Mattayo 23

1Isa wasalile wandu wajinji ni wa kwajiganya wao, wasasile, 2wakulemba ni Mafarisayo akutama mchitengo mwa Musa, 3nomwe liose lia kwasalila mkamule, mlipanganye; nambo ya kupanganya yao mkapanganya, ligongo wakusala na muno ngapanganya. 4Ligongo akutawa mitambala jia kusitopa ni jangajigalanila watasile wandu pe koyo, nombe nao ngasaka kujikwaya kwa chala chao. 5Ya kupanganya yose akupanganya aoneche ni wandu. Akukusya fulakteria siao, akupanganya sia ngulungwa nyenje sia lebasi siao. 6Akusaka pahali pa ndanda myakulia ni itengu ya ku ndanda msunagogi, 7kujimukwa sokoni ni kuwilangwa ni wandu Rabbi, Rabbi. 8Mweji mkawilangwa Rabbi; ligongo jumope ni mjiganyi wenu, ni welewa Masiya; nomwe wose achapwanga. 9Mkambilanga mundu mchilambo Atati, ligongo wamope Atati wenu wali kwiunde. 10Mkawilangwa, wajiganya; ligongo wamope mjiganya wenu, ni welewa Masiya. 11Nombe nao wali wakulungwa wenu awe wa kumtumichila wenu. 12Welewo wose wa kulikusya tanondipe; ni yose wa kulinondia takusywe.

13Ole wenu, Wa kulemba na Mafarisayo, waulamba, mtawile uchimwene wa kwiunde pa ujo pa wandu; ngajinjila mweji, na muno waliji achinjilaga, ngaleka kuinjila.

14Ole wenu, Wa kulemba ni Mafarisayo, waulamba, mlie nyumba sia weuli, ni mkulipanganya mpela kujuga mnope, kwa ligongo aliolio timpunde kulweswa.

15Ole wenu, Wa kulemba ni Mafarisayo, waulamba, msiungwile mwetanda ni mchilambo kwapanganya wandu wamo mwongofu, ni pe wapatile, mkwapanganya mwanache wa jehannum katema kawili kupunda achasiene.

16Ole wenu, wakulongolela watusuche meso, mkusalao, wose wa kulumbila kwa hekalu, ni pangali chindu; nombe nao wa kulumbilao kwa thahabu za hekalu, alitawile. 17Mwakulowela ni watusuche meso, yapi yekulungwa, thahabu ao hekalu lia kusitakasa thahabu? 18Soni wose wa kulumbila kwa mathabihu, ni pangali chindu, nambo wose wa kulumbilao kwa sadaka ili pe nani pao, alitawile. 19Mweji mwakulowela ni watusuche meso, yapi ya ikulngwa, sadaka, ao mathabihu lia kuitakasa sadaka? 20Wa kulumbila kwa mathabihu, akulumbila kwa yeleyo ni kwa chili chose pe nani pao; 21nombe nao wa kulumbila kwa hekalu, akulumbila kwa lielelio, ni kwa Welewo wa kutamao mwenemo; 22nombe nao wakulumbilao kwa kwiunde, akulumbila kwa chitengu cha Mulungu ni kwa Welewo wa kutama pe nani pakwe.

23Ole wenu Wa kulemba ni Mafarisayo, waulamba, mkulipa zaka za naana, ni bizari, ni kumini, ni mlesile malowe ga makulungwa ga sheria, kupokolanya, chanasa ni imani, agaga gawajilwe kugapanganya, na muno mkaleka gegala. 24Mwe wakulongolela watusuche meso, mkung’ undilao jenjima, mkumelapo ngamira.

25Ole wenu, Wa kulemba ni Mafarisayo, waulamba, mkosya ili pasa pa chikombe ni chiwiga, ni kwa mkati igumbele kuiwa ni kulawalawa. 26Mweji Mafarisayo watusuche meso, kosya ku ndanda ili mkati ya chikombe ni chiwiga, ni ili pasa iwe gambone.

27Ole wenu, Wa kulemba ni Mafarisayo, waulamba mlingene ni malembe gapachilwe ga swera, kwa, pasa gakuoneka ga ukoto, nambo kwa mkati, gagumbele misaku ja wakua ni kusakwa kose. 28Yeleyo nomwe kwa pasa mbonekane ni wandu mpela asiene wambone, nambo kwa mkati mgumbele ulamba ni unajisi.

29Ole wenu, Wa kulemba ni Mafarisayo, waulamba, mkutawa malembe ga nabii, ni mwalemba ga kukumbuchila ga asiene wambone, 30ni kusala, naga uweji tungaliji kala ka atati wetu, nganganitusiowekana nao mmisi mwa nabii. 31Yelei mkulijitichisya yati nimwe waana wao wauleje nabii. 32Nomwe gumbasyani chipimo cha atati wenu.

33Umwe majoka, waana wa majoka, timbutuche uli kupokolanya kwa jehannum. 34Kwa ligongo alili, mlolechesya, ngwapelechela nabii ni asiene hekima ni wa kulemba; nomwe timwaulaje ni timwasulibisha waana wao, ni wane wao timwapute mmasunagogi mwenu, na timwawinji musi kwa musi. 35Ipate kwisa pe nami penu miasi ja wambone, ja jasiche mchilambo, ku tanda miasi ja Habil waliji asiene wambone, mpika miasi ja Zakariya wa Barakiya, mwauleje chilikati cha hekalu ni mathabihu. 36Amin, ngwasalila, malowe aga gose tigaiche kuweleka akuku.

37Yerusalemi, Yerusalemi, wa kwaulagao nabii, wa kwajasiliao maganga wapelekwe kumangwenu, katema kalingwa sachile kwaunganya wanache wenu, mpela nguku pamkuunganyapo wanache wakwe pasi pa mapapiko, na muno nganimkunda? 38Mlolechesye, nyumba jenu jalechelwe ioyo. 39Ligongo, ngwasalila, ngambona kutanda lelo, mpika patimsalepo, ni welewo wajinichilwe wa kwisao kwa lina liao Ambuje.

Currently Selected:

Mattayo 23: YAO1880

Highlight

Copy