Mattayo 27

1Niwaga kundawi wakohani wakulungwa wose ni achekulu wa wandu walongene pe nani pa Isa, waulaje? 2Watawile, wajigele, watosile kwa Pontio Pilato, waliji liwali.

3Ni Yuda watosile, achionaga yati apokolenywa, walesile, wauchisye wakohani wakulungwa ni achekulu ipande yeila makumi gatatu ga ndalama, achisalaga, 4ndemwisye pi natosile miasi yangali ni kusoya. Wasasile ituajile uli uweji? Mlolechesye mweji. 5Wajasile ndalama mhekalu atiosile, ajawile walinyonjile.

6Wakohani wakulungwa watosile ndalama, wasasile, iwechetwe kuiwika mhasina, kwa kuwa mkwamba wa miasi.

7Walangene, wasumile nasio mgunda wa mfinyanzi, kusika mwenemo achalendo. 8Kwa ligongo alili, mgunda weula ukuwilangwa, mgunda wa miasi, mpika lelo. 9Ni pelepo gamalile gasasilwe ni nabii Yeremya, achisalaga, watosile ipande makumi gatatu ga ndalama, mkwamba wao watasilwe mkwamba, watasile mkwamba wewala waana wa Israeli, 10waitosile kwa mgunda wa mfinyanzi, mpela Ambuje pi wandajisye.

11Isa wajime pa ujo pa liwali. Liwali wausisye, wasasile, ni mwe achimwene wa Wayahudi? Isa wasalile, msasile. 12Pe wasalilwe ni wakohani wakulungwa ni achekulu, nganajanga lilowe. 13Pilato wasalile, ngapilikana malowe galingwa wajitichisye? 14Na muno nganiwajanga lilowe, mpika liwali alapile mnope.

15Kwa liua liekulungwa liwali kwangulila wandu wakutawa jumo, wa kumsakao. 16Mowa gala paliji wakutawa wakulungwa, lina liao Barabba. 17Pe waliji waungene, Pilato wasalile, mkusaka naugulile wani, Barabba, ao Isa wakuwilangwa Masiya? 18Ligongo amanyilile yati watosile kwa kupoteka mtima.

19Pe wateme mchitengo mwa kupokolanya, asono wao wapelechele, achisalaga, mkampanganichisya lilowe ndawilwe lelo ni malowe ga majinji mkusagamila kwa ligongo liao.

20Ni wakohani wakulungwa ni achekulu walinjele wandu wasache Barabba, wasochelesye Isa. 21Liwali wajanjile, wasalile, wapi wamkusakao naugulile? Wasasile Barabbi. 22Pilato wasalile, napanganye uli Isa wakuwilangwa Masiya? Wose wasalile, asulibiwe. 23Liwali wasasile, kwa chichi, ungalumbana chi waupanganisye? Watesile ungulu mno wasasile.

24Pilato pe wawene nganakombola lilowe, nambo fitina yaliji, atosile mesi, wanawile makono pa ujo pa wandu wajinji, achisalaga, nganingola kusoya kwa miasi ja wandu awa asiene wambone, mlolechesye mweji. 25Wajanjile wandu wose wasasile, miasi jao pe nani petu ni pe pani pa wanache wetu.

26Waugulile Barabba, ni pe wamasile kwaputa Isa watosile wasulibiwe.

27Nombe nao achachanda wa liwali wajisile nao Isa mkuungana mwa acachanda, waunganichile wose. 28Watiosisye nguo siao, watakwisye ni chitakulo cha chijeu; 29wapanganisye taji ya miiwa, wawichile mmtwe, ni linyasi mmkono mwao wa mlio, watindiwele pa ujo pao, wapatile, achisalaga, salaamu, achimwene wa Wayahudi! 30Wasomile mata pe nani pao, watosile linyasi, waputile mtwe.

31Pe wamasile kwapata, watiosisye chitakulo chila, wawisisye ni nguo siao; walongolesye kwasulibisha.

32Ni achitiokaga, wasimene mundu wa Kurene lina liao Siman; watendele machili wajigalile msalaba wao.

33Pe waiche pandu pawilasilwe Golgotha, ligongo liakwe pandu pa mtwe, 34wapele kung’wa siki yawaanganiche ni safura; nombe nao pe wapasisye nganasaka kung’wa.

