መተ 35

ያይቆብ ቤተለ ስሙዋ

1ሄሳፈ ጉየ፥ ፆሳይ ያይቆባ፥ “ደንዳዳ ፑደ ቤተለ ከያዳ ያን ደአ። ኔኒ ነ እሻ ኤሳዌፐ ባቃትዳ ዎደ ነዉ ቆንጭዳ ፆሳስ ያን ያርሾ በሲ ጊግሳ” ያግስ።

2ሄሳ ግሾ፥ ያይቆብ ባ ሶ አሳነ እያራ ደኤይሳታ ኡባ፥ “ህንተ ግዶን ደእያ አላጋ ፆሳታ ድግተ። ህንተና ጌሽተ፥ ህንተ ማኡዋ ላምተ። 3ሀይሳፈ ደንድድ ፑደ ቤተለ ቦስ። ታ መቱዋ ጋላስ ታዉ ስእዳ፥ ታኒ ብዳ በሳ ኡባን ታራ ግድዳ ፆሳስ ታኒ ያን ያርሾ በሲ ጊግሳና” ያግስ። 4ኤንቲ ባንታዉ ደእያ አላጋ ፆሳታ ኡባነ ባንታ ሀይን አዳ ዎርቃታ ኡባ ከስድ ያይቆባስ እምዶሶና። ያይቆብ ሄሳታ ሴከማን ደእያ ዎላ ጋርሳን ሞግስ።

5ሄሳፈ ጉየ፥ ያይቆብነ እያ አደ ናይት ደንድድ ብያደ ኤንታ ዩሹዋን ደእያ አሳ ቦላ ፆሳ ያሻይ ዎዳ ግሾ ኤንታና ካልድ ኦይካናዉ ኦንካ ዳንዳእቤና።

6ያይቆብነ እያራ ደእያ አሳ ኡባይ ካናነ ቢታን ደእያ ቤተለ ጌተትያ ሎዛ ጋክዶሶና። 7ያን እ ያርሾ በሲ ጊግስስ። እ ሄ በሳ ኤል-ቤተለ (ቤተለ ፆሳ) ግድ ሱንስ። እ ባ እሻፐ ባቃትድ ብያ ዎደ ፆሳይ እያዉ ቆንጭዳይ ሄ በሳና።

8እርብቃ ድችያ ድቦራ ያን ሀይቃሱ። ቤተለፐ ጋርሳራ ደእያ ዎላ ጋርሳን እያ ሞገታሱ። ሄሳ ግሾ፥ ሄ ም ሱንይ አሎን-ባኩተ (ዬሆ ዎላ) ጌተትስ።

9ያይቆብ ማሰጰፆመፐ ስምዳፐ ጉየ፥ ፆሳይ እያዉ ዛር ቆንጭድ እያ አንጅስ። 10ፆሳይ፥ “ነ ሱንይ ያይቆባ። ሽን ህዛፐ ኔኒ ያይቆባ ጌተታካ፥ ነ ሱንይ እስራኤለ ጌተታና” ያግድ እያ “እስራኤለ” ግድ ሱንስ።

11ቃስ ፆሳይ ያይቆባ፥ “ታኒ ኡባ ዳንዳእያ ፆሳ። ኔኒ የለታ፥ ዳራ። ደረይነ ካዎተት ኔፐ ከዮ። ካዎትካ ነ ጉልባታፐ ከዮ። 12ታኒ አብራሃመስነ ይሳቃስ እምዳ ቢታ፥ ነዉ እማና። ኔፐ ጉየ ታኒ ሀ ቢታ ነ ሼሻስ እማና” ያግስ። 13ፆሳይ እያራ ኦደትዳ በሳፈ ፑደ ከይስ።

14ያይቆብ ፆሳይ እያራ ኦደትዳ በሳን ቆፍስያ ሹቻ ማላ ኤስድ እያ ቦላ ዎይንያነ ዛይተ ትግስ። 15ያይቆብ ፆሳይ እያራ ኦደትዳ በሳ “ቤተለ” ግድ ሱንስ።

ራሄል ሀይቁዋ

16ኤንቲ ሄሳፈ ጉየ፥ ቤተለፐ ደንድድ ብዶሶና። ኤንቲ ኤፍራታ ጋካናዉ ጉ አትሽን፥ ራሄሎ እቀ ኦይክን ዳሮ ዋየታሱ። 17እቀይ እዮ ዋይስዳ ዎደ እዮ የልስያራ፥ “ባቦፋ፤ ሀይስካ አደ ናአ” ያጋሱ። 18ሽን እያ ሀይቆስ ማታዳ ሸምፖይ ከያና ሀንሽን፥ ባ ናአ በኖና (መቶ ናአ) ጋዳ ሱንሱ። ሽን እያ አዋይ ብንያመ (ታ ኡሻቻ) ግድ ሱንስ።

19ሄሳፈ ጉየ፥ ራሄላ ሀይቃ አጋሱ። ቤተለመ ጌተትያ ኤፍራታ ኤፍያ ኦግያ ጋፃን ሞገታሱ። 20ያይቆብ እ ዱፉዋ ቦላ ሀዉልተ ሹቹ ኤስስ። ሄ ሀዉልተይ ሀች ጋካናዉካ ራሄል ዱፉዋ ኤርሴስ።

21እስራኤለይ ሄሳፈ ደንድድ ኤደራ ግምብያፈ ሄፍንን ባ ዱንካንያ ቶክስ። 22እስራኤለይ ሄ ቢታን ደእሽን፥ ሮቤል ባ አዋስ የልዳ አይለ ባልራ አቅስ። እስራኤለይ ሄ ኦዳ ስእስ።

ያይቆባ አደ ናይት ታማነ ናምአ። 23ልያ ናይት ያይቆባ ባይራ ናአ ሮቤላ፥ ስሞና፥ ሌወ፥ ይሁዳ፥ ይሳኮራነ ዛብሎና። 24ራሄል አደ ናይት ዮሰፋነ ብንያመ። 25ራሄል አይለ ባል አደ ናይት ዳነነ ንፍታለመ። 26ልያ አይለ ዛላፋ አደ ናይት ጋደነ አሴራ። ሀ ናይት ያይቆባስ ማሰጰፆመን የለትዳ አደ ናይታ።

27ያይቆብ ከብሮና ጌተትያ ቅርያት-አርባ ማታን ማምረን ደእያ ባ አዋ ይሳቃ ሶ ብስ። ሄ በሳይ ካሰ አብራሃመይነ ይሳቅ ደእዳ በሳ። 28ይሳቅ ፄታነ ሆስፑን ታሙ ላይ ደእስ። 29እ ዳሮ ዎድያ ደእድ ሎኦ ጭምድ፥ ሀይቅድ ባ ማይዛታን ጋሄትስ። እያ ናይት ኤሳዌይነ ያይቆብ እያ ሞግዶሶና።

Currently Selected:

መተ 35: GFBEVF

Highlight

Copy