ལུ་ཀཱ། 2

ལེའུ་གཉིས་པ།

སྐྱབས་མགོན་ཡེ་ཤུ་འཁྲུངས་པའི་སྐོར།

1དེའི་དུས་ལེ་རོ་མཱ་གོང་མའི་རྒྱལ་པོ་སེ་བཟིར་ཨུ་རྒ་ཟི་ཏོ་ཟེར་མཁན་ཁོས་རོ་མཱའི་རྒྱལ་ཁབ་ཀྱི་མི་དམངས་ཡེ་རེ་ལེ་མིང་ཐོ་རྒྱག་དགོས་འོད་དིག་ཟིན་བཀའ་བཏང་པི་དིག 2མིང་ཐོ་རྒྱག་དགོས་རྒྱུ་དེ་ནི་ཐེང་དང་པོ་ཡིན་དི་མ་ཟད། རོ་མཱའི་རྒྱལ་ཁབ་ཀྱི་དབང་ལེ་འོད་ཡོད་སི་རི་ཡཱ་ལུང་པའི་ས་གནས་དཔོན་པོ་ཀུ་རེ་ནུ་ཡི་ཟེར་མཁན་ཁོང་གི་དུས་ལེ་བྱུང་པི་དིག 3མི་ཡེ་རེ་མིང་ཐོ་རྒྱག་ཏུ་རང་གི་ཕ་ཡུལ་ལེ་ལོག་དགོས་བྱུང་པི་དིག 4དེ་ནས་ཡོ་སེབ་ཁོ་རང་ཟང་རྒྱལ་པོ་དཱ་བིད་ཀྱི་བུ་རྒྱུད་ཡིན་དི་མ་ཟད། ཁོ་རང་ནི་ག་ལིལ་ལུང་པའི་ནང་ལེ་འོད་ཡོད་ནཱ་ཙ་རེལ་ཟེར་རི་ཡུལ་ལེ་སྡོད་གྱོ་འོད་ཕེན། ཡ་ཧུ་དཱའི་ལུང་པའི་ནང་ལེ་འོད་ཡོད་དཱ་བིད་འཁྲུངས་སའི་རྒྱལ་ས་བེད་ལེ་ཧེམ་ཡུལ་ལེ་མིང་ཐོ་རྒྱག་རྒྱུ་ཆེད་དུ། 5ཁོ་རང་དིང་ཁོ་རང་ལེ་སློང་ཆང་བཏང་ཚར་རི་མ་ཟད། སྐྱེས་རྒྱུ་འོད་ཡོད་མིར་ཡམ་མོ་ཁྲིད་དེ་མིང་ཐོ་རྒྱག་ཏུ་བུད་དི་དིག 6དེ་ནས་ཁོ་གཉིས་ཡུལ་དེ་རུ་སྡོད་རྒྱ། ཕྲུ་གུ་ཟླ་བ་ཚང་སྟེ་སྐྱེ་ཟུག་རྒྱག་གྱོ་འོད་དི་མ་ཟད། 7སྡོད་སའི་མགྲོན་ཁང་ཞིག་ཟང་མ་འབྱོར་ཕེན། སྐྱོར་ཕུག་ཞིག་གི་ནང་ལེ་སྲས་དང་པོ་དེ་འཁྲུངས་ཕེན་རས་ཞིག་ལེ་བཏུམས་ཏེ་ཆག་གཞོང་ནང་ལེ་བོར་རི་དིག

