མར་ཀུ། 1

ལེའུ་དང་པོ།

ཁྲུས་གསོལ་མཁན་ཡོ་ཧ་ནན་གྱིས་ཆོས་བཤད་པ།

1 དཀོན་མཆོག་གི་སྲས་སྐྱབས་མགོན་ཡེ་ཤུའི་སྐོར་གྱི་གཏམ་བཟང་ནི་ད་འདི་གི་བྱས་ཏེ་འགོ་བཙུགས་པི་དིག 2སྔར་དང་པོ་དཀོན་མཆོག་གིས་ལུང་སྟོན་མཁན་ཡེ་ཤ་ཡཱ་ལེ་གསུངས་པི་ཅོག་འདྲ།

ངའི་ཕོ་ཉ་ཁྱོད་ཀྱི་སྔོན་ལེ་རྫོངས། །

དེས་ཁྱོད་ཀྱི་ལམ་གྲ་སྒྲིག་བགྱིད། །

3དབེན་སྟོང་ནང་ནས་བརྒྱབ་པི་སྒྲ་དེས། །

ཇོ་བོའི་ཕེབས་ལམ་གྲ་སྒྲིག་གྱིས་ཤིག །

ཁོང་གི་ཕེབས་ལམ་དེ་བདེ་མོ་བཟོས་ཤིག །

ཟིན་གསུངས་པི་དིག#1.3 ཚིགས་བཅད་འདི་ནི་ལུང་སྟོན་པ་མ་ལ་ཀིས་བྲིས་པའི་མདོ་ལེའུ་ 3 ཨང་ 1 དིང་། ལུང་སྟོན་པ་ཡེ་ཤ་ཡཱས་བྲིས་པའི་མདོ་ལེའུ་ 40 ཨང་ 3 ནང་ལེ་གཟིགས་རོགས། 4འོ་དེ་ལེ་བརྟེན་ཏེ། ཡོ་ཧ་ནན་དབེན་སྟོང་ལུང་པ་ལེ་བསྡད་དེ། མི་ཀྱ་ལེ་ཁྲུས་གསོལ་བྱས་ཏེ། སྡིག་ཉེས་སེལ་ལི་ཆེད་དུ་སྤྱོད་པ་ངན་པ་དེ་ཀྱ་སྤངས་ཏེ་སེམས་ཁུག་པའི་རྟགས་ལེ། ཁྲུས་གསོལ་བགྱིད་དགོས་འོད་ཟིན་ཆོས་བཤད་དི་དིག 5ཡ་ཧུ་དཱ་ལུང་པའི་མི་དིང་། ཡང་ཡེ་རུ་ས་གླིང་རྒྱལ་ས་ནས་ཡིན་དི་མི་མང་པོ་འཇུ་གུ་ཡོ་ཧ་ནན་འོད་ས་ལེ་འགྲོ་འོད་དིག མི་དེ་ཀྱ་ཀྱིས་རང་གི་སྡིག་པ་ལེ་ཁས་ལེན་བྱས་ཕེན། ཡོ་ཧ་ནན་གྱིས་མི་དེ་ཀྱ་ལེ་ཡོར་དན་གཙང་པོའི་ནང་ལེ་ཁྲུས་གསོལ་བྱས་པི་དིག 6ཡོ་ཧ་ནན་གྱིས་རྔ་མོང་གི་རྩིད་པ་ནས་བཟོས་པའི་ཕྱུ་པ་གྱོན་པི་དིང་། རྐེད་པ་ལེ་ཀོ་བའི་སྐ་བོ་བཅིངས་འོད་དི་མ་ཟད། ཟ་མ་ལེ་འབུ་ཨ་ཚག་ཚག་པ་དིང་སྦྲང་རྩི་བཟས་པི་དིག 7དེ་ནས་ཡོ་ཧ་ནན་གྱིས་ངའི་རྗེས་ལེ་ང་ལས་ལྷག་ཚོད་མཐུ་སྟོབས་ཆེ་བ་ཞིག་ཕེབས་འོང་གྱི་དིག ང་ནི་ཁོང་གི་ཞབས་མཐིལ་ལེ་ཟང་སླེབ་ཀྱི་མ་དིག#1.7 ཡང་གེ་རིག་གི་ཟེར་ལུགས་ནང་ལེ། ང་ནི་ཁོང་གི་ལྷམ་སྒྲོག་ཟང་འགྲོལ་མི་འོས་འོད་སྨྲས་འོད་དིག 8ངས་ཁྱེད་ཀྱ་ལེ་ཆུའི་ཁྲུས་གསོལ་བྱས་པི་ཡིན། ཡིན་ནའང་། ཁོང་གིས་ཁྱེད་ཀྱ་ལེ་དམ་པའི་ཐུགས་ཉིད་ཀྱིས་ཁྲུས་གསོལ་གནང་གྱི་དིག་ཟིན་བརྡ་བཏང་པི་དིག