35Wasulibisha, wagawene nguo siao, waputile kuria, gamalilwe gasasilwe ni nabii, wagawene nguo siangu waputile kuria pe nani pa chitakulo changu. 36Wateme pasi, walindilile. 37Wawisile pe nani pa mtwe wao mshtaka wao, ualembilwe.

WELEWA NI ISA, ACHIMWENE WA WAYAHUDI.

38Ni wakusombola wawili wasulibiwe pamope nombe nao, jumope mkono wa mlio, ni jumope mkono wa mchiji.

39Wewala wapitile watukene, achinonyelanonyela mtwe, achisalaga, 40mweji wa kulijonanga hekalu, wa kulitawa kwa mowa gatatu, mlilamye wasiene; naga mweji Mwana wa Mulungu, mtuluche mmsalaba. 41Yeleyo ni wakohani wakulungwa wapatile pamope ni wa kulemba ni achekulu, wasasile, 42walamisye wandu, ngapakombola kulilamya asiene, naga welewo ni achimwene wa Israeli, atuluche sambano mmsalaba, nowe tutwajitichisya, 43wajitichisye Mulungu, walamye sambano, naga akwakunda, ligongo wasasile, uneji ni Mwana wa Mulungu. 44Wakusombola soni wasulibiwe nombe nao watukene.

45Saa a msano ni jimo chaliji chipi pe nani pa chilambo pe mpika saa msano ni mcheche. 46Ni saa msano ni mcheche, Isa walilile kwa lilowe lia kulungwa, achisalaga Eli Eli lama sabakthani, ligongo liakwe, Mulungu wangu, Mulungu wangu, mbona mdesile? 47Wandu wali kweleko wachimaga, wasasile, welewa wakwawilanga Eliyi. 48Ni chitema mundu jumo wajesile kwa kutuka, watosile sifongo wagumbesye ni siki, watasile mlasi wang’wesisye. 49Wane wasasile, waleche, tulolechesye naga Eliya taiche walamye.

50Isa pe walisile soni kwa lilowe liakulungwa, watosile mtima.

51Ni pazia la hekalu liapapwile kutioka kwinani mpika pasi; chilambo chatetemele, matumbi gawalwiche; 52malembe gaonokwiche, iilu ya ijinji ya watakatifu wagonile watiosile, 53watiosile malembe, ka nyuma kwa kuuka kwao; wajinjile mmusi mmtakatifu, waoneche ni wajinji.

54Amin ni wewala wali nao walindilile Isa, pe wawene kutetemela ni malowe gapanganiche, wajogwepe mnope, wasasile, yambone awe Mwana wa Mulungu.

55Waliji kwekula achakongwe wajinji achilolechesya kwa kutalika. Ni welewo wakagwile Isa, kutioka Galilaya, walindilile. 56Mwewala paliji ni Maryamu Magdalene, ni Maryamu mama wao Yakob ni Yose, ni mama wao waona wa Zebedayo.

57Pe wapatile ligulu, waiche wandu wa chipanji wa Arimathaya, lina liao, Yusuf, nombe nao waliji wa kwajiganya wa Isa: 58ajawile kwa Pilato wasachile chiilu cha Isa. Pilato walajisye chiilu chitolelwe. 59Yusuf pe watosile chiilu waukunjile msaanda jua swera, 60wachiwisile pelembe pao lie wisi, liwaukwile mwitumbi; waingalawile liganga liekulungwa pa mlango pelembe, ajawile kumangwao. 61Wali kweleko ni Maryamu Magdalene, ni Maryamu wewala wa wili, achitamaga pa ujo pelembe.

62Liua lia wili, lilili ka nyuma ka Uandao, wakohani wakulungwa ni Mafarisayo waunganichile Pilato, wasasile, 63Ambuje, tukukumbuchila wewala waulamba wasasile achiwaga wajumi, ka nyuma ka mowa gatatu tinyuche. 64Mwalajisye kulilindilila lilembe mpika liua lia tatu; akajise wa kwajiganya wao chilo wajiwe, akasalile wandu, ajuwiche mkuua; ni kulemwa kwa mbesi tikupite akula kwa ndanda. 65Pilato wasalile, mkwete achachanda, jaule mlinde pa timkombolelepo. 66Wajawile walilindite lilembe, watasile liganga muhuri, wawisile wakulinda.

Currently Selected:

Mattayo 27: YAO1880

Highlight

Copy