MATEYO 22

1YI Yisu akakulumuna yi akabambila miele kabidi ene, 2Bufumu bwa diulu bwamafwañanana yi luna fumu akalungikila mwananci kitula k a dibakwa, 3yi akatuma basadi banci kuya bikila bantu bamaswadibwa ku kitula, yi bakanyañana kulwa. 4Yi akatuma banga basadi kabidi ene, Nutôyeii bantu bamaswadibwa ene, Numoni, namalungika bidya biamene ; nombi yamene, yi nyama yamene minene yamaxipibwa, yi bintu bioso biamapya ; nulwi ku kitula kia dibakwa. 5Kaninga bakakixeka, yi bakaya, you ku kibidi kienci, you ku kisalu kienci. 6Yi banga bakabamba basadi banci, bakabakolomona yi bakabaxipa. 7Yi fumu akadi yi bisusu, yi akatuma masalai anci, akaxipa bondi baba yi akakwosa bula bwabo. 8Yi akatôyela lolo basadi banci, ene, Kitula kia dibakwa kiamapya, kaninga bobo bakaswadibwa bakadi kabasolelekyela ; 9mbwôso nuyi ku meso a ncila, yi bantu boso banunasañana, nubaswali ku kitula kia dibakwa. 10Yi basadi baba bakaya mu ncila, yi bakakokyeya boso bakasañanabo yi babi yi banengela ; yi kitula kiakakukibwa bantu. 11Yi pakabwela fumu, kulwa mona bena kitula, akamona muntu momu utalacili kifunda kia kitula. 12Yi akamwambila ene, Kimbila, wamabwela momu beci ? kutena wamalata kifunda kia kitula. Kaninga yei akapudikila nya. 13Fumu lolo akatôyela basadi ene, Numusuki makasa yi makaci, numutenyeki ku mwedima ă kunci ; koku kunakala bidilu yi kukuya kwa meno. 14Bwalo bwamabikidibwa bangi, mo babende bamasungudibwa.

15Ku kikondo kieki kwakaya baFalixi nkuku bixemuponesabo ku kutôya kwanci. 16Yi bakatuma beyi babo kudiyi yi bena Elodo ene, Mweyexi, twalubukwa ene, owe udi sôsôlwo, weyesa eyesa mwosambu ă Ncembi sôsôlwo, kusocina muntu umoumwe, bwalo butasoxixima mumbidi ă muntu ; 17mbwôso utwambilipo mwakanyakanya ; Kwalelekyela yi bwadi ndo kulambula Kyesa mulambu, ndo kumoni ? 18Mo Yisu akalubukwa bubi bwabo, akatôya ene, Kukai nwamangwelekyesa, bena mancanga ? 19Nungwebesi mpalata a mulambu. Yi bakamulonga denalio. 20Akabambila ene, Kieki kifwanisa ndo kia ñani ? yi meyi mafunda kulu ? 21Bakamwambila ene, Kia Kyesa. Akabambila lolo ene, Mbwôso nulambuli Kyesa milambu ya Kyesa ; yi nulambuli Ncembi milambu ya Ncembi. 22Yi pakakwombwabo, bakakama, yi bakamuxiya, yi bakancuka.

23Ku dituku dedi kwakalwa baSaduki kudiyi, batôya ene, kubixibwa kwa bafu kakunako ; yi bakamwapangusa 24ene, Mweyexi, Mosese akatôya ene, ndo muntu amafwa utena yi bana, mwakunyenci unangata mukasanci dibakwa, yi unangacila mukulwanci bana. 25Kwecu lolo kwakadi bana ba mama sambwali ; yi mwamukulu akangata dibakwa akafwa, yi bwalo bwakadiyi kasoakala yi bana, akaxiyila mwakunyenci mukasanci. 26Mo nako kabidi you amubidi yi amusatu, pôi you a sambwali. 27Yi kunyuma kwabo bungi bwabo kwakafwa mwamukaxi kabidi. 28Mbwôso ku kubixibwa kwa bafu yei unakala mukaxi a ñani a sambwali, bwalo bwakamwangata bungi bwabo ? 29Mo Yisu akabapingasa ene, Nwonona, bwalo bunutasolubukwa ndo mukanda ă Ncembi ndo ngulu ya Ncembi. 30Bwalo butasobakananabo mabakwa ku kubixibwa kwa bafu ; yi kabasopebwa mabakwa, kate bakala bea bangele mu diulu. 31Mo ku bwalo bwa kubixibwa kwa bafu, nonu kanwabala mwakanutôyelebwa kudi Ncembi, ene, 32Meme ndi Ncembi a Abalami, yi Ncembi a Isaka, yi Ncembi a Yakobo ? Ncembi kiena Ncembi a bafu, kate a bena môyo. 33Yi pakakwombwa bimbukuma bakakamina kweyesa kwanci.

34Kaninga baFalixi, pakakwombwabo ene, amabulamisa baSaduki, bakasangilañana. 35Yi umoumwe, musakodi a bwadi, akakwapangusa ndo kumwelekyesa, ene, 36Mweyexi, mulangu kai ămadika munene ă bwadi ? 37Yi akamwambila ene, Unananga Yeoba Ncembi ebe yi mucima ě be muncimancima, yi kidimo kiebe kincimancima, yi lukanyi lwebe luncimancima. 38Ou ndo mulangu munene ă buxi. 39Amubidi lolo ulexi ene, Unananga muna kwebe bea mikyebe. 40Ku milangu ibidi yei noku kwamalembelela bwadi buncima bwabu, yi meyi a badimuxi.

41Yi pakadi baFalixi bamasangila, Yisu akabapangusa 42ene, Nonu nwencenca beci dia Kalistu ? Udi mwana a nani ? Bakamwambila ene, A Dafidi. 43Yei akabatôyela ene, Ape kukai Dafidi umwabikila Fumu ku kidimu kienci ene, 44Yeoba akatôyela Fumwami ene, Xikama pa kidyo kiamene binakupwesa bantu muxi mwa makasa ebe bamatanda yinebe ? 45Mbwôso ndo Dafidi umwabikila Fumu, udi mwananci beci ? 46Yi kakwakadi muntu ubili kumupingasa diyi, yi pôi dituku dedi kapakadi muntu a kumwapangusa binga bintu nyô.

Currently Selected:

MATEYO 22: Luna_NT

Highlight

Copy