MATEYO 23

1KU kikondo kieki kwakakwambila Yisu bimbukuma yi beyi banci 2ene, Bafundi ba mikanda yi baFalixi bamaxikama mu nkwasa a Mosese ; 3mbwôso bintu bioso binwatôyelabo, nubikisi, nubinami. Kaninga kanwelekyexi makisa abo, bwalo bwatôyabo yi kabasokisa ; 4kaninga basuka malo a maxitu adi kukola kucwala, yi babaka kulu kwa makyepa a bantu, kaninga mikyeabo kabana-endesa isa yi lulembu Iwabo. 5Mo bencenca makisa abo moso ndo kumonebwa kudi bantu ; bwalo bwencencabo filakatele minene, yi balundisa miembangi ya bilamba biabo, 6bananga lolo kidi kia kulu ku mbaki yi nkwasa ya ku buxi mu bixingidilu, 7yi kunemekyebwa ku mabanca a bisalu, yi kubikidibwa kudi bantu ene, Labi, Labi.

8Kaninga nonu kanubikidibwi ene, Labi ; bwalo budi muntu umoumwe Mweyexi enu ; yi nonu bungi bwenu badi bana ba tete. 9Yi kanubikidi muntu tetenu paxi ; bwalo budi umoumwe Tetenu, You utani mu diulu. 10Kanubikidibwi kabidi ene, baxiyi, bwalo budi umoumwe muxiyi enu, Kalistu. 11Kaninga you adika munene kunudi, unakala musadi enu. 12Yi muntu mwoso unadibandisa mikyenci unapwexebwa, yi muntu mwoso unadipwesa mikyenci unabandixibwa.

13-14Mo mpeya kunudi, bafundi ba mikanda yi baFalixi, bena mancanga, bwalo bunwabukila bufumu bwa diulu ku mpala ya bantu ; bwalo bunutasobwela nonu, yi kanusobwesa bantu baxebwela munda.

15Mpeya kunudi bafundi ba mikanda yi baFalixi bena mancanga, bwalo bunwatanga mai yi mbata ndo kutulola muntu abene umoumwe akali buna Yuda, yi panakala amakulumuka, nonu numwalekolesa yi mwosambu ă mwana a dilundu, biamanudikayi mikyenu.

16Mpeya kunudi bax yañani ba mafofo, batôya ene, Muntu mwoso unateya kiteyi kia tempelo, kidi kanana ; kaninga muntu mwoso unateya kiteyi kia ôlo ă tempelo, udi muna mbata. 17Badibi yi bafofo, kintu kai kiamadika, ndo ôlo ? sungu tempelo amateka ôlo babala ? 18Yi muntu mwoso unateya kiteyi kia kilongolelu, kidi kanana ; mo muntu mwoso unateya kiteyi kia dilongi didi kulu kwakio udi muna mbata. 19Bafofo, kiñani kiamadika, ndo dilongi ? sungu kilongolelu kiamateka dilongi babala ? 20Mbwôso you ateya kiteyi kia kilongolelu, amateya kiteyi kia kieki noku yi bintu bioso bidi kulu kwakio. 21You lolo ateya kiteyi kia tempelo, amateya kiteyi kia you noku yi kia you apwakala momu. 22Yi you ateya kiteyi kia diulu amateya kiteyi kia lukwasa lwa Ncembi, yi kia you amaxikama papo.

23Mpeya kunudi bena mikanda, yi baFalixi bena mancanga bwalo bunwalambula mulambu ă minti yi anise yi kumini, yi nwamakadeya mambi a bwadi adika buxitu, kusambola, yi mwengo, yi kwetabusa ; nuxekwenca aa noku kutena kukadeya yia. 24Baxiyanani ba mafofo bankankamanina lubembeli kaninga bamina xamo.

25Mpeya kunudi bena mikanda yi baFalixi, bena mancanga, bwalo bunwakusula kunci kwa mpamba yi kwa dilonga, kaninga munda mwamakwolubila yi bukitu yi nkolwa. 26MuFalixi a bufofo, kusula munda mwa mpamba buxi, yi mwa dilonga, bixekusuka kunci kwabio kabidi.

27Mpeya kunudi, bena mikanda yi baFalixi, bena mancanga bwalo bunulexi yi luna nkita yamasusudibwa, yamoneka yi lwoxixi kunci, kaninga yamakwolubila munda yi mifwa ya bafu yi mbindu mioso. 28Mo nako nonu kabidi, kunci nwamoneka yi nkwami ku meso a bantu, mo nwamakwolubila munda yi mancanga yi bubi.

29Mpeya kunudi, bena mikanda yi baFalixi, bena mancanga, bwalo bunwabaka abaka nkita ya badimuxi yi nwabongesa nkita ya bena nkwami, 30yi nwatôya ene, Ximbi coco twakadi paxi ku matuku a batetecu, katuxesangilañana yinabo ku maxi a badimuxi. 31Mbwôso nwamaditôbôlela mikyenu, ene, nudi bana babo ba bantu bakaxipa badimuxi. 32Nwombudisi, nonu lolo, Iwedi lwa batetenu. 33Nyoka, bana ba matulambwa, nunalubukwa kupanda lopelo lwa dilundu beci ?

34Mbwôso numoni, meme nakunutumina badimuxi yi bena bwinu yi bafundi ba mikanda ; yi banga nunabonda yi nunabakopeka ku nkulusu, banga lolo nunabakuma mu bixingidilu bienu, yi nunabakolomona pôi bula bumobumwe pôi bunga ; 35bixenulula maxi moso a nkwami amacakibwa paxi, pôi maxi a Ebele a nkwami pôi ku maxi a Sakalia mwana a Balakia, unwakaxipa pakacikaci pa tempelo yi kilongolelu. 36Nwatôyela sôsôlwo ene, Bintu bebe bioso binalwa pa mwociya ou.

37Yelusaleme, Yelusaleme, axipa xipa badimuxi, ubelela bobo mabwe bamatumibwa kudi, matuku mangi nxekokyeya bana bebe bea biakokyeya ncolo twana twanci muxi mwa bipambwi bienci ; yi nonu nwamanyañana. 38Numoni, ncibo enu amanukalemena kanana ; 39bwalo bunwatôyela ene, Kanunangumona pô pôi nkyekyu pôi kikondo kinunatôya ene, Mulwangwasanibwi you ulolwa ku dina dia Yeoba.

Currently Selected:

MATEYO 23: Luna_NT

Highlight

Copy