མཛད་པ། 14

ལེའུ་བཅུ་བཞི།

ཕོལ་ལོལ་དིང་པར་ན་པཱ་གཉིས་ཀྱིས་ཨི་ཀོན་ཡཱ་རྒྱལ་ས་ལེ་ཆོས་བཤད་པ།

1ཡང་དེ་སྔོན་ཕོལ་ལོལ་དིང་པར་ན་པཱ་ཁོ་གཉིས་ཀྱིས་ཨི་ཀོན་ཡཱ་རྒྱལ་སའི་ནང་ལེ་འོད་ཡོད་ཡ་ཧུ་དཱ་པའི་ཆོས་ཀྱི་ཚོགས་ཁང་ལེ་ཕྱིན་ཏེ། དེ་རུ་ཁོ་གཉིས་ཀྱིས་ཆོས་སྟོན་སྟངས་དགའ་མོ་དེ་ལེ་བརྟེན་ཏེ། ཡ་ཧུ་དཱ་པ་དིང་གེ་རིག་གི་མི་མང་པོ་ཞིག་ཟང་དད་པ་བྱས་པི་དིག 2ཡིན་ནའང་། དད་པ་མི་བགྱིད་མཁན་ཡ་ཧུ་དཱ་པ་ཀྱ་ཀྱིས་ཕྱིའི་མི་ཀྱ་ཀྱི་སེམས་དཀྲུགས་ཕེན། ཕྱི་མི་ཀྱ་ཀྱིས་ཕོལ་ལོལ་དིང་པར་ན་པཱ་ཁོ་གཉིས་ལེ་ཞེ་སྡང་ལངས་པི་དིག 3འོ་དེ་ལེ་བརྟེན་ཏེ། ཁོ་གཉིས་རྒྱལ་ས་དེ་རུ་ཡུན་རིང་པོ་བསྡད་དི་མ་ཟད། ཇོ་བོ་ཡེ་ཤུ་ལེ་བརྟེན་ཏེ་བློ་སྟོབས་ཆེན་པོས་ངང་ནས་ཆོས་བསྟན་པི་དིག ཡང་ཁོ་གཉིས་ཀྱིས་རྟགས་དིང་ངོ་མཚར་གྱི་དོན་མང་པོ་སྒྲུབ་ཕེན། ཇོ་བོ་ཡེ་ཤུ་ཁོང་གིས་ཟང་རང་གི་ཐུགས་རྗེ་གཟིགས་སྐྱོང་གི་བཀའ་དེ་མི་དེ་ཀྱ་ལེ་བདེན་དཔང་མཛད་པི་དིག 4ཡིན་ནའང་། རྒྱལ་ས་དེའི་ནང་གི་མི་ཀྱ་ནི་ཕྱོགས་ཁག་གཉིས་བྱུང་ཕེན། ལ་ལས་དད་པ་མི་བགྱིད་མཁན་ཡ་ཧུ་དཱ་པའི་ཕྱོགས་བྱས་པི་དིང་། ཡང་ལ་ལས་སྐུ་ཚབ་ཀྱ་ཀྱི་ཕྱོགས་བྱས་པི་དིག 5དུས་དེ་རྒྱ་ཕྱིའི་མི་དིང་། ཡང་ཁོང་ཀྱ་ཀྱི་དཔོན་པོ་ཀྱ་ཀྱིས་ཟང་རུབ་སྟེ། ཕོལ་ལོལ་དིང་པར་ན་པཱ་ཁོ་གཉིས་ལེ་བརྙས་བཅོས་བགྱིད་རྒྱུ་དིང་། རྡོ་རུབ་གཏོང་རྒྱུ་ཇུས་ངན་བྱས་པི་དིག 6ཡིན་ནའང་། ཁོ་གཉིས་ཀྱིས་གནས་ཚུལ་དེ་ཧ་གོ་སྟེ། ལི་ཀ་ཨོན་ཡཱ་ཟེར་རི་ཡུལ་གྱི་ལིས་ཏྲཱ་དིང་ཌེར་སྦེ་རྒྱལ་ས་དེ་གཉིས་ཀྱི་ཉེ་འགྲམ་གྱི་ཡུལ་གཡས་གཡོན་ལེ་བྲོས་པི་དིག 7ཡུལ་དེ་རུ་ཟང་ཡང་ཁོ་གཉིས་ཀྱིས་མུ་མཐུད་དེ་ཇོ་བོ་ཡེ་ཤུའི་གཏམ་བཟང་བཤད་དི་དིག