ལུག་རྫི་དིང་ཕོ་ཉའི་སྐོར།

8དེ་ནས་ཡུལ་དེའི་མཐའ་བསྐོར་ལེ་རྫི་བོ་ཀྱ་ཀྱིས་མཚན་མོ་རང་གི་ར་ལུག་ཁྱུ་སྲུང་གིན་བསྡད་འོད་ཕེན། 9དེ་ལོང་མེད་དཀོན་མཆོག་གི་ཕོ་ཉ་ཞིག་རྫི་བོ་དེ་ཀྱ་ཀྱི་རྩ་ལེ་ཕེབས་ཏེ། དཀོན་མཆོག་གི་གཟི་བརྗིད་ཀྱི་འོད་ཟེར་དེ་ཕྱོགས་ཡེ་རེ་ལེ་ཁྱབ་ཕེན། རྫི་བོ་དེ་ཀྱ་འཁྱར་སྣང་འཇུ་གུ་བྱུང་པི་དིག 10ཡིན་ནའང་། ཕོ་ཉ་དེས་རྫི་བོ་ཀྱ་ལེ། ཁྱེད་ཀྱ་འཁྱར་སྣང་མ་བགྱིད་ཅིག ངས་མི་ཡེ་རེའི་ཆེད་དུ་དགའ་སྤྲོའི་གཏམ་བཟང་ཞིག་ཤོད་དུ་འོངས་པི་ཡིན། 11དེ་རིང་རྒྱལ་པོ་དཱ་བིད་ཀྱི་རྒྱལ་སའི་ནང་ལེ། ཁྱེད་ཀྱ་ལེ་སྐྱོབ་མཁན་ཞིག་འཁྲུངས་པི་དིག ཁོང་ནི་སྐྱབས་མགོན་ཇོ་བོ་དེ་ཡིན་དིག 12ཡང་ཕྲུ་གུ་དེའི་རྟགས་དེ་ནི། ཆག་གཞོང་ནང་དུ་རས་ཞིག་ལེ་བཏུམས་ཏེ་བསྙལ་བོར་འོད་དི་ཁྱེད་ཀྱ་ཀྱིས་མཐོང་གྱི་དིག་ཟིན་སྨྲས་པི་དིག 13དེ་ནས་དེ་ལོང་མེད་ནམ་མཁའི་ཞིང་ཁམས་ལེ་བཞུགས་མཁན་དཀོན་མཆོག་གི་ཕོ་ཉ་མང་པོ་ཞིག་ཟང་ཁོང་འོད་ས་ལེ་མངོན་སུམ་དུ་ཕེབས་ཏེ། 14ཕོ་ཉ་དེ་ཀྱ་ཀྱིས།

བླ་ན་མེད་པའི་དཀོན་མཆོག་ཁྱེད་རང་ལེ་བསྟོད་པ་འབུལ་ལོ། །

ཁྱེད་ཀྱི་ཐུགས་མཉེས་པའི་ས་སྟེང་གི་མི་ཀྱ་ལེ་ཞི་བདེ་འཐོབ་པར་ཤོག །

