ཡོ་ཧ་ནན། 21

ལེའུ་ཉི་ཤུ་རྩ་གཅིག

ཡེ་ཤུས་རང་གི་སྐུ་གཟུགས་མངོན་སུམ་སློབ་མ་ཀྱ་ལེ་བསྟན་པ།

1དེ་ནས་ཡང་དོན་དེའི་རྗེས་ལེ། ཏི་པེར་ཡཱ་ཟེར་རི་མཚོ་འགྲམ་དུ་ཡེ་ཤུས་སློབ་མ་ཀྱ་ལེ་རང་གི་སྐུ་གཟུགས་མངོན་སུམ་དུ་བསྟན་གནང་པི་དིག ཅི་གི་བྱས་ཏེ་མངོན་སུམ་དུ་བསྟན་གནང་པི་ཡིན་དིག་ཟེར་ནི།#21.1 ཏི་པེར་ཡཱ་ཟེར་རི་མཚོ་དེ་ལེ། ག་ལིལ་མཚོ་ཟང་ཟིན་འོད་དིག 2དང་པོ། སློབ་མ་སི་མོན་པེ་ཏྲོ་དིང་། མིང་འདོགས་ལེ་མཚེ་མ་ཟེར་མཁན་ཐོ་མཱ་དིང་། ག་ལིལ་ལུང་པའི་ནང་ལེ་འོད་ཡོད་ཡུལ་ཀ་ནཱ་ནས་ཡིན་དི་མིང་ལེ་ནཱ་ཐན་ཨེལ་ཟེར་མཁན་དིང་། ཡང་ཟེ་བད་ཡཱ་ཟེར་མཁན་གྱི་བི་ས་གཉིས་དིང་། ཡང་ཁོང་གི་སློབ་མ་གཉིས་ཟང་མི་དེ་ཀྱ་ཀྱི་སྐྱེན་ལེ་འོད་དིག 3སི་མོན་པེ་ཏྲོ་ཁོས། ད་ང་ནི་ཉ་འཛིན་དུ་འགྲོ་གྱི་ཡིན་སྨྲས་ཕེན། སློབ་མ་གཞན་མ་ཀྱ་ཀྱིས་ཉེད་ཀྱ་ཟང་། ཁྱོད་ཀྱི་སྐྱེན་ལེ་འགྲོ་གྱི་ཡིན་ཟིན་སྨྲས་པི་དིག དེ་ནས་ཁོང་ཀྱ་ཡེ་རེ་གྲུའི་ནང་ལེ་བཞོན་ཏེ་བུད་དི་དིག ཡིན་ནའང་། འདིའི་མཚན་མོ་ཁོང་ཀྱ་ཀྱིས་ཉ་གཅིག་ཟང་འཛིན་མ་ཐུབ་པི་དིག 4ཡང་ནམ་མ་ལངས་ཚོད་ཡེ་ཤུ་མཚོའི་འགྲམ་དུ་ཡར་ལངས་ཏེ་བསྡད་འོད་དིག ཡིན་ནའང་། སློབ་མ་ཀྱ་ཀྱིས་ཁོང་ནི་ཡེ་ཤུ་ཡིན་དི་ངོ་མ་ཤེས་པི་དིག 5དེ་ནས་ཡེ་ཤུས་སློབ་མ་ཀྱ་ལེ། བི་སོའོ། ཁྱེད་ཀྱ་ཀྱིས་ཉ་ཟིན་མ་ཐུབ་བྱུང་གས་ཟིན་གསུངས་ཕེན། ཁོང་ཀྱ་ཀྱིས་ཁོང་ལེ། ཉེད་ཀྱ་ཀྱིས་ཟིན་མ་ཐུབ་བྱུང་ཟིན་ཞུས་པི་དིག 6ཡང་ཁོང་གིས་ཁྱེད་ཀྱ་ཀྱིས་གྲུའི་གཡས་ཕྱོགས་ལེ་དྲྭ་གཡུགས་དང་། ཉ་འཛིན་ཐུབ་ཀྱི་དིག་ཟིན་གསུངས་ལོང་མེད། ཁོང་ཀྱ་ཀྱིས་ཟང་དྲྭ་དེ་ཆུའི་ནང་ལེ་གཡུགས་པི་དིག དེ་ནས་དྲྭ་ནང་ལེ་ཉ་མང་པོ་འཇུ་གུ་ཟིན་ཐུབ་ཕེན། དྲྭ་དེ་གྲུའི་ནང་ལེ་འཐེན་མ་ཐུབ་པི་དིག 