མཛད་པ། 12

ལེའུ་བཅུ་གཉིས།

སྐུ་ཚབ་པེ་ཏྲོ་བཙོན་ཁང་ལེ་བཅུག་པ།

1དེའི་དུས་ལེ་ས་གནས་རྒྱལ་པོ་ཧེ་རོ་དཱེ་ཁོས་ཆོས་ཚོགས་ཀྱི་མི་ཁ་ཤས་ལེ་གནོད་འཚེ་སྐྱེལ་རྒྱུ་ཆེད་དུ། དམག་མི་བརྫངས་ཏེ་འཛིན་བཟུང་བགྱིད་དུ་བཅུག་པི་དིག 2རྒྱལ་པོ་ཧེ་རོ་དཱེ་ཁོས་སྐུ་ཚབ་ཡོ་ཧ་ནན་གྱི་ཨ་ཇོ་ཡ་ཀོབ་ལེ་རལ་གྲིས་བརྒྱབ་སྟེ་གསོད་དུ་བཅུག་པི་དིག 3དེ་ནས་ཡ་ཧུ་དཱ་པ་ཀྱ་ཀྱིས་གནས་ཚུལ་དེ་མཐོང་སྟེ། དགའ་རི་བགྱིད་འོད་དི་རྒྱལ་པོ་ཧེ་རོ་དཱེ་ཁོས་ཧ་གོ་ཕེན། པེ་ཏྲོ་ཟང་འཛིན་བཟུང་བགྱིད་དུ་བཅུག་པི་དིག དུས་དེ་ནི་སྐྱུར་རྩི་མེད་མེད་སྒོར་ཕྱེ་ཟ་བའི་དུས་ཆེན་ཡིན་དིག 4ཡང་སྲོག་ཐར་རི་དུས་ཆེན་དེ་རྫོགས་པའི་རྗེས་ལེ། མི་ཀྱ་ཀྱི་མདུན་ལེ་པེ་ཏྲོ་འཁྲིད་དེ་ཁྲིམས་གཏུག་རྒྱུ་ཆེད་དུ། ཧེ་རོ་དཱེ་ཁོས་པེ་ཏྲོ་འཛིན་བཟུང་བྱས་ཏེ་བཙོན་ཁང་ལེ་བཅུག་པི་མ་ཟད། དམག་མི་བཅུ་དྲུག་དེ་ཀྱ་ལེ། མི་བཞི་བཞི་རེ་མོས་བྱས་ཏེ་སྲུང་དུ་བཅུག་པི་དིག 5ཡང་པེ་ཏྲོ་བཙོན་ཁང་ལེ་འོད་རྒྱ། ཆོས་ཚོགས་ཀྱིས་པེ་ཏྲོ་དོན་ལེ་སེམས་གཏིང་ནས་དཀོན་མཆོག་ལེ་གསོལ་བ་སྨོན་ལམ་བཏབ་པི་དིག

