متا ۲۵
۲۵
آمأده و آگأه بیبید
1 «او زمأتٚ دورون، آسمأنٚ پأدیشأیی ده‌تأ ندیمه‌یَ #۲۵:۱ یونأنی: «باکره»؛ هطؤیٚم البأقی هم اَ بأب دورون.مأنه کی خوشأنٚ چراغأنَ روشنَ کودٚد کی بٚشٚد زأمأ پیشوأز. 2 پنج تأ جٚه اَ ندیمه‌یأن عأقیل و پنج تأ بی‌عقل بود. 3 بی‌عقلٚ ندیمه‌یأن خوشأنٚ چراغأنَ اوسأدٚد، ولی خوشأنٚ اَمرأ روغن نبردٚد. 4 ولی ندیمه‌یأنی کی عأقیل بود خوشأنٚ چراغأنَ اَمرأ پورٚ روغنٚ جیگأیم ببردٚد. 5 جٚه اَ خأطر کی زأمأ اَمؤن دٚرأزه بٚکٚشه، ندیمه‌یأنَ خأب بٚسٚرَ شؤ. 6 ولی نیصفٚ شبٚ رِه، ایتأ صدا بأمؤ کی: "زأمأ اَمؤندره! ویریزید و بیشید اونی پیشوأز!" 7 ندیمه‌یأن همٚتأن ویریشتٚد و خوشأنی چراغأنَ آمأدَه کودٚد. 8 او پنج تأ کؤر کی بأقأیده خوشأنٚ اَمرأ روغن نأوٚرده بود، او وخت کی بیدِده خوشأنی چرأغأن خأموشَ بوستن دٚرٚه، او پنج تأ دِه کؤرٚ جَا روغن بٚخأستٚد. 9 ولی اوشأن جوأب بٚدأده: "اگه اَمی روغنٚ جَا شٚمٚره فأدیم، خودمأنٚ رِه وٚست نییٚه. بِیتره بیشید روغن فوروشأن جَا شِمِره روغن بیهینید." 10 ولی او وخت کی اوشأن روغن هِئِنٚه رِه بوشؤبود، زأمأ جٚه رأ فأرٚسِه و اوشأنی کی آمأدَه ایسأ بود، اونی اَمرأ بوشؤده عروسی جشنٚ دورون و در دٚوٚسته بوبوسته. 11 ایپچه کی بوگوذشت، او پنج تأ کؤر فأرٚسِده و دروأزه پوشتٚ جَا ایجگره بٚزِده: "آقأ جأن، آقأ جأن، دروأزه‌یَ وأ کونید!" 12 ولی اون جوأب بٚدأ: "رأس‌رأسِی شٚمٚره گم، من شٚمٚره نشنأسٚم!" 13 پس نوخوسید و شیمی حواس بمأنه چونکی نأنیدی چی روج و چی زمأتی وأگردم.»
خودا کأرٚ رِه وفادأر بیبید و حقٚ سعی بوکونید
14 «آسمأنٚ پأدیشأیی‌یَ شأ اَ نقلٚ اَمرأ وأشکأفتٚن: ایتأ مردأی خأستی بشه موسأفیرت. پس خو آدمأنَ دؤخأد و اوشأنٚ پولی فأدأ کی اونٚ نئیسأبو زمأتٚ رِه، اونَ بٚکأرَ گیرٚد. 15 هرتأیَ هونی توأنٚ اَندر فأدأ: اوّلی‌یَ پنج تأ کیسه طلأ#۲۵:۱۵ یونأنی: «تَلَنت» (قنطأر). ای «تَلَنت» ۶٬۰۰۰ دینأرٚ مأنستَن اَرزَستی کی ۲۰ سألٚ ایتأ سأده کأرگرٚ دسمزدٚ فأرٚسِیی؛ هطؤیی هم اَ بأبٚ البأقی دورون.، دویُمی‌یَ دوتأ کیسه طلأ و سیومی‌یَ ایتأ کیسه طلأ. بأزین رأ دکفته بوشؤ سٚفر. 16 اوّلی کی پنج‌تأ کیسه طلأ فأگیفته بو، بی‌معطلی بیهین بوفروشٚ جَا موشغولَ بوسته و پور زمأت نوبوسته کی پنج‌تأ دِه کیسه طلأ هم اونی مأل و مینألٚ ایضأفه بو. 17 دویُمی هم کی دوتأ کیسه طلأ دأشتی، هه کأرَ بوکوده و دوتأ دِه کیسه طلأ هم سود بوکود. 18 ولی سیومی کی ایتأ کیسه طلأ دأشتی، زیمینَ چالَ کوده و خو پولَ سنگٚ جیر جیگأ بٚدأ.
