MAKU 16

1PAKADI Sabado amadika, Mali a Mangadala, yi Mali Yakobo mamanci, yi Salome, bakacwala nana a manonu bixelwabo muxinga ku mumbidi ănci. 2Yi ku dituku dia buxi dia lumingu, ku butwatuku pexe, kwakalwabo ku lukita, pakadf diba diamancuka.

3Yi bakakwambilañana ene, Ñani unatubunguluxila dibwe dia ku mbelo a lukita ? 4Yi pakatebelabo, bakamona dibwe diamabunguluxibwa ; diakadi lolo bunene bwa bubi.

5Yi pa kubwela mu lukita pakamonabo dipulwa ditanaxikama ku kidyo, yi kifunda kienci kia susu, yi bakakama kama. 6Mo yei akabambila ene, Kanucini. Nwapalala Yisu, muna Nasalete akakopekyebwa ku nkulusu. Amabika kudi bafu ; kiena kunu ; numoni kidi kiakamuladikabo. 7Kate nuyi, nwambili beyi banci yi Pita ene, Uyeya ku buxi bwenu ku Ngalili ; koku ndo kununamumona bea biakanwambilayi. 8Yi bakabatuka yi bakacina mbilu mu lukita. Lukomba lolo Iwakabakwata yi dikamu dingi, yi bakadi kabasotôyela muntu mwoso kintu, bwalo bwakacinabo bowa.

9Pakadi amabika kudi bafu ku butwatuku pexe ku dituku dia buxi dia lumingu, akamoneka buxi kudi Mali a Mangadala akatenyekayi bidimu bibi sambwali munda mwanci. 10Yei akaya ambila bantu bakadi bamasangila yinanci, pakadibo yi buxitu ku micima yi masonci ku mpala. 11Yi bobo, pakakwombwabo ene, udi yi môyo yi amamonebwa kudiyi, bakadi kabasokwetabusa pô.

12Yi kunyuma kwa bintu bebi kwakakwebexebwayi yi munga mwebexelu kudi bena kwabo babidi pakakwendabo, badi mu kuya munda mwa mbata ; 13yi bobo bakaya ambila banga ; kaninga bakadi kabasokwetabusa bobo kabidi.

14Kunyuma lolo akakwebexebwa kudi beyi disangi yi umoumwe mikyeabo pakadi batanaxikama ku mesa ; yi akabakama makamu bwalo bwa mwoxituxitu ăbo yi kukola kwabo kwa ku micima, bwalo butakwetabusabo bobo bamamumona kunyuma kwakabikayi kudi bafu. 15Yi akabatôyela ene, Nuyi ku loboko luncimancima, nwambili bantu boso losangu lunengela. 16You amakwetabusa yi amanumeyebwa, unapandixibwa môyo ; yi you anyañana unabelebwa lopelo. 17Yi bilayixilu bebi binasangila yi bobo bamakwetabusa ; banatenyeka bidimu bibi mu dina diamene ; banatôya yi ndimi mipyamipya ; 18banakwongula nyoka ; yi ndo baxenwa mai moso a lufu kanabatatisa pô ; banabaka bianca biabo kulu kwa batati ba masama yi banancincila.

19Mbwôso Fumu Yisu, pakadi amabatôyela, akangacibwa munda mwa diulu, yi akaxikama ku kidyo kia Ncembi. 20Yi bobo bakancuka, yi bakakwambila losangu lunengela mu bidi bioso, Fumu udi mu kwencañana yinabo, yi udi mu kusubisa diyi ku bilayixilu biakasangila yinadlo. Amen.

Currently Selected:

MAKU 16: Luna_NT

Highlight

Copy