ཟིན་སྨྲས་པི་དིག 15དེ་ནས་ཕོ་ཉ་དེ་ཀྱ་རྫི་བོའི་མདུན་ནས་ཡར་རང་འཇགས་ནམ་མཁའི་ཞིང་ཁམས་ལེ་ལོག་པའི་རྗེས་ལེ། རྫི་བོ་དེ་ཀྱ་གཅིག་གིས་གཅིག་ལེ་ད་འོ་རང་ཀྱ་བེད་ལེ་ཧེམ་གྱི་ཡུལ་ལེ། ཕོ་ཉའི་བརྒྱུད་ནས་ཇོ་བོས་འུ་ཀྱ་ལེ་གསུངས་པི་དེ་ལེ་ད་ལྟ་མགྱོགས་པོ་བལྟ་རུ་འགྲོ་ཟིན་བུད་དི་དིག 16དེ་ནས་ཁོང་ཀྱ་ཀྱིས་མིར་ཡམ་དིང་ཡོ་སེབ། ཡང་ཆག་གཞོང་ནང་ལེ་བསྙལ་བོར་རི་ཕྲུ་གུ་དེ་མཐོང་པི་དིག 17དེ་ནས་རྫི་བོ་ཀྱ་ཀྱིས་དོན་དེ་མཐོང་སྟེ། ཕོ་ཉས་ཕྲུ་གུ་དེའི་སྐོར་ལེ་སྨྲས་པའི་གཏམ་དེ་རྒྱལ་ས་ཡེ་རེ་ལེ་བཤད་དི་མ་ཟད། 18ཡང་རྫི་བོ་ཀྱ་ཀྱིས་ཅི་སྨྲས་པི་དེ་ཐོས་མཁན་མི་ཡེ་རེས་ཟང་ཧ་ལས་ཆེན་པོ་བྱུང་པི་དིག 19ཡིན་ནའང་། མིར་ཡམ་གྱིས་དེ་སྔོན་རང་ལེ་ཕོ་ཉས་ཅི་སྨྲས་པི་དོན་དེ་ཀྱ་ནི། རང་གི་སེམས་ནང་ལེ་བོར་ཏེ་བསམ་བློ་མང་པོ་བཏང་པི་དིག 20ཡང་རྫི་བོ་དེ་ཀྱ་ཕ་ལེ་ལོག་སྟེ། ཕོ་ཉས་ཅི་སྨྲས་པི་ཅོག་འདྲ་མཐོང་བའི་དོན་དེ་ཡེ་རེའི་ཆེད་དུ། དཀོན་མཆོག་ལེ་བསྟོད་པ་ཕུལ་ལི་དིག 21དེ་ནས་ཕྲུ་གུ་དེ་ཉིན་མ་བརྒྱད་ཡིན་རྒྱ། ཡ་ཧུ་དཱ་པའི་ལུགས་སྲོལ་ཅོག་འདྲ། ཕོ་མཚན་གྱི་རྩེ་ལྤགས་བཅད་དེ་མ་ཟད། ཕྲུ་གུའི་མིང་ལེ་ཡེ་ཤུ་ཟིན་བཏགས་པི་དིག མིང་དེ་ནི་མིར་ཡམ་མོ་རང་ལེ་ཕྲུ་གུ་མ་ཆགས་པའི་སྔོན་ནས་དཀོན་མཆོག་གི་ཕོ་ཉས་མོ་ལེ། ཕྲུ་གུ་དེའི་མིང་ལེ་ཡེ་ཤུ་ཐོགས་ཤིག་ཟིན་སྨྲས་ཚར་འོད་དིག#2.21 ཕོ་མཚན་གྱི་རྩེ་ལྤགས་གཅོད་རྒྱུ་དེ་ནི། ཡ་ཧུ་དཱ་པ་ཀྱ་ལེ་དཀོན་མཆོག་གིས་གནང་བའི་ཞལ་ཆད་དེ་བསྲུངས་པའི་རྟགས་ཞིག་ཡིན་དིག