སྐུ་ཚབ་པེ་ཏྲོ་བཙོན་ཁང་ནས་ཐར་བ།

6དེ་ནས་ཧེ་རོ་དཱེ་ཁོས་པེ་ཏྲོ་ལེ་ཁྲིམས་གཅོད་བགྱིད་རྒྱུ་ཡིན་དི་ཉིན་མ་དེའི་མཚན་མོ་ལེ། ཁོའི་རྐང་ལག་ལེ་ལྕགས་ཐག་གིས་བསྡམས་ཏེ་བོར་ཕེན། ཁོ་རང་དམག་མི་གཉིས་ཀྱི་བར་ཀ་ལེ་གཉིད་ཤོར་འོད་དི་མ་ཟད། དམག་མི་གཞན་མ་ཀྱ་ཀྱིས་བཙོང་ཁང་གི་རྒྱལ་སྒོ་དེ་སྲུང་སྟེ་བསྡད་འོད་དིག 7དེ་ལོང་མེད་ཇོ་བོ་དཀོན་མཆོག་གི་ཕོ་ཉ་ཞིག་མངོན་སུམ་དུ་ཕེབས་ཏེ། པེ་ཏྲོའི་སྡོད་སའི་ཁང་མིག་ནང་ལེ་འོད་ཟེར་ཤར་རི་དིག དེ་ནས་ཕོ་ཉ་དེས་པེ་ཏྲོ་ལེ་གཉིད་དཀྲོགས་ཏེ། མགྱོགས་པོ་ཡར་ལོངས་ཤིག་ཟིན་གསུངས་ལོང་མེད། ཁོའི་ལག་ག་ལེ་བསྡམས་བོར་རི་ལྕགས་ཐག་དེ་གྲོལ་ལི་དིག 8ཡང་ཕོ་ཉས་ཁོ་ལེ་སྐ་བོ་བཅིངས་ཤིག ཟོམ་པ་གྱོན་ཟིན་གསུངས་ཕེན། པེ་ཏྲོས་ཟང་ཕོ་ཉས་ཅི་གསུངས་ཅོག་འདྲ་བྱས་པི་དིག ཡང་ཕོ་ཉས་པེ་ཏྲོ་ལེ། ཁྱོད་ཀྱིས་ཁ་གྱོན་དེ་གྱོན་ཏེ་ངའི་རྗེས་ལེ་ཤོག་ཟིན་གསུངས་ཕེན། 9ཕོ་ཉའི་རྗེས་ལེ་འབྲངས་ཏེ་བཙོན་ཁང་ནས་ཕྱི་ལེ་ཐོན་པི་དིག ཡིན་ནའང་། པེ་ཏྲོས་ཕོ་ཉས་ཅི་མཛད་པའི་དོན་དེ་ལེ་ཡིད་མ་ཆེས་ཏེ། འདི་ནི་ཞལ་གཟིགས་ཤིག་ཡིན་དིག་བསམས་པི་དིག 10དེའི་རྗེས་ལེ། ཁོ་གཉིས་སྲུང་དམག་གི་སྒོ་དང་པོ་དིང་གཉིས་པ་ནས་ཐར་ཏེ། རྒྱལ་སྒོའི་འགྲམ་ལེ་སླེབས་ལོང་མེད། རྒྱལ་སྒོ་ཆེན་པོ་དེ་ཟང་སྒོ་བྱེ་འོངས་ཕེན། ཁོང་གཉིས་བཙོན་ཁང་དེ་ནས་ཐོན་ཏེ། རྒྱལ་སའི་སྲང་ལམ་ཞིག་གི་བརྒྱུད་ནས་འགྲོ་རྒྱ། ཕོ་ཉ་དེ་མིག་གིས་མཐོང་ས་མེད་མེད་བྱུང་པི་དིག 11དེ་ནས་པེ་ཏྲོས་དོན་ཅི་བྱུང་པི་དེ་ནི་བདེན་པ་ཡིན་དི་ཧ་གོ་ཕེན། ད་ལྟ་ཇོ་བོ་དཀོན་མཆོག་གིས་ཕོ་ཉ་བརྫངས་ཏེ། ཧེ་རོ་དཱེའི་བཙན་དབང་དིང་། ཡ་ཧུ་དཱ་པ་ཀྱ་ཀྱིས་ང་གསོད་རྒྱུ་ལེ་རེ་བ་བྱས་པི་དེ་ནས་བསྐྱབས་པི་ངས་ངོ་ཐོག་ཧ་གོ་བྱུང་ཟིན་གཅིག་ལབ་བརྒྱབ་པི་དིག 12དེ་ནས་ཁོས་དོན་དེ་ཧ་གོ་ཕེན། ཡོ་ཧ་ནན་མར་ཀུ་ཟེར་མཁན་གྱི་ཨ་མ་མིར་ཡམ་གྱི་ཁྱིམ་ལེ་བུད་དི་དིག དུས་དེ་རྒྱ་དེ་རུ་མི་མང་པོ་ཞིག་སྐྱེན་ལེ་འཛོམས་ཏེ་གསོལ་བ་སྨོན་ལམ་འདེབས་གིན་བསྡད་འོད་དིག 13པེ་ཏྲོས་ཁྱིམ་དེའི་སྒོ་བརྡུངས་ཕེན། རོལ་དཱ་ཟེར་མཁན་གཡོག་མོ་མོས་སྒོ་ཕྱེ་རུ་འོངས་པི་དིག 14ཡང་མོས་པེ་ཏྲོའི་སྐད་ཡིན་དི་ཧ་གོ་ཕེན། དགའ་རི་འཇུ་གུ་བྱུང་སྟེ་སྒོ་ཕྱེ་ལོང་ཟང་མ་བྱུང་སྟེ། ཁྱིམ་ནང་ལེ་བརྒྱུགས་འོངས་ཏེ། པེ་ཏྲོ་སྒོ་རྩ་ལེ་སླེབས་འདུག་ཟིན་སྨྲས་ཕེན། 15ཁྱིམ་ནང་ལེ་འོད་ཡོད་མི་ཀྱ་ཀྱིས་མོ་ལེ། ཁྱོད་སྨྱོ་འདུག་གས་སྨྲས་ནའང་། གཡོག་མོ་མོས་ངོ་ཐོག་ཁོ་རང་ཡིན་དིག་ཟིན་ནན་ཏན་བྱས་ཏེ་སྨྲས་པི་དིག དེ་ནས་ཁོང་ཀྱ་ཀྱིས་མོ་ལེ། འོ་ནེ། ཁོ་རང་ལེ་སྲུང་སྐྱོབ་བགྱིད་མཁན་ཕོ་ཉ་ཞིག་ཡིན་འགྲོ་སྨྲས་པི་དིག 16ད་རུང་ཟང་པེ་ཏྲོས་མུ་མཐུད་དེ་སྒོ་བརྡུངས་ཕེན། སྒོ་ཕྱེས་ཏེ་བལྟས་ཕེན། ངོ་ཐོག་པེ་ཏྲོ་མཐོང་སྟེ་ཁོང་ཀྱ་ཧ་ལས་འཇུ་གུ་བྱུང་པི་དིག 17དེ་ནས་པེ་ཏྲོས་ཁོང་ཀྱ་ལེ་ལབ་ཅི་གང་མ་ཟེར་རི་ཟིན་ལག་བརྡ་བྱས་ཏེ། ཇོ་བོ་དཀོན་མཆོག་གིས་ཁོ་རང་ལེ་ཅི་གི་བྱས་ཏེ་བཙོན་ཁང་ནས་ཕྱི་ལེ་ཁྲིད་དི་གནས་ཚུལ་ཁོང་ཀྱ་ལེ་བཤད་དི་མ་ཟད། ཁྱེད་ཀྱ་ཀྱིས་ཟང་གནས་ཚུལ་དེ་ཡ་ཀོབ་དིང་ཆོས་གྲོགས་སྤུན་ཟླ་གཞན་མ་ཀྱ་ལེ་ཤོད་ཅིག་སྨྲས་པའི་རྗེས་ལེ། ཁོ་རང་ཕྱི་ལེ་ཐོན་ཏེ་ཡུལ་གཞན་མ་ཤིག་ལེ་བུད་དི་དིག

