nāipasal kultāi anchuol a ni. Ramsā'n ama chu ei sāk hiam kēng anzei. Songankhar luia Zosef chu ānthēt chit kēng anzei,” a tī na. 34#Atl 20:29; Dān 34:8; 2Sa 3:31; 1Rē 20:31; 2Rē 6:30; Zōb 16:15; Zol 1:13Zakob-in a puon ngāi a thēt a, puontumbū a kōnga a bom a, nikhuo tampā a nāipasal rang chapanngūi a. 35#2Sa 12:17; Zōb 2:11; Sām 77:2; Zer 31:15A nāipasal ngāi dōra lē a nāinupang ngāi dōrā'n ama lungngam āsak ranga anthui u na, tenchu amā'n lungngam ansak zōt mak a. Amā'n, “Chapanngūi chunga ama bila Sheola sē ka ting,” a tī na. Hantin han a pā chu a nāi ranga a chapchān a. 36#1Sa 22:14Midian mi ngāiin Zosef chu Āiguptā-na Faro a milian khat, ārungpū ruoipū, Potifar kōma a va zuor u na.

Currently Selected:

Aphutna 37: RNL

Highlight

Copy