Mattayo 11

1Pe wamasile Isa kwalajisya wa kwajiganya wao likumi kwisa wawili, atiosile kwekula kwenda kwiganya ni kutagulila mmisi mwao.

2Nombe nao Yohana wapilikene mgereza mle matendo gao Masiya, wapeleche wa kwajiganya wao wawili, wasalile, 3mweji nu watasache kwisa, ao tumlolechesye junc? 4Wajanjile Isa, wasalile, mbuje watagulile Yohana yi mkuwaonayo ni yi mkupilikanayo; 5watusuche meso akuona, wakutundajilao akwima, asiene ukoma waposywe, wangapilikana, wakupilikana, wauile akuuka, ni wa kulaga watagulilwe anjili. 6Ni heri jueleju jua angachimwa none.

7Hao pe wajawile Isa watandite kusala ni wandu wajinji kwa Yohana, mwajawile ku yao kulola chichi? 8Mlasi ukutengana ni mbepo? Nambo mwajawile ku yao kulola chichi? Mundu jua wasile itakulo ya kolowa? Wewala wa kuwala itakulo ya kolowa, ali mnyumba mwa achimwene? 9Nambo mwajawile kulola chichi? Nabii? Elo, ngwasalila ni jua kwapita jo nabii. 10Ligongo ajujo ni jueleju jua lembilwe, mlolechesya, ngumtuma mtume juangu pa ujo pa usio yenu, apanganye chile pe litala pa ujo penu. 11Amin, ngwasalila, ngatioka mo wose wawelekwe na wakongwe mundu jua mkulungwa kupunda Yohana mbatizaji; nombe nao wali jua mnandi muchimwene mwa kwiunde jua mkulungwa kupunda welewo. 12Kutanda mowa ga Yohana mbatiziji mpika lelo uchimwene wa kwiunde wakukolekwa kwa machili, nombe nao asiene machili akutola. 13Ligongo nabii wose ni torati waliji kwenesya mpika Yohana; 14ni msakaga kwakunda, ni jueleju Eliya jua taiche. 15Msiene mawiwa ga kupilikana, apilikene.

16Tinlinganye ni chichi kuweleka aku? Chilingene ni wanache achitamaga pa kulanguka achawilangaga achijao, achisalaga, 17tugombile lipenga na muno mweji ganimng’anda, twalilile namuno ganimlila. 18Ligongo Yohana ajisile ngalia na muno ngang’wa, wasasile, jua na mbepo. 19Mwana wa Adam ajisile achiliaga ni kung’wa, wasasile, Lolani, jua kolelwa aju ni jua kung’wa mvinyo, ambusanga wa mapublikano ni asiene thambi. Nambo hekima tailapwe wa wanache wakwe.

20Atandite soni kujisalila misi mowapanganisye miujiza yao jia ijinji, ligongo nganileka thambi.

21Ole wenu Khorazin! ole wenu Betsaida! Ligongo naga miujiza jingapanganisywe Mturo ni Msidoni mpela ipanganisywe kumangwenu, wangalesile kalakala msako ni mliu. 22Nambo ngwasalila, Turo ni Sidon talekwe liua lia kupokolanya kupunda mweji.

23Nowe Kapernaum umanyakwiche mpika kwiunde timtuluche mpika wauile; ligongo naga miujiza jingapanganisywe Msodoma japanganisywa kumangwenu ungalamile mpika lelo. 24Nambo ngwasalila, chilambo cha Sodoma tichilechwe liua lia kupokolanya kupunda mweji.

25Mowa gegala Isa wajanjile, asasile, ngunishukuru Atati ambuje wa kwiunde na chilambo, ligongo mwasisile aga asiene hekima ni chilingo, mkaunukulile wanache. 26Elo Atati, ligongo elee mbwene ga ukoto.

27Gose gandolelwe na Atati wangu, na muno ngapagwa jua kumanyilila Mwana, nambo Atati, namuno ngawamanyilila mundu Atati, nambo Mwana nombe nao wali Mwana akusaka kumbunukila. 28Mjise kwangu mweji wose wamkulagao, ni mweji asiene mizigo, none tinapumulisya. 29Mtole nira yangu, mdijiganya kwangu, ligongo ni une msiene kumialala ni mtima wangu kunonokea; nomwe timpate kulinonyela kwa mitima jenu; 30ligongo nira yangu ja kujolowa, ni mzigo wangu wa kwaluka.

Currently Selected:

Mattayo 11: YAO1880

Highlight

Copy