མཆོད་ཁང་ནང་ལེ་ཡེ་ཤུ་ཁྱེར་རི་སྐོར།

22ཡང་ལུང་སྟོང་པ་མོ་ཤེ་ལེ་དཀོན་མཆོག་གིས་གནང་བའི་ཆོས་ཁྲིམས་ཅོག་འདྲ། ཡོ་སེབ་དིང་མིར་ཡམ་ཁོ་གཉིས་ཀྱིས་གཙང་སྦྲ་བགྱིད་རྒྱུ་དུས་དེ་སླེབས་ཕེན། ཕ་མ་གཉིས་ཀྱིས་བི་ས་ཡེ་ཤུ་ནི། ཇོ་བོ་དཀོན་མཆོག་གི་ཕྱག་ལེ་འབུལ་རྒྱུ་ཆེད་དུ། ཡེ་རུ་ས་གླིང་རྒྱལ་ས་ལེ་བུད་དི་དིག 23དེ་ནས་ཇོ་བོ་དཀོན་མཆོག་གི་ཆོས་ཁྲིམས་ཀྱི་མདོ་ལེ། སུ་ལེ་བི་ས་དང་པོ་སྐྱེས་ནི་བི་ས་དེ་ཇོ་བོའི་དྲུང་དུ་འཁྱེར་འོངས་ཏེ། ཁོང་གི་ཕྱག་ལེ་འབོར་དགོས་འོད་དིག་ཟིན་བྲིས་འོད་ཕེན། 24ཇོ་བོ་དཀོན་མཆོག་གི་ཆོས་ཁྲིམས་ཅོག་འདྲ། ཕ་མ་གཉིས་ཀྱིས་ཟང་ཕུག་མོ་ཆུང་མ་གཉིས་དམར་མཆོད་ལེ་ཕུལ་ལི་དིག 25དེ་རྒྱ་ཡེ་རུ་ས་གླིང་རྒྱལ་ས་དེ་རུ་མིང་ལེ་སི་མུ་ཨོན་ཟེར་མཁན་མི་དྲང་པོ་དིང་ཆོས་སེམས་ཆེན་པོ་འོད་ཡོད་ཞིག་འོད་དིག ཁོ་རང་ནི་ཡི་སི་ར་ཨེལ་པའི་མི་རིགས་ཀྱ་སྐྱོབ་རྒྱུ་ཡིན་དི་དུས་དེ་ལེ་སྒུག་སྡོད་མཁན་ཞིག་ཟང་ཡིན་དི་དིང་། དམ་པའི་ཐུགས་ཉིད་ཟང་མི་ཁོའི་སྐྱེན་ལེ་འོད་དི་མ་ཟད། 26ཁོ་ལེ་ཁྱོད་རང་མ་ཤི་བའི་སྔོན་ལེ་ཇོ་བོ་སྐྱབས་མགོན་དེ་མཇལ་གྱི་དིག་ཟིན་དམ་པའི་ཐུགས་ཉིད་ཀྱིས་སྔོན་མ་ནས་གསུངས་ཚར་ཕེན། 27དམ་པའི་ཐུགས་ཉིད་ཀྱིས་སི་མུ་ཨོན་ལེ་བསྐུལ་ཏེ། ཁོ་རང་མཆོད་ཁང་ལེ་འོངས་པི་དིག དུས་དེ་རྒྱ་ཆོས་ཁྲིམས་ཅོག་འདྲ་སྒྲུབ་རྒྱུ་ཆེད་དུ། མིར་ཡམ་དིང་ཡོ་སེབ་ཁོང་གཉིས་ཟང་ཡེ་ཤུ་འཁྲིད་དེ་མཆོད་ཁང་ནང་ལེ་སླེབས་པི་དིག 28སི་མུ་ཨོན་ཁོས་ཟང་ཕྲུ་གུ་དེ་པང་དུ་བླངས་ཏེ་དཀོན་མཆོག་ལེ།