སྐྱབས་མགོན་ཡེ་ཤུ་ཁྲུས་གསོལ་བཞེས་པ།

9དུས་དེ་རྒྱ་ཡེ་ཤུ་ག་ལིལ་ལུང་པའི་ནང་ལེ་འོད་ཡོད་ནཱ་ཙ་རེལ་ཟེར་རི་ཡུལ་ནས་ཕེབས་གནང་པི་དིག དེ་ནས་ཡོ་ཧ་ནན་གྱིས་ཡོར་དན་གཙང་པོའི་ནང་ལེ་ཡེ་ཤུ་ལེ་ཁྲུས་གསོལ་བྱས་པི་དིག 10དེ་ནས་ཡེ་ཤུ་ཆུའི་ནང་ནས་ཡར་ལེ་ཐོན་ལོང་མེད། ནམ་མཁའ་ཁ་ཕྱེ་སྟེ། དཀོན་མཆོག་གི་ཐུགས་ཉིད་ནི། ནམ་མཁའ་ནས་བྱ་ཕུག་མོ་འབབ་འོང་གི་ཅོག་འདྲ། རང་གི་ལུས་ལྟག་ག་ལེ་བབས་པི་དེ་ཁོང་གིས་གཟིགས་པི་དིག 11ཡང་དེ་མ་ཟད། དཀོན་མཆོག་གི་ཞིང་ཁམས་ནས། བི་སོའོ། ཁྱོད་ནི་ངའི་སྙིང་ཕྲུག་ཡིན། ང་ཁྱོད་ལེ་དགའ་སྤྲོ་ཆེན་པོ་འོད་ཟིན་གསུངས་པི་དིག

ཡེ་ཤུ་ལེ་བདུད་ཀྱི་རྒྱལ་པོ་སཱ་ཏན་གྱིས་ཉམས་ཚོད་བྱས་པ།

12དེ་ནས་དམ་པའི་ཐུགས་ཉིད་ཀྱིས་དེ་ལོང་མེད་སྐྱབས་མགོན་ཡེ་ཤུ་ལེ་བསྐུལ་ཏེ། ཁོང་མི་མེད་ལུང་སྟོང་ཞིག་ལེ་ཁྲིད་གནང་ཕེན། 13ཉིན་མ་བཞི་བཅུའི་རིང་ལེ་བདུད་ཀྱི་རྒྱལ་པོ་སཱ་ཏན་གྱིས་མི་མེད་ལུང་སྟོང་རུ་ཁོང་ལེ་ཉམས་ཚོད་བྱས་པི་དིག ཁོང་རང་གཅན་གཟན་དིང་སྐྱེན་ལེ་མི་མེད་ལུང་སྟོང་ལེ་བཞུགས་ཕེན། དཀོན་མཆོག་གི་ཕོ་ཉ་ཀྱ་ཀྱིས་ཁོང་ལེ་ཞབས་ཕྱི་ཞུས་པི་དིག

