Mattayo 12

1Makati gegala Isa waliji achipitaga liua lia sabato mwikonde wa kwajiganya wao wakwete sala, watandite kawa masache, walile. 2Mafarisayo achaonaga, wasalile, mlole wa kwajiganya wenu wakupanganya ililo kanisywe msabato. 3Wasalile, ganimsioma iwapanganisya Daud pe waliji ni sala, welewo ni wakagwile wao. 4Pe wawinjile mnyumba mwa Mulungu, walile mikate ja kuonesya lia kanisywe kwa kulilwa ni welewo ni achijao, nambo na wakohani jikape? 5Ao ganimsioma mtorati wakohani mhekalu wakutemanya Sabato kajiapata makoso. 6Ngwasalila yati uli pelepo wakulungwa kupunda hekalu. 7Naga mgamanyiligongo liakwe, ngusaka kuleka, nambo ngati sadaka, mganganiapokolanye wangali makoso. 8Ligongo Mwana wa Adam ni ambuje soni wa Sabato.

9Atiosile kwekula ajisile msunagogi mwao, alimomo ni mundu msiene mkono wa chilumi. 10Wausisye, achisalaga, naga halali kumposya mundu liua lia Sabato, wapate kwashtaki. 11Wasalile, mundu juapi wenu msiene ngondola jumpepe, njililechelaga mwesimbo liua lia Sabato, jua ngamkamula amtiosisye? 12Mundu ngapita ngondola? Ligongo ni halali kupanganya ga makoto liua lia Sabato. 13Wasalile mundu mgolosye mkono wenu, angolwesye, waposile mpela mkono wa wili. 14Mafarisayo watiosile walangene pe nani pao, apate kwasachelesya. 15Isa amanyilile, atiosile kwekula; wandu wajinji wakagwile, 16waposisye wose, walajisye mkananjila kwa wandu; 17lijinele liasasilwe na nabii Isaya, achisalaga, 18mlolechesya jua ngumtuma juangu, jua namsagwile jua ngumsaka juangu, jua nnonyele mtima wangu. Tinataje Roho yangu nombe nao tatagulile makosyo kupokolanya. 19Ngatetela, na muno ngalila, na muno mundu ngapilikana lilowe liao mwitala: 20mlasi utimbiche ngautemangula, na muno katani ja kutioka liosi ngajazima, mpika patajise nao wambone kwa kupunda; 21ni kwa lina liao makosyo talupalile. 22Wapelechelwe msiene mbepo jua tusuche meso ni jua ngawelecheta; waposisye, jua tusuche meso ni jua ngawelecheta wawene, wawelechete. 23Wandu wajinji walapile wose, wawelechete, ngati welewa Mwana Daud. 24Achipilikanaga Mafarisayo wawelechete, Welewa ngawinga mbepo nambo kwa Beelzebul, jua mkulungwa wa mbepo. 25Achimanyililaga Isa kuganisya kwao, wasalile, uchimwene wose uchimenyaga na msiene, tiujasiche; ni misi jose ao nyumba ichimenyaga na asiene, ngajima. 26Naga Shetani ambinje Shetani, akumenyana na msiene, uchimwene wake tiujime uli? 27None niwingaga mbepo kwa Beelzebul kwa cheni wakwawinga waana wenu? Kwa ligongo alili ni welewa tiwapokolanye. 28Nambo uneji niwingaga mbepo kwa Roho wa Mulungu, ni pelepo uchimwene wa Mulungu wajisilile. 29Tapakombole uli mundu kwinjila mnyumba mwao asiene machili ateche iombo iao, pangawa ku ndanda awatawile asiene machili, ni pelepo patatechepo nyumba jao? 30Mundu pangawa none, ali pe nani pangu, ni mundu pangakusanya none, kwasanga.

31Ligongo alili ngwasalila, thambi siose ni matukano gose tigalechwe kwa wandu, nambo kwatukana Roho ngailechekwa kwa wandu. 32Nombe jua kusala lilowe pe nani pa Mwana wa Adam, talechwe, nambo jua kusala pe nani pa Roho Mtakatifu ngalechwa, na muno pa chilambo cha sambano, na muno pa chila chi chitiwe. 33Ao panganyani mtela wokoto ni iso gose yakwe yambone, ao mpanganyani mtela wangalumbana ni iso gose yakwe yangalumbana, ligongo kwa iso gose yakwe mtela kumanyikana. 34Mweji kuweleka kwa majoka, timpakombole uli kusala ukota, mbaga wangalumbana? Ligongo kwa winji wa mtima pa kanwa kusala. 35Mundu juambone mwipanji yambone kutola ukoto, ni jua ngalumbana mwipanji yangalumbana kutola yangalumbana. 36Nambo ngwasalila, malowe gose gaulesi wandu akugawelecheta, tatole isao yao liua lia kupokolanya. 37Kwa malowe genu timpate kuwilangwa wambone, ni kwa malowe genu timpokolanywe.

38Wane wa wakulemba ni Mafarisayo wajanjile, wasasile, mjiganyi, tukusaka kulola ishara kwenu. 39Wajanjile, wasalile, kuweleka kwangalumbana ni kwa chikululu kukusaka ishara; namuno ngakukupewa ishara, nambo ishara ya nabii Yona. 40Ligongo naga Yona waliji mowa gatatu mlutumbo mwa nyamgumi, ni eleyo Mwana wa Adam tawe mowa gatatu mmtima mwa chilambo.

41Wandu wa Ninawi tajime mkupokolanya ni wandu wa kuweleka aku, ni tiwapokolanya, ligongo walesile thambi kwa kwenela kwao Yona, ni wapite Yona ali apa. 42Achimwene wakongwe wa cha mchitipa tajime mkupokolanya ni kuweleka aku, ni tiwapokolanya: ligongo welewo atiosile mlusonga mwa chilambo apilikane hekima ya Suleman ni wa kupita Suleman ali apa.

43Pe watiosile mmundu mbepo jua kusakala kwima jima pandu pa pajumu achisosaga kulinonyela, ngapata. 44Ka nyuma kusala, tiuje mnyumba mwangu ku naumile; achiujaga wauwene pangali chindu, jipiajilwe ni jilembeche. 45Kwenda, atosile mbepo msano na siwili siangalumbana kupunda welewo, wajinjile wateme mwemula, ni malowe ga mbesi ga mundu ajula gangalumbana kupunda ga ndanda. Yeleyo chapate ni kuweleka kungalumbana aku.

46Pe waliji achisalaga ni wandu wajinji, mama wao ni achapwao waliji achimaga pasa, wasachile kuwelecheta nao. 47Jumo wasalile, mama wenu ni achapwenu wakwima pasa, akusaka kuwelecheta nomwe. 48Ajanjile, wasalile jua kwasalila, wani mama wangu, ni achapwangu? 49Wagolowesye mkono wao kwa wa kwajiganya wao, asasile, mlole, mama wangu ni achapwangu. 50Ligongo welewo wose watapanganye litasachelio Atati wangu wali kwiunde, welewo achapwangu, ni alumbwangu achakongwe ni mama wangu.

Currently Selected:

Mattayo 12: YAO1880

Highlight

Copy