29ཇོ་བོའོ། ད་ལྟ་ཁྱེད་ཀྱི་བཀའ་ཅོག་འདྲ། །

ཁྱེད་ཀྱི་ཞབས་ཕྱི་ང་ཞི་བདེ་ངང་ནས་ཤི་རུ་འཇུག་རོགས། །

30-31ཁྱེད་ཀྱིས་མི་རིགས་ཀུན་གྱི་དོན་ལེ་བརྫངས་པའི་སྐྱབས་མགོན་ནི། །

ངའི་མིག་གིས་ཁྱེད་ཀྱིས་བཀོད་གནང་བའི་ཐར་པ་དེ་མཐོང་བྱུང་། །

32ཁོང་ནི་ཕྱི་མི་ཀུན་ལེ་འོད་ཟེར་གནང་མཁན་དེ་ཡིན་དིག །

ཁྱེད་ཀྱི་མི་རིགས་ཡི་སི་ར་ཨེལ་གྱི་གཟི་བརྗིད་ཟང་ཡིན་དིག །

ཟིན་བསྟོད་པ་ཕུལ་ལི་དིག 33དེ་ནས་ཡབ་ཡུམ་གཉིས་ཀྱིས་ཟང་ཕྲུ་གུའི་སྐོར་ལེ་ཅི་སྨྲས་པི་དེ་ལེ་ཡ་མཚན་ཆེན་པོ་སྐྱེས་པི་དིག 34ཡང་སི་མུ་ཨོན་གྱིས་ཁོང་ཀྱ་ལེ་བྱིན་གྱིས་བརླབས་ཏེ། ཡུམ་མིར་ཡམ་ལེ། གཟིགས་དང་། ཕྲུ་གུ་འདི་ནི་ཡི་སི་ར་ཨེལ་པ་མང་པོ་ཞིག་ཡར་འདེགས་ཀྱི་དིག ཡང་མང་པོ་ཞིག་མར་འབེབས་ཀྱི་དིག ཡང་ཁོང་རང་ནི་དཀོན་མཆོག་མངོན་སུམ་སྟོན་རྒྱུ་ཡིན་དི་རྟགས་དེ་ཡིན་དིག ཡིན་ནའང་། མི་མང་པོ་ཞིག་གིས་ཁོང་ལེ་དགྲ་སྡང་པོ་བགྱིད་ཀྱི་དིག 35ཡང་ཕྲུ་གུ་འདི་ནི་མིའི་སེམས་ནང་ལེ་སྦས་པའི་གསང་བ་དེ་ཕྱི་ལེ་མངོན་སུམ་སྟོན་རྒྱུ་ཆེད་དུ་ཡིན་དིག ཁྱོད་ཀྱི་སེམས་ལེ་ཟང་རལ་གྲི་བཙུགས་པི་ཅོག་འདྲ་འོང་གྱི་དིག་ཟིན་སྨྲས་པི་དིག 36ཡང་དེ་རུ་ལུང་སྟོན་མཁན་ཨ་ནཱ་ཟེར་མཁན་ཨི་བི་ཞིག་འོད་དིག མོ་རང་ནི་ཨ་ཤེར་ཟེར་མཁན་གྱི་རིགས་རྒྱུད་ནས་ཡིན་དི་མ་ཟད། ཕཱ་ནུ་ཨེལ་ཟེར་མཁན་གྱི་བུ་མོ་ཡིན་དིག མོ་རང་ཆང་ས་བརྒྱབ་སྟེ་ལོ་བདུན་གྱི་རྗེས་ལེ་མོའི་ཁྱོ་ག་དེ་ཤི་པི་དིག 37དེ་ནས་མོ་རང་བློ་སེམས་ཆོས་ལེ་བུད་དེ། ལོ་བརྒྱད་ཅུ་གྱ་བཞི་ཐུབ་མོ་རང་མཆོད་ཁང་དིང་ཁ་མ་འབྲལ་ཏེ། ཉིན་མཚན་མེད་སྨྱུང་གནས་སྲུང་གྱོ་འོད་དི་མ་ཟད། གསོལ་བ་སྨོན་ལམ་བཏབ་སྟེ་དཀོན་མཆོག་ལེ་བསྙེན་བཀུར་འབུལ་གྱོ་འོད་དིག 38ཡང་སི་མུ་ཨོན་གྱིས་ཕྲུ་གུ་དེ་ཅི་གི་ཞིག་འོང་རྒྱུ་ཡིན་དི་སྐོར་དེ། ཕ་མ་གཉིས་ལེ་སྐད་ཆ་ཤོད་རྒྱ། ཨི་བི་མོ་རང་ཟང་། ཁོང་ཀྱ་ཀྱི་རྩ་ལེ་འོངས་ཏེ། ཕྲུ་གུ་དེའི་ཆེད་དུ་དཀོན་མཆོག་ལེ་བསྟོད་པ་ཕུལ་ལི་མ་ཟད། ཨི་བི་མོས་ཡེ་རུ་ས་གླིང་གི་ཐར་བའི་ཉིན་མོ་དེ་ལེ་སྒུག་སྡོད་མཁན་མི་ཡེ་རེ་ལེ། ཕྲུ་གུ་དེའི་སྐོར་ཡང་ནས་ཡང་དུ་ལབ་གླེང་བྱས་པི་དིག 39དེ་ནས་ཕྲུ་གུའི་ཡབ་ཡུམ་གཉིས་ཀྱིས་ཇོ་བོའི་ཆོས་ཁྲིམས་ཅོག་འདྲ་ཡེ་རེ་བསྒྲུབས་ཚར་རི་རྗེས་ལེ། ག་ལིལ་ལུང་པའི་ནང་ལེ་འོད་ཡོད་རང་གི་ཡུལ་ནཱ་ཙ་རེལ་ལེ་ལོག་པི་དིག 40དེ་ནས་བི་ས་ཡེ་ཤུ་ཁོང་རང་འཚར་ལོངས་བྱུང་སྟེ་སེམས་ལེ་སྟོབས་དིང་བློ་ལེ་ཤེས་རབ་རྒྱས་པི་མ་ཟད། ཡང་དཀོན་མཆོག་གི་ཐུགས་རྗེ་གཟིགས་སྐྱོང་དེ་ཟང་ཁོང་གི་སྐྱེན་ལེ་གནས་འོད་དིག

