Exode 11

Nhodko ma mʼmetsi tsuvomhai

1Te deɓaʼa Ndo nzi pèc pècèk a ngaɗa na Moise: Njèkè matakwan staɗ man i woy a i ga na Pharaon, a ndohi Egypte. Te deɓaʼa a da va kinè civèɗ, a dzam kinè a skwi kinè tèlèba. 2Gada ta ndohai, ta jhèdè skwi wi verzhègenè a guro te ri nslamagihi ta. 3A Ndo nzi pèc pècèk a mva ta pombai a sam ndohi Egypte, a Moise ba ndo mbiaʼa te kokwar Egypte, a sam golahi Pharaon, a sam ndohi tèlèba. 4A Moise a mindè ma man Ndo nzi pèc pècèk a goɗkoɗa: A géɗ vad i da bizhè a ndev kokwar Egypte; 5a i da bazl ta tsuvomhi tèlèba, a hinè a sam tsuvom Pharaon man a nzi a géɗ sam nʼnzi bai, a ndè a sam tsuvom ɓèlè man a shidè, a tsuvom skwi kudom tèlèba. 6Wobau mbiaʼa a da zhè te kokwar Egypte tèlèba, ara man ta tsena zlèzlèa ɓai, ko pats ngiɗè ba a da gi arsa azɓai. 7Aman a sam ndohi Israel, ko mbkwè kda ba, azɓai. Ko a sam ndohai, ko a sam skwi kudom, a kin da suna, Ndo nzi pèc pècèk a nkezla ndohi Egypte te va ndohi Israel. 8Te deɓaʼa ndohi ngaya haha ta da shkè a sam ga, ta da kèlèhi a deb sak ga, a ta gada: Jè-keɗa kokwar haha, kinè a ndohi ngaya tèlèba – te deɓaʼa i woy a i dè. A Moise a njèkeda gi Pharaon a pa a ndav.

9A Ndo nzi pèc pècèk a ngaɗa na Moise: Pharaon a da cinè ma kinè azɓai, ko i gu nrkedi ga kumba te kokwar Egypte. 10A Moise a Aaron ta gu nrkedi haha tèlèba a sam di Pharaon; aman Ndo nzi pèc pècèk a nsassaya ndav Pharaon, a Pharaon a mva ta civèɗ a ndohi Israel ɓai, aman ta jèkeda kokwar nengaʼa.

Currently Selected:

Exode 11: MOF89

Highlight

Copy