7དེ་ནས་ཡེ་ཤུས་གཅེས་པོ་གནང་ས་སློབ་མ་ཁོས་པེ་ཏྲོ་ལེ། ཁོང་ནི་ཇོ་བོ་ཡིན་དིག་ཟིན་སྨྲས་ཕེན། སི་མོན་པེ་ཏྲོས་ལབ་འདི་ཐོས་ལོང་མེད། ཁོས་ནང་གོས་གྱོན་འགྲོ་ནས་མ་གྱོན་ཏེ། ཡང་ཁ་གྱོན་དེ་ཟང་རྐེད་པ་ལེ་དཀྲིས་ཏེ་ཆུའི་ནང་ལེ་མཆོངས་པི་དིག 8ཡང་སློབ་མ་གཞན་མ་ཀྱ་གྲུ་ལེ་བཞོན་ཏེ་མཚོ་འགྲམ་དིང་བར་ཐག་རིང་ལོད་གོམ་རྒྱང་བརྒྱ་ཚོད་མཚོའི་ནང་ལེ་ཉ་འོད་ཡོད་དྲྭ་དེ་དྲུད་འོངས་པི་དིག 9དེ་ནས་ཁོང་ཀྱ་མཚོའི་འགྲམ་ལེ་སླེབས་རྒྱ། དེ་རུ་མེ་བཏང་འོད་དི་མ་ཟད། ཡང་མེའི་ལྟག་ག་ལེ་ཉ་ཤ་དིང་། སྒོར་ཕྱེ་ཟང་འོད་དི་ཁོང་ཀྱ་ཀྱིས་མཐོང་པི་དིག 10དེ་ནས་ཡེ་ཤུས་ཁོང་ཀྱ་ལེ། ཁྱེད་ཀྱ་ཀྱིས་ཟིན་པའི་ཉ་ཁ་ཤས་ཞིག་འདི་རུ་ཁྱེར་ལེད་དང་ཟིན་གསུངས་ཕེན། 11སི་མོན་པེ་ཏྲོ་གྲུའི་ནང་ལེ་ཕྱིན་ཏེ། དྲྭ་དེ་མཚོའི་འགྲམ་ལེ་འཐེན་འོངས་པི་དིག ཡང་དྲྭ་དེའི་ནང་ལེ་ཉ་ཆེན་པོ་པ་རྐྱང་བརྒྱ་རིང་ལྔ་བཅུ་ང་གསུམ་འོད་དི་མ་ཟད། ཉ་འོ་དེ་གི་མང་པོ་འོད་ནའང་དྲྭ་དེ་མ་རྡོལ་ལི་དིག 12ཡང་ཡེ་ཤུས་ཁོང་ཀྱ་ལེ། ཁྱེད་ཀྱ་ཚུར་ཤོག ཞོགས་ཇ་ཟོས་དང་ཟིན་གསུངས་ཕེན། ཁོང་ཀྱ་ཀྱིས་ཁོང་ནི་ཇོ་བོ་ཡིན་དི་ངོ་ཤེས་པི་དིག ཡིན་ནའང་། སློབ་མ་སུ་ཞིག་གིས་ཟང་ཁོང་ལེ། ཁྱེད་རང་སུ་ཡིན་དོས་ཟིན་བཀའ་འདྲི་ཞུ་མ་ཕོད་པི་དིག 13དེ་ནས་ཡེ་ཤུ་ཁོང་ཀྱ་ཀྱི་མདུན་ལེ་འོངས་ཏེ། སྒོར་ཕྱེ་ཕྱག་ལེ་བསྣམས་ཏེ། ཁོང་ཀྱ་ལེ་གཏད་དི་དིག ཡང་དེ་ཅོག་འདྲ་ཉ་ཤ་དེ་ཟང་ཕྱག་ལེ་བསྣམས་ཏེ་ཁོང་ཀྱ་ལེ་གཏད་དི་དིག 14ཡེ་ཤུ་ཁོང་རང་སྐུ་གྲོངས་ཏེ་ཡང་དང་གསོན་པོ་བྱུང་བའི་རྗེས་ལེ། རང་གི་སློབ་མ་ཀྱ་ལེ་སྐུ་གཟུགས་མངོན་སུམ་བསྟན་གནང་པི་དེ་ནི་ལན་མ་གསུམ་པ་ཡིན་དིག

