YOANO 21

1KUNYUMA kwa bintu bebi, kwakadiebesa Yisu mikyenci kabidi kudi beyi ku mai a Tibeliasa. Akadiebesa mikyenci nako. 2Ku kidi kieki kwakadi Ximono Pita, yi Tomasa abikilabo ene, Didimusu, yi Natanyele a ku Kana mu Ngalili, yi bana ba Sebede, yi bamo beyi banci babidi. 3Ximono Pita akabambila ene, Nceya kwata yixi. Bakamwambila ene, Coco kabidi tulolwa yinebe. Bakaya kondela lolo mu kibusu, yi ku butuku bobu bakadi kabasokwata yixi umoumwe. 4Yi pakadi butuku butanakya, Yisu akakwemana ku mbongo ; kaninga beyi bakadi kabasolubukwa ene, udi Yisu. 5Mbwôso Yisu akabambila ene, Bana, nudi yi kintu kia kudya ? Bakamwambila ěne, Kumoni. 6Akabambila ene, Nweli matei ku mwanca ă kibusu ku kidyo, yi nunasañana yixi. Biakakwelabo, yi nkyekyu bakadi kabasoponyañana yi kwaya, bwalo bwa yixi bungi bungi. 7Mbwôso you mweyi akananga Yisu akakwambila Pita ene, You ndo Fumu. Ximono Pita lolo, pakakwombwayi ene, kudi Fumu, akalata mucwala ănci (bwalo bwakadiyi butaka), yi akadiela mikyenci mu mai. 8Mo banga beyi bakalwa mu kibusu kibende, bwalo butakadibo kulekule yi mbata, kate bea kubiti nkama ibidi, badi mu kwaya matei yi yixi. 9Pakasabukabo lolo ku mbata, bakamona mudilu koku ă makala, yi yixi pelu pau, yi mampa. 10Yisu akabambila ene, Nucwali yixi yinwapukwata mo nkyekyu. 11Ximono Pita akaya kwaya matei ku mbata, amakwolubila yixi minene, nkama yi masangi atano yi yixi isatu ; mo isanga yakadi bungi noku, matei akadi kasopandibwa. 12Yisu akabambila ene, Nulwi, nudi. Kaninga kakwakadi mweyi umoumwe akaponya yi kumwapangusa ene, Owe ndo ñani ? bwalo bwakalubukwabo ene, udi Fumu. 13Yisu akalwa yi akangata mampa, yi akabapa, yi yixi mo nako kabidi. 14Kieki ndo kikondo kiamusatu kiakakwebexebwa Yisu kudi beyi, pakadi amabika kudi bafu.

15Mbwôso pakadi bamadya, Yisu akatôyela Ximono Pita ene, Ximono a Yona, owe wamadika baba noku yi kungunanga ? Akamwambila ene, E, Fumu ; Owe walembetela ene, namakuleyaleya. Akamwambila ene, Disa bana ba mikwakwa bamene. 16Akamutôyela diamubidi ene, Ximono a Yona, wamangunanga ? Akamwambila ene, E, Fumu ; Owe walembetela ene, namakuleyaleya. Akamwambila ene, Nama mikwakwa yamene. 17Akamutôyela diamusatu, ene, Ximono a Yona, wamanguleyaleya ? Pita akakabana bwalo bwakamwambilayi diamusatu, ene, wamanguleyaleya ? yi akamwambila ene, Fumu, Owe walembetela bintu bioso ; Owe walubukwa ene, namakuleyaleya. Yisu akamwambila ene, Disa mikwakwa yamene. 18Sôsôlwo, sôsôlwo, nkwatôyela ene, Pakadi ukidi mubende, wakadikoba mikyebe, yi wakakwenda kwoso kwakakyeba ; kaninga panakala owe udi kinunu, unaxombola bianca biebe, yi munga unakukoba, unakucwala kutasokyeba. 19Kaninga akatôya noku ndo kwebesa butonga bwa lufu luxetumbisayi Ncembi yinalu. Pakadi amatôya noku, akamwambila ene, Ungulandudili.

20Pita akakulumuka, akamona mweyi akananga Yisu udi mu kulandudila kunyuma ; you akakwengama ku kiedi kienci ku bidya, akatôya ene, Fumu, ñani you ukwengenga ? 21Pita, biakamumonayi, akakwapangusa Yisu ene, Fumu, ape bwalo bwa muntu you ? 22Yisu akamwambila ene, Aka meme namananga asali pôi kikondo kindolwa, bwalo budi ndo bwebe ? Owe ungulandudili. 23Mbwôso mwoximo ăkacakana kudi bakunyi ene, You mweyi kanafwa. Kaninga Yisu akadi kasomutôyela ene, Kanafwa ; kate ene, Aka namananga asali pôi kikondo kindolwa, bwalo budi ndo bwebe ? 24You ndo mweyi amatôbôla bintu bebi ntôbô, yi akafunda bintu bebi ; i yi twalubukwa ene, ntôbô yenci idi sôsôlwo. 25Binga bintu bidi bingi bingi kabidi biakakwenca Yisu ; ximbi biamafundibwa bungi bwabio, ngwencenca ene, isanga loboko mikyeiu kaluxekuka mikanda yixefundibwa.

Currently Selected:

YOANO 21: Luna_NT

Highlight

Copy