ཡེ་ཤུས་སློབ་མ་དང་པོ་ཀྱ་བོས་པ།

14ཁྲུས་གསོལ་བགྱིད་མཁན་ཡོ་ཧ་ནན་བཙོན་ཁང་ལེ་བཅུག་པི་རྗེས་ལེ། ག་ལིལ་ལུང་པ་ལེ་ཡེ་ཤུ་ཕེབས་ཏེ་དཀོན་མཆོག་གི་གཏམ་བཟང་དེ་བཤད་དི་དིག 15ཡང་ཁོང་གིས་ད་དུས་སླེབས་འདུག དཀོན་མཆོག་གི་རྒྱལ་ཁབ་དེ་ཉེ་མོ་འདུག ཁྱེད་ཀྱ་ཀྱིས་རང་གྱི་སྤྱོད་ངན་དེ་སྤངས་སྟེ་འགྱོད་བཤགས་བྱས་ཏེ། གཏམ་བཟང་འདི་ལེ་དད་པ་གྱིས་ཤིག་ཟིན་གསུངས་པི་དིག 16དེ་ནས་ཡེ་ཤུ་ག་ལིལ་མཚོའི་འགྲམ་བརྒྱུད་ནས་ཕེབས་རྒྱ། སི་མོན་དིང་། ཁོའི་ནུ་བོ་ཨན་དྲི་ཡཱ་ཟེར་མཁན་ཉ་པ་དེ་གཉིས་ཀྱིས་མཚོའི་འགྲམ་ལེ་ཉ་ཟིན་རྒྱུ་ཆེད་དུ། ཆུའི་ནང་ལེ་དྲྭ་གཡུག་གྱོ་འོད་དི་གཟིགས་ཕེན། 17ཡེ་ཤུས་ཁོ་གཉིས་པོ་ལེ། ད་ངའི་སྐྱེན་ལེ་ཤོག་དང་། ད་ལྟ་ཁྱེད་གཉིས་ཀྱིས་ཉ་འཛིན་གྱོ་འོད་དི་ཅོག་འདྲ། ངས་ཁྱེད་གཉིས་པོ་མི་ཀྱ་ལེ་ཐར་བའི་ལམ་སྟོན་བགྱིད་མཁན་ལེ་བསྐོ་གྱི་ཡིན་ཟིན་གསུངས་པི་དིག#1.17 གེ་རིག་གི་སྐད་ལུགས་ནང་ལེ། ཁྱོད་གཉིས་ད་ལྟ་ཉ་འཛིན་དི་ཅོག་འདྲ། རྗེས་མ་ངས་ཁྱོད་གཉིས་མི་འཛིན་རྒྱུ་ཆེད་དུ་བསྐོ་གྱི་ཡིན་ཟིན་འོད་དིག 18དེ་ལོང་མེད་ཁོ་གཉིས་ཀྱིས་དྲྭ་དེ་རུ་བོར་ཏེ་ཁོང་གི་རྗེས་ལེ་འབྲངས་པི་དིག 19ཡང་ཡེ་ཤུ་མཚོའི་འགྲམ་ནས་ཡར་ཚོད་ཕེབས་ཕེན། ཁོང་གིས་ཟེ་བད་ཡཱ་ཟེར་མཁན་གྱི་བི་ས་ཡ་ཀོབ་དིང་ཡོ་ཧ་ནན་ཁོ་གཉིས་པོ་ཟང་གྲུའི་ལྟག་ག་ལེ་དྲྭ་བཟོ་ལས་བགྱིད་འོད་དི་གཟིགས་པི་དིག 20དེ་ལོང་མེད་ཡེ་ཤུས་ཁོ་གཉིས་ལེ་སྐད་བཏང་ཕེན། ཁོ་གཉིས་ཀྱིས་ཟང་རང་གི་ཨ་ཀྱི་ཟེ་བད་ཡཱ་དིང་། མི་གླ་ཀྱ་གྲུའི་ནང་ལེ་བོར་ཏེ་ཡེ་ཤུའི་རྗེས་ལེ་འབྲངས་པི་དིག

