ሉቃሳ ምሽራቹዋ 2
2
የሱሳ የለታባ
(ማቶሳ 1:18-25)
1ሄ ዎደ#2:1 ሄ ዎደ፥ ጌተቶዌ ጻማቅያ ዮሃንስ የለት ስሚደ ብሮ ጉተን ደእሽን የሱስ የለቶ ዎድያና። ሮማ ካዉተ ጋርሳን ደእያ አሳይ ኡባይ ሱን ጻፈታናዳንነ ፓይደታናዳን አዉግስጾሰ ቄሳረፐ#2:1 ቄሳራ፦ ግያ ሱንይ ካትያ ጉሳ። ሄዌኔካ ጮራ ጋድያ ሞድያ ዎልቃይ ደእያ ጮራ ካታቱዋ ካትያ ጉሳ። አዛዙ ከሴዳ። 2ሄዌኔካ፥ ቀረነዮሰ#2:2 ቀረነዮሳ፦ ጌተትያዌ ሮማ ካቲ አዉግስጾሰ፥ ሶርያ ጌተትያ ይሁዳነ ጋሊላ አዉራጃቱዋ ኦይቄዳ ጋድያን ሱንዬዳዋ። ሶርያ ጋድያ ሞድያ ዎደ ሀኔዳ ኮይሮ አሳ ፓይዱዋ።
3ሀዋ ድራዉ እት እት አሳይ ጻፈታናዉ ባረ ካታማ ባረ ካታማ ቤዳ። 4ዮሴፎካ ዳዊታ ጎልያፐነ ያራፐ ግድያ ድራዉ ጋሊላ አዉራጃን ደእያ ናዝሬተ ካታማፐ ደንዲደ ዳዊታ ካታማ ግዴዳዉንኮ ይሁዳን ደእያ ቤተሌመ ጌተትያ ካታማ ከሴዳ። 5ሄ ዎደ የልያ ዎዲ ማቴዳ አዉ ኦሸታ ኡቴዳ ማይራማካ አናና እትፐ ባዱ። 6ኡንቱንቱ ሄዋን ደእሽን እዝዉ የልያ ዎዲ ጋኪ አጌዳ። 7እዛካ ባይራ ናኣ#2:7 ባይራ ናኣ፦ እስራኤልያ አሳይ የለቴዳ ናኣ ኡባ ጎልያንካ ጾሳዉ በስያዋ ጊኖ። ግዴዳ አቱማ ናኣ የላዱ፤ እማይ ሸምፕያ ሳ ደማቤና ድራዉ፥ ናኣ ማዩዋን ጻጻደ ጋጳትያን#2:7፣ 12፣ 16 ጋጳትያ፦ ሀ ሚሻይ ምያይ ምያባይ ሳኣን ላለተናን ማና ማላ የጊደ እምያባ። ቀራዱ።
ዉድያ ሄምያዋንታነ ኪታንቻቱዋ
8ሄ ጋድያን ቃማ ባረንቱ ዉድያ ሄሚደ ደምባን አቅያዋንቱ ደኢኖ። 9ጾሳ ኪታንቻይ ቆፐናን ዪደ ኡንቱንቱ ምይያን ኤቄዳ፤ ጎዳ ቦንቹ ኡንቱንቱ ዩሹዋን ፖኤዳ ዎደ፥ ዎልቃማ ያሻይ ኡንቱንታ ኦይቄዳ። 10ኪታንቻይ ኡንቱንታ፥ “ያዮፕተ፥ አሳዉ ኡባዉ ሀንያ ዳሮ ናሸችያ ምሽራቹዋ ታን ህንተንቶ አሃድ። 11ሀቼ ዳዊታ ካታማን አሽያዌ የለቴዳ። እካ ጎዳ ክርስቶሳ። 12ሀዌ ህንተንቶ ማላ ግዶ: ጋጭኖ ናአይ ማዩዋን ጻጸቲደ ጋጳትያ ግዶን ግሴዳዋ ደማንታ” ያጌዳ።
13ቆፐናን ጮራ ጾሳ ኪታንቻቱ ኮይሮ ኪታንቻና እትፐ ቆንጬድኖ።
14ጾሳካ ጋላቲደ፥ ሀዋዳን ጌድኖ:
“ቦንቹ ጾሳዉ
ቦላ ሳሉዋን ግዶ።
ሳኣን እ ዶስያ አሳዉ
ሳሮተይ ግዶ”
ያጌድኖ።
15ኪታንቻቱ ኡንቱንቱፐ ሻከቲደ ሳሉዋ ከሶዋፐ ጉየ፥ ዉድያ ሄምያዋንቱ፥ “ጎዳይ ኑዉ ቆንጭሴዳዋ፥ ሀዋ ሀኔዳ የዉዋ በአናዉ ቤተሌመ ቦይተ” ጌተቴድኖ።
