Gen 10
10
Inzalo yamadodana kaNowa
1Lezi yizizukulwana zamadodana kaNowa, oShemu loHamu loJafethi. Bazala amadodana emva kukazamcolo.#1 Lan 1:5–23
2Amadodana kaJafethi ayengoGomeri loMagogi loMadayi loJavani loTubali loMesheki loTirasi. 3Amadodana kaGomeri ayengoAshikenazi loRifathi loTogarma. 4Amadodana kaJavani ayengoElisha loTarshishi loKuprosi loRodanimi. 5Kwavela kubo abantu abahlala ngasolwandle. Babengabantwana bakaJafethi; kwaba yilabo lalabo ngolimi lwabo langosendo lwabo langezizwe zabo.
6Amadodana kaHamu ayengoKushi loMizirayimi loPuti loKanani. 7Amadodana kaKushi ayengoSeba loHavila loSabitha loRama loSabitheka; amadodana kaRama ayengoSheba loDedani. 8UKushi wazala uNimrodi owaba liqhawe lokuqala emhlabeni. 9Waba ngumzingeli olamandla emehlweni eNkosi; ngakho kutshiwo ukuthi: Umzingeli olamandla njengoNimrodi emehlweni eNkosi. 10Umbuso wakhe waqala eBabeli laseEreki laseAkadi laseKaline elizweni laseShinari. 11Waphuma kulelolizwe waya eAsiriya, wakha iNinive leRehobothi leKala, 12leReseni phakathi kweNinive leKala; lo ngumuzi omkhulu. 13UMizirayimi wazala amaLudi lamaAnami lamaLehabi lamaNafetuhi 14lamaPatrusi lamaKaseluhi lamaKafitori lapho kwavela khona amaFilistiya.
15UKanani wazala uSidoni olizibulo lakhe, loHethi, 16lamaJebusi lamaAmori lamaGirigashi 17lamaHivi lamaArki lamaSini 18lamaArvadi lamaZemari lamaHamathi; ngasemuva kwalokho usendo lwamaKanani lwahlakazeka. 19Umkhawulo wamaKanani wasukela eSidoni waya ngaseGerari waze wafika eGaza, waya ngaseSodoma laseGomora laseAdima laseZeboyimi waze wafika eLasha. 20Labo bangamadodana kaHamu ngosendo lwabo langendimi zabo langamazwe abo langezizwe zabo.
21UShemu ukhokho wabantwana bonke bakaEberi, umnewabo kaJafethi, laye wazala abantwana. 22Amadodana kaShemu ayengoElamu loAshuri loArpakishadi loLudi loAramu. 23Amadodana kaAramu ayengoUzi loHuli loGetheri loMashi. 24UArpakishadi wazala uShela; uShela wazala uEberi. 25UEberi wazala amadodana amabili, ibizo lenye linguPelegi, ngoba ensukwini zayo abantu basemhlabeni behlukana; ibizo lomfowabo lalinguJokithani. 26UJokithani wazala uAlimodadi loShelefi loHazamavethi loJera, 27loHadoramu loUzali loDikila 28loObali loAbimayeli loSheba 29loOfiri loHavila loJobabi; bonke labo babengamadodana kaJokithani. 30Ilizwe labo lalisukela eMesha laze lafika eSefari, intaba yasempumalanga. 31Labo babengamadodana kaShemu ngosendo lwabo langendimi zabo langamazwe abo langezizwe zabo.
32Lolu lusendo lwamadodana kaNowa ngezizukulwana zawo langezizwe zawo; emva kukazamcolo kwavela kuwo izizwe ezehlukeneyo emhlabeni.
Currently Selected:
Gen 10: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
