प्रेरित 6
6
सातजेना सेबक चुन्ल
1उ बेलाइ पर्भु येसुक् चेलालकक् सङ्ख्या बर्ह्टे जाइल रैल्हकुन्। तसौ गिरिक भासा सारालाहार आउँ हिब्रु भासा सारालाहार यहुदिलके गन्गन् कर्लुहुन्। दिनदिनक् खाबाक् थोकलक् बाँट्लटाकै उखर्ह्वाक्सङ्हिं रैल्ह बिध्वालकक् लागि पुग्दो खाबाक् चिंज बोइने पाइल बाजिहिन् गिरिक भासा सारालाहार यहुदिलकक् भानाइ रैल्हाहा। 2उहेसिहिरे बार्होउजेना प्रेरितलके पर्भु येसुक् ओर्को जम्मा चेलालकलाइ हाँख्राहिन् बोल्लाहा, “परमेस्वरक् बचन सिखाटे बुल्बाक् छारिहिन् खुवाबा-पियाबाक् काम कर्बा हाम्रानि नाँसोहायक्। 3उहेसिहिरे दाजु-भायहेलक्, तोहोराखर्ह्वाक् मध्येमा पबित्र आत्माइ पुराय रुपै चालाहिन्, बुद्धिगर आउँ जम्माहिक्भटे मान पाइल सातजेना मानुस छानहँ। जक्रालाइ हामि यि कामक् लागि चुनुहुँक्। 4हामि आफ्निसेहे जम्मा समइमा पाराथ्ना आउँ बचन सुनाबाक् कामै लागुहुँक्ला।”
5प्रेरितलकक् बिचार जम्माहिंलाइ मन पोर्लाहा। उहेसैर्हे उखर्ह्वा बिस्वासै भोरिबानाइ आउँ पबित्र आत्माइ पुराय रुपै चालाहिन् स्तिफनसलाइ चुन्लिहिंक्, आउँ फिलिप, प्रखरस, निकनोर, तिमोन, पर्मिनास तसौ यहुदि धर्म लेलाहार एन्टिओखियाक् अर्जाति निकोलाउसलाइ चुन्लिहिंक्। 6उखर्ह्वाइ यि मानुसलकलाइ प्रेरितलकक् आगारि आन्लाहा आउँ प्रेरितलके उखर्ह्वाक् उप्रै आफ्निक् हाथ धरिहिन् पाराथ्ना करिदेलाहा।
7यरङ् करिहिन् परमेस्वरक् बचन फिंझ्ते-फिंझ्ते जाइलकुन्। पर्भु येसुक् चेलालकक् सङ्ख्या यरुसलेममाहा झन्-झन् बर्ह्टे जाइलुहुन् आउँ थुप्रोय जेना पुझरिलकुहु पर्भु येसुलाइ बिस्वास कर्लुहुन्।
स्तिफनसलाइ पक्रल
8स्तिफनसे परमेस्वरक्भटे पुरा रुपै अनुग्रह आउँ सक्ति पाइबानाइ मानुसलकक् माझै बारा-बारा अचम्मक् कामलक् आउँ चिन्हँलक् देखायथ्। 9तसौ कुन्हुँ-कुन्हुँ मानुसलकेसेहे ओक्रालाइ बिरोध कर्बा ठाल्लिहिंक्। उखर्ह्वा यहुदि सभाघरक् “दासत्वक्भटे छुट्कारा पाइलाहारलकक् सभाघरक् मानुसलक्” कुरेनि आउँ अलेक्जेन्ड्रिया सहर, तसौ किलिकिया आउँ एसियाक् इलाकाक्भटे आइल यहुदिलक् रैल्हुहुन्। उखर्ह्वा जम्मायँजेना मिलिबानाइ स्तिफनसक्सङ्हिं बाद-बिबाद कर्बा ठाल्लुहुन्। 10तर पबित्र आत्माइ स्तिफनसलाइ यरङ् बुद्धि देलकुन्, स्तिफनस सारालटाकै ओर्को कुन्हुँय ओक्राक् आगारि टिक्बा बोइने पार्लुहुन्। 11तसौ उखर्ह्वाइ गुप्चुपे मानुसलकलाइ सुर्याइबानाइ यरङक् बोल्बा लागालाहा, “मोसा आउँ परमेस्वरक् बिरोधमाहा यहिं कहिन् कर्टे बुलिबानाइ अपमान कर्ल हामि सुन्ल धरुहुँक्ला।” 12यरङ् करिहिन् उखर्ह्वाइ कुन्हुँ-कुन्हुँ मानुसलकलाइ आउँ माहासभाइ बस्लाहार अगुवा आउँ धर्म-गुरुलकुहुलाइ सुर्यालाहा। तसौ उखर्ह्वाइ स्तिफनसलाइ पक्रिहिन् माहासभाक् आगारि आन्लिहिंक्। 13ओक्राक्पाछु उखर्ह्वाइ स्तिफनसक् बिसइमा झुँट्ठा साछि बक्लाहार मानुसलकलाइ आगारि आन्लाहा। तसौ झुँट्ठ कहिन् बक्लाहार मानुसलके बाज्बा ठाल्लुहुन्, “यि मानुस ता जख्नुहुँटौ हाम्रा पबित्र मन्दिर आउँ मोसाइ देल नियमक् बिरोधै बाज्ते बुलैस्। 14नासरतक् येसुइ यि मन्दिरलाइ भत्काइस् आउँ हामि मोसाक् पालाहिंसौ मान्टे आइल रितिथितिलकलाइ आको बद्लाइस्, बाजिहिन् यि मानुसे कहिन् कर्ल हामि आफ्निहि सुन्ल धरुहुँक्ला।” 15उबेलाइ माहासभाइ बस्ल रैल्ह जम्माहिं स्तिफनसलाइ एकेहोरि दिठाहिन् धर्लिहिंक्। ओक्राक् अन्ह्वारसेहे स्वर्गोदुतक् परौ उँजत भेहिन् चम्कल रैल्हकुन्।
Currently Selected:
प्रेरित 6: DEWZ
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