ཡེ་ཤུས་ཡང་དང་སློབ་མ་པེ་ཏྲོ་ལེ་ཡིད་ཆེས་རུ་བཅུག་པ།

15དེ་ནས་སློབ་མ་ཀྱ་ཀྱིས་ཞོགས་ཇ་བཟའ་ནུས་བའི་རྗེས་ལེ། ཡེ་ཤུས་སི་མོན་པེ་ཏྲོ་ལེ། ཡོ་ཧ་ནན་གྱི་བི་ས་སི་མོན། ཁྱོད་ཀྱིས་ཁོང་ཀྱ་ལས་ལྷག་ཚོད་ང་ལེ་བརྩེ་བ་བགྱིད་འོད་དས་ཟིན་གསུངས་ཕེན། ཁོས་བགྱིད་འོད་ཆེ། ཇོ་བོ། ངས་ཁྱེད་ལེ་བརྩེ་བ་འོད་དི་ཁྱེད་ཀྱིས་མཁྱེན་གནང་གྱོ་འོད་དིག་ཟིན་ཞུས་པི་དིག དེ་ནས་ཡེ་ཤུས་ཁོ་ལེ། ཁྱེད་ཀྱིས་ངའི་ལུ་གུ་ཀྱ་དགའ་མོ་བྱས་ཏེ་སྐྱོངས་ཤིག་ཟིན་གསུངས་པི་དིག 16ཡང་དང་ཡེ་ཤུས་སི་མོན་པེ་ཏྲོ་ལེ། ཡོ་ཧ་ནན་གྱི་བི་ས་སི་མོན། ཁྱོད་ཀྱིས་ང་ལེ་བརྩེ་བ་བགྱིད་འོད་དས་ཟིན་གསུངས་ཕེན། ཁོས་བགྱིད་འོད་ཆེ། ཇོ་བོ། ངས་ཁྱེད་རང་ལེ་བརྩེ་བ་འོད་དི་ཁྱེད་ཀྱིས་མཁྱེན་གནང་གྱོ་འོད་དིག་ཟིན་ཞུས་པི་དིག ཡང་དང་ཁོང་གིས་ཁྱོད་ཀྱིས་ངའི་ལུག་ཀྱ་དགའ་མོ་བྱས་ཏེ་སྐྱོངས་ཤིག་ཟིན་གསུངས་པི་དིག 17ཡང་དང་ཡེ་ཤུས་ཁོ་ལེ། ཡོ་ཧ་ནན་གྱི་བི་ས་སི་མོན། ཁྱོད་ཀྱིས་ང་ལེ་བརྩེ་བ་བགྱིད་འོད་དས་ཟིན་ལན་མ་གསུམ་དྲིས་ཕེན། པེ་ཏྲོ་སེམས་སྐྱོ་རེ། ཁོས་ཇོ་བོ་ལེ། ཁྱེད་ནི་དོན་ཡེ་རེ་མཁྱེན་གནང་གྱོ་འོད་ཕེན། ངས་ཁྱེད་རང་ལེ་བརྩེ་བ་འོད་མེད་དི་ཟང་། ཁྱེད་ཀྱིས་མཁྱེན་གནང་གྱོ་འོད་དིག་ཟིན་ཞུས་ཕེན། ཡེ་ཤུས་ཁོ་ལེ། ཁྱོད་ཀྱིས་ངའི་ལུག་ཀྱ་དགའ་མོ་བྱས་ཏེ་སྐྱོངས་ཤིག་ཟིན་གསུངས་པི་དིག 18ཡང་ཡེ་ཤུས་པེ་ཏྲོ་ལེ། ང་ཁྱོད་ལེ་བདེན་པ་ཟེར་རོ། ཁྱོད་རང་ན་སོ་གཞོན་ནུ་ཡིན་རྒྱ། རང་གི་སྐ་བོ་རང་གིས་བཅིངས་ཏེ་ག་ན་ལེ་འགྲོ་འདོད་འོད་ནའང་འགྲོ་རྒྱུ་འོད་དིག ཡིན་ནའང་། ན་སོ་རྒན་པོ་ཡིན་རྒྱ། ཁྱོད་ཀྱིས་རང་གི་ལག་ག་ཡར་བརྐྱངས་ཏེ། མི་གཞན་མ་གྱིས་ཁྱོད་ལེ་སྐ་བོ་བཅིངས་ཏེ། ཁྱོད་རང་འགྲོ་འདོད་མེད་དི་ས་ལེ་འཁྲིད་འགྲོ་གྱི་དིག་ཟིན་གསུངས་པི་དིག 19ཡེ་ཤུས་འོད་དེ་གསུང་གི་དོན་དེ་ནི། པེ་ཏྲོས་རྗེས་མ་དཀོན་མཆོག་གི་གཟི་བརྗིད་སྟོན་རྒྱུ་དོན་ལེ། ཁོ་རང་དཀའ་སྡུག་ཆེན་པོ་མྱངས་ཏེ་ཤི་དགོས་པའི་སྐོར་ལེ་ལུང་བསྟན་གནང་པི་དིག ཡང་ཡེ་ཤུས་པ་ཏྲོ་ལེ། ཁྱོད་ངའི་རྗེས་ལེ་འབྲོངས་ལེད་ཅིག་ཟིན་གསུངས་པི་དིག