སྐུ་ཚབ་ཁོ་གཉིས་ཀྱིས་ལིས་ཏྲཱ་དིང་ཌེར་སྦེ་རྒྱལ་ས་ལེ་ཆོས་བཤད་པ།

8ཡང་ལིས་ཏྲཱ་རྒྱལ་ས་ལེ་མི་ཞིག་སྐྱེས་དུས་ནས་ཕེན་གོམ་པ་དུས་ནམ་ཟང་རྒྱག་མྱོང་མེད་མེད་རྐང་པ་ཞ་རིལ་ཞིག་བསྡད་འོད་དིག 9དེ་ནས་ཁོས་ཕོལ་ལོལ་གྱི་ཆོས་བཤད་དེ་ལེ་ཉན་ཕེན། ཕོལ་ལོལ་གྱིས་ཟང་རྐང་པ་ཞ་རིལ་ཁོ་ལེ་དགའ་མོ་བྱས་ཏེ་བལྟས་ཕེན། མི་དེ་ལེ་རང་གི་ན་ཚ་དྲག་ཐུབ་པའི་དད་པ་འོད་དི་མཐོང་པི་དིག 10ཡང་ཕོལ་ལོལ་གྱིས་སྐད་ཆེན་པོས་ངང་ནས་ཁྱོད་ཀྱིས་རང་གི་རྐང་པ་ས་ལེ་བཙུགས་ཏེ་ཡར་ལོངས་དང་ཟིན་སྨྲས་ལོང་མེད། ཞ་རིལ་ཁོ་ཡར་ལངས་ཐུབ་པི་མ་ཟད། མཆོངས་ཏེ་ཕར་འགྲོ་ཚུར་འགྲོ་བྱས་པི་དིག 11དེ་ནས་ཕོལ་ལོལ་གྱིས་བྱས་པའི་དོན་དེ་མི་ཚོགས་ཀྱིས་མཐོང་སྟེ་སྐད་ཆེན་པོས་ངང་ནས་ལི་ཀ་ཨོན་ཡཱའི་ཡུལ་སྐད་ནང་ལེ། ལྷ་རྣམས་མིའི་གཟུགས་ནང་ལེ་འུ་ཀྱ་ཀྱི་དཀྱིལ་ལེ་བབས་འདུག་ཟེར་རི་དིང་། 12ཡང་མི་དེ་ཀྱ་ཀྱིས་ཟུ་སཱི་ཟེར་རི་ལྷ་དེའི་མིང་དེ་པར་ན་པཱ་ལེ་བཏགས་པི་དིག ཕོལ་ལོལ་ནི་གསུང་མཁན་གཙོ་བོ་དེ་ཡིན་ཕེན། ཁོ་ལེ་ཧེར་མཱེ་ཟེར་རི་ལྷའི་མིང་དེ་བཏགས་པི་དིག#14.12 ཟུ་སཱི་ཟེར་དོན་དེ་ནི། གེ་རིག་གི་མི་མང་ཀྱ་ཀྱིས་བརྩི་ས་ལྷ་གཙོ་བོ་ཞིག་ཡིན་དི་དིང་། ཡང་ཧེར་མཱེ་ཟེར་རི་ལྷ་དེ་ནི་གསུང་མཁན་གཙོ་བོ་དེ་ཡིན་དིག 13རྒྱལ་སའི་ཕྱི་ལེ་འོད་ཡོད་ཟུ་སཱིའི་ལྷ་ཁང་གི་མཆོད་པ་འབུལ་མཁན་ཁོ་རང་ཟང་མི་མང་དིང་སྐྱེན་ལེ། སྐུ་ཚབ་ཁོ་གཉིས་ལེ་དམར་མཆོད་ཀྱི་མཆོད་པ་འབུལ་རྒྱུ་ཆེད་དུ། མེ་ཏོག་དིང་གླང་པོ་ཁ་ཤས་འཁྲིད་འོངས་ཏེ་སྒོ་འགྲམ་དུ་སླེབས་པི་དིག 14ཡིན་ནའང་། སྐུ་ཚབ་པར་ན་པཱ་དིང་ཕོལ་ལོལ་ཁོ་གཉིས་ཀྱིས་དོན་དི་ཧ་གོ་སྟེ་འཐད་པོ་མ་བྱུང་ཕེན། རང་གི་སྟོད་ཙེའི་ཧྲལ་ཏེ། མི་ཚོགས་ཀྱི་ནང་ལེ་རྒྱུགས་འོངས་ཏེ་སྐད་ཆེན་པོས་ངང་ནས། 15ཁྱེད་མི་ཚོགས་ཀྱ། ཅི་ལེ་འོ་འདི་གི་བགྱིད་དི་ཡིན་དོ། ཉེད་གཉིས་ནི་ཁྱེད་ཀྱ་དིང་ཅོག་འདྲ་མི་ཡིན། ཁྱེད་ཀྱ་ཀྱིས་ཁུངས་ལུང་མེད་མེད་དོན་འདི་ཀྱ་སྤངས་ཏེ། ནམ་མཁའ་དིང་ས་གཞི། རྒྱ་མཚོ། དེའི་ནང་ལེ་འོད་ཡོད་ཡེ་རེ་བཀོད་གནང་མཁན་དིང་། དུས་རྟག་ཏུ་གསོན་པོ་བཞུགས་མཁན་དཀོན་མཆོག་ལེ། ཁྱེད་ཀྱ་ཀྱིས་དད་པ་བགྱིད་རྒྱུ་ཆེད་དུ། ཉེད་གཉིས་ཀྱིས་ཁྱེད་ཀྱ་ལེ་གཏམ་བཟང་ཤོད་དུ་འོངས་པི་ཡིན། 16སྔོན་མའི་དུས་ལེ། ཁོང་གིས་མི་རིགས་ཀུན་ལེ་སོ་སོའི་འདོད་པ་ཅོག་འདྲ་བགྱིད་དུ་བཅུག་གནང་པི་དིག 17ཁྱེད་ཀྱ་ལེ་ཕྱག་ལས་བཟང་པོ་གནང་བའི་བརྒྱུད་ནས། ཁོང་ནི་བཟང་པོ་ཡིན་དི་བདེན་དཔང་གནང་པི་དིག དཔེར་ན། ཁོང་གིས་ཁྱེད་ཀྱ་ལེ་དུས་རྟག་ཏུ་ཐུགས་རྗེ་གནང་སྟེ། ནམ་མཁའ་ནས་ཆར་ཆུ་དིང་ས་ལེ་ལོ་ཏོག་སྐྱེས་རུ་བཅུག་གནང་ཕེན། ཁྱེད་ཀྱ་ལེ་བཟའ་བཏུང་རང་བཞིན་འོད་དི་མ་ཟད། ཁོང་གིས་ཁྱེད་ཀྱ་ལེ་དགའ་སྤྲོ་སྐྱེ་རུ་བཅུག་གནང་པི་དིག་ཟིན་སྨྲས་པི་དིག 18ཡང་ཁོ་གཉིས་ཀྱིས་འོ་དེ་གི་ཟིན་ཤོད་རྒྱ། མི་ཚོགས་ཀྱིས་ཁོ་གཉིས་ལེ་དམར་མཆོད་ཀྱི་མཆོད་པ་འབུལ་རྒྱུ་ཆེད་དུ། ཨུ་ཚུགས་བགྱིད་འོད་ཕེན་འགེག་རྒྱུ་ལེ་དཀའ་ལས་ཁག་པོ་བྱུང་པི་དིག

