LUKA 1

1BWALO bwamalanda bantu bangi kulungika diembi dia malo amakwetabuxibwa sôsôlwo pakacikaci pecu, 2byaka biamatulongolabo bakadi batebedi pôi bubangabanga, yi bambidi ba diembi ; 3mbwôso meme kabidi namamona loko, (bwalo bunamatomba tomba malo moso pôi ku bubangabanga), ndo kukulwandwadila diembi, mukyelengi Teofilo, 4bixelubukwa owe bwalo sôsôlwo bwa malo aa amakweyexebwa owe ku musuku.

5Ku matuku a Elodo, Fumu a Yudiya, kwakadi bokanda, dina dienci ene, Sakalia, a kibumbu kia Abia ; yi akadi yi mukasanci a bana ba Alono, dina dienci ene, Elisabete. 6Yi bubidi bwabo bakadi yi nkwami ku mpala a Ncembi, badi mu kwenda yi milangu mioso ya Fumu yi mixiyilu yenci mioso kutena kubunca. 7Yi bakadi kabena yi mwana, bwalo bwakadi Elisabete kikuta, yi bubidi bwabo bakalekola yi mbula yabo bungi.

8Yi pakakwencayi mudimo ănci ă bubokanda ku mpala a Ncembi, ku kikondo kia kibumbu kienci, 9kwakadi bwalo bwanci, luna biakadi mwosambu ă bubokanda, ndo kubwela mu tempelo a Fumu kuya osa bukula bwa manonu. 10Yi kimbukuma kincimancima kia bantu bakadi mu kulomba kunci ku kikondo kiakakwosabo manonu. 11Yi mwangele a Ncembi akamoneka kudiyi, udi mu kwemana ku mwanca ă kidyo ă kilongolelu kia manonu. 12Yi Sakalia akatepexebwa pakamumonayi, yi bowa bwakamukwata. 13Mo mwangele akamwambila ene, Kucini Sakalia, bwalo bwamakwombwebwa lulombu lwebe, yi mukaxebe Elisabete unakulelela mwana yi unamwenyika dina dienci ene, Yoano. 14Yi owe unakala yi kiango yi kimenye, yi bantu bangi banaxekyelela kulelebwa kwanci. 15Bwalo bunakalayi munene ku mpala a Fumu ; yi unancila kunwa malufu ndo a mwosolo ndo a nkodl, yi unakwolubixibwa yi Mwoxixi a babala isanga pôi difu dia mamanci. 16Unakulumuna bana ba Isalele bangi kudi Fumu Ncembi abo. 17Yi unakwenda ku mpala anci yi mucima ă Eliya yi ngulu yenci, ndo kukulumuna micima ya batete kudi bana babo, yi bena ntamu ku bwinu bwa bena nkwami, ndo kulungikila Fumu bantu bamamukwameyelebwa. 18Yi Sakalia akakwambila mwangele ene, Nakulubukwa nako beci, bwalo bundi kinunu yi mukasami amalekola yi mbuia yenci bungi ? 19Yi mwangele akapingasa, yi akamwambila ene, Meme ndi Ngabiele, ngwemana ku mpala a Ncembi, yi namatumibwa kulwa tôya yinebe yi kukwambila losangu lolu lunengela. 20Yi mona, unakala kimeme, yi kunalubukwa kutôya pôi dituku dinafika malo aa, bwalo butakwetabuxili meyi amene, anafikixibwa ku kikondo kiao.

21Yi bantu bakadi mu kukungila Sakalia, yi bakakama bwalo bwakamanayi kikondo noku mu tempelo. 22Yi pakabatukayi, akadi kasolubukwa kutôya yinabo ; yi bakalembetela ene, amamona kimonenu mu tempelo. Yi yei akabebesa ebesa ku bianca biend, yi akasala kimeme. 23Yi pakadi matuku amakukixibwa a mudimo anci, akaya ku ncibo anci.