18དེ་ནས་ནམ་ལངས་པི་རྗེས་ལེ་སྲུང་དམག་ཀྱ་ཀྱིས་པེ་ཏྲོ་ག་ན་ལེ་བུད་མ་བུད་ཧ་མ་གོ་སྟེ་ཟང་ཟིང་རག་རུག་བགྱིད་འོད་དིག 19ཡང་རྒྱལ་པོ་ཧེ་རོ་དཱེ་ཁོས་ཟང་སྲུང་དམག་ཀྱ་ལེ་བཀའ་གནང་སྟེ། རྩད་གཅོད་བགྱིད་དུ་བཅུག་ནའང་པེ་ཏྲོ་མ་བརྙེད་ཕེན། བཙོན་ཁང་གི་སྲུང་དམག་ཀྱ་ལེ་འདྲི་གཅོད་བྱས་ནའང་ཧ་མ་གོ་པི་དིག དེ་ནས་དུས་མཐའ་མ་སྲུང་དམག་དེ་ཀྱ་གསོད་དགོས་པའི་བཀའ་བཏང་པི་དིག དེའི་རྗེས་ལེ་ཧེ་རོ་དཱེ་ཁོས་ཟང་ཡ་ཧུ་དཱ་ལུང་པ་ནས་ཀེ་སར་ཡཱ་རྒྱལ་ས་ལེ་ཕྱིན་ཏེ་དེ་རུ་གཞིས་ཆགས་པི་དིག

