ሉቃሳ ምሽራቹዋ 1
1
1-4ቦንቼቴዳ ቶፍሎሳ፥ ኮይሮ ባረንቱ አይፍያን በኤዳዋንቱነ ባረንቱ ቃላን ማርካቴዳዋንቱ ኑዉ ኦዴድኖ። ጻፈቴዳ የዉዋ ታ ባጋን ኡባ ጻጱዋፐ ብዳ ጼሎዋፐ ጉየ፥ ታርክያ ማራ ናጌዳ ኦግያን ነዉ ጻፋናዉ ሎአ ግዴዳዌ ታዉ ቤቴዳ።
ጻማቅያ ዮሃንሳ የለታይ ኮይሮ ኦደቴዳ
5ይሁዳ ጋድያ ካትያ ሄሮድሳ ዎድያን፥#1:5 ይሁዳ፦ ሀዋን ይሁዳ ጋድያ ጌተቴዳዌ ፍልስጼመ ጋድያ ኡባ በስያዋ። አብያ ቄሳተ ኦሱዋ ባጋፐ ግዴዳ ዛካራሳ ጌተትያ እት ቄሳይ ደኤ።#1 ኦዱዋ 24:10 ማቻታካ ኤልሳቤጾ ጌተትያ አሮነ ያራፐ የለቴዳዉኖ። 6ላአቱካ ጎዳ አዛዙዋነ ሴራ ዳርሲደ ናግያዋንታነ ካ ባንታን ጾሳ ስንን ደእያ ጽላቱዋ። 7ግዶፐ አትን ኤልሳቤጻ ማን ግዶ ድራዉ፥ የሉ ኡንቱንቶ ባዋ። ላአቱካ ላይ ሱጌዳዋንታ።
8እት ጋላስ ዛካራስ ባረ ባጋ ካላን ጾሳ ስንን ቄሳተን ኦያ ዎደ፥ 9ባረ ቄሳተ ዎጋ ዶያዳን ጌሻ ጎልያ ገሊደ እጻና ጩውሱዋ#1:9 እጻና ጩውሱዋ፦ ሀዋ ጉሳይ ጩዋይ ዎሳ ኮታ ጾሳኮ ጋኬ ጊደ ዎንታነ ኦማርስ ዎደ ጩውስያ ዎጋ። ሳማይ አ ጋኬዳ። 10እጻናይ ጩውያ ዎደ አሳይ ኡባይ ካረን ኤቂደ ዎስ ደኤ።
11ጎዳ ኪታንቻይ እጻና ያርሹዋ ሳፐ ኡሸቻና ኤቂደ አዉ ቤቴዳ። 12ዛካራስካ በኤዳ ዎደ ዳጋሚደ ያሻን ምተቴዳ። 13ኪታንቻይካ ቃይ ያጌዳ፥ “ዛካራሳ፥ ያዮፓ፤ ነ ዎሳይ ስሰቴዳ፥ ነ ማቻታ ኤልሳቤጻ አቱማ ናኣ የላናዉኑ። 14አ የለታን ናሸታይነ እሻሉ ነዉ ሀናናዋ፤ ጮራቱካ እ የለቶ ድራዉ ሀሹ ጋናዋንታ፤ 15እካ ጎዳ ስንን ዳራ ግዳናዋ። ማይያ ዎይንያ ኡሻ ግዶ ሀራ ማይያ ኡሻ አይነ ኡሸና፤ ባረ ዳይ ኡሉዋን ደእሽን አያና ጌሻይ አን ኩማናዋ።#ፓይ. 6:3
16“እስራኤልያ አሳቱዋፐካ ጮራቱዋ ኡንቱንቱ ጎዳ ጾሳኮ፥ እ ዛራናዋ። 17እካ ጊገና አሳ ጎዳዉ ጊግሳናዉ፥ አዎቱዋ ዎዛና ናናቱዋኮ፥ አዛዘተናዋንታካ ጽሎተ ኤራኮ ዛራናዉ፥ ኤላሳ#1:17 ኤላሳ፦ ሀዌ ጌተቴዳዌ፥ ካሰ ኤጫ ጫቁዋ ማጻፋን ናብያ ኤላስ ኦራባ ኦያ ዎልቃን ኤረቴዳዋ ድራሳ። አያናንነ ዎልቃን ጎዳፐ ስንና ቤ።”#ሚልክ. 4:5፣ 6
18ዛካራስካ ኪታንቻ፥ “ታን ጭማድ፥ ታማቻታካ ባረ ላይን ሱጌዳዉኖ፥ ሀዋ ታን አያን ኤራንታ?” ጌዳ።