20དེ་ནས་པེ་ཏྲོ་ཁ་ཚུར་ལེ་བསྐོར་ཏེ་ལྟ་རྒྱ། ཡེ་ཤུས་གཅེས་པོ་གནང་ས་སློབ་མ་ཁོས་དེ་སྔོན་ཁོང་ཡེ་རེ་སྐྱེན་ལེ་དགོང་མའི་བཞེས་ལག་མཆོད་དི་དུས་ལེ། ཡེ་ཤུའི་སྐུ་གཟུགས་ལེ་མགོ་བསྙེས་ཏེ། ཇོ་བོ། ཁྱེད་རང་དགྲའི་ལག་ལེ་གཏོད་མཁན་དེ་སུ་ཡིན་གོ་ཟིན་འདྲི་མཁན་ཁོ་རང་ཟང་། ཡེ་ཤུའི་རྗེས་ལེ་འབྲངས་པི་དེ་པེ་ཏྲོས་མཐོང་པི་དིག 21དེ་ནས་པེ་ཏྲོས་ཡེ་ཤུ་ལེ། ཇོ་བོ། མི་འདི་ལེ་དོན་ཅི་འོང་འོད་དི་གོ་ཟིན་ཞུས་ཕེན། 22ཡེ་ཤུས་ཁོ་ལེ། ང་མ་སླེབ་བར་དུ་གལ་སྲིད་ཁོ་རང་ད་རུང་གསོན་པོ་གནས་རྒྱུ་དེ་ང་ལེ་འདོད་པ་འོད་ནི། ཁྱོད་རང་དོན་དེ་ལེ་འབྲེལ་བ་ཅི་འདུག་གོ། ངའི་རྗེས་ལེ་འབྲོངས་ལེད་ཅིག་ཟིན་གསུངས་པི་དིག 23འོ་དེ་ལེ་བརྟེན་ཏེ། སློབ་མ་དེ་ཤི་གྱི་མི་དིག་ཟེར་རི་གཏམ་དེ་ནི། དད་པ་གཅིག་པའི་སྤུན་ཟླའི་ནང་ལེ་ཁྱབ་པི་དིག ཡིན་ནའང་། ཡེ་ཤུས་སློབ་མ་དེ་ཤི་གྱི་མ་དིག་ཟིན་གསུངས་མ་གནང་པི་དིག ང་མ་སླེབ་བར་དུ་གལ་སྲིད་ཁོ་རང་གསོན་པོ་གནས་རྒྱུ་དེ་ང་ལེ་འདོད་པ་འོད་ནི། ཁྱོད་རང་དོན་དེ་ལེ་འབྲེལ་བ་ཅི་འདུག་གོ་ཟིན་གསུངས་པི་དིག

མཇུག་བསྡུའི་གཏམ།

24དོན་དེ་ཀྱ་ལེ་བདེན་དཔང་བྱས་པི་མ་ཟད། དོན་འདི་ཀྱ་ཡི་གེ་ལེ་བྲིས་མཁན་དེ་ནི། སློབ་མ་ཁོ་རང་ཡིན་དིག ཉེད་ཀྱ་ཀྱིས་ཟང་ཁོས་བྱས་པའི་བདེན་པའི་དཔང་པོ་དེ་ཟང་བདེན་པ་ཡིན་དི་ཧ་གོ་བྱུང་། 25ཡེ་ཤུས་མཛད་པའི་ཕྱག་ལས་མང་པོ་འཇུ་གུ་འོད་ཕེན། གལ་སྲིད་ཁོང་གིས་མཛད་པའི་ཕྱག་ལས་དེ་ཡེ་རེ་རིན་པ་བཞིན་དུ། མདོ་ནང་ལེ་བྲིས་པི་ཡིན་ནི། འཇིག་རྟེན་འདིའི་ནང་ལེ་ཤོང་སྲིད་ཀྱི་མ་དིག ། ། །

Currently Selected:

ཡོ་ཧ་ནན། 21: DLPO

Highlight

Copy