Popular Bible Verses from Aphutna 37

Share

Zosef-in ramang a phan a, a paruol ngāi kōma a ril le chu, a mūmāk riam u na.

Atar suona a nāipasal ei ni sika, Israel-in Zosef chu a nāi ngāi dōra nēka ā dit a. Israel-in Zosef rang kultāi anchuol āchial ā chīpē na.

Tenchu a pā'n atei a paruol ngāi nēka ei ādit tī a paruol ngāiin a hong mū u le chu, ama chu a mūmāk u na, hē huia chongpui u lāi mak a.

Ramang atei a phan rēt a, a paruol ngāi kōma a ril a, “Entā, ramang atei khat ka phan rēt a. Entā, anī, thā lē ārsī sōmleikhat ngāiin a nā mōk u na,” a tī na.

A paruol ngāiin ēngsā a thō u na, tenchu a pā'n hava rui chu a malunga a khum rap a.

Amā'n a kōm u na, “Lungkhama ka ramang phan hi na rangāipē u ta: Phāia samūt akhita na lei om a. Entā, ka samūt chu anthui a, a hong ānding ving a. Na samūt u ngāiin a hong āhuol u na, ka samūt chu a hong āmōk u na,” a tī na.

Thota atun, that u rei, khur khat peia masul rei, koinī'n, ‘Ramsā khatin a sāk zei,’ ti in ti, a ti u na. A ramang chu imo a hong ānī, en in ti!” a ti u na.

Hatuka Midian mī sadāipū ngāi a hong u le, a paruol ngāiin Zosef chu khur ātā akeia a rasuo u na, ama chu Ismael mi ngāi kōma sumrū 20 le a zuor u na. Zosef chu Āiguptā-na, a ruoi u na.

Amāni lē amāni a chong u na, “Entā, ramang aphan chachak pū so a hong zei!

Amānī'n ālāpā nātā a lei mū u na, amāni kōma a vā tung mān len ātā ama that rang a lei vang u na.

Ruben-in amāni kōma, “Thisen masuok u nō ro, tenchu mibuirama, āom khur sūnga hin ama chu masul u ro, a takchunga ītē kut alāng u nō ro,” a tī na. Hantin han a kut chung u nātā ei mazōka, a pā kōma ei kīrpui rēt theina ranga ei tī a ni.