ཡེ་ཤུས་གདོན་འདྲེ་བཏུལ་བ།

21དེ་ནས་ཡེ་ཤུ་དིང་སློབ་མ་ཀྱ་ཀ་ཕར་ན་ཧུམ་ཟེར་རི་ཡུལ་ལེ་ཕེབས་པི་དིང་། ངལ་གསོ་བའི་དུས་ཆེན་དེ་སླེབས་ལོང་མེད། ཡེ་ཤུ་ཡ་ཧུ་དཱ་པའི་ཚོགས་ཁང་ལེ་ཕེབས་གནང་སྟེ་མི་མང་ཀྱ་ལེ་ཆོས་གསུངས་པི་དིག 22ཁོང་གིས་ཆོས་སྟོན་སྟངས་དེ་ནི་ཡ་ཧུ་དཱ་པའི་ཆོས་ཁྲིམས་མཁས་པ་ཀྱ་ཀྱིས་བསྟན་པའི་ཆོས་དིང་མི་འདྲ། དབང་ཆ་དིང་ནུས་མཐུ་ཆེན་པོས་ངང་ནས་ཆོས་བསྟན་གནང་ཕེན། ཆོས་ལེ་ཉན་མཁན་ཀྱ་ཟང་ཁོང་ལེ་ཧ་ལས་ཆེན་པོ་བྱུང་པི་དིག 23-24དུས་དེ་རྒྱ་གདོན་འདྲེ་ཞུགས་པི་མི་ཞིག་ཚོགས་ཁང་དེའི་ནང་ལེ་བསྡད་འོད་དིག གདོན་འདྲེ་དེས་ངར་སྐད་ཆེན་པོས་ངང་ནས་ནཱ་ཙ་རེལ་གྱི་ཡེ་ཤུ། ཁྱོད་དིང་ཉེད་བར་ལེ་འབྲེལ་བ་ཅི་འོད་དོ། ཁྱོད་ཀྱིས་ཉེད་ཀྱ་རྩ་མེད་གཏོང་དུ་འོངས་པས། ཁྱོད་རང་སུ་ཡིན་མིན་ང་ལེ་ཆ་འོད། ཁྱོད་ནི་དཀོན་མཆོག་ནས་ཕེབས་པའི་དམ་པ་དེ་རང་ཡིན་དིག་སྨྲས་པི་དིག 25-26ཡིན་ནའང་། ཡེ་ཤུས་གདོན་འདྲེ་དེ་ལེ་བཀའ་བཀྱོན་གནང་སྟེ། ཁ་སྡུས་ཤིག མི་དེའི་ཁོག་ནས་ཕྱི་ལེ་ཐོན་ལེད་ཟིན་གསུངས་ལོང་མེད། གདོན་འདྲེ་དེས་མི་ཁོ་ལེ་དཀྲུགས་པི་མ་ཟད། གཟའ་ཕོག་གི་ཅོག་འདྲ་ས་ལེ་འགྱེལ་ཏེ་ངར་སྐད་ཆེན་པོས་ངང་ནས་མི་དེའི་ཁོག་ནས་ཕྱི་ལེ་ཐོན་བུད་ཕེན། 27དེ་རུ་འོད་ཡོད་མི་ཀྱ་ཀྱིས་གནས་ཚུལ་དེ་ལེ་ཧ་ལས་ཏེ། ཕན་ཚུན་གཅིག་གིས་གཅིག་ལེ། འདི་ཅི་ཡིན་ནེ། འདི་ཆོས་སྟོན་སྟངས་གསར་པ་ཞིག་ཡིན་ཤག ཁོང་གིས་དབང་ཆེན་པོས་ངང་ནས་གདོན་འདྲེ་ཀྱ་ལེ་ཟང་བཀའ་གནང་པི་མ་ཟད། གདོན་འདྲེས་ཟང་ཁོང་གི་བཀའ་ལེ་ཉན་གྱི་འདུག་ཟིན་འོད་དིག 28དེ་ནས་དེ་ལོང་མེད། ཡེ་ཤུས་མཛད་པའི་སྙན་གྲགས་དེ་ག་ལིལ་ལུང་པའི་ཕྱོགས་ཡེ་རེ་ལེ་ཁྱབ་པི་དིག

