Exode 14
14
Mbizhè a ndev iyam mbiaʼa nduzoa
1A Ndo nzi pèc pècèk a ngaɗa na Moise: 2Gada ta ndohi Israel, aman ta ngwodko gèɗ a deɓa, a ta manahi te Pi-Hahiroth, te ndev Migdol a ma iyam mbiaʼa, zuraʼa a Baal-Tsephon. Va-manahi a ma iyam mbiaʼa. 3Pharaon a da hérè a gèɗ ndohi Israel, a gada: Ta zlak ta tʼhèshèkèɗ, a ngalka ta pa. 4A i woy a i sassaya ndav Pharaon, a nhi a verzi tengaʼa, a i ngreda nʼnjèl ga auda a sam nengaʼa, a sam ndohi var nengaʼa tèlèba. Ndohi Egypte sèi ta da suna, i Ndo nzi pèc pècèk. A ndohi Israel ta gu arsa.
5Aman ta ngra na bi Egypte, ndohi ta hu ta ma, ndav Pharaon a golahi nengaʼa a nʼngwode na, a géɗ ndohi Israel, a ta gada: Nga ge be mè, aman nga va ta civèɗ a ndohi Israel, a ta da ga nga mizlinè asaɓai. 6A mʼmanda kiki var a verzi plèsh, a nhel ta golahi nengaʼa a nda nengaʼa. 7Kiki var 600 mbelaʼa te va kiki var Egypte tèlèba, a ndohi var te kiki staɗ staɗ tèlèba. 8A Ndo nzi pèc pècèk a nsassaya ndav Pharaon, bi Egypte, a nhi a verzi ndohi Israel. Aman ndohi Israel to do ta, a ri Zhiklè nzlatsa, a mɓer ta. 9A ndohi Egypte ta hu a verzi ta aranta, a ta ngats ta, ta mana a ma iyam mbiaʼa, plèshi kiki var tèlèba, a ndohi a deb plèshi, a ndohi var Pharaon – te Pi-Hahiroth, zuraʼa a Baal-Tsephon.
10Aman Pharaon ndul ndul ma, ndohi Israel ta ngul dai, a ta rka ndohi Egypte ta a verzi tengaʼa, a ta gu zlau a vata. A ndohi Israel ta kuɗi a sam Ndo nzi pèc pècèk, 11a ta gada na Moise: Gi dzavi te kokwar Egypte azɓi dè, aman a ka helka nga auda a hèshèkèɗ, a nga da bèzl nga a haha? Ka ga nga ar sata mè, a ka helka nga auda te kokwar Egypte! 12A matsa te kokwar Egypte nga gada ka bi dè: Jèke nga! Nga woy a nga ga ta mizlinè a ndohi Egypte. Dara nga ga ta mizlinè a ndohi Egypte, a géɗ man nga bazl nga tʼhèshè-kèɗ. 13A Moise a ngaɗa ta ndohai: Kin gu zlau bai, va-nza taraʼa, a kin rka ara man Ndo nzi pèc pècèk a da mbel kinè a patsna. Ara man kin rka ta ndohi Egypte antanta, kin da rka ta te deɓaʼa asaɓai. 14Ndo nzi pèc pècèk a gi var te di man a kinè, a kinè, va-nza tètè.
15A Ndo nzi pèc pècèk a ngaɗa na Moise: Ka kuɗ mè? Gada ta ndohi Israel, a ta slèmbèɗè. 16Ka, Zlatseda ri a gada a zhiklè, gudo ri ngaya a géɗ woyam mbiaʼa, ngela iyam te va, a ndohi Israel ta tawaɗaʼa a sam ngworaʼa. 17I woy a i sassaya ndav ndohi Egypte, a ta hi a verzi tengaʼa, a i ngreda nʼnjèl ga auda a sam Pharaon, a sam kiki var nengaʼa, a sam ndohi plèshi nengaʼa. 18A ndohi Egypte ta da suna, i Bi Zhiklè, aman i ngreda nʼnjèl ga auda a sam Pharaon, a sam kiki var nengaʼa, a sam ndohi plès nengaʼa.
19A gol Zhiklè man a ndo a ma ndohi var Israel, a nslambaɗa, a mdo a verzi tengaʼa. A vani njèraʼa ba a ndo auda a ma, a mʼmenkaɗa deɓa, 20a nʼnza a ndev ndohi var Egypte, a ndohi var Israel. A vani a mʼmadz na te civèɗ ngiɗè, nhela te civèɗ ngiɗè, a ndohi Israel ta beza a pa, a vad, a vad tèlèba, ngiɗè a rka ngiɗè bai, ngiɗè a rka ngiɗè bai.
21A Moise a ngudo rai a géɗ woyam, a Ndo nzi pèc pècèk a ngoko kozlar mbiaʼa te civèɗ nkèl pats, a vad tèlèba, a woyam ngwor na, a iyam a ngelna te va cèw. 22A ndohi Israel to do a pa a ta tawaɗa a sam ngworaʼa, a iyam a gu ngela va a ri gula, ngela va a ri mandai. 23A ndohi Egypte ta hu a verzi ta, to do a pa a verzi tengaʼa, plèshi Pharaon tèlèba, kiki var nengaʼa, a ndohi plèsh nengaʼa, tèlèba te ndev iyam mbiaʼa. 24A prèk Ndo nzi pèc pècèk a mpaka di a hi a géɗ ndohi Egypte, te va vani njèraʼa, a mpa ta zlau a géɗ a ndohi Egypte tèlèba, 25a sak kiki mprosl na aussa, to do a ma a ma a wuɗi a va. A ndohi Egypte ta gada: Ngohokoy nga auda a sam ndohi Israel; aman Ndo nzi pèc pècèk a gi var a ndohi Egypte te di man a tengaʼa. 26A Ndo nzi pèc pècèk a ngaɗa na Moise: Gud rai a géɗ iyam mbiaʼa, a iyam a nshkè a deɓa, a mpizl ta ma ndohi Egypte a pa, a kiki tengaʼa, a plèshi tengaʼa. 27A Moise a ngudo ri a géɗ iyam mbiaʼa, te nciɗ sam, iyam a mʼmenkaɗ na a pa, a hai, a ndohi Egypte ta menkaɗa deɓa a civèɗ iyam, a Ndo nzi pèc pècèk a ndzam ta ndohi Egypte a va iyam. 28A iyam a hi a deɓa, a mpizl ta ma a pa a kiki a ndohi plèsh a ndohi var Pharaon, man ta hu a verzi ndohi Israel, te iyam mbiaʼa. Ko staɗ njèka a nshèffè ɓai. 29Aman ndohi Israel ta beza a matsa a ndev woyam a sam ngworaʼa, iyam nʼngela te va cèw, te man a ri gula, te man a ri mandai, ara zlazlar.
30Aranta Ndo nzi pèc pècèk a mʼmbel Israel a pats sa, te ri ndohi Egypte, a Israel a nrka nckondohi Egypte a ma iyam mbiaʼa. 31Aman ndohi Israel ta rka, ara man Ndo nzi pèc pècèk a ngreda wuɗi ri nengaʼa auda a sam ndohi Egypte, ndohi ta gu zlau Ndo nzi pèc pècèk, a ta co a ndav; a ta co ma Moise, ɓèl na.
Currently Selected:
Exode 14: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
