MAKU 15

1YI ku butwatuku, makanda manene yi babakulu yi bafundi ba mikanda yi kikokye kincimancima bakakwelafiana nkanyi mangwoso ; yi bakasuka Yisu yi bakamuncula yi bakamulongola kudi Pilata. 2Pilata lolo akamwapangusa ene, Owe udi Fumu a bena Yuda ? Akamupingasa ene, E. 3Yi makanda manene akamusanya malo mangi. 4Yi Pilata akamwapangusa kabidi ene, Kusopingasa diyi ? Ombwa mukwasanyabo malo mangi. 5Mo Yisu akadi kasopingasa diyi pô, biakakama kama Pilata.

6Mo ku kitula akadi yi mwosambu ă kubalekyelela musungi umoumwe, muntu mwoso akalombabo. 7Munga akadiko lolo, dina dienci ene, Balaba, akadi amasukibwa yinabo bakatomboka, yi bantu bakakwonda monda ku kikondo kiakatombokabo. 8Yi kimbukuma kia bantu bakakokyela, yi bakabanga kumulomba ene, akisi bea luna matuku moso. 9Mo Pilata akabapingasa ene, Nwakyeba nulekyeleli Fumu a bena Yuda ? 10Bwalo bwakalubukwayi ene, ku bwalo bwa mwokunyo ndo kwakamulongola makanda manene. 11Mo makanda manene akanyingisa kimbukuma bixetungayi kubalekyelela Balaba. 12Pilata lolo akabapingasa kabidi ene, Ape nkisi beci yi you unwabikila ene, Fumu a bena Yuda ? 13Yi bakakwamena kabidi ene, Umukopeki ku nkulusu. 14Pilata akabatôyela ene, Kukai ? Apwenca bubi kai ? Mo bakadika kwamena yi ngulu ene, Umukopeki ku nkulusu. 15Pilata lolo, akananga kuxekyelesa kimbukuma, akabalekyelela Balaba, yi akalongola Yisu pakadi amamukuma bintu, akopekyebwi ku nkulusu.

16Yi masalai akamucwala munda mwa lumbu,—lolu ndo lumbu lwa fumu,—yi bakabikila kibumbu kia masalai kincimancima. 17Yi bakamulatisa kifunda kia tululu a bwinu, yi pakadi bamaluka kilongo kia mieba, bakakiapeya kulu kwanci. 18Yi bakabanga kumubisa, ene, Bwatetela, Fumu a bena Yuda. 19Yi bakakuma mucwe ănci kanonge, yi bakamwela mati, yi pakadi bamamukumina binu paxi, bakamuxingila. 20Yi pakadi bamamukyeca, bakamuncula kifunda kia tululu a bwinu, yi bakamulatisa bilamba bienci. Yi bakamubatusa kuya mukopeka ku nkulusu.

21Yi bakabamba muntu dibambu udi mu kudika, Ximono, muna Kulene, ayi yinabo, aombululi nkulusu anci. Yei akadi utanalwa ku mbata, akadi Alesanda yi Lufusu teteabo. 22Bakamucwala lolo ku kidi kiabikidibwa ene, Ngolongota, sakoio anci ene, Kidi kia kibwongwasa. 23Yi bakamulonga malufu a finyo maputola yi ncobo a bululu ; mo akadi kasoangata. 24Yi bakamukopeka ku nkulusu, yi bakakwabanyañana bilamba bienci, badi mu kucwa lubexi bwalo bwa kilamba kixeangata muntu mwoso. 25Kwakadi lolo ola amusatu, yi bakamukopeka ku nkulusu. 26Yi mukanda ăkafundibwa kulu ă kusanyibwa kwanci ene, FUMU A BENA YUDA. 27-28Yi bakakopeka yinanci befi babidi, umoumwe ku kidyo yi umoumwe ku kimoso. 29Yi bobo bakadika dika bakamutangola, badi mukunyingisa micwe yabo, badi mu kutôya ene, Ai ! Owe waxipa tempelo, umwabaka mu matuku asatu, 30udipandisi mikyebe ; pweka ku nkulusu. 31Yi makanda manene kabidi akaxekafiana yi bafundi ba mikanda ene, Akapandisa banga bantu ; kabiyi ndo kudipandisa mi kyenci. 32Kalistu, Fumu a Isalele, apweki nkyekyu ku nkulusu bituxemona, bituxekwetabusa. Yi bobo bakakopekyebwa yinanci bakamukisa kabidi.

33Yi pakalwa ola amusambomo, pakalwa mwedima ku bungi bwa mbata pôi ola dibwa ; 34yi ku ola dibwa Yisu akakwamena yi diyi dikola ene, Eli, Eli, lama sabakatani ? kulexi yi kutôya ene, Ncembi amene, Ncembi amene, kukai wapungukadeya ? 35Banga lolo bakakwemana pepe, pakakwombwabo, bakatôya ene, Mona, utanabikila Eliya. 36Yi munga muntu akaya lubilu, akakwolubisa supunci nnika, akamuteka kulu kwa lukaku, yi akamupa ndo kunwa, ene, Nubekwemana, tumoni ndo Eliya ulolwa kulwa mupwesa. 37Yisu lolo, pakadi amakwamena diyi dikola, akakica. 38Yi mbuxa a ngumbu a tempelo akasambudibwa balalala pôi kulu pôi paxi. 39Yi kapalai ka masalai kakakwemana ku mpala anci, pakamonako amafwa nako, kakatôya ene, Sôsôlwo, you muntu akadi Mwana a Ncembi. 40Babakaxi bakadiko kabidi batanadingila kulekule ; Mali a Mangadala akadi yinabo, yi Mali, Yakobo mubende yi Yosese mamabo, yi Salome ; 41bobo, pakadiyi mu Ngalili bakamulandudila yi bakamusadila ; yi banga babakaxi bangi bakalwa yinanci ku Yelusaleme.

42Yi pa bwelu, (bwalo bwakadi dituku dedi kilungikilu, dituku didi buxi bwa Sabado), 43pakalwa Yosefe a Alimatia, nkolomo a kikupu kinene, akadi mikyenci mu kudingidila bufumu bwa Ncembi, akalwa bwela kudi Pilata yi mucima, yi akalomba mumbidi ă Yisu. 44Pilata lolo akakama kama pa kwombwa ene, amakica isanga nkyekyu ; yi pakadi amabikila kapalai, akamwapangusa ndo amafwa kikondo. 45Yi pakalubukwayi kudi kapalai, akapa Yosefe mumbidi. 46Yi akakwola mbuxa munene a susu, yi pakadi amamupwesa, akamudinga mbuxa munene a susu, yi akamuladika mu lukita lwakadi Iwamakuludibwa mu lubwe, yi akabungulusa dibwe ku mbelo a lukita. 47Mali a Mangadala lolo yi Mali, Yosese mamanci, bakamona kidi kiakaladikibwayi.

Currently Selected:

MAKU 15: Luna_NT

Highlight

Copy