زکریأ ۴
۴
چرأغ پأیه رویأ
1 او فٚرٚشته کی می اَمرأ گب زِئندوبو، مٚرَه او آدمٚ مأنستَن کی خوفته بی، ویریزأنِه. 2 بأزون می جَا وأوٚرسِه: «چی دینی؟»
جوأب بٚدأم: «طلأ جَا ایتأ چرأغ پأیه دینٚم کی هفتأ چرأغ دأرِه و ایتأ روغندأن اونٚ رو نٚهأ کی هفتأ لوله اَمرأ کی اونَ دوچوکسته دأرِه روغن رٚسأنِه چرأغأنَ. 3 هطؤیم دوتأ زیتون دأر دینٚم کی ایتأ جٚه اوشأن، چرأغ پأیه رأست ور و اویتأ اونٚ چپٚ ور نٚهأ.» 4 بأزون فٚرٚشته جَا وأوٚرسِم: «اَی آقأ جأن اَشأن چییٚد و اَشأنٚ مأنی چیسٚه؟»
5 فٚرٚشته بوگفته: «ینی نأنی؟»
بوگفتم: «نه، آقأ جأن، نأنٚم.»
6 بأزون فٚرٚشته بوگفته: «اَن ایسٚه اوچی کی خوداوند زروبابلَ گه: نه قودرتٚ اَمرأ، نه قوّتٚ اَمرأ، بلکی می روحٚ اَمرأ؛ یهوه صبایوت اَنَ گه. 7 اَی زروبابِل، اَ موشکلأنٚ کوه تی ورجأ فوگوردِه و او وخت کی تو می خأنه چأکودنٚ رِه آخری سنگَ بٚنأیی، آدمأن ایجگره زٚنده: خوداوندٚ برکت اونٚ رو بٚبه!»
8 ایتأ دِه پیغأم جٚه خوداوندٚ ور می رو بأمؤ، بوگفته: 9 «زروبابلٚ دسأن اَ خأنه‌یَ بٚنأ بوکوده و اونٚ دسأن اونَ تومأنَ کونِه. او وخت کی اَ کأر انجأم بٚبه بأزون می قومأن فأمٚده کی خوداوند، یهوه صبایوت مٚرَه اوسه کوده شیمی ورجأ. 10 هرچن کی مردوم می خأنه چأکودنٚ کأرٚ وأسی کی خُب پیش نوشؤئؤندره اَشأنٚ دیل سردَ بوسته، ولی او وخت کی زروبابلَ کأر کودنٚ میأن موشغول بیدینٚد، اومیدوأر بٚده.»
11 بأزون فٚرٚشته جَا وأوٚرسِم: «او دوتأ زیتون دأر کی چرأغ پأیه دو ورٚ نٚهأ 12 و او دؤنه زیتون خأل او دؤنه طلأ لوله ورجأ کی اوشأنٚ جَا روغن توکّه کونِه، چیسٚد؟»
13 بوگفته: «ینی نأنی؟» بوگفتم: «نه، آقأ جأن، نأنٚم.»
14 بأزون اون مٚرَه بوگفته: «اوشأن دوتأ مردأکٚ نیشأن ایسٚد کی خوداوند، تومأمٚ دونیأ صأب، اوشأنَ اینتخأب و مَسح بوکوده کی اونَ خیدمت بوکونٚد.»
Currently Selected:
زکریأ ۴: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org