Yohane 5

Yesu saa Yadeɛ Homeda

1Yei akyi he na Yudafoɔ ɔɔhyɛ fa, na Yesu kɔɔ Yerusalem. 2Na tadeɛ bi ya Yerusalem “Nnwantene Pono” kɛseɛ he ho a bɛfrɛ no Hebri kasa mu sɛ Betesda a ɔwɔ abranaa num. 3Ha ne ayarefoɔ pii—anifrafoɔ, mpakye, ne bɛ a bɛ fa adwodwo deda. 4[Nea ɔteɛ ne sɛ, sɛ Awurade bɔfoɔ he hono nsuo he wie a, yarefoɔ a obedi kane akɔtɔ nsuo he mu he nya ayaresa.] 5Na abranteɛ bi ya hɔ a wayare mfie aduasa-nwɔtwe. 6Berɛ a Yesu huu beema he sɛ ɔda hɔ he, na onim sɛ wayare akyɛre he, obisaa no sɛ, “Wopɛ sɛ wo ho yɛ wo dene?” 7Yarefoɔ he buaa no sɛ, “Owura, menni nipa biaa a sɛ nsuo he hono a ɔde me bɛkɔ akɔtɔ mu, na sɛ meyɛ sɛ meekɔtɔ mu a na bi adi m’anim kane akɔtɔ mu.” 8#Mat 9:6 Yesu ka kyerɛɛ no sɛ, “Sɔre fa wo kɛtɛ na nante.”

9 # Yoh 9:14 Amonom hɔaa beema he ho yɛɛ no dene, na ɔfaa ne kɛtɛ firi aseɛ nanteeɛ.

Nso na saa da he yɛ homeda. 10#Yer 17:21 Nti Yudafoɔ he ka kyerɛɛ beema a Yesu saa no yadeɛ he sɛ, “Ɔyɛ homeda, na mmara mma kwane sɛ wobɛsoa wo kɛtɛ.” 11Na obuaa bɛ sɛ, “Nea ɔsaa me yadeɛ heaa ne ka kyerɛɛ me sɛ, ‘Fa wo kɛtɛ na nante.’ ” 12Bebisaa no sɛ, “Nipa hwane ne ka kyerɛɛ wo sɛ, ‘Fa wo kɛtɛ na nante?’ ” 13Nso na nea ne ho ayɛ no dene he nnim nipa korɔ a ɔsaa no yadeɛ he, efiri sɛ na Yesu atwe ne ho kɔ, ɔnam nnipakuo a na bɛya hɔ nti. 14#Yoh 8:11 Yei akyi he, Yesu huu no asɔredane he mu, na ɔka kyerɛɛ no sɛ, “Hwɛ, wo ho ayɛ dene, nyɔ bɔne bio na nea ɔkyɛne yei amma wo so.” 15Beema he kɔka kyerɛɛ Yudafoɔ he sɛ, Yesu ne saa no yadeɛ. 16#Mat 12:14 Yei nti Yudafoɔ he hyɛɛ aseɛ sɛ bɛɛtaa Yesu, efiri sɛ ɔyɔɔ yeinom homeda. 17#Yoh 9:4 Na Yesu buaa bɛ sɛ, “M’Agya gu so ɔɔyɔ adwuma besi sesɛɛ, na me nso meeyɔ adwuma.” 18#Yoh 7:30; 10:33Na yei nti afei Yudafoɔ he hwehwɛɛ sɛ bebeku no, efiri sɛ ɔnyɛ homeda nkoaa ne wabu so, na mmom ɔfrɛ Nyankopɔn sɛ ɔno ankasa n’Agya, de yɛ ne ho sɛ ɔne Nyankopɔn yɛ pɛ.

Tumi a Ba he wɔ

19 # Yoh 3:11; 3:32 Yesu buaa bɛ sɛ, “Nɔkorɛ meeka akyerɛ ho sɛ, Ba he ankasa ntumi mmɔ ne ti mu nyɔ hwee, gye sɛ nea ohu sɛ Agya he yɔ, efiri sɛ bibiaa Agya he yɔ he, ɔno ne Ba he nso yɔ. 20#Yoh 3:35 Agya he dɔ Ba he, na ɔbɛkyerɛ no nnoɔma a ɔno ankasa yɔ nyinaa. Na ɔbɛkyerɛ no nnwuma akɛseɛ asene yeinom na ayɛ ho nwanwa. 21Na sɛnea Agya he nyane awufoɔ na ɔma bɛ nkwa he, saa ne Ba he nso de nkwa ma bɛ a ɔno ankasa pɛ. 22#Dan 7:13-14; Aso 17:31 Na Agya he mmu biaa atɛne, na mmom ɔde atemmuo nyinaa ahyɛ Ba he nsa, 23#Flp 2:10-11; 1 Yoh 2:23na ama biaa adi Ba he ni sɛnea bedi Agya he ni heaa. Nea onni Ba he ni he, onni Agya a ɔsomaa no he nso ni. 24#Yoh 3:16; 3:18 Nɔkorɛ meeka akyerɛ ho sɛ, nea otie m’asɛm na ɔgye nea ɔsomaa me he di he wɔ daa nkwa, na ɔmma atemmuom, na mmom waafiri wuom aba nkwam.

