OODEZHECHEGAWINEWAH 26
26
1Me dush Agrippa keënaud enewh Paulun, Kepuggedenuhmahgoo chekuhnoodahmahzooyun. Me dush owh Paul keshebenikanid, kuhya kekuhnooduhmahzood:
2Nindenanindiz shahwandahgoozeyaun, keche‐oogemah Agrippa, ewh wekuhnooduhmahzooyaun noongoom kezheguk emuh anahsuhmuhbeyun weduhzhinduhmaun dush kuhkenuh oonoo uhyeëen wanje‐ahnahmemewaud Jewyug:
3Mamwach kekanemenaun netah‐kekanduhmun kuhkenuh enewh oodezhetwahwinewah kuhya ookuhgwadwawinewah egewh Jewyug: me suh wanje‐pahgoosanemenaun wawane chebezinduhweyun.
4Kahezhewabezeyaun pahahkoo‐ooshkenegeyaun, wuhyashkud keduhnuhkeeyaun emuh ahyahwaud neej‐ahnishenahbag ewede Jerusaleming, nindezhekekanemegoog kuhkenuh egewh Jewyug;
5Egewh kahkekanemejig wuhyashkud, kishpin enanduhmoowahpun chedebahjemewaud, ewh azhewabezewaud kache‐mekindunjig nindahnuhmeähwinenaun Phariseeng ningeëzhewabiz.
6Noongoom nenebow kuhya nindoonje‐tebahkoonegoo ahpanemooyaun enewh wahweenduhmahgawinun egewh nooseminahbuneeg kahezhewahweenduhmahgoowaud enewh Kesha‐Muhnedoon:
7Me suh ewh wahweendahmahgawin ahpanemoowaud oodittuhmoowaud egewh metauswe‐ahshe‐neezh anduhswayuggezejig, wawane buhmeetahwahwaud enewh Kesha‐Muhnedoon kezhegudenig kuhya tebekudenig. Mesuh oo‐oo ahpanemoowin keche‐oogemah Agrippa wanjeähnahmemewaud Jewyug.
8Ahneeshwin dabwatunsewag, enandahgoozid Kesha‐Muhnedoo cheähbejebahahpun enewh naboonejin?
9Neen dush ningeënandum kagate nundahwandahgoozeyaun nebewah chemujje‐doodahmaun oodezhenekahzoowin owh Jesus Nazareth duhzhe enene.
10Mesuh kahezhechegayaun ewede Jerusaleming: kuhya kebahquahugwah nebewah anuhmeähjig emuh kebahquahoode‐weguhmigoong, egewh keche‐sahsahgewejega‐wenenewug kahmeezhewaud ewh kushkeäwezewin; kuhya uhpe nasindwah ningeëkid mahnoo chenesindwah.
11Nuhningim dush ningekooduggeäug emuh kuhkenuh ahnuhmeä‐weguhmigoong, kuhya ningewekoojeäug ketwa chemujje‐kezhwawaud; kahahpeechsheenganemugwah, ningenoosoonaäug emuh penish pakaunukin keche‐oodanahwun.
12Me dush magwah keëzhahyaun ewede Damascusing egewh keche‐sahsahgewejega‐wenenewug kemeezhewaud ewh kushkeäwezewin kuhya keähnoozhewaud.
13Nuhyahwuhquag, Oh keche‐oogemah, ningewahbundaun emuh meekunaung kezhegoong oonje wahsayahzewin, ahwahshema kezisoong azhewahsayaug emuh ahyahyaun kuhya egewh kahweejewugig pemoosayaung.
14Uhpe dush kuhkenuh kahkahwesayaung emuh metushkuhkummig ningenoonduhwah pazhik ganoozhid, emuh Hebrew‐inwawining oo‐oo ezhid, Saul, Saul, wagoonan wanje-kootuggeëyun? sunnuhgud suh chedungiskuhmun enewh kahnaugin.
15Oo‐oo dush ningeëkid, Ahwanan keen, Tabaningayun? Oo‐oo dush keëkedoo, Nindow owh Jesus quatuggeüd.
