Mattayo 22

1Isa wajanjile, wasalile soni kwa itagu, achisalaga, 2uchimwene wa kwiunde ulingene ni achimwene wamope wa panganisye kulombela kwa waana wao. 3Wapeleche achikapolo wao wawilanje wawilasilwe kwa kulombela, wakanile kwisa. 4Wapeleche soni achikapolo wane, achisalaga, mwasalile wawilasilwe, mlolechesye, mbichile yakulia yangu, sinjile ng’ombe ni vinono, ni yose ili chili; mjise kwa kulombela. 5Wane wajawile kumangwao wakapilikanichisye, jumope mmigunda jao, jumope malonda gao; 6wasigele watosile achikapolo wao wapanganichisye ga kusakala wauleje. 7Achimwene pe wapatile habari, atumbile, atumile achachanda wao wajonasile wa kuulaga wala wajochile musi wao. 8Wasalile achikapolo wao, kulombela ni chili, wewala wawilasilwe nganakola. 9Mjende mpika ku mbesi kwetala, ni wosepe mkwaonao mwawilanje kukulombela. 10Achikapolo wewala watiosile mwetala waungene wose wawene ni wangalumbana ni wambone, kulombela wagumbele achalendo. 11Pe wajinjile achimwene kwalola achalendo wawene kweleko mundu jua ngawala chitakulo cha kulombela; 12Wasalile, ambusanga, mjinjile uli apa pangawa ni chitakulo cha kulombela? Wamialele. 13Achimwene wasalile wa kwatumichila, mtawe mikono ni makongolo mwajigale, mwajase mchipi cha pasa, ni kweleko chililo ni kutauna meno. 14Ligongo wajinji wawilasilwe, wasagwilwe wanandi.

15Mafarisayo wajawile walangene wateje kwa malowe. 16Wapelechele wa kwajiganya wao pampepe ni Maherodiani, wasasile, mjiganyi, tukummanyilila mkusala wambone, ni mkujiganya litala lia Mulungu mwambone, na muno ngalikolosya kwa wandu, ligongo ngalolechesya malowe ga wandu. 17Tusalile, mkuona uli? Ni wambone kwalipila Kaisari kodi ao ganiwa. 18Wamanyilile Isa ungalumbana wao, asasile, kwa chichi mkuninga, umwe waulamba? 19Mnanjile ndalama sia kodi. Wapelechele dinari. Wasalile, ya acheni opagwe au, ni kulemba akuku? 20Wasalile, ya Kaisari. 21Wasalile, mwalipile Kaisari ilio ya Kaisari ni Mulungu iliyo ya Mulungu. 22Pe wapilikene, walapile; walesile, wajawile kumangwao.

23Liua lielila wawandichile ni Masadukayo, wa kusalao ngapagwa kuuka, wausisye; 24wasasile, Mjiganyi, Musa wasasile, mundu nawaga, pangali ni mwanache, mpwao alombele asono wao, wapatile mpwao wa kuweleka. 25Kwaliji kumangwetu achapwao msano wawili; nombe nao wa ndanda walombile wakongwe, auile, wangali mwanache, walechele mpwao asono wao. 26Yeleyo ni wa wili ni wa tatu mpika wewala msano na wawili. 27Kwa mbesi wa wose auile ni wakongwe. 28Mkuuka tawe wakongwe wa wapi wa msano na wawili? 29ligongo wose waliji nao? Wajanjile Isa, wasalile, mlemwisya, pangammanyilila kulemba na muno machili gao Mulungu. 30Ligongo mkuuka ngalombela na muno ngalombelwa, nambo aliako kwiunde mpela masoka ga Mulungu. 31Ni mkuuka mwa wauile, nganimsioma liliasasilwe ni Mulungu, achisalaga, 32Une ni Mulungu wa Ibrahimu, ni Mulungu wa Isaak, ni Mulungu wa Yakob? Mulungu ngati Mulungu wa wauile nambo wao wali wajumi. 33Wandu wajinji pe wapilikene, walapile kwa elimu yao.

34Ni Mafarisayo, pe wapilikene yati wamialasisye Masadukayo, waungene pamo. 35Ni jumo jua wapanganyi sheria wausisye, achalingaga, wasasile, 36mjiganyi, amri yapi ili yakulungwa ya torati? 37Isa wasalile, mwanonyele Ambuje Mulungu wenu, kwa mtima wenu wose, ni kwa roho yenu yose, ni kwa lunda luenu lose. 38Aii ni eleyo amri ya ndanda ni ili ya ikulungwa. 39Ni ya wili ilangene nayo, mnonyele achejenu mpela mtima wenu. 40Mamri sielesi siwili torati jose ni nabii wose.

41Mafarisayo pe waungene Isa wausisye wasasile, mkuaona uli Masiya? 42Aju mwane wa acheni? Wasalile, wa Daud. 43Wasalile, uli soni Daud kwa Roho wasalila ambuje, achisalaga, 44ambuje asalile ambuje wangu, mtame mkono wangu wa mlio, mpika pa timbichepo wamagongo wenu pasi pa sajo sienu? 45Naga Daud wawilasile ambuje wao, uli ni mwanagwao? 46Ngakombola mundu soni kwajanga lilowe; na muno kutanda liua lielila nganalinga mundu kwausya soni.

Currently Selected:

Mattayo 22: YAO1880

Highlight

Copy