San Marcos Ä'kanä̧ jiäkuäwä
Ä'kanä̧ jiäkuäwä
Jareü wȩnȩ jiäkuäwä i̧sa̧ Maruku ütü'kümä̧ a̧'u̧ku̧nä̧tä̧ tu̧wo̧juä̧ku̧ ja̧'a̧nä̧, ji̧yȩtä̧ jareü wȩnȩnä̧ jiäumä̧ rü̧ȩnä̧ mikuäu jäwä ja̧'a̧. Ä̧kuo̧mȩnä̧ttü̧tä̧ päi'ünä̧, jareü wȩnȩ jiäumä̧, pa̧'a̧nü̧ ji'äu kkä̧mä̧di̧nü̧, «Jesú-mä̧, Crito ja̧'a̧, Dio I̧tti̧,» jü̧nä̧ (1.1; Mateo-nä̧ ä̧kuo̧mȩnä̧ kkä̧mä̧do̧mȩ topi), juȩnȩ o'komȩnä̧, yotäku ji'äu, bautizo jȩä̧kuä̧wä̧ i̧sa̧ Ju̧a̧ ütü'kü, Jua̧u̧ u̧mä̧nä̧ jo̧mȩnü̧ aditü kku̧nu̧ i̧chä̧kuȩ wȩnȩ (1.2-3). Ja̧'wa̧ta̧nü̧ jareü wȩnȩ Maruku jiäwomȩnä̧ jiäumä̧, Jesú ütü'kü pi̧jä̧ o'kajuiyünä̧ jittäwa pä'ü rü̧ȩnä̧ rekuä rü̧ja̧'a̧ ji'äwinü̧.
Ji̧yȩtä̧ rü̧ȩnä̧ ukuo jäwä ja̧'a̧, Maruku jareü wȩnȩnä̧ jiäumä̧ jua̧u̧ jiäwuömä̧ rekuätü wo̧juä̧tü̧. Jua̧u̧ Maruku i̧wȩyu̧ti̧nü̧ttü̧tä̧ kkada'ka jü̧nä̧ ȩmü̧ wȩyu̧ti̧nä̧tü̧ Mateo'i̧nä̧, Ruka'i̧nä̧ pä'ü. Ja̧'wa̧nü̧ jo̧mȩttü̧ jua̧u̧ wäbodäkuä jäwä jareü wȩnȩmä̧ ji̧nä̧ ji̧yȩtȩ jäwätä jiäwa'a.
Maruku-mä̧ rü̧ȩnä̧ ji'äwipinü̧, ji̧nä̧somä̧ Jesú jȩi̧nü̧ wȩnȩ, Chutä ütü'kümä̧, Chutä jȩi̧nü̧nä̧tä̧ ttü̧ja̧ ttu̧wo̧jui̧pi̧ya̧rü̧ pä'ü. Ja̧'wa̧nü̧ jo̧mȩttü̧ uwäpächinü̧ tü'kümä̧ rü̧ȩnä̧mä̧ ji'äwokü 'kua̧ra̧'a̧. Jua̧u̧ jiäwoka'a 'kuä'o'ü bautismo päwino̧mȩttü̧ kkä̧mä̧dü̧, Jesú aditinü̧mä̧ ji'äu (1.9-13). Ja̧'wa̧nü̧ ja̧'a̧ttü̧ Maruku-rümä̧, Jesú jȩpü̧ ü̧ji̧nü̧ wȩnȩtä̧ ja̧'wa̧ta̧nü̧ 'korujuoächinü̧ wȩnȩtä̧ ja̧'a̧, Jesú ttü̧ja̧rü̧ i̧jȩpi̧nü̧mä̧ «pi̧jä̧ ttü̧ja̧rü̧ eseu repe'ü jȩi̧nü̧ wȩnȩmä̧» ja̧'wa̧ta̧nü̧ «pi̧jä̧ ttü̧ja̧rü̧ surojüttü rä'epü iku ichinümä̧,» idepämä̧ wä̧i̧nä̧ mikuäwächa'anä̧ (10.45).
Ja̧'wa̧nü̧ ja̧'a̧ttü̧ Maruku-mä̧ jareü wȩnȩnä̧ wo̧juȩtü̧. Jesú-mä̧ awaruwärümä̧ rü̧ȩnä̧ ttu̧wo̧jui̧pa̧ pä'ü i̧jȩpü̧nü̧ u̧wo̧juȩta̧'a̧nä̧, wo̧jui̧'o̧ko̧tü̧ pinä̧tü̧, pä̧ro̧kua̧ kko̧ro̧jä̧ Roma ttü̧ja̧sa̧tä̧ ji̧na̧'a̧ «Pidetä ja̧'a̧ Dio i̧tti̧mä̧» pä'inü̧mä̧ (15.39).
Currently Selected:
San Marcos Ä'kanä̧ jiäkuäwä: PNT13
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela