زکریأ ۱۳
۱۳
گونأیأنٚ پأکَ بوستن
1 «او زمأتٚ میأن داوود قومأن و اورشلیمٚ آدمأنٚ رِه ایتأ چشمه رأ دکفِه، ایتأ چشمه کی اَشأنَ هرتأ گونأ و نأجورٚ کأرأنٚ جَا پأکَ کونِه.»
2 یهوه صبایوت فرمأیه: «او روجٚ میأن ایسرأییلٚ سرزیمینٚ میأن اَسٚر تأ اوسٚر هرتأ جوروأجورٚ بُت‌پرستِئنَ جٚه بین بٚبرم، ایجور کی هیتأ پأمأله اونٚ جَا نٚمأنٚه و بُتأنٚ نأم جٚخطرَ شٚه. او سرزیمینَ کأمیل جٚه دورُغی پیغمبرأن و پٚلیدٚ روح پأکَ کونٚم 3 و اگه اینفر ایوأردِه دورُغٚ اَمرأ نوبوّت بوکونٚه، خو پِئر و مأرٚ دٚسٚ اَمرأ بوکوشتِه بِه! اونَ گده: "تو وأستی بوکوشته بیبی، چونکی خوداوندٚ نأمٚ اَمرأ دورُغ نوبوّت کودأندری."
4 «او روجٚ میأن دورُغی پیغمبرأن خوشأنٚ نوبوّتأنٚ جَا سربیجیر بٚده و دِه آدمأنٚ فیتَ دئنٚ رِه پیغمبرأنٚ رختَ دونکونٚده. 5 هرتأ جٚه اوشأن گده: "من پیغمبر نییٚم، من ایتأ کیشأورزم و می فند جٚه جوأنی کیشأورزی بو." 6 و اگه اینفر وأوٚرسه: "پٚس اَ زخمأن تی جأنٚ رو چیسٚه؟" جوأب دِهه: "ریفِقأنٚ اَمرأ دعوأ گیفتنٚ میأن زخم اوسأدم."»
خودا شبأنٚ کوشته بوستن
7 یهوه صبایوت فرمأیه: «اَی شمشیر می شبأنٚ ضد ویریز! او مردأی کی می موبأشر و همکأر ایسٚه. شبأنَ بٚزٚن کی گوسوٚندأن پٚخش پلأ بٚبد. من می قومَ زنٚم 8 و دوتأ سأم جٚه سه‌تأ سأم اوشأنٚ شین جٚه بین شِه. 9 ایتأ سأم جٚه سه‌تأ سأم کی بٚمأنسته‌یَ جٚه آتشٚ میأن دٚوأرأنم و اوشأنَ پأکَ کونٚم، هوطؤ طلأ و نوقره مأنستَن کی آتشٚ اَمرأ خألیصَ بٚده. اَشأن می نأمَ دؤخأنٚده و من اوشأنٚ جوأبَ دٚهٚم. من گمٚه: "اَشأن می قومأن ایسٚد." و اَشأن گده: "یهوه اَمی خودا ایسٚه."»
Currently Selected:
زکریأ ۱۳: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org