Aphutna 34

Dina a Rachī

1 # Aph 46:15 Lea a nāinupang Dina, Zakob ranga ei nei chu, hava rama nāinupang ngāi āen ranga asuoka a sē na. 2#Rui 16:2; 2Sa 13:20Hiv mī Hamor a nāipasal Sekem, hava rama milianin Dina chu a lei mū na. Amā'n a ruoi a, a vā zālpui a, therkhak a thō na. 3#Isa 14:1Zakob a nāinupang Dina'n a malung a lāk sabak a. Ha nungāk rang ādit a, nungāk chu chong ahuia a chongpui a. 4#Rui 14:2Hankēng Sekem-in a pā Hamor a chongpui a, “Hiva nūngāktē hi ka thāinū ranga na lākpē ro,” a tī na.

5 # Dān 27:20; 1Kh 5:1 Zakob-in a nāinupang Dina chu Sekem-in ei mannim ha a lei riat a. Tenchu a nāipasal ngāi chu a ranvāi ngāi le han sūlmuna a om u na. Amāni a hong āsuok u māseng Zakob chu a lei ādāirek a. 6#Rui 14:2-5Hatuka Sekem a pā Hamor chu Zakob āchongpui ranga a kōma a sē na. 7#Dān 22:21; Rui 19:23; 2Sa 12:5; 13:12; Est 7:7; Chn 6:34; Zer 29:23Zakob a nāipasal ngāiin hava thang a riat u le chu sūlmun ātā a hong u na. Zakob a nāinupang Sekem-in a lei zālpui a, amā'n Israel-a antīrruo om a lei thō na. Athō nōkruo om a lei thō sika, Zakob a nāipasal ngāi chu a malung a na sabak u na, a tak asi sabak u.

8 # 1Rē 11:2 Tenchu Hamor-in amāni chu a chongpui a, “Ka nāipasal Sekem a malung chu na nāinupang kōma kēng ei om chian a ni zei. Lungkhama na nāinupang chu Sekem a nungāk rang na pēk ro. 9#Dān 7:3; Zos 23:12Hintin hin zuoranlāk u rei. Na nāinupang ngāi na pēk u ro, hatuka koini na nāinupang ngāi lāk u ro. 10Hankēng koini bila ommun khuor u na tia, ram dōra chu nangni rang anlong in ti. Hivā rama om u tān, sadāi thō u ro, hivā rama hin na ning una rang dōngluo mantīng u ro,” a tī na. 11#Aph 33:15Hatuka Sekem-in Dina a pā lē a chāpā ngāi kōma, “Na mitmū una ditbingna man rong, ka kōm nei na tī u takpei na pēk u ka ting. 12#Ant 22:16; 1Sa 18:25Muinū man lē khāipēl nei zōt u tuk na zong u tānla, nei na zong u anga na pēk u ka ting. Tenchu hava nungkāktē rong ha, ka thāinū rang na pēk u ro,” a tī na.

13 # Aph 25:27-34; Rui 15:3; Sām 12:2 Tenchu Sekem-in a sarnū u Dina a lei mannim sika, Zakob a nāipasal ngāiin Sekem lē a pā Hamor chu milak le a masang u na, a chongpui u na. 14#Rui 14:3; 1Sa 31:4; Isa 52:1Zakob a nāipasal ngāiin a kōm u na, “Serantanlui mī kōma, koini na sarnū āpēk hi koinī'n thō thei nō ma ni. Asik chu hava ha koini ranga peidaransakna chang in ti. 15#Ant 12:48; 1Sa 11:2Hivā chongtina rong kēng na chong u chu ei ānpom thei rang: koini na anga nei ni u na, na pasal ngāi dōra serantan kiar u ten, 16koini na nāinupang ngāi na pēk in ti, nangni na nāinupang ngāi um koinī'n lāk in ti. Na bil una ommun khuora, nam munkhat chang in ti. 17Tenchu nangnī'n koini hē na rangāi u nōka, ser nā'n tan u nōk ten, koinī'n na nāinupang chu ruoia sē in ti,” a ti u na.