19ኪታንቻይካ ዛሪደ፥ “ታን ጾሳ ስንን ኤቂያ ጋብሬላ፤ ሀዋ ምሽራቹዋ ነዉ ኦዳናዉ ኔኮ ኪተታድ፤#ዳኔላ 8:16፤ 9:21 20ሄኮ ሄ ዎድያን ሀናና ታ ቃላ ነ አማናቤና ድራዉ፥ ሀ የዉ ሀናና ጋላሳይ ጋካናዉ ኔን ዱደ ግዳናሳ፤ ሃሳያናዉካ ዳንዳያካ” ጌዳ።
21ሄ ዎደ አሳይ፥ ዛካራስ ጌሻ ጎልያፐ ከሰናን አያዉ ጋምኤደንቶ ማላለቲደ ናጊኖ። 22ከሴዳ ዎድያንካ ሃሳያናዉ ዳንዳይቤና፤ ጌሻ ጎልያን ሳፃ እ በኤዳዋ አኬኬድኖ፤ እካ ሃሳያናዉ ዳንዳይቤናዋ ጾርስ በሲደ፥ ዱደ ግዲደ ደኤዳ።
23ዛካራስካ ባረ ኦሱዋ ዎድያ ዉርሶ ዎደ፥ ባረ ጎለ ስሜዳ። 24ሄዋፐ ጉይያን አ ማቻታ ኤልሳቤጻ ሻሃራደ እቼሹ አገና ባረና ገንዱ። 25ኤልሳቤጻካ፥ “ታ ቶሽያ አሳ ግዶፐ ድጋናዉ#1:25 ታ ቶሽያ አሳ ግዶፐ ድጋናዉ፦ አስና ገሌዳ ምሽራታ ናኣ የለናን አቶፐ፥ እስራኤልያ አሳ ቆፋን፥ “ጾሳይ እዞ ሙር ደኤ” ያገታዉ። ጎዳይ ባረ ማሮተን ታና ጼሎ ዎደ፥ ሀዋዳን ታዉ ኦዳ” ጋዱ።
የሱሳ የለታይ ካሰቲደ ኦደቴዳ
26ኡሱፑን አገናን ጾሳ ኪታንቻ ጋብሬል ጋሊላ ጋድያን ናዝሬተ ካታማ 27ዳዊታ ያራፐ ግዴዳ ዮሴፎ ጌተትያ ብታነዉ ኦሸታ ቃሸቴዳ ዎዶራትኮ ጾሳ ማታፐ ኪተቴዳ፤ ዎዶራት ሱንይካ ማይራሞ ጌተቴ።#ማቶሳ 1:18 28ኪታንቻይካ ማይራምኮ ዪደ፥ “ዳርሳደ ዶሰታዉኔ፥ ሳሮተይ ነዉ ግዶ፤ ጎዳይካ ኔናና ጋ ደኤ፤ ኔንካ ማጫዋንቱ ግዶን አንጀቴዳዉኖ”#1:28 ኔንካ ማጫዋንቱ ግዶን አንጀቴዳዉኖ፦ ሀ ቆፋይ በን ጭሜዳ ግሪክያ ማጻፋን ባይናዋ ግድያ ድራዉ፥ እት እት እንግልዜዋንነ አማራዋ ማጻፋንካ ባዋ። ያጌዳ።
29ማይራማካ አ ሃሳያፐ ደንዶዋን ዳርሳ ዳጋማደ፥ “ሀዌ አያ ማላ ሳሮታ ግዳኔ” ጋደ የዉዋ ቆፓዱ። 30ኪታንቻይ እዞ፥ “ሀነ ማይራሜ፥ ጾሳ ማታን ሳባ ደማዳ ያዮፓ። 31ኔን ሻሃራደ፥ አቱማ ናኣ የላናሳ፤ አ ሱንካ የሱሳ ጋናሳ።#ማቶሳ 1:21 32እካ ዳራ ግዳናዋ፤ ኡባፐ ቃ ጾሳ ናኣ ጌተታና፤ ጎዳ ጾሳይ አ አቡ ዳዊታ ካዉተ ኦይድያ አዉ እማናዋ። 33እካ ያቆባ ጎለን መናዉ ካዉታናዋ፤ አ ካዉተዉካ ዉርሰይ ባዋ” ያጌዳ።#2 ሳሜላ 7:12፣ 13፣ 16፤ ኢሳ. 9:7
34ማይራማካ ኪታንቻ፥ “ታን ዎዶራቶ ግዶ ድራዉ፥ ሀዌ ዎት ሀናናዌ?” ያጋዱ።