ཡེ་ཤུ་མཆོད་ཁང་ནང་ལེ་བཞུགས་པའི་སྐོར།

41ཡང་ལོ་གྲངས་སྲོག་ཐར་རི་དུས་ཆེན་དེ་ལེ། ཡེ་ཤུའི་ཡབ་ཡུམ་གཉིས་ཟང་ཡེ་རུ་ས་གླིང་རྒྱལ་ས་ལེ་འགྲོ་འོད་དིག 42ཡེ་ཤུ་དགུང་ལོ་བཅུ་གཉིས་ཡིན་རྒྱ། ནམ་རྒྱུན་ཅོག་འདྲ་དུས་ཆེན་ལེ་ཁོང་ཀྱ་ཡེ་རུ་ས་གླིང་ལེ་བུད་དི་དིག 43ཡང་དུས་ཆེན་དེ་ནུས་པི་རྗེས་ལེ་ཁོང་ཀྱ་ཚུར་ལོག་འོང་རྒྱ། བི་ས་ཡེ་ཤུ་ནི་ཡེ་རུ་ས་གླིང་རུ་བཞུགས་པི་དེ་ཡབ་ཡུམ་གཉིས་ཀྱིས་ཧ་མ་གོ་ཕེན། 44-45ཡབ་ཡུམ་གཉིས་སེམས་པ་ལེ། ཁོང་རང་ལམ་རོགས་ཀྱ་ཀྱི་དཀྱིལ་ལེ་འོངས་འོད་དྲོ་བསམས་ཏེ་ཉིན་མ་གཅིག་གི་ས་ལེ་བུད་དི་དིག ཡིན་ནའང་། ཡབ་ཡུམ་གྱིས་བི་ས་ཡེ་ཤུ་རང་གི་གཉེན་ཚན་དིང་བྲངས་རོགས་ཀྱི་ནང་ལེ་བཙལ་ཏེ་མ་རྙེད་ཕེན། འཚོལ་གིན་འཚོལ་གིན་ཡེ་རུ་ས་གླིང་གི་རྒྱལ་ས་ལེ་རང་འཇགས་ལོག་པི་དིག 46དེ་ནས་ཉིན་མ་གསུམ་འགོར་རི་རྗེས་ལེ་ཡེ་ཤུ་ནི་མཆོད་ཁང་གི་དྭངས་རའི་ནང་ལེ། སློབ་དཔོན་ཀྱ་ཀྱི་དཀྱིལ་ལེ་ཆོས་ལེ་ཉན་ཏེ། བཀའ་འདྲི་གནང་སྟེ་བཞུགས་འོད་དི་ཡབ་ཡུམ་གཉིས་ཀྱིས་མཐོང་པི་དིག 47ཡང་ཡེ་ཤུས་བློ་ཤེས་རབ་ཆེན་པོས་ངང་ནས་ལན་རྒྱག་གྱོ་འོད་དི་མ་ཟད། ཐོས་མཁན་མི་ཡེ་རེས་ཟང་ཧ་ལས་བགྱིད་འོད་དིག 48ཡང་ཡབ་ཡུམ་གཉིས་ཀྱིས་ཟང་དོན་དེ་མཐོང་སྟེ་ཡ་མཚན་ཆེན་པོ་སྐྱེས་ཏེ། ཡུམ་གྱིས་བི་སོའོ། ཁྱོད་ཀྱིས་ཅི་ལེ་ཉེད་ལེ་འདི་གི་བགྱིད་དི་ཡིན་དོ། ལྟོས་དང་། ཁྱོད་ཀྱི་ཨ་ཀྱི་ཉེད་གཉིས་ཀྱིས་སེམས་འཚབས་ངང་ནས་ཁྱོད་ལེ་འཇུ་གུ་བཙལ་ལི་ཡིན་སྨྲས་ཕེན། 49ཡེ་ཤུས་ཁྱེད་ཀྱ་ཀྱིས་ཅིའི་ཆེད་དུ་ང་ལེ་འཚོལ་ལི་ཡིན་དོ། ང་ནི་རང་གི་ཡབ་ཀྱི་ཕོ་བྲང་ལེ་སྡོད་དགོས་འོད་དི་ཁྱེད་གཉིས་ལེ་ཆ་མེད་དས་གསུངས་པི་དིག 50ཡིན་ནའང་། ཡབ་ཡུམ་གཉིས་ཀྱིས་ཁོང་གིས་ཅི་གསུངས་གནང་བའི་དོན་དག་དེ་ཧ་མ་གོ་པི་དིག 51དེ་ནས་ཡེ་ཤུ་ཁོང་རང་ཡབ་ཡུམ་གཉིས་དིང་སྐྱེན་ལེ། སྨད་ཕྱོགས་ནས་བྱས་ཏེ་ནཱ་ཙ་རེལ་ཡུལ་ལེ་ཕེབས་ཏེ། ཡབ་ཡུམ་གཉིས་ཀྱི་བཀའ་ལེ་ཉན་ཏེ་བཞུགས་པི་དིག ཡིན་ནའང་། ཡུམ་གྱིས་དོན་དེ་ཡེ་རེ་རང་གི་སེམས་ནང་ལེ་བོར་རི་དིག 52ཡང་ཡེ་ཤུ་ནི་ཉིན་རེ་ནས་ཉིན་རེ་ཤེས་རབ་དིང་། གཟུགས་སྟོབས། དཀོན་མཆོག་གིས་ཁོང་ལེ་ཐུགས་འགྱེས་པོ། ཡང་མི་ཡེ་རེས་ཟང་ཁོང་ལེ་འཐད་པོ་བགྱིད་འོད་དི་མ་ཟད། བརྩི་བཀུར་ངང་ནས་ཁོང་རང་ཚར་ལོང་བྱུང་པི་དིག །

Currently Selected:

ལུ་ཀཱ། 2: DLPO

Highlight

Copy