19 «ایتأ پیله زمأت کی بوبوسته، اربأب سٚفرٚ جَا وأگردسته و خو آدمأنَ تسویه حیسأبٚ رِه دؤخأد. 20 اونی کی پنج‌تأ کیسه طلأ فأگیفته بو، پنج‌تأ دِه کیسه‌یم تحویل بٚدأ و بوگفته: "آقأ جأن، مٚرَه پنج‌تأ کیسه فأدأیی، اَنٚم پنج‌تأ دِه کیسه کی سود بوکودم." 21 اربأب اونَ بوگفته: "آفرین، اَی اَمین و خوروم غولأم! اَسه کی کوجه کأرأنٚ دورون اَمین و دورستکأر بی، ویشتر تٚرَه مسئولیت ایسپأرم. بیأ می شأدی دورون شیریک بوبو!"
22 «بأزین اونی کی دوتأ کیسه فأگیفته بو بأمؤ جولو بوگفت: "مٚرَه دوتأ کیسه طلأ فأدأیی، اَنٚم دوتأ دِه کیسه کی سود بوکودم."
23 «اربأب اونَ بوگفته: "آفرین، اَی اَمین و خوروم غولأم! اَسه کی کوجه کأرأنٚ دورون اَمین و دورستکأر بی، ویشتر تٚرَه مسئولیت ایسپأرم. بیأ می شأدی دورون شیریک بوبو!"
24 «بأزون او غولأمی کی ایتأ کیسه طلأ فأگیفته بو، بأمؤ و بوگفته: "آقأ جأن، دأنستیم کی اَندر سختگیرٚ مردأی ایسی کی زیمینی جَا کی اونی دورون هیچی نینٚشأسته بی، مأصول وأوینی، و زیمینی جَا کی دأنه نینٚشأنه بی‌حأصیل جمَ کونی. 25 پس، می ترسٚ جَا تی پولَ سنگٚ جیر جیگأ بٚدأم کی نوکونه جٚه دٚس بشه. بفرمأ، اَنٚم تی پول!"
26 «ولی اربأب جوأب بٚدأ: "اَی تنبل و نأجورٚ غولأم! تو کی دأنستی من اَندر سختگیرم کی او زیمینٚ جَا کی اونٚ دورون ایچی نکأشته بیم، مأصول وأوینم، و او زیمینٚ جَا کی دأنه نینٚشأنِم حأصیل جمَ کونم، 27 پس چٚره می پولَ صرّأفأنَ فأندأیی کی او وخت کی سٚفرٚ جَا وأگردم اونٚ سودَ فأگیرٚم؟" 28 هطؤیٚم بوگفته: "اَ مردأکٚ پولَ فأگیرید و فأدید اونی‌یَ کی ده‌تأ کیسه طلأ دأره. 29 چونکی کسی کی بتأنه اونچی کی دأره‌یَ خُب بٚکأرَ گیره، اونَ وأزم ویشتر فأدأ به. ولی اونی کی خو کأرَ دوروست انجأم نٚده، هر چندر کوجه‌دأنه‌یم بٚبه جٚه دٚس دِهه. 30 اَسه اَ غولأمَ کی هی کأری رِه بٚدرد نوخوره، بیگیرید و ظولومأتٚ دورون تأوٚدید، کی اویَه گریه فیشأرٚ جَا، خو گأزأنَ سٚر به سٚر بسأبأنٚه."»