16ኡንቱንቱካ ኤሌሊደ ቤድኖ። ማይራሞነ ዮሴፎ ደሚደ፥ ጋጭኖ ናአይካ ጋጳትያን ግሴዳዋ በኤድኖ። 17ሄዋፐ ጉይያን ጉ ናኣ ድራዉ ኦደቴዳዋ ቆንጭሲደ ኦዴድኖ። 18ሀዋ ስሴዳ ኡባይ ኡንቱንቱ ኦዴዳ የዉዋን ማላለቴድኖ። 19ማይራማ ቃይ ሀዋ ኡባ ባረ ዎዛናን ኦይቃደ ቆፓደ ጋምኣዱ። 20ዉድያ ሄምያዋንቱካ ኡባ የዉ ኡንቱንቶ ኦደቴዳዋዳን ሀንና ደሞ ድራዉ፥ ስሴዳዎነ በኤዳዎ ኡባዉ ጾሳ ቦንቺድነ ጋላቲደ ስሜድኖ።
21ናአዉ ሆስፑን ጋላሳ ግድና ቃጻረትያ ዎዲ ጋኮ ዎደ፥ እ አት ኡሉዋን አታናፐ ካሰ፥ ኪታንቻይ ከሶ ሱንን፥ የሱሳ ጌተቴዳ።#ዎጋ 12:3፤ ሉቃሳ 1:31
የሱስ ጌሻ ጎልያን ጾሳዉ ሼቴዳ
22ሙሴ ዎጋ ማራዳን ጌይያ ዎዲ#2:22 ጌይያ ዎዲ፦ አይሁዳቱዋ ማጫ አሳይ አቱማ ናኣ የሎዋፐ ጉይያን፥ “ጌሻ ግዱኩ” ያግ ቆፒኖ። ቃይካ ሄ ናአይ ቃጻረታና ጋካናዉ እዛ ሶይፐ ከሰናዳን ኦሰታዉ። ሀ ዎዲ፥ ጌይያ ዎድያ ጌተቴ። ፖለቴዳ ዎደ ዮሴፎነ ማይራማ ጋጭኖ ናኣ ጾሳዉ ሼናዉ የሩሳላመ አክ ቤድኖ። 23ሄዌኔካ ጎዳ ዎጋን፥ “አቱማ ናኣ ግዴዳ ባይራ ናአይ#2:23 ባይራ ናአይ፦ 2:7 ጼልተ። ኡባይ ጾሳዉ ዱማቴዳዋ ግዳናዋ” ጌተት ጻፈቴዳዋዳንነ፥#ከሳ 13:2፣ 12 24ቃይካ ጎዳ ዎጋን፥ “ላኡ ዶጎማቱዋ ዎይ ላኡ ሀራጰ ማራቱዋ” ጌተቶዋዳን፥ ጎዳዉ ያርሹዋ ያርሻናዉ አፌድኖ።
25ሄ ዎደ ጽሎነ ገንጫ ግዴዳ ስሞና ጌተትያ እት ብታኒ የሩሳላመን ደኤ። እካ፥ እስራኤልያ አሳዉ አቶተ ህዶታ ናግያዋነ አያና ጌሻይ አ ቦላን ሸምፔዳ አሳ። 26ጎዳን ኦከቴዳ ክርስቶሳ በኤናን ሀይቀናዋ አያና ጌሻን አዉ ቆንጭሴዳ።
27እካ ሄ ዎደ አያና ጌሻይ ካለና፥ ጌሻ ጎልያ ገሌዳ። ናኣ የላዋንቱ ኤርያ ዎጋ ማራዳን፥ ኮሽያዋ አዉ ፖላናዉ ጉ ናኣ የሱሳ ኦይቂደ ገሎ ዎደ፥
28ስሞነ ሞክ አክ ናኣ እድሚደ ጾሳ ጋላቲደ ሀዋ ያጌዳ:
29“ጎዳዉ፥ ኔን ቃላ ገሎ ማራዳን፥
ሀእ ታና ነ አይልያ ሳሩዋን ኔኮ አፋ።
30-31ጋሱካ፥ ታ አይፋቱ፥
አሳ ኡባ ስንን ኔን ጊግሴዳ፥
አሽያ ህዶታ በኤድኖ።
32ሄዌካ እስራኤልያ ግደና አሳዉ፥
ቆንጨ እምያ ፖኡዋ።
ቃይ ነ አሳዉ እስራኤለዉ ቦንቹዋ።”
33ዮሴፎነ አ ዳያ አ ድራዉ ሃሳየቴዳ የዎ ማላለቴድኖ። 34ስሞንካ አንጂደ ማይራሞ፥ “ሀዌ ናአይ እስራኤልያን ጮራቶ ደንዱዋስነ ኩንደዉ ጋሶ ግዳናዉ፥ ቃይካ ኢታ ሃሳይያዋንቶ ማላ ግዳናዉ ዶረቴዳ። 35ጮራቶካ ዎዛና ቆፋይ ቆንጮዋ ግዳናዉ፥ ነ ሸምፑካ ማሻን ቃንጾዋዳን ሴለታናዋ” ያጌዳ።