19ཡིན་ནའང་། ཨན་ཏི་ཡོག་ཡཱ་དིང་ཨི་ཀོན་ཡཱ་རྒྱལ་ས་ནས་འོངས་པའི་ཡ་ཧུ་དཱ་པ་ཁ་ཤས་ཀྱིས་མི་ཀྱ་ལེ་ངན་སྐུལ་བྱས་ཕེན། མི་ཀྱ་ཀྱིས་ཕོལ་ལོལ་ལེ་རྡོ་རུབ་བཏང་པི་མ་ཟད། ཁོ་ཤི་ཚར་རི་ཡིན་དིག་བསམས་ཏེ། ལིས་ཏྲཱ་རྒྱལ་སའི་ཕྱི་ལེ་དྲུད་དེ་གཡུགས་པི་དིག 20ཡིན་ནའང་། དད་པ་བགྱིད་མཁན་ཀྱ་ཀྱིས་ཁོའི་མཐའ་བསྐོར་ལེ་འཛོམས་འོངས་ཏེ་རོགས་རམ་བྱས་ཕེན། ཁོ་རང་ཡར་ལངས་ཏེ། ཡང་དང་ལིས་ཏྲཱ་རྒྱལ་སའི་ནང་ལེ་ལོག་པི་དིག དེ་ནས་དེའི་སྔ་དྲོ་ཁོ་རང་པར་ན་པཱ་དིང་སྐྱེན་ལེ་ཌེར་སྦེ་རྒྱལ་ས་ལེ་བུད་དི་དིག

