Aphutna 35

Bethel-a Zakob ei Kīrna

1 # Aph 31:13; Ant 2:15; Dān 32:36 Pathianin Zakob a kōma, “Anthui tān, Bethel-a sē ro, hava han ommun va khuor ro. Hava han, na paruol Esau kōm ātā nā rot lāia, na kōma a hong anlangpū Pathian ranga, māichām va sin ro,” a tī na. 2#Ant 19:10, 14; Atl 8:7, 21; Zos 24:15Zakob-in a insūngkuo ngāi lē ama bila āom ngāi dōra kōma, “Na bil una namtei pathian āom ngāi pei kiar u ro, anthiang u tānla, na raliang u ngāi thūl u ro. 3#Rui 2:15Thota anthuia Bethel-a sē u rei. Hava muna han kā'n tak lāia, anā'n sangpū lē kei sēna mun tina anā ompuipū, Pathian ranga māichām sin ka ting,” a tī na. 4#Ant 32:3; Rui 8:24; Chn 25:12Hankēng amāni kōma āom namtei pathian dōra lē a kuor una āom kuorkāi ngāi dōra chu Zakob a kōma a pēk kiar u na. Zakob-in hava ngāi dōra chu Sekem khopui kōla basār kung thuoia a thup a.

5 # Ant 15:16; Dān 2:25; Zos 2:9; 1Sa 7:10; 2Kh 14:14; Sām 105:14; Isa 19:17; Zek 14:13 Amāni chu anzin u na, a ravēl una khopui āom ngāi dōra chunga Pathian anchina chu a om a, hasikhan tūtē'n Zakob a nāipasal ngāi chu ānzūl om lāi mak a. 6#Rui 1:22-26Hankēng Zakob chu ama lē a bila om mi ngāi dōra le han, Luz-a (hava ha Bethel a ni) a hong a, hava ha Kanān ram a ni. 7#Rui 6:24; Chp 5:4-5Hava han māichām a sin a, amun raming chu El Bethel#35:7 El Bethel: “Pathian ina Pathian a ni” tīna a ni. a phuo na, asik chu a paruol kōm ātā arota a sē lāi han, hava muna han Pathian a kōma ei hong anlang a ni. 8#Aph 24:59; 1Sa 10:3Debora, Rebeka ānkiavāngpū chu a thī na, Bethel thuoia basār kung thuoia anphūm a. Hankēng hava mun raming chu Alon Bakut#35:8 Alon Bakut: “Chapna Esār kung” tīna a ni. a phuo na.

9 # Aph 12:7; Zer 31:3; Hos 12:4 Ama chu Padan-Aram ātā a hong lāi han, Pathian chu Zakob a kōma a hong anlang rēt a, bōr a pēk a. 10#Aph 32:28Pathianin a kōma, “Na raming chu Zakob a ni, na raming chu Zakob anti lāi nō ni, tenchu na raming chu Israel anti in ti,” a tī na. Hasikhan a raming chu Israel a phuo na. 11Pathianin a kōma, “Koi hi Āthōtheikiarpū Pathian kā ni. Marā neia pung ro. Nang ātā nam khat lē nam tamtak suok in ti, na taksā nātā rēng ngāi hong suok u'n ti,” a ti sā na. 12“Abraham lē Isak a kōma ram kei pēk ha, ka na pēk. Nang na suole han na khūk ngāi kōm hivā ram hi ka pēk,” a tī na. 13#Aph 18:33Hatuka Pathianin ama ei chongpuina mun ātā a māk a, chunga a sē na. 14#Lev 23:13; Atl 6:15, 17; 2Sa 23:16Zakob-in ei chong una muna riattitna lung a phun a. Amā'n riattitna lunga han ābuong dāli a lei a, a chunga sariak a lei a. 15Pathianin ama ei chongpuina mun chu, Zakob-in Bethel a phuo na.

Rahel ei Thina

16 # Rūt 1:2; 1Sa 17:12; Mik 5:2 Amāni chu Bethel ātā anzin u na. Efrat ei suok una rang lam a lā'n sam laka han, Rahel a nāihā a puong a, a nāihā a na sabak a. 17#1Sa 4:19-21Hintin hin a nī na, a nāihā a na sabak lāitaka, kūrmālōmā'n a kōma, “Āchi nō ro, hivā hī'm nāipasal dēn nei na ti,” a tī na. 18#Dān 33:12; 1Sa 4:21Hintin hin a nī na, Rahel a rang a chat rang tiang, a thi mān beta a raming chu Ben-Oni#35:18 Ben-Oni: “Ka lungnatnāna nāipasal” tīna a ni. a la phuo na. Tenchu a pā'n Benzamin#35:18 Benzamin: “Chang kut nāipasal” tīna a ni. a phuo na. 19#Rui 12:8; Rūt 1:1; 1Sa 17:12; Mik 5:2Hankēng Rahel chu a thī na, Efrat (hava ha Betlehem a ni) panna lampuia anphūm a. 20#Zos 4:9; 1Sa 6:18; 10:2Zakob-in a thān chunga riattitna lung a phun a, hava ha aviana nikhuo tena Rahel a thāna riattitna lungphun a lā ni. 21#Zos 15:21; Mik 4:8Israel chu anzin a, Migdal-Eder khēla, a puon-in chu a rīn a.

22 # Lev 18:8 Hintin hin a nī na, Israel chu hava rama, ommun akhuor lāi han, Ruben-in a pā thāinukep Bilha chu a vā zālpui a. Israel-in hava rui a lei riat a.

Zakob a nāipasal chu sōmleianni a ni.

Zakob a Nāipasal ngāi

1Kh 2:1-2

23Lea a nāipasal ngāi a ni zei: Ruben, Zakob a nāirapā lē Simeon, Levi, Zuda, Isakhar lē Zebulun. 24Rahel a nāipasal ngāi a ni zei: Zosef lē Benzamin. 25Rahel a suoknū Bilha a nāipasal ngāi a ni zei: Dan lē Naftali. 26#Ant 1:1-4Lea a suoknū Zilpa a nāipasal ngāi a ni zei: Gad lē Aser. Hivā ngāi hi Padan-Aram-a Zakob a nāipasal anzir ngāi chu a ni.

Isak ei Thina

27 # Zos 15:54; Rui 1:10; Neh 11:25 Hatuka Zakob chu a pā Isak a kōma, Kiriat-Arba muna (hava ha Hebron a ni), Mamre-na a hong a, hava han Abraham lē Isak a khuol anzin una mun a ni. 28#Aph 47:28; 50:26Isak a damsūng nikhuo chu kum 180 a ni. 29Hankēng Isak a phūksān a hek a, a thī na, atara lē anikhuo akunga, a mi ngāi bila anbūma a om a. A nāipasal Esau lē Zakob-in a phūm u na.

Currently Selected:

Aphutna 35: RNL

Highlight

Copy