16Puhsegween dush, nebahwin emuh kesittaung: me muh wanje‐wahbunduhenaun neyow, cheöonjebuhmeetuhmun kuhya chedebahdooduhmun oonoo uhyeëen kahwahbunduhmunin, kuhya oonoo kayahbe kawahbunduhenaun;
17Chemetahgwamoonaun egewh ahnishenahbag, kuhya egewh mayuggezejig noongoom azhenahzhahoonaun cheëzhahyun,
18Chepahkahkoonuhmoowudwah ooshkinzhegoowaun, kuhya oonje quakeüdwah debandahgoozewaud puhsuhgish tebekudoong chedebandahgoozewaud emuh wahsayahzewining, kuhya debanemegoowaud enewh Satanun chedebanemegoowaud enewh Kesha‐Muhnedoon, chewabenuhmoowindwah oomujje‐ëzhewabezewinewah, chedebandahsoowaud emuh anduhzhe‐debandahsoowaud egewh kahmenooëzhewabezeïndjig, dabwayanemewaud oonje.
19Kahween dush, Oh keche‐oogemah Agrippa, ningekuhgaunzetunseen ewh keche kezhegoong oonje enahbundahmoowin;
20Ningewahbundahaug dush netum egewh Damascusing ayahjig, kuhya ewede Jerusaleming, kuhya kuhkenuh anegookookummegaug Judea duhzhe uhkee, nahguj edush egewh mayuggezejig, ewh cheäunwanindezoowaud kuhya chequakekahbahwetahwahwaud enewh Kesha‐Muhnedoon, kuhya cheähnookewaud enewh aunwanindezoowine‐ahnookewinun.
21Mesuh kahoonjetuhkoonewaud egewh Jewyug emuh keche‐ahnnhmeä‐weguhmigoong, kenunduhwanduhmoowaud ewh weneshewaud.
22Weedookahwid dush Kesha‐Muhnedoo, nindoonje-aunwahjew nahnauzh egoo noongoom kezheguk, debahjemootuhwugwah egewh agahsheëjig kuhya egewh kachetwahwezejig, oonoo nahsaub uhyeëen kahekedoowaud egewh aunwahjega‐wenenewug kuhya Moses wahezhewabukin;
23Kagate enandahgoozid owh Christ chekooduggetood, kuhya dush ween netum cheähbejebaud, chewahbundahaud dush wahsayahzewin enewh ahnishenahban, kuhya enewh mayuggezenejin.
24Magwah dush kuhnoodahmahzood, Festus keëkedoo kekeche‐kezhewad, Paul kekewuhnahdiz; kegekewuhnah-dezeëgoon nebewah kenebwahkahwin.
25Ween dush keëkedoo, Kahween nekewuhnahdezese, kachetwahwezeyun Festus; nekekedoonun dush enewh dabwawine kuhya nebwahkahwine‐ekedoowinun.
26Keche‐oogemah suh ookekandaunun oonoo uhyeëen, wawane mezheshuh nekekid anahsuhmuhbid: kah suh gagoo oodoonanduhseen kuhkenuh oonoo uhyeëen, nindenandum; kah muh emuh kemoodezewining keduhzhe‐ezhechegahdasenoon oo‐oo uhyeëe.
27Keche‐oogemah Agrippa, kedabwatuhwaug nuh egewh aunwahjega‐wenenewug? Nekekandaun suh ewh kagate dabwatuhwudwah.
28Me dush Agrippa oo‐oo keënaud enewh Paulun, Wanepuzh kedahkuske cheähnuhmeähyaun.
29Paul dush keëkedoo, Nindahnuhmeätuhwah suh owh Kesha‐Muhnedoo, kahween atuh keen, kuhya kuhkenuh mahmig nwaunduhwejig noongoom kezheguk, kishpin wanepuzh gamuh kishpin ahgahwah chetaezheähyahyagoobun azheähyahyahyaun neen, oonoo atuh minjemahpenegoowinun, kahween.
30Uhpe dush oo‐oo kahekedood, keche‐oogemah kepuhsegwe, kuhya owh oogemah, kuhya Bernice, kuhya enewh wahduhbemegoowahjin:
31Uhpe dush puhkayeëeng kahezhahwaud, kenahkoowa‐guhnoonindewaud, oo‐oo keëkedoowaud, Kahween gagoo ezhechegase wah‐owh enene kaöonjeneboopun gamuh kaöonje‐tuhkoobenindepun.
32Me dush Agrippa oo‐oo keënaud enewh Festusun, Tahgepuggedenah suh mahbuh enene, kishpin ekedoosigebun, ningahtebahkoonegoo anahsuhmuhbid owh Cæsar.
Currently Selected:
OODEZHECHEGAWINEWAH 26: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
