MAKISA 1

1INAKAFUNDA diembi dia buxi, Teofilo, bwalo bwa bintu bioso biakabanga Yisu kwenca yi kweyesa, 2pôi dituku dedi diakangacibwayi kulu : pakadi amatôyela batumibwi kudi Mwoxixi a babala bamasungulayi ; 3bakadiebesayi mikyenci yi môyo kudibo kunyuma kwa kutata kwanci, yi ntôbô mingi. Bwalo bwakamonekayi kudibo pa lwedi lwa matuku masangi anai, udi mu kwambila ambila dia bintu bia bufumu bwa Ncembi. 4Yi pakasangilayi yinabo, akabambila ene, kabancuki ku Yelusaleme, kate bakungi kilaka kia Tete kinwamakwombwa kundi. 5Bwalo bwakanumeya numeya Yoano mu mai sôsôlwo, mo nonu nunanumeyebwa yi Mwoxixi a babala, kumoni matuku mangi nkyekyu.

6Mbwôso pakadi bamasangilañana, bakamwapangusa, ene, Fumu, ki ku kikondo kieki kunapingasa bufumu kudi Isalele ? 7Akabambila lolo ene, Bwalo kabuna bwenu kulubukwa ndo bikondo ndo layinga, biamalungika Tete ku bumanya bwanci ; 8mo nunangata ngulu palolwa Mwoxixi a babala kulu kwenu, yi nunakala batôbôdi bamene mu Yelusaleme, yi mu bungi bwa Yudiya yi Samalia, yi ku sula kwa loboko. 9Pakadi amatôya bintu bebi, biakatebelabo, akangacibwa kulu, yi dibaxi diakamwangata ku meso abo.

10Pakatebelabo mu diulu sosonyi biakakwendayi kulu, mona, bantu babidi bakakwemana padibo yi bilamba bia susu, 11bakatôya kabidi ene, Babalumi ba Ngalili, kukai nwamakwemana, nudi mu kutebela kulu ku diulu ? Yisu you apununcudibwa ku diulu unalwa mo nako bea luna binwapumumona amabwela mu diulu. 12Biakapinanabo ku Yelusaleme ku lupongo lwabikidibwa ene, Olife, ludi pepe yi Yelusaleme, lwedi lwa Iwendo lwa dituku dia Sabado. 13Yi pakabwelabo bakabanda mu ngumbu a ncibo a kulu, mwakakalabo yi Pita, yi Yoano, yi Yakobo, yi Andelo, Filipi yi Tomasa, Batolomo yi Mateyo, Yakobo a Alifayo, yi Ximono Selote yi Yude a Yakobo. 14Baba noku bakakala bungi bwabo yi mucima umoumwe badi mu kulomba lomba, yi babakaxi, yi Mali, Yisu mamanci, yi bana ba mamanci.

15Ku matuku yia loio kwakakwemana Pita pakacikaci pa bakunyi, (mena abo a kibumbu kiakasangila akadi bea nkama yi masangi abidi), yi akatôya ene, 16Bena kwecu, diyi dia mukanda ă Ncembi dixefikixibwa diakatôya Mwoxixi a babala kalikali ku musuku ă Dafidi, bwalo bwa Yudaxi, akaxiyaxiya bantu bakakwata Yisu. 17Bwalo bwakabadibwayi yinecu yi akangata kienci kicini kia mudimo ou. 18(You muntu lolo akakwola kibidi yi sayi ya kwona kwanci, yi akapona paxi kabungu, yi akatondoka pakacikaci ; yi mala anci moso akancuka kunci. 19Yi kwakalubukibwa noku kudi bungi bwa bena Yelusaleme, biakabikilabo kibidi kieki ku lubendu lwabo ene, Akyeledama ; ene, Kibidi kia maxi). 20Bwalo bwakafundibwa mu mukanda a Misambu ene, Ncibo anci akalemi kanana, momu kamwakadi muntu ; yi, bunami bwanci, munga abwangati. 21Mbwôso bwalo bwa bantu bamasangila yinecu ku kikondo kioso kiakabwela Fumu Yisu kutudi, kiakabatukayi kabidi, 22(pôi kunumeya kwa Yoano pôi dituku diakatwangacibwayi kulu), muntu abo umoumwe uxeakala mutôbôdi yinecu a kwombuluka kwanci.

23Yi bakateka babidi, Yosefe abikilabo Basabasa, atambibwa ene, Yustusu, yi Matiasa. 24Yi bakalomba yi bakatôya ene, Owe Fumu, mulubukwi a micima ya bantu boso, ebesapo muntu amasungula Owe, a babidi baba, 25angati kidi ku mudimo ou, yi ku butumibwi bobu, kwakasaluka Yudaxi kuya ku kidi kienci. 26Yi bakacwa lubexi ku bwalo bwabo, yi bwalo bwakakwacila Matiasa, yi yei akabadibwa yi batumibwi disangi yi umoumwe.

Currently Selected:

MAKISA 1: Luna_NT

Highlight

Copy