24Kunyuma kwa matuku aa, kwakwembita mukasanci Elisabete, yi akasokoma ngondo itano ene, 25Fumu amangwencela nako ku matuku amangudingilayi, ndo kuncula bundu bwamene pakadkaci pa bantu.

26Mo ku ngondo amusambomo, kwakatumibwa mwangele Ngabiele kudi Ncembi kuya ku bula bwa Ngalili bwamabikidibwa ene, Nasaiete ; 27kudi muxika akabandudibwa kudi mwamulumi dina dienci ene, Yosefe, a bulungu bwa Dafidi ; yi dina dia muxika diakadi ene, Mali. 28Yi mwangele akabwela kwakadiyi yi akatôya ene, Môyo, munonebwi ñonu ; Fumu udi yinebe. 29Mo yei akatepexebwa kungi bwalo bwa diyi dienci, yi akakwelañana nkanyi munda bwalo bwa kubisa kwa noku. 30Yi mwangele akamwambila ene, Kucini Mali, bwalo bwamamonebwa yi ñonu kudi Ncembi ; 31yi mona, unakwembita mu difu diebe yi unalela mwana yi unamwenyika dina dienci ene, Yisu. 32Yei unakala munene, yi unabikidibwa ene, Mwana a You adika kulu ; yi Fumu Ncembi unamupa nkwasa a tetenci Dafidi ; 33yiunakala yi bufumu kulu kwa nkumbu a Yakobo mieciya mioso ; yi ku bwalo bwa bufumu bwanci, kabunakala yi kipwilu kia kupwa nyô. 34Mo Mali akakwambila mwangele ene, Nako kunakala beci ? bwalo buntasolubukwa mwamulumi. 35Yi mwangele akapingasa yi akamwambila ene, Mwoxixi a babala unalwa kulu kwebe, yi ngulu ya You adika kulu unakubukila ; mbwôso mwana a babala unakulelebwa unabikidibwa ene, Mwana a Ncembi. 36Yi mo na, Elisabete kilungu kiebe, yei kabidi amakwembita mwana a babalumi ku bununu bwanci, yi you udi ngondo amusambomo a you akabikidibwa ene, Kikuta. 37Bwalo bwoso bwancuka kudi Ncembi kabunakodya kwencebwa. 38Yi Mali akatôya ene, Mona, ndi musadi a Fumu ; kwakali yinami bea bidi diyi diebe. Yi mwangele akancuka kudiyi.

39Yi Mali akakwombuluka ku matuku yia yi akaya lungwoso ku mbata a mpongo, mu bula bwa Yuda, 40yi akabwela mu ncibo a Sakalia, yi akakwela Elisabete môyo. 41Yi pakakwombwa Elisabete kubisa kwa Mali, kana kakatamba mu difu dienci ; yi Elisabete akakwolubixibwa yi Mwoxixi a babala ; 42yi akakwamena yi diyi dikola, yi akatôya ene, Mulwangwasanibwi ndo owe pakacikaci ba babakaxi, yi mulwangwasanibwi ndo Mwana a difu diebe. 43Yi kukai kwamangwencebwa noku, mama a Fumwami ndo kulwa kundi ? 44Mona lolo, pakalwa diyi dia Môyo ěbe ku macu amene, kana kaputamba mu difu diamene bwalo bwa kiango. 45Yi mulwangwasanibwi you akakwetabusa, bwalo bunakwencebwa mambi akamwambidibwa kudi Fumu.

46Yi Mali akatôya ene, Mucima ămene ndo ătumbisa Fumu, 47yi kidimu kiamene kiamaxekyelela Ncembi Mupandixi amene. 48Bwalo bwamatebelayi musadi anci isanga ndi kanana ; yi mona, pôi nkyekyu panangubikila mieciya mioso ene, Mulwangwasanibwi. 49Bwalo bwamangwencela You a ngulu makisa manene, yi dina dienci didi babala ; 50yi mwengo ănci udi pôi ku mieciya yi mieciya ku bwalo bwa bantu bamwacina. 51Amakwenca yi ngulu yi kibokô kienci ; amacakanisa bena disasa ku lukanyi lwakakwelabo mu mucima ăbo. 52Amapwesa bafumu mu nkwasa yabo yi amabandisa bantu ba kanana. 53Amakwolubisa bena ncala yi bintu binengela, yi amapingasa bena madidi makaci matupu. 54Amasadisa Isalele musadi anci, bixekwelayi mwengo ănci lukanyi, 55(bea biakatôyelayi batetecu), ăkamonayi Abalami yi mwengo yi bana banci kô kô.