ཡེ་ཤུས་ནད་པ་མང་པོ་དྲག་ཏུ་བཅུག་པ།

29དེ་ནས་ཡེ་ཤུ་དིང་སློབ་མ་ཀྱ་ཡ་ཧུ་དཱ་པའི་ཚོགས་ཁང་ནས་ཕྱི་ལེ་ཕེབས་འོང་ལོང་མེད། ཁོང་ཀྱ་སི་མོན་དིང་ཨན་དྲི་ཡཱའི་ཁྱིམ་ལེ་ཕེབས་གནང་པི་དིག ཁོང་གི་སྐྱེན་ལེ་ཡ་ཀོབ་དིང་ཡོ་ཧ་ནན་ཁོ་གཉིས་ཟང་འོད་དིག 30དུས་དེ་རྒྱ་སི་མོན་གྱི་བུད་མེད་ཨ་མ་ལེ་ཚ་བ་སྐྱེས་ཏེ་ཉལ་ཏེ་བསྡད་འོད་དི་དིག ཁོང་ཀྱ་ཀྱིས་དེ་ལོང་མེད་ཨ་མའི་གནས་ཚུལ་ཡེ་ཤུ་ལེ་ཞུས་ཕེན། 31ཡེ་ཤུས་ཟང་ཨ་མ་མོའི་རྩ་ལེ་ཕེབས་ཏེ་ཨ་མའི་ལག་ག་ནས་འཇུས་ཏེ་ཡར་ལེ་བསྐྱོར་ཏེ་ལངས་དུ་བཅུག་པི་དིག དེ་ལོང་མེད་ཨ་མའི་ཚ་བ་དྲག་པི་མ་ཟད། མོས་ཁོང་ཀྱ་ལེ་ཞབས་ཕྱི་ཞུས་པི་དིག 32དེ་ནས་ཉིན་མ་དེའི་དགོང་མོ་སྲོད་མ་རུབ་ཚོད་ལེ། མི་ཀྱ་ཀྱིས་ནད་པ་དིང་གདོན་འདྲེ་ཞུགས་པི་མི་ཡེ་རེ་ཁོང་གི་དྲུང་དུ་ཁྲིད་འོངས་པི་དིག 33ཡང་ཡུལ་གྱི་མི་ཡེ་རེ་ཁོང་བཞུགས་སའི་ཁྱིམ་གྱི་སྒོ་རྩ་རུ་འཛོམས་འོད་དི་དིང་། 34ཁོང་གིས་ནད་རིགས་སྣ་ཚོགས་ཕོག་འོད་ཡོད་ནད་པ་ཀྱ་དྲག་ཏུ་བཅུག་པི་མ་ཟད། མིའི་ཁོག་ལེ་ཞུགས་འོད་ཡོད་གདོན་འདྲེ་དེ་ཀྱ་བཏུལ་ཏེ། གདོན་འདྲེ་ཀྱ་ལེ་ཚིག་འབུར་ཏུ་མ་བཅུག་པི་དིག ཅི་ལེ་ཟེར་ནི། གདོན་འདྲེ་དེ་ཀྱ་ཀྱིས་ཁོང་རང་སུ་ཡིན་དི་ངོ་ཤེས་གྱོ་འོད་དིག 35དེའི་སྔ་དྲོ་ནམ་མ་ལངས་པའི་སྔོན་ལེ། ཡེ་ཤུ་ཁོང་རང་ཡུལ་དེའི་ཕྱི་ལེ་འོད་ཡོད་ས་དབེན་པོ་ཞིག་ལེ་ཕེབས་ཏེ་གསོལ་བ་སྨོན་ལམ་བཏབ་སྟེ་བཞུགས་པི་དིག 36སི་མོན་དིང་ཁོའི་རོགས་ཀྱ་ཀྱིས་ཡེ་ཤུ་འཚོལ་དུ་བུད་དེ། 37ཁོང་རྙེད་ལོང་མེད། མི་ཀྱ་ཡེ་རེས་ཁྱེད་རང་འཚོལ་གྱི་འདུག་ཟིན་ཞུས་ཕེན། 38ཁོང་གིས་ད་འོ་རང་ཀྱ་ཉེ་འཁོར་གྱི་ཡུལ་ཀྱ་ལེ་ཆོས་ཤོད་དུ་འགྲོ། ང་དོན་འདི་རང་གི་ཆེད་དུ་འོངས་པི་ཡིན་ཟིན་གསུངས་པི་དིག 39འོ་དེ་ལེ་བརྟེན་ཏེ། ཁོང་རང་ག་ལིལ་ལུང་པ་ལེ་ཕེབས་ཏེ། ཡ་ཧུ་དཱ་པའི་ཚོགས་ཁང་ལེ་ཆོས་བསྟན་པི་མ་ཟད། མི་སུ་ལེ་གདོན་འདྲེ་ཞུགས་འོད་ནི་དེ་ཡེ་རེ་བཏུལ་གནང་པི་དིག