35ኪታንቻይካ ዛሪደ እዝዉ፥ “አያና ጌሻይ ነ ቦላ ያናዋ፤ ቃ ጾሳ ዎልቃይ ኔናን ሸምፓናዋ። ሄዋ ድራዉ፥ ኔፐ የለትያዌ ጌሻ ጾሳ ናኣ ጌተታና። 36ነ ዳባታ ኤልሳቤጻ ባረ ጭማተ ዎድያን አቱማ ናኣ ሻሃራዱ። ማን ጌተቴዳዉና ኤልሳቤጻ ሻሃሮደፐ ኡሱፑን አገና ኦይቃዱ። 37ጾሳ ጾንያ የዉ ባዋ”#ዶመ 18:14 ያጌዳ።
38ማይራማካ፥ “ታን ጎዳ አይላቶ፤ ኔን ጎዋዳን ሀኖ” ጋዱ። ሄዋፐ ጉይያን ኪታንቻይ እዝ ማታፐ ቤዳ።
ማይራማካ ኤልሳቤጾ ኦቻናዉ ባዱ
39ማይራማካ ሄ አገና ግዶን ደንዳደ ክል ዞዘትያ ይሁዳ ጋደን ደእያ እት ካታማ ኤሌላ ከሳዱ። 40ዛካራሳ ጎለ ገላደ ኤልሳቤጾ ሳሮታዱ። 41ኤልሳቤጻካ ማይራም ሳሮታ ስሴዳ ዎደ፥ እዝ ኡሉዋን ደእያ ሻሃራይ ጉፔዳ፤ ኤልሳቤጻካ አያና ጌሻን ኩማዱ። 42ባረ ኮሻካ ቁ ኦደ፥ “ኔን ማጫዋንቱ ግዶፐ አንጀቴዳዉኖ። ኔፐ የለትያዌካ አንጀቶዋ። 43ኔን ታ ጎዳ ዳያ ታኮ ያናዉ ታን ኦኔ? 44ሄኮ ነ ሳሮታ ኮሻይ ታ ሀይን ስሰቴዳ ዎደ፥ ታ ኡሉዋን ደእያ ሻሃራይ ናሸቻን ጉፔዳ። 45ጎዳይ ፖለቴ ጊደ እዝዉ ኦዴዳዋ አማኔዳዉና እዛ አንጀቴዳዉኖ” ያጋዱ።
ማይራም ጋላታ የ
(1:46-53)
46ማይራማካ፥
“ታ ሸምፓታ ታ ጎዳ ቦንቻዉ፥
47ታ አያናይካ ታ ጾሳ፥ ታ ልያን፥
ሎይ ናሸታዉ።
48እካ ባረ አይላት ቶሽያ ጼሌዳ።
ሀቼፐ ዶሚደ የለታይ ኡባይ
አንጀቴዳዉኔ ጊኖ።
49ዎልቃማ ግዴዳ እ፥
ዳሮ የዉዋ ታዉ ኦዳ፤
አ ሱንይካ ጌሻ።
50አ ማሮታይ ያይያዋንቶ፥
የለታፐ የለታይ ጋካናዉ ደኤ።
51ባረ ዎልቃን ምኖ ኪታ ኪተቴዳ፤
ባረንቱ ዎዛና ቆፋን ኦቶረትያዋንታ፥
ላሌዳ።
52ሞድያዋንታ ካዉተ ማታ ኦይድያፐ ዎዳ፤
አሽካቱዋካ ቃይ ቁ ቁ ኦዳ።
53ኮሻቴዳዋንታ ሎኦ የዉዋን ካልሴዳ፤
ዱራቱዋ ቃይ መላ የደርሴዳ።
54ባረ ማሮተ ቆፒደ፥
ባረ አይልያ እስራኤልያ ማዴዳ።
55ኑ አዋቶ እ ኦዴዳዋዳን፥
አብራሃመዉነ አ ያራዉ ጌዳዋ፥
መናዉ ናጋና ድራሳ”
ያጋዱ።
56ማይራማካ ሄዙ አገና ኬና ኤልሳቤጽ ማታን ጋምኦዋፐ ጉይያን ባረ ጎለ ስማዱ።
ጻማቅያ ዮሃንሳ የለታ
57ኤልሳቤጽዉካ የልያ ዎዲ ጋክና፥ አቱማ ናኣ የላዱ። 58እዝ ሾራቱነ እዝ ዳቦ ግዴዳዋንቱ፥ ጎዳይ ማሮተ እዝዉ ኦዳዋ ስሲደ እዝና እትፐ ናሸቴድኖ።
59ሆስፑን ጋላሳን ናኣ ቃጻራናዉ ዬድኖ፤ አ፥ አዉዋ ሱንን ዛካራሳ ጊደ ሱንናዉ ኮዬድኖ።#ዎጋ 12:3 60አ ዳያ ቃይ፥ “ሀነና፥ ዮሃንሳ ጌተታናዉ ኮሼ” ያጋዱ።