18A chong u chu Hamor lē Hamor a nāipasal Sekem-in a phām u na. 19#1Kh 4:9; 11:21Hankēng Zakob a nāinupang ei ādit sabak sika, ruotharin hava sin āthō ranga sōt zōt mak a. Sekem chu a pā insūngkuo ngāi bila lalchiruoi khīt a ni. 20#Aph 23:10; Chn 31:23Hamor lē a nāipasal Sekem chu a khopui rapalsuokkhāra a hong u na, a khopui una mi ngāi lē a chongpui u na, 21#Aph 42:34A kōm u na, “Hiva mi ngāi hi koini le anngoia a om u na. Hasikhan hivā rama hin ommun khuora sadāi thō u rase. Entā, amāni ranga ram chu aliana a hun do. A nāinupang u ngāi nungāka lāk u rei, na nāinupang ngāi um pēk u rei. 22Hivā chongtina rong kēng hivā mi ngāi hi koini na bila ei om thei u na, nam khat nei ni theina rang. Koini na bila pasal ngāi dōrā'n amāni anga ser nā'n tan anten. 23#Chn 1:12-13; 28:20Ranvāi, a dōngluo lē ran ei dōn u dōra, koini na tā ni kiar nō nī mo? A hē u pei tel di rei, hankēng koini bila ei om u rang,” a ti u na. 24#Aph 17:23; 23:18A khopui rapalsuokkhār panga a hong āsuok ngāi dōrā'n chu, Hamor lē a nāipasal Sekem a hē chu a pom u na. Pasal dōra serantan kiar u na, a khopui rapalsuokkhār panga āsuok ngāi dōra chu.

Sekem Pasal Ngāi Dōra Thatna

25 # Zos 5:8; Rui 18:27; Izk 38:11 Hintin hin nī anthumna han, anāna a om u lāitaka, Zakob a nāipasal anni, Simeon lē Levi, Dina a chāpa ngāi chu khendāi anleka angam sabaka khopuia a hong ālūt u na, pasal dōra a that kiar u na. 26#Dān 32:42; 2Sa 2:26Hamor lē a nāipasal Sekem chu khendāi mēr le a that u na, Sekem a in ātā Dina chu a ruoi u na, a suok u na. 27#2Rē 21:14Zakob a nāipasal ngāi chu ei that u ngāi kōma a hong u na. A nāinū u ei mannim u sika, khopuia neinun ngāi chu a lāk u na. 28#Atl 31:17; Dān 8:17-18A bera u ngāi, a sarāt u ngāi lē a sakuorpar u ngāi, khopuia āom dōra lē sūlmuna āom dōra lē 29#Atl 14:3; Dān 2:35; Zos 7:21; 2Rē 8:12; Isa 13:16; Cha 5:11; Am 1:13; Zek 14:2anei anung u dōra a lāk u na, hatuka a nāi u te ngāi dōra lē a thāinū u ngāi chu selkeia a ruoi kiar u na. In ngāia āom neinun dōrā'm a lāk zit u na.

30 # Ant 1:5; 5:21, 23; Atl 11:11; Dān 10:22; 1Sa 13:4; 2Sa 10:6; 1Kh 16:19; 19:6; Sām 105:12 Hatuka Zakob-in Simeon lē Levi kōma, “Nangnī'n hivā rama āom, Kanān mi ngāi, Periz mi ngāi kāra, changrang antaka nei na siak u na, nei na manpōn u a ni. Koini chu ātōmtē nā ni na, koi anā dui ranga amāni chu anbūma, koi chu na that u'n ti. Koi lē ka insūngkuo chu anpei bianga om in ti,” a tī na. 31#Aph 49:7; Chn 6:34Tenchu amānī'n, “Koini na sarnū hi nōtizuor anga mo ei lōt rang?” a ti u na.

Currently Selected:

Aphutna 34: RNL

Highlight

Copy