36ቃይካ አሴራ ያራፐ ግዴዳ ፓኑኤላ ናታ ሃኖ ጌተትያ ናባታ ደአዉ፤ እዛካ ሎይ ጭማዱ። ባረ ዎዶሮተን ገሌዳ አስናና ላፑ ላይ ደኤዳዉኖ። 37እዝ ላይይካ ሆስፑን ታማነ ኦይዱዋ ግዳና ጋካናዉ ጋላሳነ ቃማ ጌሻ ጎልያፐ ሻከተናን ጾማንነ ዎሳን ኪተታደ አምኤ#2:37 አምኤ፦ አምኤ ጉሳይ አስናይ ሀይቂና ገለናን ጋምኤዳ ማጫዉኖ። ሀ ፓይዱዋን ጻፈቴዳ ምሽራታ ላፑ ላይ ጻላላ አስናና ጋምኦዋፐ ጉየ 84 ላይ ኡባ አምኤ ግዳደ ጋምኣዱ። ግዳደ ጋምኣዱ።
38ሄ ዎደካ ሺቃደ ጾሳ ጋላታዱ፤ ቃይካ የሩሳላመ አሳይ ዎዘታናዉ ናግያዋንቶ ኡባቶ ጋጭኖ ናኣ የሱሳባ ኦዳዱ።
ዮሴፎነ ማይራማ ናዝሬተ ስሜድኖ
39ዮሴፎነ ማይራማ ጎዳ ህግያን አዛዘቴዳዋ ኡባ ፖሎዋፐ ጉየ ጋሊላ አዉራጃን ደእያ ባረንቱ ካታማ ናዝሬተ ስሜድኖ።#ማቶሳ 2:23 40ጉ ናአይካ ድጪደነ ምኒደ ቤዳ፤ አ ኤራንካ ኩሜዳ፤ ጾሳ አ ኬካተይ አ ቦላን ሸምፔዳ።
ጉ ናኣ የሱስ ጌሻ ጎልያን
41ዮሴፎነ ማይራማ ላይን ላይን ፓስጋ ባላ ቦንቻናዉ የሩሳላመ ካታማ ቢኖ።#ከሳ 12:1-27፤ ዛረ. 16:1-8 42ናአዉካ ታማነ ላኡ ላይ ግዶ ዎደ ዶያዳን ባላዉ ህን የሩሳላመ ከሴድኖ። 43ባላ ፖሎዋፐ ካላ ባረንቱ ጎለ ኡንቱንቱ ስሞደ ጉ ናኣ የሱስ ዮሴፎነ ማይራማ ኤረናን የሩሳላመን አት አጌዳ። 44ኡንቱንቱና እትፐ ደእያዋ ማላትና እት ጋላሳ ኦግያ ሀመቴድኖ። ጉየፐ ቃይካ ባረንቱ ዳባቱዋናነ ባረንቱ ሲቀትያዋንቱ ማታን ኮሻ ዶሜድኖ።
45ዮ ዎደ ኮዪደ ህን የሩሳላመ ስሜድኖ። 46ሄዙ ጋላሳፐ ጉየ፥ ታማርስያዋንቱ ግዶን የሱስ ኡቲደ ኡንቱንቱ ግያዋ ስሲደነ ኡንቱንታ ኦቺደ ጌሻ ጎልያ ጋርሳን ደእያዋ በኤድኖ። 47ስስያዋንቱ ኡባቱካ፥ አ አኬካንነ አ ዛሩዋን ማላለቴድኖ።
48ዮሴፎነ አ ዳያ አ በኦ ዎደ ማላለቴድኖ። አ ዳያካ፥ “ታ ናአዉ፥ አያዉ ኑና ሀዋዳን ኦይ? ነ አቡነ ታነ ኔና ኮዪደ፥ ዳሮ መቶቴዶ” ያጋዱ።
49የሱስካ ኡንቱንቶ፥ “አያዉ ታና ኮዪቴ? ታ አቡ ጎለን#2:49 ታ አቡ ጎለን፦ ጉሳይ፥ ታ አቡ ኪቴዳ ኦሱዋ ፖላናዉ በሴ ጉሳ። ደአናዉ ታዉ ኮሽያዋ ኤርበይክቴ?” ያግ ዛሬዳ። 50ሄዋ ያግ ኦዶፐ አትን፥ ኡንቱንቶ እ ኦዴዳ የዉ አያ ግንቶ ገልቤና።
51ሄዋፐ ስሚደ፥ ኡንቱንቱና እትፐ ህን ናዝሬተ ቤዳ፤ ሄዋንካ ኡንቱንቶ አዛዘቴ። አ ዳያካ ሄዋ ኡባ ባረ ዎዛናን ዎዱ። 52የሱስካ ኤራንነ ጌሳን፥ ሳባንካ ጾሳነ አሳ ስንን ድጬዳ።#1 ሳሜላ 2:26፤ ሌም. 3:4
Currently Selected:
ሉቃሳ ምሽራቹዋ 2: DFBE
Highlight
Share
Copy
Want to have your highlights saved across all your devices? Sign up or sign in
The Word for the World Ethiopia
