MATEYO 25

1KU kikondo kieki kunakwelekyexebwa bufumu bwa diulu bea luna mixika disangi, bakangata minda yabo, bakabatuka kuya pomana yi mwangaci a dibakwa. 2Batano yinabo bakadi yi bwilwa yi batano bakadi yi lukanyi. 3Bena bwilwa pakangatabo minda yabo bakadi bakasocwala manyi yinabo ; 4mo bena lukanyi bakacwala manyi mu mpamba yabo yi minda yabo. 5Pakakunga mwangaci a dibakwa, bakapungila bungi bwabo yi bakalala tulu. 6Kaninga pakacikaci pa butuku pakadi mulolo ene, Numoni mwangaci a dibakwa ; nubatuki kuya pomana yinanci. 7Yi mixika yei mioso yakabika, yakacecela minda yabo. 8Yi bena bwilwa bakatôyela bena lukanyi ene, Nuputi manyi enu bwalo butanancimina minda yecu. 9Mo bena lukanyi bakapingasa ene, Kañana, ximbi kaxekuka yi cpco yi nonu kabidi. Nubeya kudibo bodisa odisa, nudiodili mikyenu.

10Kaninga pakancukabo kuya ola, pakalwa mwangad a dibakwa ; yi bobo bakalungikibwa bakaya bwela yinanci ku lubaki lwa dibakwa, yi mbelo akancibikibwa. 11Kunyuma kwakalwa minga mixika kabidi, ene, Fumu, Fumu utudipudili. 12Kaninga yei akapingasa ene, Nwatôyela sôsôlwo ene, Kisonulubukwa. 13Mbwôso nutebeli bwalo bunutasolubukwa ndo diba ndo ola.

14Bwalo budi luna muntu akaya ku munga mbata, akabikila basadi banci yi akabalonga bima bienci. 15Kudi muntu umoumwe kwakapayi talente itano, kudi munga ibidi, kudi munga pako umoumwe ; kudi muntu mwoso bea biakadi bwanya bwanci, yi akaya ku lwendo. 16You lolo akangata talente itano akaya lekanana yinayo mangwoso, yi akatetowa talente minga itano. 17Mo nako kabidi you akangata ibidi, akatetowa minga ibidi. 18Kaninga you akangata talente umoumwe akaya emba mu yimbwi yi akasokoka mpalata a fumwanci.

19Kunyuma kwa kikondo kingi kwakalwa fumu a basadi baba kulwa bala yinabo. 20You lolo akangata talente itano akalwa yi akacwala minga talente itano ene, Fumu, wakangulonga talente itano ; mona namatetowa yimo talente yinayo itano. 21Fumwanci akamwambila ene, Kunengela, musadi unengela a kibaku, wakadi yi kibaku kulu kwa bintu bibende, nakukuteka kulu kwa bintu bingi ; bwela mu kiango kia fumwebe. 22You kabidi akangata talente ibidi akalwa tôya ene, Fumu, wakangulonga talente ibidi ; mona namatetowa yimo talente yinayo ibidi. 23Fumwanci akamwambila ene, Kunengela, musadi unengela a kibaku ; wakadi yi kibaku kulu kwa bintu bibende, nakukuteka kulu kwa bintu bingi ; bwela mu kiango kia fumwebe. 24Yi you kabidi akangata talente umoumwe akalwa tôya ene, Fumu nakakulubukwa udi muntu ukola, wabuka kutasokuna, yi wasanga kutasocaka ; 25yi nakadi yi bowa, nakaya sokoka talente ebe mu yimbwi ; mona, wapwangata kintu kiebe. 26Fumwanci akamupingasa ene, Musadi mubi a bompoci, wakalubukwa ene, ngwabuka kuntakunini, yi ngwasanga kuntacakili ; 27mbwôso uxetuma mpalata amene kudi basumbanyafiani ba mpalata, yl binamalwa nxeangata mpalata amene yi kiepe kiamene. 28Mbwôso nunculi talente kudiyi, nunamupayi udi yi talente disangi. 29Bwalo bunapebwa muntu mwoso apwangata, yi unakala yi bintu bingi ; kaninga you udi kanana unancudibwa isanga kintu kiapwangatayi. 30Nutenyeki lolo musadi utasokwenca ku mwedima ă kunci ; koku kunakala bidilu yi kukuya kwa meno.

31Mo pănalwa Mwana a Muntu yi dikai dienci, yi bangele yinanci bungi bwabo, yei unaxikama ku lukwasa lwa dikai dienci, 32yi mabila moso anakokyeyebwa ku buxi bwanci ; yi unabanamuna namuna, bea bianamuna kalama mikwakwa kudi mbuxi ; 33yi unateka mikwakwa ku kidyo kienci yi mbuxi ku kimoso. 34Fumu unabatôyela lolo badi ku kidyo kienci ene, Nulwi nonu bamalwangwasanibwa kudi Tetemi, nukiti bufumu bwamanulungikidibwa pôi kibangolelu kia loboko ; 35bwalo bunakadi yi ncala, yi nwakampa bidya ; nakadi yi nyota yi nwakangunusa ; nakadi muntu abene yi nwakangubwesa ; 36yi butaka, yi nwakangulatisa ; nakadi yi kusama, yi nwakalwa ngudingila ; nakadi mu ncibo a lukanu, yi nwakalwa kundi. 37Yi bena nkwami banamupingasa ene, Fumu, ku diba kai twamakumona owe utanakwombwa ncala, yi twamakudisa ; ndo yi nyota, yi twamakunusa ? 38Yi ku diba kai twamakumona muntu abene yi twamakubwesa ; ndo yi butaka, yi twamakulatisa ? 39Yi ku diba kai twamakumona yi kusama, ndo mu ncibo a lukanu, yi twamalwa kudi ? 40Yi Fumu unabapingasa ene, Nwatôyela sôsôlwo ene, Ku bwalo bunwakakwencela muntu umoumwe noku a bakunyi bamene baba, isanga baba babende, nwakangwencela meme noku.

41Kunyuma unatôyela bobo badi ku kimoso ene ; Nuncuki kundi, nonu bafingibwi, ku mudilu ă kô kô, ămalungikidibwa diabolo yi bangele banci ; 42bwalo bunakadi yi ncala, yi nonu kanungudixili ; nakadi yi nyota, yi kanungunuxili ; 43nakadi muntu abene, yi kanungubwexeli ; yi butaka, yi kanungulatixili ; nakadi yi kusama yi mu ncibo a lukanu, yi kanululi kundi. 44Yi bobo banapingasa kabidi ene, Fumu, ku diba kai twamakumona owe ndo yi ncala, ndo yi nyota, ndo muntu abene, ndo yi butaka, ndo yi kusama, ndo mu ncibo a lukanu, kutena twamakusadila ? 45Yi yei unabapingasa ene, Nwatôyela sôsôlwo ene, Bwalo bunwakadi kanusokwencela muntu umoumwe noku a bantu babende baba, nwakadi kanusongwencela meme noku. 46Yi baba noku banancuka ku kusama kwa kô kô, mo bena nkwami ku môyo ă kô kô.

Currently Selected:

MATEYO 25: Luna_NT

Highlight

Copy