56Yi Mali akasala yinanci bea ndo ngondo isatu, yi akapinana ku ncibo anci.

57Kikondo lolo kia Elisabete kiakakukixibwa kixelelayi mwana, yi akalela mwana a babalumi. 58Yi bena kwanci yi bilungu bienci bakakwombwa mwakalundisa Fumu mwengo ănci yinanci, yi bakaxekyelela yinanci. 59Yi ku dituku dia yenana kwakalwabo ndo kwela mwana bwadi, yi baxemwenyika ene, Sakalia, luna dina dia tetenci. 60Yi mamanci akapingasa ene, Kumoni, kate unabikidibwa ene, Yoano. 61Yi bakamutôyela ene, Kakuna muntu umoumwe a bulungu bwebe amabikidibwa dina dedi. 62Yi bakakwapangusa tetenci ku bianca, dina dixenangayi mwana kubikidibwa. 63Yi akalomba kikidi kia mukanda yi akafunda ene, Dina dienci didi Yoano. Yi bakakama kama bungi bwabo. 64Yi musuku ănci ăkadipudibwa mangwoso, yi ludimi lwanci, yi akatôya, udi mu kutumbisa Ncembi. 65Yi bowa bwakakwata bungi bwabo bakakala pepe yinabo, yi ku mbata a mpongo a Yudiya muncimancima kwakakwambidibwa malo aa moso. 66Yi bungi bwabo bakakwombwa bakabumba malo aa mu micima yabo ene, Ape mwana you unakala beci ? Bwalo bwakadi kianca kia Fumu yinanci.

67Yi tetenci Sakalia akakwolubixibwa yi Mwoxixi a babala, yi akadimusa ene, 68Fumu atumbixibwi, Ncembi a Isalele, bwalo bwamalwayi kudi bantu banci, yi bwalo bwamabancudilayi mpiku kubapikula ; 69amatubixila luxiba lwa kipandilu kia môyo mu ncibo a musadi anci Dafidi. 70Bea biakatôyayi ku misuku ya badimuxi banci ba babala, bamakala pôi kikondo kiakabanga loboko ; 71kipandilu kia môyo kudi bantu batanda yinecu, yi ku kianca kia bantu boso batwanyañana ; 72kumonesa lolo batetecu mwengo, yi kwela disambi dienci lukanyi dia babala, 73yi kiteyi kiakateyayi yi Abalami tetecu ; 74ene, panakala twamapaudibwa mu bianca bia bantu batanda yinecu, uxetupa ndo kumusadila kutena bowa, 75yi babala yi nkwami ku mpala anci matuku ecu moso. 76Yi owe mwana unabikidibwa ene, Mudimuxi a You adika kulu ; bwalo bunadika owe ku buxi bwa mpala a Fumu ndo kulungika ncila yenci ; 77kupa bantu banci kilubukilu kia kupandixibwa kwa môyo, pa kulekyelebwa mabi abo, 78bwalo bwa mucima ă mwengo ă Ncembi ecu. Kukya kwa butuku kwamatulula yinau kulu, 79ndo kutekyela bantu obo bamaxikama mu mwedima yi mudingidingi ă lufu, kuxiya xiya makasa ecu mu ncila a polo.

80Yi mwana akalunda, yi akakolexebwa ku mucima, yi akadi mu mbata ya bisobe pôi dituku dia kumoneka kwanci kudi Isalele.

Currently Selected:

LUKA 1: Luna_NT

Highlight

Copy