ཡེ་ཤུས་མཛེ་ནད་དྲག་ཏུ་བཅུག་པ།

40དེ་ནས་མཛེ་ནད་ཕོག་པི་མི་ཞིག་ཡེ་ཤུའི་དྲུང་དུ་འོངས་ཏེ། པུས་མོ་ས་ལེ་བཙུགས་ཏེ། གལ་སྲིད་ཁྱེད་ཀྱི་ཐུགས་མཉེས་པི་ཡིན་ནི། ཁྱེད་ཀྱིས་ངའི་མཛད་ནད་འདི་དྲག་ཏུ་འཇུག་ཐུབ་ཀྱི་དིག་ཟིན་ཞུ་བ་ཕུལ་ལི་དིག 41-42ཡེ་ཤུ་སྙིང་རྗེ་སྐྱེས་ཕེན། ཁོང་གིས་མི་དེའི་ལྟག་ག་ལེ་ཕྱག་བརྐྱངས་ཏེ། ངས་འདོད་པ་འོད། ཁྱོད་ཀྱི་མཛེ་ནད་འདི་དྲག་པར་ཤོག་ཟིན་གསུངས་ལོང་མེད། མཛེ་ནད་འདི་དྲག་པི་དིག 43-44དེ་ནས་ཁོང་གིས་ནན་ཏན་བྱས་ཏེ་ང་ལེ་ཉོན་དང་། གནས་ཚུལ་འདི་མི་སུ་ཞིག་ལེ་ཟང་མ་ཟེར་ཅིག ད་ཁྱོད་རང་ཤར་རེ་རྒྱུགས་ཤིག རང་གི་གཟུགས་པོ་ཡ་ཧུ་དཱ་པའི་མཆོད་པ་འབུལ་མཁན་ལེ་སྟོན། མི་མང་ཀྱ་ཡིད་ཆེས་པའི་ཆེད་དུ། མོ་ཤེས་བྲིས་པའི་ཁྲིམས་ནང་ལེ་ན་ཚ་དྲག་མཁན་ཀྱ་ལེ་ཁྲིམས་བཟོས་པི་ཅོག་འདྲ། དཀོན་མཆོག་ལེ་མཆོད་པ་ཕུལ་ཅིག་ཟིན་གསུངས་པི་དིག#1.43-44 ཚིགས་བཅད་འདི་ནི་ལུང་སྟོན་པ་མོ་ཤེས་བྲིས་པའི་ལེ་ཝི་ཟེར་རི་མདོ་ལེའུ་ 14 ཨང་ 1-13 ནང་ལེ་གཟིགས་རོགས། 45ཡིན་ནའང་། མི་དེས་ཁོང་གི་དྲུང་ནས་ཕ་ལེ་ཕྱིན་ཏེ། གནས་ཚུལ་དེའི་སྐོར་ལེ་ཁྱབ་བསྒྲགས་བྱས་ཕེན། ཡེ་ཤུ་ཡུལ་ག་ན་ལེ་མངོན་སུམ་དུ་ཕེབས་མ་ཐུབ་སྟེ། མི་མེད་ལུང་སྟོང་ཞིག་ལེ་བཞུགས་པི་དིག ཡིན་ནའང་། ཕྱོགས་ཡེ་རེ་ནས་མི་མང་པོ་ཁོང་གི་དྲུང་དུ་འཛོམས་འོངས་པི་དིག །

Currently Selected:

མར་ཀུ། 1: DLPO

Highlight

Copy