25 # Efe 2:5-6 “Nɔkorɛ meeka akyerɛ ho sɛ, berɛ he ɔɔba, na anya aduru, sɛ awufoɔ bɛte Nyankopɔn Ba he nne, na bɛ a bebetie no he benya nkwa. 26#Yoh 1:1-4 Na sɛnea Agya he wɔ nkwa ɔnoaa ne mu he, saa na ɔde ama Ba he nso sɛ onya nkwa ɔno ankasa ne mu. 27#Yoh 5:22 Na waama no tumi sɛ ommu atɛne nso, efiri sɛ ɔno ne Nipa Ba he. 28Hommma yei nyɔ ho nwanwa, efiri sɛ berɛ he ɔɔba a bɛ a bɛya adakamenam nyinaa bɛte ne nne, 29#Yoh 6:40; Dan 12:2 na bɛafiri adi, na bɛ a bɛayɔ papa he bɛkɔ nkwa wusɔreɛ mu, na bɛ a bɛayɔ bɔne he bɛkɔ fobuo wusɔreɛ mu.

Yesu ho Adansedie

30 # Yoh 5:19; 6:38 “M’ankasa mentumi mmɔ me tim nyɔ hwee. Nea mete heaa ne megyina so bu atɛne, na atɛne a mebu he tene, efiri sɛ menhwehwɛ nea m’ankasa mepɛ, na mmom nea ɔsomaa me he apɛdeɛ.

31“Sɛ m’ankasa medi me ho adanseɛ a, m’adanseɛ he nyɛ nɔkorɛ. 32#Yoh 5:36-37 Bi ya hɔ a odi me ho adanseɛ na menim sɛ adanseɛ a odi fa me ho he yɛ nɔkorɛ. 33#Yoh 1:19-34 Hosomaa binom kɔɔ Yohane nkyɛne, na odii nɔkorɛ adanseɛ, 34na me deɛ, mennye adanseɛ nipa biaa nkyɛne, na meeka yeinom na hoanya nkwa. 35Na ɔyɛ kanea a ɔdɛre na ɔhyerɛn, na ho deɛ, na hopɛ sɛ ho ani gye mmerɛ kakra ne hann mu. 36#1 Yoh 5:9; Yoh 1:33; 3:2 Nso mewɔ adanseɛ a ɔkyɛne Yohane deɛ he, efiri sɛ nnwuma a m’Agya de ahyɛ me nsa sɛ menyɔ he, nnwuma a meeyɔ heaa di me ho adanseɛ sɛ Agya heaa ne asoma me. 37#Mat 3:17 Na Agya he a ɔsomaa me he ankasa di me ho adanseɛ. Hontee ne nne, na honhuu ne su nso, 38na n’asɛm nni ho mu, efiri sɛ nea ɔsomaa me he mpo honnye no nni. 39#Luk 24:27; 2 Ti 3:15-17 “Hohwehwɛ twerɛsɛm he mu, efiri sɛ hogye di sɛ ɔno ne bɛma ho nkwa, na ɔnoaa nso ne di me ho adanseɛ. 40Nso, hommpɛ sɛ ho ba me nkyɛne na hoanya nkwa. 41Mennye animuonyam mfiri nnipa nkyɛne. 42Na menim yie sɛ honni Nyankopɔn dɔ ya ho mu. 43Maaba m’Agya dini mu, nso honnye me, sɛ foforɔ ba ɔno anakasa ne dini mu a, ɔno ne hobɛgye no. 44#Yoh 12:43 Hobɛyɔ dɛ na hoagye adi berɛ a hogye animuonyam firi hoaa ho ho, na honnye animuonyam mfiri Nyankopɔn korɔ he nkyɛne? 45#Deut 31:26 Honnsusu sɛ mɛbɔ ho soboɔ akyerɛ Agya he, na nea ɔbɔ ho soboɔ he ya hɔ, ɔno ne Mose a hode ho ani ato ne so he. 46#Gye 3:15; 49:10; Deut 18:15 Sɛ hogye Mose di a, hobegye me nso adi, efiri sɛ Mose twerɛɛ me ho asɛm. 47#Luk 16:31 Na sɛ honnye asɛm a ɔtwerɛɛ he nni a, ɔbɛyɛ dɛ na hoagye me nsɛm adi?”

Currently Selected:

Yohane 5: BBTP

Highlight

Copy