دأوری روج
31 «او زمأت کی من، ینی او مسیحی کی وأستی بأیِه، می شوکو و جلالٚ اَمرأ و تومأمٚ می فٚرٚشته‌یأنٚ اَمرأ بأیٚم، بأزون می پور شوکو تختٚ رو نیشینم. 32 بأزین تومأمٚ زیمینٚ سٚرٚ قومأن می جولو بٚپأ ایسٚد و من اوشأنَ کس‌کسٚ جَا سیوأ وأکونم، هوطؤ کی ایتأ چوپأن، گوسوٚندأنَ بوزأنٚ جَا سیوأ وأکونِه؛ 33 گوسوٚندأنٚ می رأستٚ ور نٚهٚم و بوزأنٚ می چپٚ ور.
34 «بأزون من کی پأدیشأ ایسٚم، اوشأنی کی می رأستٚ ور ایسأده گم: "اَی می پئرٚ جأنٚ دیلأن بأیید! بأیید کی شٚمٚره خودا پأدیشأیی برکتأنٚ دورون شیریک بوکونم، او برکتأن کی دونیأ آفرینشٚ سرگیفتنٚ جَا شِمِره آمأدَه بوسته بو. 35 چونکی او وخت کی مٚرَه ویشتأ بو، شومأن مٚرَه غذأ بٚدأییدی؛ تشنه بوم، مٚرَه آب فأدأییدی؛ بی‌کس بوم، مٚرَه جأ فأدأییدی؛ 36 برأنده بوم، مٚرَه لیوأس فأدأییدی؛ نأخوش احوأل و زندأنی بوم، می عیادت بأمؤییدی."
37 «خوروم آدمأن جوأب دٚهٚده: "خوداوندا، چی موقع ویشتأ بوستید کی شٚمٚره غذأ فأدیم؟ چی موقع تشنه بوستید کی شٚمٚره آب فأدیم؟ 38 چی موقع بی‌کسَ بوستید کی شٚمٚره بٚخأنه ببریم یا برأنده بوستید کی لیوأس دوکونیم؟ 39 چی موقع نأخوش احوأل و زندأنی بوبوستید کی شیمی مولأقأت بأییم؟"
40 «بأزون اوشأنَ گم: "او وخت کی اَ خیدمتأنَ می کوجه‌ترین برأرأنٚ رِه کودن دیبید، هچین مٚرَه انجأم دئن دیبید."
41 «بأزین اوشأنی‌یَ کی می چپٚ ور ایسأده، گم: "اَی لعنت بوبوسته‌یأن جٚه اَیَه بیشید و بیشید او آتشٚ دورون کی هیوخت خأموشَ نیبه کی شیطان و اونی فٚرٚشته‌یأنٚ رِه آمأدَه بوسته. 42 چونکی ویشتأ بوم و شومأن مٚرَه غذأ فأندأیید؛ تشنه بوم و مٚرَه آب فأندأیید، 43 بی‌کس بوم مٚرَه جأ فأندأیید؛ برأنده بوم مٚرَه لیوأس دونکودید؛ نأخوش احوأل و زندأنی بوم و شومأن می مولأقأت نأمؤیید."
44 «اوشأن جوأب دٚهٚده: "خوداوندا، چی موقع شومأن ویشتأ و تشنه یا بی‌کس و برأنده یا نأخوش احوأل یا زندأنی بید و اَمأن خیدمتی شِمِره نوکودیم؟"
45 «جوأب دٚهٚم: "او وخت کی می کوجه‌ترین برأرأنَ یاور ندأییدی، هچین مٚرَه یاور ندأیید."
46 «همیشٚکی موجأزأتٚ اَجور کسأنٚ شینه، ولی همیشٚکی زٚندیگی خوروم آدمأنٚ شین به.»
Currently Selected:
متا ۲۵: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org