སི་རི་ཡཱ་ལུང་པའི་ཨན་ཏི་ཡོག་ཡཱ་རྒྱལ་ས་ལེ་རང་འཇགས་ལོག་འགྲོ་བ།

21དེ་ནས་ཕོལ་ལོལ་དིང་པར་ན་པཱ་ཁོ་གཉིས་ཀྱིས་རྒྱལ་ས་དེའི་མི་ཀྱ་ལེ་སྐྱབས་མགོན་ཡེ་ཤུའི་གཏམ་བཟང་བཤད་ཕེན། མི་མང་པོ་ཞིག་རང་གི་སློབ་མ་ལེ་བསྐོས་པའི་རྗེས་ལེ། ཁོ་གཉིས་ལིས་ཏྲཱ་དིང་། ཨི་ཀོན་ཡཱ་དིང་། ཨན་ཏི་ཡོག་ཡཱ་རྒྱལ་ས་ལེ་རང་འཇགས་ལོག་པི་དིག 22འུ་ཀྱ་དཀོན་མཆོག་གི་རྒྱལ་ཁབ་ནང་ལེ་འགྲོ་རྒྱ། དཀའ་ངལ་མང་པོ་མྱོང་དགོས་འོང་གྱི་དིག་ཟིན། དེ་རུ་འོད་ཡོད་རྗེས་འབྲང་པ་ཀྱ་ལེ་སེམས་ཤུགས་སྤར་ཏེ། མུ་མཐུད་དེ་དད་པ་བརྟན་པོ་བགྱིད་དགོས་པའི་སྐོར་ལེ་ཁ་བསྒོས་བཅུག་པི་དིག 23དེ་ནས་ཁོ་གཉིས་ཀྱིས་ཡེ་ཤུའི་ཆོས་ཚོགས་རེ་རེ་ལེ་བློ་འགེལ་བགྱིད་ཆོག་པའི་མི་ཁ་ཤས་ཞིག་འགན་ཁུར་བགྱིད་མཁན་ལེ་བསྐོས་པི་རྗེས་ལེ། སྨྱུང་གནས་བསྲུངས་ཏེ་དཀོན་མཆོག་ལེ་གསོལ་བ་སྨོན་ལམ་བཏབ་པི་མ་ཟད། མི་དེ་ཀྱ་ཀྱི་དད་པ་བཅོལ་ས་དེ་ནི། ཇོ་བོ་ཡེ་ཤུ་ཡིན་ཕེན། ཁོང་གི་ཕྱག་ལེ་བཅོལ་ལི་དིག 24དེ་ནས་ཁོ་གཉིས་པི་སི་དི་ཡཱ་ལུང་པ་བརྒྱུད་ནས་ཕམ་ཕིལ་ཡཱ་ཟེར་རི་ལུང་པ་ལེ་སླེབས་པི་དིང་། 25ཕིར་གེ་རྒྱལ་ས་ལེ་དཀོན་མཆོག་གི་བཀའ་བཤད་དི་རྗེས་ལེ་སྨད་ཕྱོགས་ཀྱི་ཨ་ཏལ་ཡཱ་རྒྱལ་ས་ལེ་བུད་དི་དིག 26རྒྱལ་ས་དེ་ནས་གྲུ་གཟིངས་ཞིག་ལེ་བཞོན་ཏེ། སིར་ཡཱ་ལུང་པའི་རྒྱལ་ས་ཨན་ཏི་ཡོག་ཡཱ་ལེ་རང་འཇགས་ལོག་པི་དིག ས་ཆ་དེ་ནི་སྔོན་མ་ཆོས་ཚོགས་ཀྱིས་ཁོ་གཉིས་དཀོན་མཆོག་གི་ཐུགས་རྗེ་གཟིགས་སྐྱོང་གི་ནང་ལེ་བཅོལ་སའི་ས་ཆ་དེ་ཡིན་དི་མ་ཟད། ཁོ་གཉིས་ཀྱིས་ད་ལྟ་ལས་དོན་དེ་ཀྱ་བསྒྲུབས་ཚར་རི་བྱས་པི་དིག 27ཁོ་གཉིས་རྒྱལ་ས་དེ་རུ་སླེབས་པའི་རྗེས་ལེ། ཆོས་ཚོགས་ཀྱ་འཛོམས་འོངས་ཏེ། དཀོན་མཆོག་གིས་ཁོ་གཉིས་བརྒྱུད་ནས་དོན་ཅི་མཛད་པི་དེ་ཀྱ་དིང་། ཡ་ཧུ་དཱ་པ་མིན་པའི་ཕྱི་མི་ཀྱ་ལེ་དད་པའི་སྒོ་དེ་ཅི་གི་བྱས་ཏེ་ཕྱེ་གནང་འོད་མེད་དེའི་གནས་ཚུལ་ཡེ་རེ་སྨྲས་པི་དིག 28དེ་ནས་ཁོ་གཉིས་ཀྱིས་ཡེ་ཤུ་ལེ་དད་པ་བགྱིད་མཁན་ཀྱ་དིང་སྐྱེན་ལེ་རྒྱལ་ས་དེ་རུ་ཡུན་རིང་པོ་བསྡད་དི་དིག །

Currently Selected:

མཛད་པ། 14: DLPO

Highlight

Copy