རྒྱལ་པོ་ཧེ་རོ་དཱེ་ཤི་བའི་སྐོར།

20དེ་ནས་རྒྱལ་པོ་ཧེ་རོ་དཱེ་ཁོ་རང་ནི། ཐཱ་ཨེར་དིང་ཚི་དོན་ཟེར་རི་རྒྱལ་སའི་མི་ཀྱ་ལེ་འཇུ་གུ་ཁྲོས་པི་དིག ཡིན་ནའང་། འབྲུ་རིགས་ནི་རྒྱལ་པོ་ཧེ་རོ་དཱེ་སྡོད་སའི་ལུང་པ་ནས་འབྱོར་གྱོ་འོད་ཕེན། རྒྱལ་ས་དེ་གཉིས་ཀྱི་དཔོན་པོ་ཀྱ་ཀྱིས་རྒྱལ་པོ་ཧེ་རོ་དཱེའི་བློན་པོ་པཱ་ལ་སི་ཐོ་ཟེར་མཁན་ཁོང་དིང་སྐྱེན་ལེ་གྲོས་བསྡུར་བྱས་ཏེ། ཁོང་ཀྱ་རྒྱལ་པོའི་དྲུང་དུ་བློ་སེམས་གཅིག་བྱས་ཏེ། ཞི་བདེ་དིང་མཐུན་འཇམ་བཟོ་རོགས་ཟིན་རེ་བ་ཞུས་པི་དིག 21ཡང་གྲོས་བསྡུར་བགྱིད་རྒྱུ་ཉིན་མ་དེ་སླེབས་རྒྱ། རྒྱལ་པོ་ཧེ་རོ་དཱེ་ཁོས་རྒྱལ་པོའི་ཆས་གོས་གྱོན་ཏེ། ཁྲི་ལྟག་ག་ལེ་བསྡད་དེ་མི་ཀྱ་ལེ་གཏམ་སྨྲས་པི་དིག 22ཡང་མི་ཀྱ་ཀྱིས་ཟང་རྒྱལ་པོ་ཧེ་རོ་དཱེ་ལེ། གསུང་སྐད་འདི་ནི། ལྷའི་གསུང་སྐད་མ་མཏོགས་མིའི་གསུང་སྐད་མ་དིག་ཟིན་སྐད་ཆེན་པོ་རྒྱག་གྱོ་འོད་དིག 23ཡང་རྒྱལ་པོ་ཁོས་མི་ཀྱ་ཀྱིས་རང་ལེ་བསྟོད་ར་བཏང་པི་དེ་ལེ་ཁས་ལེན་བྱས་ཏེ། དཀོན་མཆོག་ལེ་བསྟོད་པ་མ་ཕུལ་ཕེན། དེ་ལོང་མེད་ཇོ་བོ་དཀོན་མཆོག་གི་ཕོ་ཉ་ཞིག་གིས་རྒྱལ་པོ་ལེ་ནད་ཀྱིས་ཉེས་ཆད་བཏང་ཕེན། ཁོའི་ཁོག་ལེ་འབུ་བརྒྱབ་ཏེ་ཤི་པི་དིག

24ཡིན་ནའང་། དཀོན་མཆོག་གི་བཀའ་དེ་ནི། རིམ་པ་བཞིན་དུ་དར་ཞིང་རྒྱས་འགྲོ་འོད་དིག 25དེ་ནས་པར་ན་པཱ་དིང་སོ་ལོ་ཁོ་གཉིས་ཀྱི་ལག་ལེ་བཅོལ་པའི་རྒྱུ་ནོར་ཀྱི་ལས་འགན་དེ་ཀྱ། ཡེ་རུ་ས་གླིང་རྒྱལ་སའི་ཆོས་ཚོགས་ཀྱ་ལེ་གཏད་དི་རྗེས་ལེ། ཡོ་ཧ་ནན་མར་ཀུ་ཁོ་ཟང་འཁྲིད་དེ་ཕར་རང་འཇགས་ཨན་ཏི་ཡོག་ཡཱ་རྒྱལ་ས་ལེ་ལོག་པི་དིག །

Currently Selected:

མཛད་པ། 12: DLPO

Highlight

Copy