MATEYO 24

1YI Yisu akabatuka yi akancuka ku tempelo ; yi beyi banci bakalwa kudiyi kulwa mwebesa ncibo mioso ya tempelo. 2Yi yei akabambila ene, Nonu kanwamona bintu bebi bioso ? Nwatôyela sôsôlwo ene, Dibwe kadinaxiyibwa kunu kulu kwa dibwe, ditasoponexebwa paxi.

3Yi pakaxikamayi ku lupongo lwa Olife, pakalwa beyi banci kudiyi ku busoko ene, Utwambilipo, bintu bebi binakala diba kai ? kinani lolo kidi kilayixilu kia kulwa kwebe yi kia ku sula kwa mwociya ou ?

4Yi Yisu akabapingasa ene, Nutebeli, muntu kanuungixi. 5Bwalo bunalwa bantu bangi mu dina diamene ene, Meme ndi Kalistu, yi banaungisa bantu bangi. 6Yi nunakwombwa dia mbita yi ngindu ya mb ta. Nutebeli, kanunyingix bwi ; bwalo bunapona bintu bebi bioso ; kaninga kipwilu kikidi kakifikili. 7Bwalo bunatombkoyela bubila bubila, yi bufumu bufumu ; yi nkombo ya ncala yinalwa yi matepa a loboko ku bidi binga. 8Kaninga bintu bebi bioso bidi bubangabanga bwa loenu.

9Kunyuma kunanulongolabo ku kukolomonebwa, yi bananuxipa ; yi nunanyananibwa kudi mabila moso ku mucwe ă dina diamene. 10Kunyuma bantu bangi banaponexebwa, yi banakwengañana yi bananyañananana. 11Yi badimuxi bangi ba mancanga banakwemana banaungisa bantu bangi ; 12yi bwalo bunalelañana kwona, nyinga ya bantu bangi yinapola ; 13kaninga you unakala amakwemana pôi ku kipwilu unapandixibwa. 14Yi losangu lolu lunengela lwa bufumu lunakwambidibwa ku bungi bwa loboko, ndo kutôbôlela mabila moso ntôbô ; yi kunyuma kunalwa ku sula.

15Mbwôso panunamona yangonye ya lusancu, yamatôyebwa kudi Danyele mudimuxi, yamakwemana mu kidi kia babala, (you abala alubukwi), 16bobo lolo batani mu Yudiya bacini ku mpongo ; 17you utani pelu pa ncibo kapweki munda ndo kuncula bintu mu ncibo ; 18you utani mu kibidi kapinani kulwa angata kifunda kienci. 19Kaninga mpeya kudibo badi yi mafu, yi kudibo banusa bana ku matuku yia. 20Nulombeli lolo ene, kicininu kienu kakiakadi ku ngondo ya maxika ndo ku sabado ; 21bwalo bunakala mpeya mungi utalubukibwa pôi bubangabanga bwa loboko pôi nkyekyu, yi kanakala i nako kabidi nyô. 22Kutena matuku yia amaxikixibwa, kakuxepandixibwa munyu mwoso ; kaninga ku mucwe ă basungudibwi kunaxikixibwa matuku yia.

23Ku kikondo kieki ndo muntu unanutôyela ene, Mona, kunu kudi Kalistu, ndo koku, kanwetabuxi.

24Bwalo bunakwombuluka baKalistu ba mancanga, yi badimuxi ba mancanga, banakwebesa bilayixilu binene yi bikamakama, bixeungisabo (ximbi bamalubukwa nako) isa basungudibwi mikyeabo. 25Mona meme namanudimusa buxi, 26Mbwôso ndo bananutôyela, ene, Mona yei udi mu mbata a kisobe, nonu kanubatuki ; mona, udi mu ngumbu munda, kanwetabuxi. 27Bwalo bunakala kilulu kia Mwana a Muntu bea luna kapenya kadika kulolwa munyinya kalumuka kuyeya munyinya. 28Kwoso kutani nyama mufu, koku kunasangila mpungu ya kulu.

29Kaninga mo nkyekyu, kunyuma kwa mpeya a matuku yia, kunapindixibwa diba, yi ngondo kanateka mwexi ănci paxi, yi mitoto yinapona ku diulu, yi bikupu bia diulu binanyingixibwa. 30Yi ku kikondo kieki kunamoneka kilayixilu kia Mwana a Muntu mu diulu, yi bungi bwa mabila a loboko anadila lolo, yi banamona Mwana a Muntu ulolwa pa mabaxi a diulu yi ngulu yi dikai dingi. 31Yi unatuma bangele banci yi diyi dinene dia mpungi, yi banakokyeya basungudibwi banci ku mpepele inai, pôi ku sula kwa diulu pôi ku sula kunga.

32Mo nweyi mwele kudi kikuyi kia maxika. Panakala dibunca dienci diamalwa kulebela nkyekyu, yi ditanamena malwa, nwalubukwa ene, ngondo ya minyinya itani pepe. 33Mo nako nonu kabidi, panunamona bintu bebi bioso, nulubukwi ene, kudi pepe isanga ku mbelo. 34Nwatôyela sôsôlwo ene, Mwociya ou kaunadika buxi bunakala bintu bioso biamafikixibwa bebi noku. 35Diulu yi loboko binadika, mo meyi amene kanadika pô. 36Kaninga kakuna muntu amalubukwa dia dituku dedi ndo dia ola you, kumoni isa bangele ba mu diulu, mo Tete mutupu.

37Kaninga bea biakadi matuku a Noa, binakala kabidi kilulu kia Mwana a Muntu. 38Byekyene biakadibo ku matuku akadi buxi bwa muyi, bakadi mu kudya yi kunwa, bakadi mu kwangata mabakwa yi kupa mabakwa, pôi dituku diakabwela Noa mu kibusu, 39yi bakadi kabasolubukwa biakalwa muyi ăkabancula bungi bwabo ; mo nako kabidi kunakala kilulu kia Mwana a Muntu. 40Ku kikondo kieki kunakala babidi mu kibidi, umoumwe amancudibwa, munga amasala ; 41babakaxi babidi banacwañana ku kinu, umoumwe amancudibwa, munga amasala. 42Mbwôso nutebeli, bwalo bunutasolubukwa pa diba dinalwa Fumwenu.

43Kaninga nulubukwi ene, ximbi fumu a ncibo amalubukwa pa kilo kia tulu kixelwa mwefi, uxetebela, kaxelekyela ncibo anci ndo kutubudibwa. 44Mbwôso nonu kabidi nwakali loko, bwalo bulolwa Mwana a Muntu ku ola unutasokwela lukanyi.

45Ñani lolo udi musadi ou a kibaku yi lukanyi, amateka fumwanci kulu mu ncibo anci, ndo kubapa bidya ku kikondo ? 46Mulwangwasanibwi musadi you, unasañana fumwanci palolwayi, udi mu kwenca noku. 47Nwatôyela sôsôlwo ene, unamuteka kulu kwa bima bienci bioso.

48Kaninga ndo musadi mubi you unatôya munda mwa mucima ănci ene, Fumwami utanaxitaxita pa kulwa, 49yi unabanga kukuma bena kwanci, yi kudya yi kunwa yi bena nkolwa ya malufu, 50fumu a musadi you unalwa ku dituku ditasodingilayi yi pa ola utasolubukwayi, 51yi unamukuma bongonco yi unamutambila kidi kienci yi bena mancanga ; koku kunakala bidilu yi kukuya kwa meno.

Currently Selected:

MATEYO 24: Luna_NT

Highlight

Copy