پیدأیش ۷
۷
1 بأزون خوداوند نوحَ بٚفرمأسته: «تو و تی خأنوأرٚ آدمأن بیشید کشتی دورون، چونکی تومأمٚ اَ روجأنٚ آدمأنٚ میأن فقد تٚرَه عأدیل بیأفتم. 2 تومأمٚ حلال گوشتٚ حیوأنأنٚ جَا، هفتأ جوفت، نر و مأده، تی اَمرأ اوسأن و جٚه نجسٚ حیوأنأنم، ایتأ جوفت، نر و مأده 3 و پرنده‌یأنٚ جَا هفتأ جوفت، نر و مأده؛ کی طوفأن بوبوسته پٚسی، اوشأنی نسل زیمینٚ سٚر بِئیسٚد. 4 ایتأ هفته کی بوبوسته، چهل شبندٚروج رِه وأرٚش فوکونم و زیمینٚ سٚر هرتأ موجودَ کی خلق بوکودم جٚه بین بٚرٚم.»
5 پٚس نوح هرچی کی خوداوند اونَ دستور بٚدأ بو انجأم بٚدأ. 6 او وخت کی او پیله طوفأن بأمؤ زیمینٚ رو، نوح شیشصد سأل دأشتی. 7 اون و اونی زن، پٚسرأن و اوشأنی زنأکأنٚ اَمرأ بوشؤده کشتی دورون کی طوفأنٚ خطرٚ جَا اَمنیتٚ میأن بِئیسٚد. 8 همه جور حیوأن، چی اَشأنٚ گوشت حلال بٚبه چی حرأم و هطؤیم پرنده‌یأن و او حیوأنأن کی زیمینٚ رو خوشأنَ فوسینده، 9 نوح اَمرأ بوشؤده کشتی دورون. هوطؤ کی خودا بٚفرمأسته بو، اوشأن جوفت جوفت، نر و مأده، کشتی میأن جأ بوبوستده.
10 هفت روجٚ پٚسی، طوفأنٚ آب زیمینَ بٚسرأ شؤ. 11 او وخت کی نوح شیشصد سأل دأشتی، دویُمی مأهٚ میأن هیفدهومی روجٚ دورون، تومأمٚ زیمینٚ جیرٚ آبأن بٚزِه بیرون و آسمأنٚ جَا توند وأرٚش بٚوأرسته. 12 زیمینٚ رو چهل شبندٚروج وأرٚش وأرستی.
13 ولی او روج کی بینأ کودن طوفأن اَمؤن، نوح، اونی زن و پٚسرأن، سام و حام و یافث و اوشأنی زنأکأن کشتی میأن ایسأبود. 14 اوشأنی اَمرأ جٚه هر جور حیوأن اهلی و وأشی، پیله‌دأنه و کوجه‌دأنه و جوروأجورٚ پرنده‌یأنم جوفت جوفت کشتی دورون ایسأبود. 15 جٚه هرجور حیوأن کی حیأتٚ نفَسَ خوشأنٚ میأن دأشتیدی، دوتأ دوتأ، بوشؤده کشتی دورون. 16 اونی پٚسی کی نر و مأده حیوأنأن، خودا دستورٚ موطأبق کی نوحَ بٚدأ بو بوشؤده کشتی دورون، خوداوند اوشأنٚ پوشتٚ سٚر کشتی درَ دٚوٚسته.
17 چهل شبندٚروج سیلٚ مأنستَن وأرٚش وأرستی و ایپچه ایپچه زیمینَ پورَ کودی، تأ اَنکی کشتی جٚه زیمینٚ سٚر ویریشته. 18 ایپچه ایپچه اوندر آب بأمؤ بوجؤر کی کشتی اونی سٚر رأ دکفته.
19 آخرپٚسی پیله‌دأنه کوهأنم بوشؤده آبٚ جیر. 20 اوندر وأرٚش بٚوأرسته کی آب جٚه کوهأنٚ لچه سٚر پونزده ذرأع بوجؤرتر فأرٚسِه. 21 زیمینٚ سٚرٚ تومأمٚ جأنورأن ینی اهلی و وأشی حیوأنأن، پرنده‌یأن و او حیوأنأن کی زیمینٚ سٚر خوشأنَ فوسینده، آدمأنٚ اَمرأ هلأکَ بوستٚده. 22 خوشکی میأن هرتأ زٚنده جأنور کی ایسأ بو، جٚه بین بوشؤ. 23 اَطؤیی خودا زیمینٚ جَا تومأمٚ زٚنده جأنورأن و آدمأنَ جٚه بین بٚبرده، جغرز نوح و اوشأنی کی کشتی میأن اونی اَمرأ ایسأ بود. 24 صد و پنجأ روج آب هطؤ زیمینٚ رویَ بیگیفته بو.
Currently Selected:
پیدأیش ۷: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org