61ኡንቱንቱካ እዞ፥ “ነ ዳባቱዋፐ ሀቼ ጋካናዉ እቱካ ሀ ሱንን ጼሰትቤና” ያጌድኖ።
62አ አባ፥ ኦና ግያ ሱንን ጼገታናዉ ኮይንቶ ጾርስ ኦቼድኖ።
63አ አቡካ ጻፍያባ ኦች አኪደ፥ “ናኣ ሱንይ ዮሃንሳ” ጊደ ጻፍና፥ ኡባቱካ የዉዋን ማላለቴድኖ። 64ሄዋንካ ዛካራሳ ዶናይ ዶየቴዳ፥ አ እንጻርሳይካ ብለትና ሃሳያ ዶሜዳ፥ ጾሳካ ጋላቴዳ።
65አ ሾራቱካ ደኢያሳ ኡባን ያሻን ኩሜድኖ። ሀ የዉካ ዞዘትያ ይሁዳ ጋድያ ኡባን ዳሪ ሃሳየቴዳ። 66ሀዋካ ስሴዳዋንቱ ኡባቱ፥ “ሀ ናአይ አያ ግዳኔሻ?” ያጊደ የዉዋ ባረንቱ ዎዛናን ኦይቄድኖ፤ ጾሳይካ አናና ደእያዋ ኤሬድኖ።
ዛካራሳ ጋላታነ ትምቢትያ ኦዱዋ
67ዮሃንሳ አቡ ዛካራስ አያና ጌሻን ኩሚደ ትምቢትያ ያግ ኦዴዳ:
68“እስራኤልያ ጎዳይ ጾሳይ አንጀቶ፤
ዪደ ባረ አሳ ጾሞሴዳነ ዎዜዳ።
69ባረ አይልያ ዳዊተ ጎልያን፤
ዎልቃማ አሽያዋ ኑዉ ጊግሴዳ።
70ሀዌካ በን ጎዳ ጌሻ ናባቱዋ ዶናን ኦደቶዋዳን፥
71እ ኑና፥ ኑ ሞርከቱዋፐነ፥
ኑናና ኤቀትያዋንቱ ኩሽያፐ አሻናሳ።
72ሀዋካ እ ኦዳዌ፥ ኑ አዋቶ፥
ማሮተ በሳናሳነ፥
ባረ ጌሻ ጫቁዋ ዎዛና አናሳ።
73ኑ አዉዋ አብራሃሞ፥
ጫቄዳ ጫቁዋ ቆፓናዉ፥
74ኑ ሞርከቱዋ ኩሽያፐ ከሲደ፥
ያሻይ ባንታን አዉ ኦናዳን፥
ማታ ኑዉ እሜዳ።
75ሀዌኔካ፥ ኑና ኑ ዎድያ ኡባን፥
ጌሻተንነ ጽሎተን፥
ባረ ስንን ኤሳና ድራሳ።
76ዛሪደካ፥ ኔኖ፥ ታ ናአዉ፥
ቃ ጾሳ ናብያ ጌተታናሳ፤
ኦግያ ጊግሳናዉ ጎዳፐ ስንና፥
ባናሳ።
77አሳ ናጋራ ማርያ አቶተ ኤራ፥
ኡንቱንቶ እማናሳ።
78ሄዌካ ክልፐ ዬዳ ፖኡ፥
ኑና ጾሞሴዳዌ፥
ኑ ጾሳ ማሮተነ ቃረታ ጋሱዋና።
79አ ፖኡካ ማንነ ሀይቁዋ ኩዋን፥
ኡቴዳዋንቶ ፖእሴ፤
ኑ ገድያካ ሳሮተ ኦግያን ሱርሴ።”
80ናአይካ ድጪደ፥ አያናን ምኔዳ፤ እስራኤልያ አሳዉ ቤቴዳ ጋላሳይ ጋካናዉ መላ ቢታን ደኤዳ።
Currently Selected:
ሉቃሳ ምሽራቹዋ 1: DFBE
Highlight
Share
Copy
Want to have your highlights saved across all your devices? Sign up or sign in
The Word for the World Ethiopia
